Peshngritja shqiptare vazhdon përgatitjet e fundit për pjesmarrjen në botrorin Vankuver 2003. Palestra e përgatitjes së sportistëve të ekipit përfaqësues këto ditë është tejet e ngarkuar. Bie në sy rikthiomi i nën kampionit të botës në fuqi në stilin e shkëputjes ilirjan Sulit i cili pas një mungese relativisht tëq shkurtër është rikthyer përsëri për të marrë pjesë në kampionatin botror të Kanadasë. Sipas vetë Sulit mungesa ka qënë e detyruar për arsye objective gjë që do të rikuperohet me përgatitjen intensive në kohën e mbetur deri në botror.

Ndërkohë trajneri i ekipit përfaqësues dhe personal i tij dje Kafaranit Hektor Shaqiri është optimist dhe beson në arritjen e formës maksimale nga të dy peshngritësit e tij Kafarani dhe Suli.

Botrori i Ksanadasë starton më datrë 12 nëntor dhe ndërkohë pjesmarrja e peshngritësve shqipatrë nga ana e federatës do të ketë mundësi të bëhet në një afat të mëvonshëm ghë që i hap dritënë jeshile edhe mjaft pehmgritësve ntë tjerë.

'TeleSport'

Peshëngritje

Ministria e Kulturës, Rinisë dhe Sporteve akordon një fond prej 3.7 milionë për FSHP-në

Federata më e suksesshme e shumësportëshit shqiptar tashmë është dhe federata më "e përkëdhelur" nga Ministria e Kulturës, Rinisë dhe Sporteve për vetë faktin se peshëngritja shihet si i vetmi sport që mund të përfaqësojë Shqipërinë në Lojërat Olimpike "Athina 2004". Përveç kësaj, sukseset më të fundit që ka arritur ky sport gjatë periudhës që në krye të MKRS-së ka qenë ministrja Arta Dade, ka bërë që kjo e fundit të shikojë me përparësi çdo kërkesë që vjen nga Federata Shqiptare e Peshëngritjes. Drejtori i përgjithshëm i sporteve pranë MKRS-së, Artan Shyti, thotë: "Peshëngritja është i vetmi sport që në Lojërat Olimpike "Athina 2004" mund të shkojë me norma kualifikuese dhe jo me ftesa. Ka qenë pikërisht kjo politikë që ka ndjekur dikasteri ministror, kur ka akorduar një fond prej 3.7 milionë lekësh për ekipin tonë kombëtar, që do të përfaqësohet në Kampionatin Botëror të Peshëngritjes, që zhvillohet në Vankuver të Kanadasë. Ky fond ka ardhur pas kërkesës paraprake që ka bërë Federata Shqiptare e Peshëngritjes. Sipas kërkesës, kjo federatë ka kërkuar një fond prej 35 milionë lekësh për të mbuluar shpenzimet e ekipit tonë në këtë botëror. Sipas preventivit paraprak të dërguar në MKRS, këto shpenzime janë kërkuar për përfaqësimin me ekip të plotë. Sipas drejtorit të përgjitshëm të sporteve pranë MKRS-së, z. Shyti, me vendim të ministres së Kulturës, Rinisë dhe Sporteve, Arta Dade, ky fond është livruar pa hasur asnjëlloj problemi. Ndërkohë që shteti tashmë e ka bërë punën e vet, federata, nga ana tjetër, deri para 10 ditëve nuk e kishte përcaktuar ende nëse do të shkohet me ekip të plotë apo me individë të veçantë, edhe pse kërkesën për fonde e ka bërë për ekip të plotë që para një muaji. Ky i fundit pas mbledhjes së radhës së këshillit të trajnerëve dhe më pas të kryesisë ka dalë në një vendim përfundimtar, ndërkohë që përgatitjet për këtë përfaqësim nga ana e vetë peshëngritësve dhe trajnerëve kishin kohë që kishin filluar. Përfaqësimi me ekip të plotë krijon më tepër mundësi kualifikimi për peshëngritjen shqiptare, kështu që është justifikuar edhe kërkesa për fond nga ana e FSHP-së.

Ekipi ynë kombëtar

56 kg Erkand Qerimaj-Gerti Trasha
62 kg Rifat Bardhi
77 kg Artan Suli-Theharit Trasha
85 kg Ilir Suli Ilir Kafarani
105 kg Olsi Çota
Trajner: Hektor Shaqiri

uroj qe kete rradhe shqiperia te fitoj kampionatin kombetare. te pakten nje sport si peshngritja te ngreje flamurin si ekip me keto talente qe ka dhe shpresoj qe ky sport te financohet me shume nga shteti dhe bizneset sepse do ishte mekat qe keto talente te dilnin kampion me flamuj te tjere vetem semarrin me shume nga ana materiale nga shtetet e tjere se sa nga ne dhe se ahtetet etjera kane kushte me te mira se ne

Peshëngritësat shqiptarë pretendojnë për medalje

Botërori i peshëngritjes nis sot në Vankuver të Kanadasë

Pikërisht sot fillon në Vankuver të Kanadasë Kampionati Botëror i Peshëngritjes. Shqipëria merr pjesë në këtë kampionat me një ekip të plotë prej 8 peshëngritësish, ku midis tyre shquhen 27 vjeçari Ilirian Suli dhe 33 vjeçari Ilir Karafani, të cilët do të konkurrojnë që të dy në peshën 85 kg. Të dy sportitët shqiptarë vijnë në këtë kompeticion si pretedentë për fitimin e ndonjë medaljeje. Në botërorin e kaluar që u zhvillua në Varshavë (Poloni), Ilirian Suli i "Dinamos" fitoi medaljen e argjendtë në stilin e shkëputjes, ndërsa Ilir Karafarani (edhe ky sportist i "Dinamos") në Evropianin e Lutraqit (Greqi) fitoi medaljen e bronxtë në stilin e shtytjes. Një tjetër Suli në këtë Kombëtare është dhe sportisti i njohur shqiptar 32- vjeçari Artan Suli. Në ekipin shqiptar bie në sy pjesëmarrja e 2 kampionëve evropianë U-17 dhe U-15 vjeçarëve Erkand Qerimaj i "Vllaznisë" së Shkodrës dhe Gerti Trasha. Gerti në këtë kampionat do të ketë dhe vëllain e tij 18-vjeçarin Theoharis Trasha (që të dy ata janë dhe pjesëtarë të ekipit privat "Egnatia" Elbasanit). Pjesëtarët e tjerë të ekipit kombëtar janë dhe 20-vjeçari i "Vllaznisë" së Shkodrës Refat Bardhi dhe 27-vjeçari i "Skënderbeut" së Korçës Olsi Cota. Më poshtë po ju paraqesim kalendarin sportiv të pjesëmarrësve shqiptarë në të cilin është pasqyruar koha dhe vendi i pjesëmarrjes së tyre si dhe pesha me të cilën vijnë në këtë kampionat si dhe renditja provizore e tyre para garave.

Ja programi për shqiptarët
*-*-*-*-*-*-*-*-*-*-*-*-*-*-*-*-*-*-*-*-
Meshkuj - 56 kg (45 pjesëmarrës)
E premte - 14 nëntor 2003
Meshkuj - 56 kg - Grupi C
36. Erkand Qerimaj Albania 230
37.-40, Gert Trasha Albania 225
*-*-*-*-*-*-*-*-*-*-*-*-*-*-*-*-*-*-*-*-
Meshkuj - 62 kg (47 pjesëmarrës)
E premte - 14 nëntor 2003
Grupi C
36.-39. Refat Bardhi Albania 260
*-*-*-*-*-*-*-*-*-*-*-*-*-*-*-*-*-*-*-*-
Meshkuj - 77 kg (58 pjesëmarrës)
E hënë - 17 nentor 2003
Meshkuj - 77 kg - Grupi E
50. Theoharis Trasha Albania 300
Meshkuj - 77 kg - Grupi D
36.-38. Artan Suli Albania 320
*-*-*-*-*-*-*-*-*-*-*-*-*-*-*-*-*-*-*-*-
Meshkuj - 85 kg (55 pjesëmarrës)
E mërkurë - 19 nëntor 2003
Meshkuj - 85 kg - Grupi C
29.-31. Ilirjan Suli Albania 360
Meshkuj - 85 kg - Grupi B
16.-19. Ilir Kafarani Albania 370
*-*-*-*-*-*-*-*-*-*-*-*-*-*-*-*-*-*-*-*-
Meshkuj - 105 kg (52 pjesëmarrës)
E premte - 21 nëntor 2003
Meshkuj - +105 kg - Grupi D
41.-45. Olsi Cota Albania 360
*-*-*-*-*-*-*-*-*-*-*-*-*-*-*-*-*-*-*-*-

Kafarani 99% në Olimpiadë, i 8- në Botëror

Ilir Kafarani ka zënë vendin e tetë, ndër 35 pjesëmarrës, në dygarësh në Kampionatin Botëror në peshëngritjes në Vancouver të Kanadasë, në peshën 85 kg. Sportisti shqiptar ka ngritur 165 kg në stilin e shkëputjes dhe 200 kg në shtytje, me një rezultat të përgjithshëm prej 365 kg. Me këtë rezultat, sipas Federatës Shqiptare të Peshëngritjes, me 99 përqind ai është i kualifikuar për në Lojrat Olimpike të Athinës në vitin e ardhshëm. "Kafarani është 99 përqind i kualifikuar, - tha dje Sekretari i Përgjithshëm i kësaj federate, Ilir Kraja, - sepse, ndërsa 7 sportistët e parë në renditje shkojnë direkt në Olimpiadë, Iliri është i pari ndër ata që do të përzgjidhen, sepse ai zuri vendin e tetë. Për më tepër, Ilir vazhdimisht ka pasur rezultate të larta". Sidoqoftë, në rast të ndonjë befasie, Kafarani do të ketë edhe një mundësi tjetër për të shkuat në Olimpiadë, në Kampionatin Europian që do të zhvillohet në Kiev të Ukrainës vitin e ardhshëm. Në peshën e tij, kampion i botës doli rumuni, Valeriu Calancea me rezultatin 382.5 kg (167.5+215), ndërsa nënkampion doli kinezi Yuan Aijun, me të njëjtin rezultat, por me peshë trupore më të rëndë për 80 gram. Duke iu kthyer renditjes, Kafarani la pas po për peshë trupore, iranianin Hadi Sayed Panizvan dhe polakun Mariusz Rytkoëski, që arritën të njëjtin rezultat si ai. Shqiptari peshonte 83.95 kg, iraniani 84.38 kg, ndërsa polaku 84.36. Kafarani ka ngelur 5 kg poshtë rezultatit të tij më të mirë arritur këtë vit në Europian, ku zuri vendin e tretë në stilin e shtytjes me 205 kg dhe vendin e pestë në dygarësh. Iliri dha edhe një herë provën e një sportisti shumë të qëndrueshëm dhe me vazhdimësi të admirueshme aq më tepër për moshën 33-vjeçare. Ai ka zënë vendin më të mirë nga garuesit shqiptarë në Botëror, ndër të cilët Erkand Qerimaj u rendit në vendin e 28-të në peshën 56 kg, me rezultatin 227.5 kg.

presim me shume nga keto sportista shpresojme t'i japin frytet

__________________
brus lee

Ne keto sportet e forces kemi te drejte te jemi nder me te miret sepse ne fund te fundit me shume force duhet se cdo gje tjeter.

Ne ne peshengritje duhet te ishim kampion bote,,,po ca te besh qe ca peshengritesa kane harruar emrat e mbiemrat...jane te semure te shkretet kane humb memorjen!!!!!!

__________________
NON MOLLARE MAI !!!!!

Ilirjan Suli

Peshngritsi i talentuar Ilirjan Suli vazhdon seancat stërvitire me ngarkese të plotë nën drejtimin e teknikut Hektor Shaqiri . Sipas Suli gjëndja aktuale është optimale dhe se ngarkesa vazhdon të rritet çdo ditë deri në arritjen e gjëndjes optimale.Objektivi i parë për Sulin është pjesmarrrja në evenimentin e parë të vitit 2004 siçështë Kupa e Shqipërisë. Ky aktivitet do të zhvillohet më muajin mars ku për të gjithë peshmgritësit konkurimi do të jetë një testim për gjëndjen aktuale. Suli gjithashtu është i motivuar dhe kërkon të ruajë gjëndjen në kupën e shqipërisë që do të jetë në vazhdimësi të kampionatit europian.

Mjeshtri shtangës Ilirjan Suli së bashku me teknikun e njohur Hektor Shaqiri kanë si objektiv të tyre të arrijnë në dy garësh në zonën e medaljeve .

Imazhe te Ngjitura

ilir-suli-1.jpg (5.2 KB, 35 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kafarani, sportisti më i mirë i 2003-shit

Ilir Kafarani shpallet sportisti më i mirë shqiptar i vitit 2003. Në një përfundim të tillë është arritur vetëm pas anketës së përvitshme “10 sportistët më të mirë të vitit 2003” të zhvilluar nga gazeta më e madhe sportive në vendin tonë “Sporti shqiptar”. Për përzgjedhjen e fituesve të kësaj ankete e cila zhvillohet për të 47-in vit me radhë kanë votuar 52 gazetarë sportivë të organëve kryesore të medias së shkruar dhe asaj elektronike në Shqipëri, të cilët me votat e tyre kanë përcaktuar 10 sportistët më të pëlqyer shqiptarë. Ndërkohë që 75 është numri i sportistëve, që nga futbollistë e peshëngritës deri te tenisi e gjimnastika artistike, të cilët kanë “rrëmbyer” pikë në këtë anketë me gazetarët. Nga këto 75 sportistë, votat më të shumta të gazetarëve sportivë kanë shkuar në favor të Ilir Kafaranit (367), peshëngritësit shqiptar i cili në Botërorin e Vankuverit që u zhvilluar në Kanada u rendit në vendin e 8-të. Me këtë rezultat, Kafarani fiton dhe të drejtën për të qenë pjesëmarrës në Lojërat Olimpike Athina 2004 që do të zhvillohen në Greqi.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

"Athinë 2004", nis sherri për kandidaturat

Parimisht është vendosur që në Lojërat Olimpike "Athinë 2004" Shqipëria të përfaqësohet me Ilir Kafaranin dhe Thehodhoris Trashën. Themi parimisht, pasi deri në startin e Lojërave Olimpike kryesia do të diskutojë dhe këshilli i trajnerëve do të shohë ecurinë e peshëngritësve. Pavarësisht kësaj, një tjetër peshëngritës pretendent për të shkuar në këto lojëra, konkretisht Erkand Qerimaj, përmes trajnerit të tij Genc Barkiçi ka reaguar për këtë vendim të federatës. Vetë trajneri Barkiçi deklaron se federata e ka fyer kampionin, duke mos e marrë parasysh si kandidaturë të mundshme për në olimpiadë. "Unë kam këmbëngulur që në olimpiadë të shkojë Erkandi, pasi ai është 2 herë kampion i Evropës për 17-vjeçarët dhe në Kiev dha rezultatin më të lartë nga të gjithë peshëngritësit. Megjithatë, duke u uruar suksese të dy peshëngritësve, Kafarani dhe Trasha në olimpiadë, them se kryesia gaboi më kandidaturën e Qerimajt. Ajo ka fyer sedrën dhe karakterin e një sportisti të talentuar," - përfundon trajneri Barkiçi.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Imazhe te Ngjitura

pirrodhima.jpg (31.2 KB, 1 vezhgime)

__________________
The heaven's sound is composed inside your heart, listen to its beat to syncronize your life onto the angel's steps.

Peshengritesja Fetije Kasaj rezulton pozitive ne testin antidoping

--------------------------------------------------------------------------------

Fetie Kasaj është shpallur nënkampione e Evropës në stilin e shtytjes dhe në dygarësh, në kampionatin që po zhvillohet në Strasburg të Francës. Peshëngritësja shqiptare ka arritur të ngrejë 123 kilogramë në stilin e shtytjes dhe 91 në atë të shkëputjes, duke u konfirmuar si shtangistja e dytë në Evropë, pas ruses Shainova. Stili i shkëputjes ka qenë sërish pika e dobët e Fetie Kasajt, ku ajo ka dështuar në dy provat e para. Megjithatë shqiptarja tentoi të ngrinte 131 kilogramë në stilin e shtytjes, për të zënë vendin e parë, por nuk ia ka arritur në provën e tretë. Rusja Shainova e mbylli këtë stil me 130 kilogramë duke marrë medaljen e artë. Një tjetër medalje në Strasburg ka siguruar edhe Romela Begaj, e cila ka ngritur 96 kilogramë në stilin e shkëputjes. Ajo ka marrë medaljen e argjendtë në peshën 58 kilogramë në këtë stil, duke bërë që Shqipëria të kthehet sërish me medalje nga një aktivitet ndërkombëtar.

Lajmi eshte bere i ditur nga Agjencia Boterore e Antidopingut e cila ka derguar mbremjen e djeshme nje faks ne Federaten Shqiptare te Peshengritjes ku njofton se Kasa ka perdorur substanca te ndaluara.

Nenkampionia e Europes ne sportin e peshengritje Fetije Kasa ka rezultuar pozitive ne testin antidoping. Lajmi eshte bere i ditur nga Agjencia Boterore e Antidopingut e cila ka derguar mbremjen e djeshme nje faks ne Federaten Shqiptare te Peshengritjes ku njofton se Kasa ka perdorur substanca te ndaluara. Analizat jane kryer gjate kampionatit europian qe u zhvillua nje muaj me pare ne Strazburg, por peshengritesja shqiptare ka ende nje mundesi per te provuar te kunderten. Kasa ka kohe deri ne 19 maj per te apeluar vendimin dhe per t’iu nenshtruar nje analize te dyte e cila do te tregoje nese ajo ka perdorur apo jo substanza te ndaluara. Nese testi do te rezultoje serish pozitiv atehere Fetije Kasa do te humbase automatikisht titullin nenkampione e Europes dhe do te pezullohet nga kompeticionet sportive per 2 vjet.

__________________
I LOVE INTER