Flamurtari - Skënderbeu 126-101
(37-22, 35-25, 29-28, 25-26)
Një ndeshje spektakolare ajo midis Flamurtarit dhe Skënderbeut në basketboll për femra luajtur dje në Vlorë, ku gjithsej u shënuan 227 pikë dhe shifrat përfundimtare të lojës kanë qenë 126-101. Ky është rekordi i ri i pikëve të realizuara në një ndeshje femrash këtë kampionat. Të dyja ekipet luajtën hapur gjatë gjithë kohës, duke u mbrojtur jo mirë, por duke qenë rezultative në sulm. Skuadra vlonjate e siguroi epërsinë që në pjesën e parë, duke u shkëputur 37-22 në periodën e parë dhe pjesa e parë u mbyll 72-47. Në 20 minutat e dyta korçaret e ngushtojnë disi diferencën, por loja kontrollohet gjithnjë nga vlonjatet, që fitojnë 126-101. Flamurtari rikthehet sërish në vendin e parë pas këtij suksesi.

__________________
Try not to become a man of success but rather to become a man of value - Einstein Albert.

Partizani - Flamurtari 75-46
(16-8, 22-4, 16-19, 21-15)
Ndonëse Partizani në basketboll për meshkuj ka mundur dje Flamurtarin me rezultatin 75-46, loja mes dy ekipeve ka qenë tepër amatore, pa nerv dhe pa cilësi. Kjo e kushtëzuar nga mosha e re e basketbollistëve në fushë, çka bëri që niveli i ndeshjes të ishte shumë larg atij që pritej. Shumë gabime, në sulm dhe mbrojtje, shumë personale dhe një ndeshje që u ndoq nga 20 shikues, si për të konfirmuar se niveli la shumë për të dëshiruar. Madje skuadra e Flamurtarit, në pjesën e parë shënoi vetëm 12 pikë, duke rivalizuar disi vetëm në 20 minutat e dyta. Ndërsa trajneri i Partizanit, Kuqo, mund të kënaqet me 2 pikët e marra dhe me faktin që po hedh në fushë vazhdimisht emra të rinj.
G. SPIRI

Tirana - Valbona 65-125
(18-26, 13-37, 14-34, 19-28)
Valbona fitoi me 60 pikë ndaj Tiranës, një diferencën që flet qartë për epërsinë e skuadrës kampione ndaj asaj bardheblu, në sfidën e luajtur dje në "Asllan Rusi". Skuadra tropojane fitoi 125-65 ndaj Tiranës, duke marrë 2 pikët e radhës në kampionat dhe duke korrur suksesin e 24-t në 25 javë të luajtura. Ndeshja foli gjatë gjithë kohës për skuadrën e Valbonës, e saktë në gjuajtje dhe mbrojti mirë, duke bërë diferencën me Shimën, dje 32 pikë, ndërsa Karaj realizoi 27 pikë. Për t'u evidentuar fakti që pas disa javësh mungesë, dje u rishfaq në lojën e Valbonës kapiteni Bilali, i rikthyer pas dëmtimit. Ndërsa Tirana ishte larg asaj që pritej, duke zhgënjyer me shtatlartët e saj.
N. GOCI

Vllaznia - Teuta 99-73
(28-10, 30-19, 22-22, 19-23)
Vllaznia ka fituar me lehtësi dje ndaj Teutës me rezultatin 99-73, duke ruajtur pozitat në vendin e dytë në klasifikim. Vllaznia arriti që ta sigurojë epërsinë e nevojshme që në 20 minutat e para, duke u shkëputur ndjeshëm, 58-29, pra duke shënuar dyfishin e pikëve të kundërshtarit. Durrsakët nuk kanë qenë të saktë në lojën e tyre në pjesën e parë, ndërsa në 20 minutat e dyta përfituan nga një ulje e ritmit të lojës nga ana e basketbollistëve të Vllaznisë për të ngushtuar rezultatin. Gjithsesi, fitorja e skuadrës shkodrane ishte plotësisht e merituar, duke konfirmuar periudhën e mirë që po kalon në kampionat, çka shihet në rezultatet pozitive që po arrin në javët e fundit.

__________________
Try not to become a man of success but rather to become a man of value - Einstein Albert.

Mati - Vllaznia 72-56
(21-16, 13-18, 22-8, 16-14)
Mati në basketboll për femra, i suksesshëm në fushën e tij, tashmë ka mundur që të fitojë 72-56 ndaj Vllaznisë, një takim i lehtë për skuadrën burrelase. Vllaznia arriti që të luajë mirë dhe të rivalizojë vetëm në pjesën e parë, e cila u mbyll në barazim 34-34. Më tej, loja u komandua nga skuadra e Matit, që u shkëput ndjeshëm në periodën e tretë dhe në atë të katërt, duke fituar me meritë. Ky sukses e ngjit skuadrën e Matit në vendin e tretë, ndërsa Vllaznia zbret sërish në atë të fundit.
A. KËRTUKA

Skënderbeu - Shkodra B. 87-62
(19-17, 20-11, 28-15, 20-19)
Skënderbeu rikthehet te suksesi në kampionat, duke fituar me lehtësi 87-62 ndaj Shkodra Basketit. Kjo e fundit, pas humbjes një javë më parë në fushën e saj, nuk arriti që të rivalizojë dhe u dorëzua shpejt. Por çelësi u suksesit të Skënderbeut ishte Reinaldo Kacori, që dje shënoi 45 pikë, më shumë se gjysma e totalit të ekipit të tij. Të katërta periodat u komanduan nga basketbollistët e Skënderbeut, që u shkëputën gradualisht dhe e merituan fitoren, që i mban në vendin e dytë.
L. TREBICKA

Apolonia - Pogradeci 71-52
(16-9, 15-14, 24-16, 16-13)
Apolonia në basketboll për meshkuj korr suksesin e 12-të në kampionat dhe mbetet skuadra e vetme që nuk ka pësuar asnjë humbje deri më tani. Dje, ekipi i trajnerit Kasaj fitoi 71-52 ndaj Pogradecit, duke u shkëputur nga ndjekësit. Ky i fundit nuk arriti që të përsëritë suksesin e një jave më parë në Shkodër dhe u detyrua që të dilte kokulur nga Vlora, ku pësoi humbjen e 11-të. Loja u komandua vazhdimisht nga basketbollistët e Apolonisë, që tregoi një epërsi dhe një lojë konstante.

__________________
Try not to become a man of success but rather to become a man of value - Einstein Albert.

Studenti fiton betejën e parë me Vllazninë
Vllaznia - Studenti 74-86
(20-20, 23-30, 18-15, 13-21)
VLLAZNIA: Halili (10), Myselimi (10), Gjeçaj (26), Nexhimi (13), Bërdica (7) / Taraboshi (2), E. Llazani (4), Hadëri, Omi (2), Tevia, Dibra. Trajner: P. Osmani
STUDENTI: Mitku (24), A. Karaj (26), Hysenagolli (16), Talelli (5), Topi / Lasku, Mansaku (3), Lame (4), Palushi, Ivezaj (2), Dervishi. Trajner: A. Fagu
Gjyqtarë: E. Koçi, G. Cici

Studenti në basketboll për meshkuj ka fituar dje në Shkodër 86-74 ndaj Vllaznisë, gjysmëfinalen e parë të play-off-it, duke hedhur një hap të sigurt drejt finales. Një sukses jashtë fushë, që do të thotë shumë për ekipin e trajnerit Fagu, që dje ka zhvilluar një ndeshje të mirë, madje duke befasuar edhe vetë shkodranët. Këta të fundit, pasi i kishin fituar 2 takimet e mëparshme në "Qazim Dervishi" me kryeqytetasit, dje dolën kokulur, ndonëse deri në fund rivalizuar. Gjithçka u zgjidh në periodën e fundit, ku ndonëse rezultati ishte i ekuilibruar, dy aksione radhazi të humbura nga basketbollistët e Vllaznisë në shifrat 66-67 për Studentin, i dhanë mundësi kësaj të fundit që të shkëputet dhe fitojë "betejën" e parë. Vllaznia realizoi 12 gjuajtje të sakta nga distanca, ku u dallua Gjeçaj, por nga krahu tjetër ishin Mitku dhe Karaj (teknike për këtë të fundit në periodën e dytë) ata që mbajtën "gjallë" lojën e Studentit, ndërkohë që në periodën e fundit Hysenagolli ishte deciziv në lojën në tabelë.

Perioda e parë është kryesisht e ekuilibruar, ku fillimisht udhëheq Studenti e më pas Vllaznia, por pa arritur asnjë nga ekipet që të shkëputet. Kështu, 10-minutëshi i parë përfundon në barazim 20-20. Në periodën e dytë është Studenti që luan më mirë, ka iniciativë, është më i qetë dhe përfiton nga një lojë më nervoze e kundërshtarit, duke u shkëputur ndjeshëm. Vllaznia nuk ndjek dot ritmin dhe pjesa e parë mbyllet 43-50 për Studentin. Perioda e katërt do të sillte shumë emocione, rivalitet dhe lojë të bukur, pasi shkodranët në 2-3 raste e ngushtojnë diferencën në 1-2 pikë, 53-54, 58-60.

Por kryeqytetasit arrijnë që të ruajnë qetësi dhe mbi të gjitha kryesimin, duke e mbyllur periodën e tretë në epërsi 61-65. Një diferencë e tillë natyrisht që e bëri interesante edhe periodën e katërt, sidomos në 5 minutat e para, kur Vllaznia e ngushton diferencën sërish në 1 pikë, 66-67, por gabimet e saj favorizojnë kundërshtarin, që shkëputet menjëherë 66-72. Kjo diferencë ruhet deri në fund, ku Studenti fiton 74-86 dhe tashmë ndodhet me një këmbë në finale. Gjithsesi, takimi i ardhshëm ditën e premte në Tiranë pritet që të jetë një tjetër "betejë" e fortë mes skuadrave, ku deri në fund ekipet do të luajnë për fitore.

__________________
Try not to become a man of success but rather to become a man of value - Einstein Albert.

Valbona - Dinamo 94-84
(22-18, 21-18, 35-25, 16-23)
VALBONA: E. Karaj (16), Skanja 913), Kasmi (15), Shima (20), Stevoviç (24) / Bilali , Madani, Gjonaj, Sh. Llazani, Gaçi, Byberi. Trajner: A. Muhametaj
DINAMO: Sërbo , Domi , Jakova , Mema (17), Saliaga (18) / Adhamidhi (20), Cubaj (11), Profka, Lleshi, Abazi, Ceni. Trajner: E. Çarçani
Gjyqtarë: T. Hasnjoku, Sh. Bekteshi

Kampionia në fuqi në basketboll për meshkuj, Valbona, ka fituar dje 94-84 gjysmëfinalen e parë ndaj rivales Dinamo, duke hedhur kështu një hap përpara drejt finales së katërt radhazi. Dy ekipet që vjet u përballën në finale, dje kanë zhvilluar një lojë të mirë, ku ndonëse niveli nuk ishte shumë i lartë, rivaliteti dhe emocionet nuk munguan. Valbona, ndonëse ishte gjatë gjithë kohës në avantazh, nuk arriti të krijojë ndonjë shkëputje të madhe, duke i dhënë mundësi Dinamos që deri në fund të shpresojë. Madje, blutë e trajnerit Çarçani dje kanë arritur të realizojnë 15 gjuajtje të sakta nga distanca, duke e mbajtur deri në minutën e fundit të hapur lojën. Ndërsa Valbona, falë elementëve me më shumë përvojë, arriti të tregohej më e kujdesshme në momentet decizive, duke u shkëputur pikërisht në çastet e fundit të çdo periode.
Sërbo hap serinë e koshave me një 3-pikësh (ky ishte dhe avantazhi i vetëm i Dinamos), por shpejt Valbona shkëputet 11-7, 15-13.

Perioda e parë është e qetë dhe korrekte, ku gabimi i parë personal vjen pas 8 minutash lojë (Stevoviç). Gjithsesi, Valbona arrin të udhëheqë 22-18 në periodën e parë, ku u dallua Shima e Stevoviç, një dushe që deri në fund do t'i hapte probleme Dinamos. Por në minutat e para të periodës së dytë Dinamo arrin të barazojë 2 herë, 27-27 dhe 29-29, ku dallohet kapiteni Mema, ndërkohë që gradualisht hyn në lojë edhe Adhamidhi e Saliaga. Deri në 2 minutat e fundit të kësaj periode shifrat janë 37-36 për Valbonën, çast kur kampionët shkëputen 43-36 në përfundim të pjesës së parë. Në 10-minutëshin e tretë, loja është shumë e shpejtë dhe loja është shumë e bukur, por gjithnjë nën komandën e Valbonës, që e rrit diferencën dhe udhëheq 78-61. Kur mendohej se Valbona do të shkëputej sërish, janë basketbollistët e Dinamos që e ngushtojnë diferencën deri në 9 pikë, 90-81. Por Valbona administron me qetësi epërsinë e krijuar e Kasmin e Karajn, duke fituar 94-84. Të premten, do të luhet gjysmëfinalja e dytë.

__________________
Try not to become a man of success but rather to become a man of value - Einstein Albert.

Ekipi i vajzave të Burrelit ka fituar takimin e radhës në shtëpinë e tij, duke mundur me rezultat të ngushtë Përmetin. Pas një pjesë të parë të komanduar nga mikeshat, në pjesën e dytë doli në pah loja e mirë e basketbollisteve matjane, të cilat përmbysën disavantazhin dhe fituan 61-54. Kjo fitore e afron skuadrën e Matit me atë të Përmetit dhe tashmë diferenca mes dy ekipeve është vetëm 1 pikë.

Një nga lojtaret e ekipit të Matit, Vjollca Noka, për këtë takim do të shprehej: "Natyrisht që fitorja na gëzon shumë, si ne lojtaret ashtu dhe tifozët tanë. Fitorja u arrit ndaj një kundërshtari të fortë, prandaj ka rëndësinë e saj për vazhdimin e kampionatit. Duke qenë se ka ende ndeshje, shpresojmë që Përmetin ta lëmë pas në renditjen përfundimtare dhe ky është një nga objektivat tona. Dua të përshëndes të gjitha vajzat e ekipit për lojën e mirë që kanë zhvilluar në këtë sezon, pasi kemi konsoliduar vendin e tretë dhe shpresojmë për më lart," - deklaron Noka.

__________________
Try not to become a man of success but rather to become a man of value - Einstein Albert.

Mbështetja e Ministrisë së Turizmit, Kulturës, Rinisë dhe Sporteve për Kupën e Promocionit në basketboll për meshkuj nuk do të ketë asnjë vlerë financiare, ndaj do t'i duhet Federatës së Basketbollit ta përballojë financiarisht këtë turne. Për këtë arsye, dje është zhvilluar një mbledhje kryesie e FSHB-së, ku është vendosur që një pjesë e fondit Grand të vitit 2006 për këtë federatë të kalojë për Kupën e Promocionit. "Na vjen vërtet keq që MTKRS-ja u tërhoq pas mbështetjes që na tha se do të bënte në fillim të këtij viti, madje Turneu i Promocionit ishte në projektet që kjo ministri kishte për 6-mujorin e parë të vitit. Ne zhvilluam disa takime me drejtuesit e MTKRS-së, ku na thanë se do të na mbështesnin financiarisht, por më pas një gjë e tillë nuk ndodhi. Të ndodhur para këtij fakti, vendosëm që të prekim një pjesë të fondit për të përballuar shpenzimet e këtij turneu, që fillon në fund të majit," - u shprehën dje anëtarët e kryesisë pas përfundimit të mbledhjes. Kupa e Promocionit zhvillohet për herë të parë në vendin tonë dhe do të marrin pjesë 8 shtete, të ndara në 2 grupe me nga 4 skuadra.

Gjithashtu, në mbledhjen e djeshme, kryesia vendosi që të krijojë një komision monitorimi për ekipin kombëtar të meshkujve, i përbërë nga Avni Ponari, Kostandin Shkurti dhe Bashkim Milo. Këta do të ndjekin nga afër ekipin kuqezi në këtë turne, ndërkohë që së shpejti pritet të mbërrijë nga trajnerët e kombëtares plani i punës dhe lista paraprake e lojtarëve. Afati i fundit që kjo listë të dorëzohet në FIBA-Europe është 18 prilli, pra koha fluturon. Në mbledhje u vendos edhe që lojtarët e rinj e të reja të aktivizohen edhe me ekipet e të rriturave, njëkohësisht gjatë një sezoni. Një debat ky shumë i përfolur ky kohët e fundit, por që mori miratimin e shumicës së kryesisë.

__________________
Try not to become a man of success but rather to become a man of value - Einstein Albert.

Studenti - Vllaznia 58-68 (1-1)
(14-16, 13-14, 13-20, 18-18)
STUDENTI: Mitku (17), Topi (1), A. Laraj (7), Talelli (2), Lame (16) / Hysenagolli (9), Mansaku (5), Ivezaj (1), Lasku / Dervishi, Palushi. Trajner: A. Fagu
VLLAZNIA: Halili (10), Bërdica (17), Nexhimi , Gjeçaj (23), Myselimi / Taraboshi (2), Omi, E. Llazani / Hadëri, Dibra, Tevia. Trajner: P. Osmani
Gjyqtarë: D. Bardhi, Sh. Bekteshi

Vllaznia fitoi 68-58 ndaj Studentit në gjysmëfinalen e dytë të play-off-it në basketboll për meshkuj dhe merr revanshin e humbjes në takimin e parë në Shkodër, duke barazuar 1-1 me ndeshje. Shkodranët, që dje nuk kishin se ç'të humbisnin, kanë zhvilluar një lojë më të mirë se rivali, duke bllokuar skuadrën e Studentit, e cila ka gabuar shumë në gjuajtje dhe ka qenë e paqartë në organizim. Edhe Vllaznia ka bërë mjaft gabime, por ka ditur të shfrytëzojë më mirë mundësitë që iu krijuan. Takimi, deri 60 sekonda para përfundimit ka qenë i hapur, ku miqtë udhëhiqnin 58-62, por nxitimi në momentet e fundit i dha mundësi Vllaznisë të fitojë me 10 pikë. Sfida u karakterizua nga shumë gabime personale, 52 gjithsej (24 Studenti dhe 28 Vllaznia), çka solli edhe shumë gjuajtje të lira. Studenti realizoi 24 pikë nga vija e gjuajtjeve të lira nga 58 pikë të shënuara gjithsej, ndërsa shkodranët shënuan 25 pikë nga gjuajtjet e lira. Kjo flet qartë për një lojë të ashpër në mbrojtje nga të dyja ekipet, çka solli shumë gabime në gjuajtje dhe një nivel mesatar.

Studenti e udhëhoqi vetëm në 2 momente ndeshjen, 10-9 në periodën e parë dhe 27-25 në atë të dytë, ndërsa pjesa tjetër e lojës ishte nën komandën e shkodranëve. Ndonëse këta të fundit nuk arritën që të shkëputeshin shumë, ditën gjithnjë të ishin më lart se kundërshtari, ku u dallua Gjeçaj, shënuesi më i mirë me 23 pikë. Loja nis me shumë gabime, ku pas 5 minutave të para rezultati ishte i barabartë 4-4. Por nuk mungoi rivaliteti, ku ndeshja, në 28 minutat e para, është luajtur fort për çdo pikë. Studenti arriti edhe të barazojë në 2-3 raste, për herë të fundit në shifrat 37-37 në periodën e tretë. Nga ky çast Vllaznia shkëputet 40-50 në mbyllje të periodës së tretë. Kur duhen dhe 3 minuta lojë diferenca ngushtohet 56-60, por Studenti duket që është në një ditë jo të mirë, ndërsa shkodranët administrojnë mirë avantazhin "e vogël", falë qetësisë që tregojnë në fushë (nga fusha dalin Karaj dhe Omi me 5 personale). Studenti, nga dëshira për fitore gaboi shumë, madje më shumë seç duhej, ndërsa Vllaznia arriti të ruajë epërsinë dhe të fitojë 58-68. Tashmë, gjithçka mes dy ekipeve do të zgjidhet në gjysmëfinalen e tretë, ditën e martë në "Qazim Dervishi".

__________________
Try not to become a man of success but rather to become a man of value - Einstein Albert.

Dinamo - Valbona 88-97 (0-2)
(16-21, 31-21, 19-31, 22-24)
DINAMO: Sërbo (12), Saliaga (30), Domi (18), Adhamidhi , Mema (9) / Cubaj, Jakova (11), Profka (2) / Lleshi, Ceni, Abazi. Trajner: E. Çarçani
VALBONA: E. Karaj (19), Shima (27), Kasmi (15), Bilali (20), Skanja (12) / Stevoviç (4) / Gjonaj, Madani, Gaçi, Sh. Llazani, Byberi. Trajner: A. Muhametaj
Gjyqtarë: E. Koçi, G. Cici

Valbona në basketboll për meshkuj është kualifikuar për në finalen e play-off-it për të katërtin vit radhazi, duke kërkuar po për të katërtën herë titullin kampion. Skuadra tropojane, dje ka fituar ndaj Dinamos me rezultatin 88-97, duke siguruar suksesin e dytë në takimet gjysmëfinale e si pasojë edhe të drejtën për t'u kualifikuar për më tej. Dinamo bëri më të mirën e saj në këto dy gjysmëfinale, madje më shumë se sa pritej, krahasuar me kampionatin, por pa mundur që të mundë Valbonën. Kjo e fundit, tregoi se mbetet pretendendja numër 1 për titull, ku ndonëse me pak vështirësi arriti të mundë me meritë, në të dyja gjysmëfinalet, Dinamon, e cila mbyll këtu sezonin e saj.
Ndeshja do të niste e qetë, ku skuadrat në periodën e parë nuk arrijnë që të japin më të mirën e tyre. Në fillim udhëheq Valbona, rezultati barazohet 9-9, udhëheq Dinamo, sërish barazim 12-12 dhe perioda e parë përfundon 16-21 për Valbonën.

Kampionët nuk arrijnë që të shkëputen dhe kjo i jep mundësi Dinamos që të rivalizojë, ku dallohet Saliaga në gjuajtjet nga distanca. Blutë arrijnë të dalin në epërsi 32-30, madje shkëputen 36-30. Valbona shënon, por koshi i Saliagës në çastet e fundit e shkëput Dinamon 47-42 në mbyllje të pjesës së parë. Minutat e para të 10-minutëshit të tretë ruajnë rivalitetin, deri në 53-52 për Dinamon, çast kur Valbona merr frenat e lojës dhe do të fitonte. Perioda e tretë mbyllet 66-73 për kampionët, që e rrisin diferencën në periodën e fundit, por gjithnjë pa krijuar diferencë të madhe. Dinamo përpiqet mjaft, por Valbona e administron me qetësi lojën (nga fusha dalin Mema, Adhamidhi e Stevoviç me 5 personale) dhe fiton 97-88.

Përmeti, fitore të lehtë ndaj të kuqve
Partizani - Përmeti 47-85
(10-24, 7-19, 14-22, 15-20)
Përmeti ka fituar me lehtësi dje ndaj Partizanit në "Asllan Rusi" me shifrat 85-47, një takim i vlefshëm për javën e 18-të të kampionatit në kategorinë B për femra. Përmetaret i kanë fituar të katërta periodat, duke u shkëputur gradualisht dhe duke e merituar fitoren. Partizani për asnjë çast nuk rivalizoi siç duhet, ndërkoha që fitorja e mikeshave ishte e merituar. Një sukses që konsolidon pozitat e Përmetit në vendin e dytë në renditje.

Volejboll
Kryesueset në pritje të play-off-it
Sot do të luhen ndeshjet e javës së 19-të dhe të parafundit të kampionatit kombëtar të femrave në volejboll, ku nuk parashikohet ndonjë surprizë e veçantë, duke parë duelet e kësaj jave. Dinamo kryesuese do të përballet me Studentin, ku kjo e fundit duket se tashmë e ka arritur objektivin e saj, hyrjen në katërshe. Teuta do të presë Aulonën në "Ramazan Njala", ndeshja që mund të dhurojë diçka, ndërsa Tirana do të luajë në "Asllan Rusi" ndaj Minatorit.

Java e 19-të, sot
Femra - Grupi A1
DINAMO - STUDENTI 12.0
TEUTA - AULONA VOLEJ 12.00
TIRANA - MINATORI 16.00
Femra - Grupi A2
POGRADECI - PARTIZANI 12.30
KORABI - SKËNDERBEU 10.00

__________________
Try not to become a man of success but rather to become a man of value - Einstein Albert.

Tirana - Studenti 66-62
(11-16, 22-14, 15-14, 19-18)
TIRANA: Çakiçi, E.Bujari, Përmeti, Kostallari, Nehani, M.Alibegaj, Plasa, G.Bujari, Zykaj, Shytaj. Tr: E.Alibegaj
STUDENTI: Ajdini, Çapoku, Mazreku, Hoxhaj, Deliu, Shahinlli, Zeneli, Sherifaj. Tr:Mitku
Gjyqtarë: A. Kasmi, R. Shqevi

Tirana ka marrë kreun e renditjen në basketboll për femra, pas fitores së arritur dje ndaj Studentit, një sfidë e fituar me vështirësi nga basketbollistet bardheblu me rezultatin 66-62. Një ndeshje që deri në fund dhuroi emocione, ndonëse niveli nuk ishte ai që pritej. Studenti fitoi 11-16 periodën e parë, por Tirana do të merrte frenat e lojës në mbyllje të pjesës së parë: 33-30. Loja do të ruante të njëjtin rivalitet edhe në 20 minutat e dyta, ku falë lojtareve më shtatlarta dhe me më shumë përvoja, Tirana diti të administrojë më qetësi epërsinë e krijuar. Ndeshja pati edhe momente tensioni, por në fund fitorja e bardhebluve me shifrat 66-62 ishte e merituar. Sot luhen ndeshjet Skënderbeu-DHL (10.00) dhe Elbasani-Flamurtari (11.00).

__________________
Try not to become a man of success but rather to become a man of value - Einstein Albert.

Vllaznia - Studenti 1-1 (17.00)
Formacionet e mundshme
VLLAZNIA: Halili, Bërdica, Nexhimi, Gjeçaj, Myselimi. Trajner: P. Osmani.
Në dispozicion: Tevija, Omi, Hadëri, Taraboshi, E. Llazani, Zusi.
STUDENTI: Mitku, Topi, A. Karaj, Talelli, Lame. Trajner: A. Fagu
Në dispozicion: Hysenagolli, Mansaku, Lasku, Ivezaj, Palushi, Dervishi
Gjyqtarë: G. Cici, E. Koçi

Sot pasdite, në pallatin e sportit "Qazim Dervishi" të qytetit të Shkodrës do të luhet gjysmëfinalja e tretë e play-off-it në basketboll për meshkuj, midis Vllaznisë dhe Studentit. Këta të fundit fituan para një jave në Shkodër takimin e parë, por gjithçka u baraspeshua në takimin e dytë, ku Vllaznia arriti të fitojë në kryeqytet. Pra, barazim 1-1 me ndeshje dhe për të përcaktuar ekipin e dytë finalist (pas Valbonës, që mundi në gjysmëfinale Dinamon), do të luhet edhe takimi i tretë midis Vllaznisë dhe Studentit. Gjithçka e hapur në këtë takim, ku dy nga ekipet më të mira të vendit do të luftojnë për një vend në finale. Gjyqtarë të këtij takimi, ashtu si një javë më parë, do të jenë ndërkombëtarët Gentian Cici dhe Ervin Koçi.

Në të dy kampet impenjimi është maksimal, për të fituar sot dhe për t'u kualifikuar. Shkodranët do të kërkojnë të përfitojnë nga faktori fushë, duke qenë se luajnë në shtëpinë e tyre. Por përballë do të kenë Studentin, që shpreson të përsëritë fitoren e një jave më parë. Pra, një betejë e hapur deri në minutën e fundit, mes dy ekipesh që meritojnë të kualifikohen në finale. Te Vllaznia mbetet për t'u verifikuar gjendja e Bërdicës, që në gjysmëfinalen e së premtes në "Asllan Rusi" doli para kohe nga loja i dëmtuar. Ndërsa te Studenti nuk ka asnjë dëmtim dhe skuadra është në gjendje të mirë. Ndeshja do të luhet në orën 17.00, ndërkohë që ekipi që do të kualifikohet në finale do të përballet me Valbonën, ditën e premte në kryeqytet.

__________________
Try not to become a man of success but rather to become a man of value - Einstein Albert.

Pas ndeshjeve të kategorisë A për femra luajtur këtë fundjavë, asnjë ndryshi