Me vjen te klith por as te bertas nuk kam me optimizem.......


E Hene, 12 Janar 2004

NJE VIZE

Nga Ylli Pango

Burri i madh i shtetit u perkul mbi te mjerin. Njeriu
i ngrire, ende me drithmat e asaj nate makabre ne trup
me veshtiresi hapi syte. "c'mund te bej per ty?",
pyeti burrri. "Nje vize", mezi mundi te shqiptonte i
shtriri, ofshajti dhe mbylli syte. Vetem kaq. "Nje
vize". Mund te kishte perfunduar ketu. Pa komente.
Askush nuk mund te me thoshte "shume shkurt".

Ne kete dialog te shkurter, te vertete te para dy
diteve, prane kokes se nje shtrati, ne spitalin e
Vlores, ne kete dialog te kryeshtetarit e viktimes
permblidhet gjithcka. Ne ate pergjigje te shkurter, sa
vete ofshama, te njerit prej te shpetuarve te paket te
gomones te se premtes se zeze, permblidhet e gjithe
drama e tragjedia shqiptare e ketyre viteve te
shpreses e te zhgenjimit te madh. Mungon vecse ofshama
e te gjithe shqiptareve, e nje populli, e cila
natyrisht nuk mund te mbyllet as brenda nje shkrimi e
as brenda mijera ton roman apo drame-leter. Ndaj
ofshama vazhdon: Nje vize o mik, o vella, nje vize. As
buke, as uje, as drite, as pune, e di s'mi jep dot,
s'je zot, s'ke kohe, a je diku ne bote. Por me jep se
paku nje vize, te shkoj vete aje, te punoj, te kem pak
buke, drite, uje, o mik, o vella. "Mjerimi s'do
meshire, as lot a sy te bukur te trishte. Lotet ka
kohe qe jane thare, nga dhimbja e pashterrur, nga ujet
e paket, nga erresira. Lotet kane mbetur vetem per
syte e bukur, per syte e lyer, per syte e ngopur.
Ashtu per gusto, per mbushje, per variacion. Per t'u
bere me te bukur. Per tu ndjere disi me njeri. Por nuk
i do me as keto lot, mjerimi. Mjerimi s'don as
meshire. As lypen krenare, sot tinzare a mekatare.
Mjerimi sot Migjen vella, do vize, do vize, ve vize, o
mik o vella, o qeveritar, te kam rixha". A e di Migjen
e ti aktor, a regjisor a cilido artist i madh i filmit
te madh per Titanikun e madh, se une, i mbyturi, une i
shpetuari, une i afermi i tyre, une qytetari shqiptar,
e jetova ate film shume me me tmerr madje edhe se ata
qe vdiqen ate nate te ftohte dimri te fillim shekullit
te kaluar, kur mbytej transoqeaniku i madh? A e di se
me vdiq i afermi ne duar i ngrire, si i vdiq Leonardo
Di Kaprio se dashures ne duar (natyrisht ai vdiq ne
film). Mua me vdiq vertet dhe s'do ta harroj gjithe
jeten. S'do t'ia harroj syte gjithe jeten. Nuk ka
aktor t'i beje ata sy. A e dini, se ne vdiqem cift,
cift i porsamartuar, e s'shpetoi anjeri nga ne, madje
gruaja vdiq e para, e une i dyti pasi me vdiq gruaja e
re ne duar. E vendosa atje ne skaj te gomones vete,
stive mbi te tjeret e prita dhe vete vdekjen. Kurse ne
film ajo shpetoi. Shpetoi e shkoi te tregoje. Une po u
tregoj se ketejmi. Ketej nga bota e pertejme. A e di o
mik e vella qe ke bere ate film se nuk drejtoja dot
kufomen e djalit te bere kuspull nga te ftohtet, per
ta shtrire ne arkivol? Nuk e shtrija dot. E laga me
lot. A e kuptoni Migjen, Titanik, njerez, se nuk ka
fantazi, artist, pene, te jetoje, t` perjetoje, te
vuaje a jo me te pershkruaje ato qe jetuam, perjetuam,
vuajtem ne? A e dini o njerez, o rruzull, o glob, se
sot nje shekull pas mbytjes se Titanikut, drama qe
zgjatet e zgjatet lengon prej 12 vjetesh e nje populli
te vogel te braktisur, u mpiks nga Zoti brenda disa
oresh ne nje nga tragjedite me te renda te perjetuara
ndonjehere nga qeniet e gjalla te quajtur njerez, ne
nje gomone te vogel, te permbytur e te tallazitur nga
dallget, nje nate te acarte dimri. I gjithe Titaniku i
madh, e gjithe dhimbja njerezore u fut, u mpak, u
kruspullos, nga te ftohtet, nga dhimbja mbi dhimbje
brenda asaj gomoneje. Ndofta per t'u kujtuar per here
te fundit dicka, dikujt. Nuk ka pasur ndonjehere art
makaber te servirur me gatshem, pa asnje nevoje per
transformim, trillim, sajim, fiction. As shkrim, as
drame, as film, as pikture. Pikture si ajo e njerezve
te stivosur ne thase. Ne thase te kruspullosur. Te
kruspullosur nga kufomat e kuspullosura nga te
ftohtet, nga vete dhimbja. Ne thase ku kishte edhe
15-16 vjecare, edhe gra te porsamartuara, edhe djem te
rinj. A e dini se aktoret e ketij filmi te tmerrshem,
vazhdojne te jetojne nen uje, ne spital, ne malesi, ne
varferi, ne lot. A e dini se regjisoret, dramaturgu,
producenti, perfituesit e filmit jane ende gjalle, te
lire, mund t'i intervistoni, mund t'i degjoni, tek
fajesojne aktoret, te mjeret, te gjoret, qe nuk duhej
ta luanin ashtu, nuk duhej, asesi nuk duhej, nuk duhej
te gabonin. ("Ah sa gabim, s'duhej kurrsesi te benin
budallallekun qe bene". A iket ne nje nate si ajo?) Po
a e dini si jetohet ne malesi, ne fshat, ne veri,
kudo, ne Vaun e Dejes, fare prane hidrocentralit,
prane drites, prane ujit? Shkoni e pyetini. Pyetini
edhe disa nga ata qe u ngrine, dhe ca nga ata qe jane
ende gjalle, shtatoret e mermerta te Migjenit, ku e ku
me Lulin e vocerr, stergjyshin e vogel qe prapseprape
me tollumat e veta mbulonte nje pjese te kembeve te
ngrira. Pyetini dhe kthehuni perseri. Nuk do t'u thone
gje. Nuk do te degjoni asnje ankese. As edhe nje. As
drita, as uje, as buke e as meshire nuk do t'iu kerkojne.
Jane mesuar pa to. Do tu kerkojne vec..... nje VIZE.

__________________
If a tear fell from my eyes each time I thought of YOU, I would have a puddle of fallen wishes......~ crazy in ~

Nano vazhdon pushimet dhe injoron tragjedinë


Asnjë mesazh ngushëllimi për familjarët e viktimave nga kryeministri dhe zyra e tij.



Kryeministri Nano me papërgjegjshmërinë më të madhe që e karakterizon ka vazhduar i qetë pushimet e tij në Turqi, duke mos çuar as edhe një mesazh ngushëllimi për familjarët e viktimave të tragjedisë së djeshme në Vlorë. Së bashku me zonjën e tij, "bamirësen" Xhoi, kreu i ekzekutivit nuk i ka ndërprerë për asnjë moment vizitat në vendet turistike në Turqi.

Kryeministri as nuk e ka çarë kokën se, tragjedia e djeshme në brigjet e Vlorës është shkaktuar nga njerëz të lidhur me funksionarë të lartë shtetërorë, të cilët janë padronët e vërtetë të trafiqeve të klandestinëve, drogës dhe krimit. Me gjakftohtësinë që karakterizon vetëm kriminelët, kreu i qeverisë ka urdhëruar vartësit e tij që të mbyllin sa më parë dhe pa zhurmë pasojat e kësaj tragjedie, duke zhdukur mundësisht çdo gjurmë të këtij krimi makabër.

__________________
If a tear fell from my eyes each time I thought of YOU, I would have a puddle of fallen wishes......~ crazy in ~

Te lumte moj......

__________________
Mallkuar qoftë,
ky Kurbeti i zi,
që na i zhyti zemrat,
thellë në plogështi!!!...

Per cfare "me lumte" mor BISHA E PYLLIT?????!!!!!!

Sikur e kam bere une ate artikullin....e ka bere Ylli Pango,dhe eshte shume e DHIMSHME....por eshte REALITETI I PESHTIRE qe na rrethon.

Pastaj te mos flasim per Kreret e larte te Shtetit...sepse atyre ju duhet vene FLAKA te gjitheve.

__________________
If a tear fell from my eyes each time I thought of YOU, I would have a puddle of fallen wishes......~ crazy in ~

E kisha fjalen te lumte, per mundimin qe more dhe e publikove ne forum artikullin moj..
Une nuk te thashe qe e bere ti...

Edhe flaka besoj se nuk iu ben gje atyre besoj, pasi jane te siguruar ato !!!....

__________________
Mallkuar qoftë,
ky Kurbeti i zi,
që na i zhyti zemrat,
thellë në plogështi!!!...