Nga: Muhamed VELIU

Vetëm disa orë pasi ministri shqiptar i Rendit, Luan Rama, ka hedhur firmën në marrëveshjen e ripranimit me Anglinë, dhe ka mbaruar shampanjën e servirur me këtë rast me ambasadorin Landsman, në mijërat e shqiptarëve në Britaninë e Madhe, të cilët jetojnë aty ilegalisht, ky lajm ka ardhur tronditës. Ata që kanë ndjekur nëpërmjet kanaleve shqiptare në satelit pamjet filmike të nëshkrimit të kësaj marrëveshjeje, janë shtangur dhe për një moment janë habitur se si qeveria e Tiranës ndërmerrte një hap të tillë. Bëhet fjalë për një marrëveshje të dy ditëve më parë mes ministrit shqiptar të Rendit, Luan Rama, dhe ambasadorit anglez në Tiranë, David Landsman. Sipas marrëveshjes, të gjithë shqiptarët që jetojnë ilegalisht në Mbretërinë e Bashkuar do të riatdhesohen, "me qëllim minimizimin e zhvillimit të emigracionit ilegal". Firma e Ramës në marrëveshje, sipas tij, është një tregues i zhvillimit të marrëdhënieve dypalëshe Shqipëri-Angli dhe përmbushjes së detyrimeve europiane, për të cilat vendi ynë po angazhohet. Por nga ana tjetër, tani Shqipërisë i duhet të ndeshet me mijëra shqiptarët e dëbuar. Të menjëhershme kanë qenë edhe reagimet e komunitetit shqiptar që jeton në Angli, të cilët janë të frikësuar nga "fshesa" britanike.

Reagimet
"Firmosja e marrëveshjes është një hap shumë i nxituar, pasi shumë shqiptarë nuk kanë kushte të përshtatshmë të kthehen si në Kosovë dhe në Shqipëri. Nëse emigrantët shqiptarë do të kthehen atje, ata do të bëhen barrë e shoqërisë, kur dihet që problemet ekonomike janë gjithnjë në rritje", ka thënë Telat Pllana, kryetar i shoqatës "Faik Konica" në Londër. Ndërkohë D.Dema, punonjës i këshillit të emigrantëve në Birmingham, e ka konsideruar Marrëveshjen e Ripranimit si të njëanëshme, "e cila bën që emigrantët shqiptarë në Britaninë e Madhe nuk përfitojnë fare". "Nga bisedat që kam pasur rreth këtij problemi, me shqiptarë që jetojnë në Angli, vërej se ata janë shumë të indinjuar me administratën shqiptare, e cila jo vetëm që nuk mund t'i ndihmojë ata jashtë, por tani po del kundër integrimit të tyre me marrëveshje kthimi të këtij lloji", ka thënë Dema. Në të njëjtën kohë Ismet Gega, kryetar i shoqatës "Shqiponja Northhampton", është shprehur: "Eshtë një marrëveshje e nxituar, duke menduar se gjendja ekonomike në Shqipëri nuk është në nivelin që t'i përgjigjet numrit të emigrantëve që do të kthehen. Megjithëse tani kjo marrëveshje është firmosur, mendoj se duhej gjetur një kompromis, një rrugë e mesme për të mos arritur në këtë marrëveshje ekstreme dhe të dëmshme për emigrantët shqiptarë në Angli". Edhe emigrantë të ndryshëm që ndodhen në Angli shprehen të frikësuar. Një grua shqiptare që banon në lagjen "Manor Park" tha se ndihet e frikësuar nga kthimi i mundshëm, pasi ka humbur dy gjyqe. Tonini nga Vau i Dejës, një student informatike, i cili është tërësisht në "të zezë", që nga tetori i shkuar, mendon se të gjithë njerëzit nuk duhen futur në një thes. "E dimë që ka kriminelë dhe njerëz që janë të përfshirë në krime dhe më vjen mirë që atyre po u vjen fundi. Por ç'taksirat kemi ne të tjerët, të na kthejnë, kur po ndërtojmë një jetë të re dhe po shkollohemi".

Kthimet

Kapja dhe dërgimi i azilkërkuesve shqiptarë do të bëhet nga policia angleze në bashkëpunim me autoritet e emigracionit. Në javët e fundit, në stacionet e trenit në lagjet "Barking", "Ilford", "Stratford", "Harringey" dhe shumë stacione të tjera, sipas shumë shqiptarëve, policë civilë kanë bërë ndalimin e tyre në orët e para të mëngjesit, kur ata nisen për në punë dhe kanë bërë verifikimin e dokumenteve. Nuk kanë munguar vizitat e befasishme, natën nga policia, në adresat ku sipas Ministrisë së Rendit, "Home Office", jetojnë azilantë shqiptarë. Pas verifikimit të mospasjes së dokumenteve, emigrantët dërgohen në qendrat e grumbullimit, të quajtura "Detentions Centre", nga ku më pas dërgohen në vendet e tyre. Sipas burimeve të brendshme në këto qendra, një herë në javë nga aeroporti i Gatëikut ngrihet një avion me destinacion Prishtinën dhe Tiranën.

Flet Ambasadori shqiptar në Londër
Robo: Marrëveshja është sukses !!!!

Në të kundërt të emigrantëve në Angli, është shprehur ambasadori shqiptar në Londër, Kastriot Robo. "Do ta quaja një sukses arritjen e kësaj marrëveshjeje midis dy qeverive, e cila bëhet në kuadrin e marrëveshjes dypalëshe për të qenë partnerë në luftën kundër trafiqeve ilegale dhe krimit të organizuar. Jemi të vendosur të realizojmë standardet me Bashkimin Europian, si një kërkesë për anëtarësimin e vendit tonë në BE", ka thënë Robo. Sipas tij, e vështira dhe e keqja e kësaj çështjeje është se pjesa më e madhe e emigrantëve shqiptarë që ndodhen në Angli janë me status joligjor të rregullt dhe objektivi i qeverisë shqiptare, në bashkëpunim me atë britanike, është që të bashkëpunohet në legalizimin e këtij komuniteti që jeton dhe punon këtu. "Qëndrimi zyrtar shqiptar është që të luftohet elementi kriminal dhe ai i inkriminuar, si dhe të qëndrojnë e t'u krijohen kushte mundësie qëndrimi dhe pune atyre njerëzve që janë të rregullt dhe janë të dobishëm, si për qeverinë dhe shoqërinë britanike dhe njëkohësisht për Shqipërinë. Desha të theksoj se trajtimi dhe mbështetja e emigrantëve shqiptarë kudo në botë në përgjithësi dhe në Britaninë e Madhe në mënyrë të veçantë, është prioritet i qeverisë shqiptare", ka theksuar kryediplomati shqiptar në Londër.

Marre nga ''Albanian Mail'' e dates 16.10.2003

Jam kurioz te di opinionet tuaja mbi kete poshtersi qe bejne Kriminelet Politikane Shqiptare ?

E di ca dua ti them ROBOS une ?
ROBT KU TI KESH, KELYSH !
Me pafytyresine me te madhe tallen me emigrantet::::
Mire qe s'na mbrojne por na bien dhe ne qafe...
Ketu ne itali ate mareveshje nuk e ka nenshkruar as RUSIA,
as MAROKU,,,
Ka nenshkru vetem SHQIPERIA ,HONG KONGU e nuk e mbaj mend mire ca shtete te tjera...
Nuk flas me se me iken truri kur kujtoj fjalet e ROBQ...

__________________
NON MOLLARE MAI !!!!!

a e dini qe keto marveshje kane fitime me te thellta? gjerat nuk jane keshtu sic duken, ose me mire sic duan "ata" ti bejne qe te duken. Por jane shume me ndryshe!!!!!! Vriteni ca koken!

__________________
jeto jeten.. ashtu si e deshiron...
mos prit nga te tjeret... po gjej e provo...! K.T.

virusi84
C'fare fitimesh kane keto marreveshje !?
Mos e ke fjalen per fitime personale !?
Si jane gjerat sipas teje !?

Sigurishte qe eshte loja e politikaneve shqiptare, me synime te thella, per perfitime polotike, partiake apo edhe vetjake!!!
Une per veten time habitem me faktin qe kerkojne qe te kthehen te gjithe emigrantet, nga qe punojne ejetojne ene Angli.
Nuk e di se ku ka nder mend ti coje ky shtet, keto emigrante, pas kthimit te tyre, gje qe nuk ka per te ndodhur kurre...
Vetem nje gje do te doja tju kujtoja atyre politikaneve , qe kane firmosur kete pakt:
Po a e din ata se ku do te futen po qe se do te kthehen tere ato emigrante ne shqiperi?
Atehere, vetem po u futen atje nga kane dale, por edhe atje jam i sigurte, qe kane per ti rrjepur te gjalle, ato kelysh ****ash, qe e mbajne veten per politikane, por qe ne te vertete, edhe gomere, nuke meritojne tu thuash !!!..........

__________________
Mallkuar qoftë,
ky Kurbeti i zi,
që na i zhyti zemrat,
thellë në plogështi!!!...