Shumë pak shanse për punësim dhe shumë më pak të paguara, krahasuar me meshkujt. Diferenca mes dy sekseve, mund të konsiderohet pa frikë një hendek i madh në vendin tonë. Me gjithë përpjekjet dhe programet pafund për barazinë gjinore, shifrat flasin për një pabarazi të theksuar. Duke nisur që nga punësimi dhe deri në vlerësimin material për punën e bërë, në mos më mirë, së paku njësoj. "Për çdo 100 meshkuj, vetëm 31 prej tyre janë inaktivë në tregun e punës, ndërsa për çdo 100 femra, rreth 53 janë inaktive",- theksohet në raportin e fundit "Femra dhe Meshkuj në Shqipëri", ku jepet një panoramë e situatës gjinore të punësimit. Mjerisht, gjithçka në favor të meshkujve. Sipas të dhënave të Institutit të Statistikave, analiza e punësimit sipas gjinisë në vite, tregon se duke filluar nga viti 1995, niveli i punësimit të femrave ka qenë dukshëm më i ulët se ai i meshkujve. Në gjuhën e shifrave, në popullsinë ekonomikisht aktive, (e aftë për punë) numërohen 430 mijë femra, ose 46.8%, ndërsa meshkuj janë më shumë se 68% e gjithë të punësuarve.

Diskriminimi në pagë

Për punën e bërë, femrat shpërblehen më pak se meshkujt. Madje, edhe për të njëjtën punë. Sipas të dhënave të studimit, paga e femrave është diçka më shumë se gjysma e pagës që marrin meshkujt. "Të dhënat tregojnë që paga mesatare mujore neto e femrave, përbën 65% të pagës mesatare mujore neto të meshkujve",- theksohet në studim. Sipas tij, analiza më e detajuar sipas degëve të ekonomisë, tregon se paga mesatare mujore neto është dukshëm më e lartë se e femrave në të gjitha degët e ekonomisë dhe diferenca është më e theksuar për të punësuarit me pagë në sektorin privat jo-bujqësor. I njëjti fenomen, sipas specialistëve të punësimit në Ministrinë e Punës, rezulton për të gjithë grupmoshat. Fakt, që është vënë në dukje edhe në raporte të ndryshme të organizatave të huaja, që janë marrë me këtë fenomen në vendin tonë.

Punët e femrave

Arsimi dhe shëndetësia. Këta janë dy sektorët që mbeten më të dominuar nga femrat. Shumica e të cilave, vazhdojnë të punojnë në sektorë ku tradicionalisht kanë qenë të përqendruara femrat. Poste të thjeshta në sektorin shtetëror dhe fare pak në rangun e drejtuesve të lartë. "Në grupin e arsimit, femrat zënë 66.6%, kurse në shëndetësi zënë 79%",- theksohet në studim, sipas të cilit pjesëmarrja e tyre bie ndjeshëm në industri, hotele dhe restorante, ku meshkujt zënë një përqindje më të lartë. Ndërkohë që sektorët ndërtim, transport e komunikacion, dominohen nga meshkujt dhe femrat në to janë në minorancë, vetëm me 3 deri 9 për qind. Nuk janë më shumë të privilegjuara në sektorin shtetëror, ku shifrat flasin për rreth 40% të të punësuarve gjithsej. Në grupin e ligjvënësve, nëpunësve të lartë dhe drejtuesve, femrat zënë vetëm 26.8%, kurse në grupet e specialisteve dhe nëpunësve të thjeshtë, përbëjnë 56.2% të gjithë të punësuarve.

Femrat

Gjithë sa thuhet më shifra, e mbështesin edhe vetë femrat, të cilat kanë ndjerë se tregu i punës është shumë i ashpër me `to. Jola Gjoni, është 29-vjeç dhe ka dy fëmijë. Ka mbaruar me mesatare të mirë për Gjeologji-Miniera, por edhe vite pas diplomimit, nuk ka arritur të sigurojë një punë. "Së paku për profesionin tim, ose diçka të përafërt",- thotë ajo, duke treguar se përgjithësisht është marrë me rritjen e fëmijëve. Por, siç thotë vetë, edhe atëherë kur ka qenë e aftë të punojë, nuk ka gjetur vend. "Kam punuar për një periudhë kohe shitëse, me një pagë qesharake dhe me orar të zgjatur. Gjithë herët që jam interesuar në administratë, kam lënë dosje gjithandej, pa marrë përgjigje pozitive",- thotë ajo. Tani, e bindur t'i drejtohet Italisë, për t'iu bashkuar bashkëshortit.

Specialistët: Femra të papuna, ja pse

Një sërë arsyesh për situatën problematike të punësimit të femrave. Që në fjalën e specialistëve, vjen në përmirësim së fundi, por gjithsesi me shumë diferenca mes gjinive. Treguesit, sipas tyre, lidhen me situatën e sotme të tregut të punës, ku punësimi i femrave bie për shkaqe të ndryshme. Së pari, mbyllja e mjaft aktiviteteve industriale, në të cilat ka pasur numër të konsiderueshëm femrash të punësuara. Si arsye të dytë, specialistët rendisin zhvillimin e mjaft aktiviteteve të orientuara më shumë drejt punësimit të meshkujve. Konkretisht, tregtia, ndërtimi apo edhe zhvillimi i hotelerisë e restoranteve, ku sundojnë të punësuarit meshkuj. Ndërkohë, në panoramën pesimiste të punësimit të femrave ndikon, sipas specialistëve, edhe lëvizja rurale-urbane, që nuk u jep shumë mundësi femrave të ardhura nga zonat rurale, të hyjnë në tregun e punës. Në grupin e të papunëve të regjistruar, femrat përbëjnë 48.4%. Kjo, sipas tyre, nuk shpreh nivelin e papunësisë, por faktin që femrat janë më pak të interesuara të regjistrohen për të kërkuar punë, duke parë mundësitë e pakta që ato kanë në tregun e punës.

46%

E femrave të afta për punë rezultojnë të punësuara, të tjerat në kërkim pune, ose të pashpresa për një vend

68%

E meshkujve të aftë për punë janë të punësuar, madje krahasuar me femrat, marrin një pagë shumë më të lartë

79%

E gjithë të punësuarve në sektorin e shëndetësisë e zënë femrat, ndërsa në arsim, mbi 66% janë femra

__________________
The heaven's sound is composed inside your heart, listen to its beat to syncronize your life onto the angel's steps.

pershendetje administrator, e lexova me vemendje studimin qe ke paraqitur ketu, deri diku eshte realiteti, por kuptohet nuk eshte aq i thelle...
une mendoj se tregu i punes eshte lufte per ekzistence ne te gjithe boten. pa dashur te bej krahasime por le te flasin ata qe aktualisht jetojne jashte, kane mbaruar shkolla, dhe e kane shume te veshtire te gjejne nje pune ne profesionin qe kane mbaruar... imagjino si eshte ne shqiperi...por ketu ka shume probleme... duke qene se tregu i punes eshte ende nje monopol ndikojne shume miqesirat dhe njohjet dhe nuk merren shume per baze diploma me 10 etj...
pastaj kur vjen puna per femrat, ato jane akoma me te diskriminuara dhe kjo nuk fillon tek puna, por qe ne shtepi, familje, ku babai nuk e lejon te punoje apo te shkollohet, me pas burri dhe ne fund femijet te cilet kane nevoje per te...
kuptohet kjo nuk eshte shumica, por eshte e konsiderueshme... duke qene se 70%e shqiperise eshte nje "fshat" kuptohet edhe mentaliteti eshte i tille...
ne shohim Tiranen, bllokun dhe nuk kalojme kurre nga fshatrat e shqiperise (sepse kuptohet nuk na lidh puna) dhe kemi raste te shumta kur babai e fejon vajzen qe 16 vjec ose e ka fejuar dhe ajo nuk di gje...
atehere cfare emancipimi dhe cfare kerkesash do te kete kjo vajze per veten e saj. ajo nga autoriteti i babait kalon ne autoritetin e burrit dhe ketu mbyllet gjithcka...edhe nje gje tjeter qe dua te shtoj (kuptohet ka shume me shume se kaq) femra duke qene me e ngarkuara ne shtepi dhe kujdeset per gjithcka , asnje firme nuk ka interes ti marri ne pune perpara nje burri, se shume shpesh ajo do marri leje, nuk del dot naten, do kerkoje lejen e lindjes etj etj...
kam kaq shume per te shkruar por nuk dua te behem e besdisshme...

Nuk mendoj se femrat jane me pak te paguara se meshkujt,gjithcka varet nga puna qe kryen,sepse eshte mese e ditur qe profesionistet paguhen njesoj.Por ndodh qe meshkujt nuk ndihen te realizuar me nje rroge "normale" (qe ne shqieri rralle e gjene) e keshtu kerkojne nje pune te dyte.........Nersa femrat shqipetare shyqyr qe e gjejne nje pune e u duket sikur ate rrogen ua falin,duhe te kuptojn se jane me vlere e qe jane te zonjat jo vetem te mbajne familjen e shtepin por edhe qe jane profesioniste po aq sa meshujt.....

Qe femrat diskriminohen ne page kete nuk e luan as topi, dho jo vetem ne Shqiperi por ne te gjithe boten. Blu solli shume fakte reale qe shpjegojn mese qarte perse nje e femer e ka me te veshtire te caj ne boten e punes.

Une do shtoja qe shoqeria vazhdon te jete maskiliste.

Instikti i njeriut nga koha e shpellave, ku mashkulli dilte per gjueti e sillte ushqimin ne shtepi ndersa femra rinte ne shpelle gatuante e riste kalamajt, nuk ka ndryshuar akoma megjithese kushtet e jeteses kane ndryshuar thelbesisht.

Kjo teme u shkonka per apetiti femrave.
Do te thoja s'eshte e vertet pasi te gjith zyrat jan mbushur me femra,nuk pranojne me sekretar te jesh mashkull duhet te kesh fund te shkurter e buze te lyera(nuk meret parasysh diploma),ne meshkujt nuk kemi funde dhe femrat i zene punet tona..
Meshkujve ju japin pune ndertimi qe normalisht smund ti bejne femrat..

Pra meshkujt gjithmon i shikon duke bere pune te renda fizike,kurse femrat neper zyra,neper lokale,edhe ata qe jane ne shpij normalisht nuk lodhen se pushojn kur duhen ato,dhe punojne sipas deshires,cohen ne mengjes kur u del gjumi.
Burri eshte ai qe i thomi nje fjale can malet,duhet patjeter te punoj cfardo lloj pune qofte ajo e lodhshme.e rende fizike,me ore te gjata,me rrezik shum her duke punu ne kate shume te larta dhe per nje qellim ta furnizoj familjen dhe ta bej te gezuar..

Mendoj se nuk eshte e drejte qe grate te jene me pak te paguara se meshkujt pasi nuk duhet te behete diskriminimi gjinor dhe mendoj se edhe grate kane te drejte te ken nje rroge standarde qe iu pergjigjet kerkesave


PERKRAHNI GRATE