Basketbolli ngre sot siparin e javës së nëntë të tij me takimet Studenti – Flamurtari për femra dhe Tirana – Valbona për meshkuj. Flamurtari vjen në takimin e kësaj jave me autoritetin e kryesueses së kampionatit ku në tetë javë ka arritur tetë fitore duke triumfuar ndaj skuadarave më të mira të vëndit siç janë Luftëtari kampione në fuqi e vëndit e përforcuar këtë sezon me katër basketbolliste bullgare, Skënderbeut dhe Tiranës. Ndërkohë skuadra modeste e Studentit që drejtohet për herë të parë këtë sezon nga një emër i ri siçështyë Arjan Konomi do të kërkojë të bëjë të atë që nuk e kanë bërë simotart e saj domethënë të thyejë për herë të parë në këtë sezon skuadrën e Flamurtarit. Një atmosferë tjetër inkandeshte do të krijojë në pallatin e sportit Asllan Rusi takimi i meshkujve midis skuadrave të Tiranës dhe Valbonës. Një ndeshje kjo që vë përballë kampionët në fuqi të vëndit basketbollistët e Valbonës që nuk kanë provuar ende shijen e humbjes në tetë javë me ekipin e tiranës që ka pësuar një humbje me Dinamon. Të dy këto takime do të transmetohen drejtpërsëdrejti nga ekrani i vetëm sportiv në vënd Telesport respektivisht femrat në orën 17 dhe meshjkujt në orën 19. Këto janë dy takimet e para të javës së nëntë që do të pasohen nesër me takimet e tjera ku në tiranë për meshkuj do të vihen përballë Dinamo- Partizani dhe Studenti me ekipin privat EDS.

Çiftet e tjerë të kësaj jave janë
Skëndërbeu- Elbasani
Apollonia – Vllaznia
Flamurtari Pogradeci

Ndërsa për femra java plotsohet me duelet
Partizani- Tirana
Skëndërbeu Apolonia
Përmeti – Luftëtari
Skëndërbeu – Apolonia
Elbasani- Mati.

Basketboll

Basketbolli i femrave ka përcaktuar çiftet gjysëm finaliste të kupës së Shqipërisë, që janë Luftëtari- Tirana dhe Flamurtari – Skëndërbeu. Janë katër skuadrat mnë ,të mira të vendit ët5 cilat udhëheain dhe tabvelën e rënditkjed [pas përfundimit të fazës së parë që janë kualifikuar në gruopert përkatse. Lkështu në elbasan kampionet e vëndit në fuqi , basketbolliste Gjirokastyrite kanë arritur të rënditen në vëndin e parë në gryup duke fituar edhe nfdaj skuadrës rivale që ishte Skëndërberu e cila është rënditur në vëndin e dytë. Ndërkohë në Tirana ë në Asllan Rusi kampionia e vjeshtës Flamurtari ka arritur në tre takime Tre fitore duke spostuar legjendën e basketbollit për femra Titranaën ne vendine dytë . Në këtë mënyrë pas rezulateve dhe rënditjeve në grupe shorti i para caktuar nga federata e basketbollit ka vëne përbgallë fillimisht skuadarën e Luftëtarit me atë të – Tiranës dhe më pas do të ndeshen midis tyre Flamurtari me Skëndërbeun. Gjkithashtu federata shqipater e basketbollit ka përcaktuar dhe vëndin ku do të zhvillohet fejnell Fouri që është pallati i sportit i qytet të Vlorës . Takimet do të fillojnë më datë 18 dhjetor për tu ia lënë vëndin finales më datë 19 po të këtij muaji . Ju kujtojmë se këtëo takime doi të keni mundësi ti ndiqni nëpërmjet ekranit të vetëm sportiv në vënd siç është Telesport

Imazhe te Ngjitura

a_basket-vlora-gjirokastra.jpg (12.5 KB, 136 vezhgime)

SHQIPËRIA - Kërkon të rikthehet basketbolli

* Basketbolli i këtushëm përballë atij të Kosovës.
* Pasi Shqipëria do të marrë pjesë pas tetë vjetëve në Kampionatin Evropian.
* Ndërkohë që Valbona e Tropojës fiton trofeun e dytë të vitit.
* Dhe FSHB që kërkon të ndryshojë?...

Prej një shkrimi të kohëve të fundit që kam botuar në revistën "Ekskluzive VIP" me titullin "Të shkosh në Kosovë dhe të gjesh basketbollin", ju kërkoj leje të shkëpus këto rradhë:

"...Dhe këtu qëndron ajo që katër vjet më parë unë, vizitor i vonuar 30 e sa vjet i Kosovës, as që mund ta merrja me mend. Në Kosovë janë rreth 40 basketbollistë të huaj dhe pothuajse të gjithë trajnerë të huaj: Gjergja, Bevanda, Perinqiq, Peshiq, Kurtoviq, Vanjak. Sepse Kosova nuk do të vonojë në basketboll. Dhe në zhvillimet e një kuptimi mbarëbotëror që ka sporti i sotëm, bie fjala trajnerët kosovarë Agron Kurtalani apo Dervish Agaj, nuk ndjehen të vetmuar. Po ashtu dhe moria e basketbollistëve të rinj të talentuar të Kosovës, ndoshta Grapci, Thaçi, Kurti, Mehmeti, Breca, Sylejmani, Batusha, Dragusha, Ashimi, Kadrija, Bislimi, Maxhuni, Azemi, Miftari, Lila, Rugova. Brenda një periudhe shumë të shkurtër, Kosova i'a ka arritur që të paktën një sport ta bëjë popullor: basketbollin. Dhe me një nivel shumë të lartë... Kur të nesërmen kam marrë "Jakovlevin" e vjetër për t'u kthyer në Tiranë dhe papritmas kam takuar prindin e një basketbollisti, Abdulla Kasmi, i cili kishte fluturuar për të parë birin e tij Sokol Kasmin, "heroin" e ndeshjes Dukagjini - Bashkimi (70-66), siç e përcaktonte gazeta "Kosova Sport", atëherë në çast mendja ime shkon te sporti shqiptar i Tiranës. Aleksandër Damo, Bledar Gjeçaj, Sokol Kasmi, Sokol Jahollari, Dritan Mema - basketbollistë të kryeqytetit shqiptar Tirana - sot janë pjestarë të Dukagjinit të Pejës, Bashkimit të Prizrenit, Universitetit të Prishtinës. Bujar Shehu, i vetmi trajner nga Tirana që është në kampionatin e Kosovës, më thoshte kohë më parë se klubet e Kosovës janë tepër përpara atyre të Shqipërisë. Tash e besoj, madje që largësia është e jashtwzakonshme. Kosova që vjen nga lufta, i'a ka arritur që shumë shpejt një sport ta bëjë popullor: basketbollin. Në çdo ndeshje vijnë 3000 e më tepër spektatorë. Kur në ndeshjet e sportit më popullor të Shqipërisë, që është futbolli, nuk vijnë mesatarisht as rreth 2000! Ndërsa basketbolli i Tiranës e Shkodrës luhet thuajse pa spektatorë!"

Them se kjo çka kam botuar para një muaji qëndron edhe tash, por disi jam mëdyshas, sepse gjatë këtyre ditëve jam gjëndur para dy befasive. E para, ka qenë befasia e marrjes vesh se pas tetë vjetëve Shqipëria do të marrë pjesë në Kampionatin Evropian të basketbollit për meshkuj. Dhe e dyta se Valbona e Tropojës ka fituar javën që shkoi për herë të parë Kupën e Shqipërisë, trofeu i dytë për tw brenda këtij viti. Ndonëse ka dhe një dukuritë të tretë: transmetimi televiziv i ndeshjeve të Kupës nga Telesport, ka gjetur një jehonë në Shqipëri, duke i ftuar spektatorët të vijnë në Pallatin e Sportit "Asllan Rusi", çka është sprovë nxitjeje. Dhe mund të thuash se edhe në Shqipëri kërkon të mbërrijë basketbolli.

1. Në të vërtetë ai ka gati 80 vjet në Shqipëri, të paktën si fillime, pavarësisht se Kampionate Kombëtare ne njohim vetëm këta të Pasluftës së Dytë. Ndonëse, siç e kam shkruar me kohë, Haki Korça - një figurë e madhe e futbollit shqiptar - ka këmbëngulur pak vite më parë kur e kam intervistuar në Toronto të Kanadasë, se edhe Pasluftës, "ne kemi zhvilluar kampionate kombëtare të basketbollit e të volejbollit". Por të qëndrojmë te tema e kësaj jave, e cila lindi prej faktit se pas tetë vjetësh, Shqipëria do t'i rikthehet pjesëmarrjes së saj në Kampionatin Evropian. Dhe kjo ngjau pikërisht kur isha bërë gati të botoja shkrimin me titull: "Përse Shqipëria nuk ka Kombëtare të përherëshme të basketbollit". Sepse në të vërtetë nuk ka. Si për këte them se më në fund basketbolli kërkon të vijë. Shorti, i hedhur në Beograd nga FIBA, e përcaktoi Shqipërinë në grupin ku bëjnë pjesë edhe Qipro, Biellorusia, Austria. Për histori ne jemi ndeshur me ta:

1947. Pragë. KE:
Austria - Shqipëria 44-27
Austria - Shqipëria 52-17

1957. Sofje. KE:
Austria - Shqipëria 58-45

1993. Zalaegerszeg. KE:
Bjellorusia - Shqipëria 99-72

1995. Shkup. KE:
Bjellorusia - Shqipëria 108-73

1996. Reikjavik. KE:
Qipro - Shqipëri 72-63

Dhe të gjitha, siç shihet, për Kampionatin Evropian (KE). Dhe të gjitha humbje. Interesante është se këto ndeshje, ose pjesëmarrje, janë të ndara në dy skajet e pakëndshme të zhvillimit historik të basketbollit shqiptar: në fillimet e tij kur Kombëtarja sapo është krijuar dhe në vitet '90 kur Kombëtarja sapo ishte shkatërruar. Për të kuptuar se çka ka qenë Kombëtarja jonë në vitet '40, mjaftojnë të kujtojmë ndeshjen për vendet 13-14 në Kampionatin Evropian të 1947-tës kur Jugosllavia mundi Shqipërinë 90-13! Kur në ndeshjet paraprake, përfundimet ishin po të këtilla, të paimagjinueshme për kah thellësia e humbjeve. Kronologjia është thuajse "rrënqethëse", madje të denja për eciklopedinë e humbjeve më të thella në sport. Tek janë:

Italia - Shqipëria 60-15!
Belgjika - Shqipëria 114-11!
Egjipti - Shqipëria 104-19!
Jugosllavia - Shqipëria 90-13!

Ndërkaq, skaji tjetër, ai i viteve '90 i shkatërrimit të saj, ndonëse nuk mund të ketë më shifrat pionieristike të vitit '47, siç i pamë më sipër, janë po tronditëse për të keq, sepse i përkasin një kohe të re. Bjellorusia na mund deri në 35 pikë largësi, dhe na shkatërron edhe Qipro me gati 10 pikë largësi! Kur një herë, më 1978 Partizani fitonte 151-58 me kampionen e Qipros, Limasol! Kjo është shifra e jashtwzakonshme e rritjes së paimagjinueshme të basketbollit shqiptar në vitet '60, '70, '80, çka për fat, asnjëherë nuk u pasqyrua në kampionatet evropiane për shkaqe mospjesëmarrjeje. Dhe ja vitet '90, vitet e shkatërrimit të basketbollit të fuqishëm që krijuam në tri dekadat e mesit të Pasluftës. Shqipëria rikthehet kështu, në Kampionatin Evropian pas tetë vjetëve, sepse pjesëmarrja e fundit e saj ka qenë më 1996, kur është mundur me 34 pikë largësi nga Danimarka, 19 pikë nga Irlanda, 3 pikë nga Luksemburgu, 9 pikë nga Qipro, duke marrë 1 fitore të vetme 14 pikë mbi Islandën. Janë përfundime krejt të papranueshme, por që pasqyrojnë atw që thashë më sipër: skajin e dytë, atw të shkatërrimit të Kombëtares në vitet '90 për shkaqe që merren me mend, të ngjashme për gjithë sportet e tjerë. E pra, a mund të shpresojmë se në vitet 2000' do të mund t'i rikthehemi traditës së tri dekadave të mesit të Pasluftës, atyre '60', 70', 80, kur Shqipëria, veçanërisht përmes ndeshjeve me klubet, fill pas Ballkaniadës së paharrueshme të vitit 1965 të humbjeve sinqerisht dinjitoze, kapi nivele të pëlqyeshme evropiane? Kohët e arta të Renato Radojës, Vaso Shakës, Agim Fagut - treshja unike e basketbollit shqiptar? Me sa shihet Shqipëria sportive e ka pritur me indiferencë, marrjen vesh për pjesëmarrjen e saj pas tetë vjetëve në Kampionatin Evropian! Nuk di a është botuar diku të paktën shorti i grupit tonë sepse nuk kam arritur ta shoh përsëmbari. Çka tregon injorimin e pashembullt. Nëse është botuar diku do të jetë punë radhësh të shkurtëra, të fshehura, siç ngjet me gazetarinë tonë tashmw vërtet jo pa deformime. Kësisoj, prapw them se nuk ka një arsye të fortë për të pohuar se basketbolli po mbërrin në Shqipëri. Jemi të detyruar të mbetemi deri te thënia "se ai po kërkon të vijë". Dhe ende nuk dihet nëse vërtetw vjen. Ngjitur me ne përvoja e Kosovës është një mësim i vyer. Të huajt e atjeshëm, po nxisin basketbollin. Sponsorët kanë gjallëruar klube të twra. Publiku nuk gjen bileta për ndeshjet. Basketbolli është bërë sporti Nr. 1, pra mbi futbollin që atje ka nxjerrë Kujtim Shalën e Fadil Vokrrin, Xhevat Prekazin e Fadil Muriqin. S'kemi ç'bëjmë, duhet shkuar për të marrë përvojë edhe në Kosovë. Basketbolli megjithatw kërkon të vijë në Shqipëri.

2. Një basketbollist, prodhim i basketbollit shqiptar, me emrin Ermal Kuqo, biri i Robert Kuqos së famshëm të Partizanit dhe të Kombëtares sonë, është bërë i pari dhe i vetmi shqiptar që merr pjesë në Euroligën - gara më e rëndësishme e basketbollit profesionist evropian midis klubeve. Ai është thuajse titullar i Efes të Pilsen të Stambollit, një nga klubet më të mëdhenj të Evropës, pasi ka prekur kampionate në SHBA. Eshtë 23 vjeç. 207 cm shtatlartë, në 6 ndeshjet e edicionit të sivjetëm të Euroligës 2003-04, ai ka luajtur mesatarisht 17.52 minuta për ndeshje, ka shënuar mesatarisht 7.8 pikë po për ndeshje. Kemi të bëjmë me një fenomen të periudhës; në të vërtetë, kemi të bëjmë me sportistin shqiptar më me arritje nga gjithë sportet e lojërave me top, siç i quanin dikur sipas pedagogjisë sportive socialiste. Saqë patëm shpikur të parët në Botë, Federatën e Lojërave me Dorë, e cila megjithatw i pat dhënë një hop të paparë basketbollit dhe volejbollit në Shqipëri. A është një shenjw kuptimplotë Ermal Kuqo, i cili mendja ta do se duhet të jetë shtylla e Kombëtares sonë në Kampionatin e ardhshëm Evropian shtatorin 2004? Me siguri. Veçse ai është pak. Dhe nuk mund të themi se basketbolli po vjen. Vetëm mund të përsërisim "se basketbolli po kërkon të vijë". Korab Llazani, drejtor në Ministrinë e Kulturës, Rinisë dhe Sporteve, një figurë e shquar e basketbollit kombëtar, anëtar i kryesisë së Federatës Shqiptare të Basketbollit dhe kryetar i Komisionit të të Rinjve dhe Basketbollit të Vogël, më rreshton rradhazi emra basketbollistësh shqiptarë si Kuqo, Kotrri apo Garo, këta dy të fundit pjesëmarrës në Kampionatet e Universiteteve të SHBA, duke shtuar dhe emra të tillë si Ndoja dhe Bushati në Itali, pa shkuar te basketbollistët e tjerë shqiptarë të cilët luajnë në Kampionatin e Kosovës, skeda me të cilët është kjo (shtatlartësia, vitlindja dhe klubi):

Aleksander Damo 202 cm 1970 Dukagjini Peje
Bledar Gjeçaj 197 cm 1970 Bashkimi Prizren
Sokol Jahollari 200 cm 1974 Universiteti P.
Sokol Kasmi 196 cm 1980 Dukagjini Peje
Dritan Mema 202 cm 1969 Bashkimi Prizren

E pra kësaj here me Ermal Kuqon në krye, Shqipëria mund të ofrojë përmes pesëmarrjes saj në Kampionatin Evropian (KE), të paktën një Kombëtare krejt tjetër, shpresëdhënëse, jo thjesht për të marrë një kualifikim të mundshëm prej ndeshjeve të grupit me Austrinë, Biellorusinë e Qipron, çka duket e vështirë, por për të vënë gurin e parë drejt vërtetësimit praktik të slloganit tonë: "Basketbolli kërkon të vijë!" Dhe ndoshta edhe me të tjerë. Vështroni këta emra basketbollistësh nga Kosova. I kam përzgjedhur kryesisht për shtatlartësinë mbi 2 metra. Dhe shumica janë të rinj:

Valon Grapci 204 cm 1974 Dukagjini
Valdet Grapci 202 cm 1974 Dukagjini
Blerim Mazreku 205 cm 1981 Mabetex
Ngadhnjim Dragusha 207 cm 1982 Mabetex
Edmond Azemi 200 cm 1980 MEB Prishtina
Florian Miftari 204 cm 1983 MEB Prishtina
Edmond Azemi 200 cm 1980 MEB Prishtina
Bekim Maxhuni 201 cm 1970 Exclusive
Fikret Handzic 210 cm 1981 Trepca

Mund të jenë edhe prej këtyre pjesë e ardhshme e Kombëtareve shqiptare. E dini që nuk ka më pengesa. Kujtoni Besnik Hasin, Mehmet Dragushën dha Lorik Canën e Kombëtares së futbollit. Për herë të parë Shqipëria ka mundësinë e formimit edhe në basketboll të një Kombëtareje mbarëshqiptare. Kësaj radhe me basketbollin shqiptar asgjë frymëzuese dhe frytdhënëse nuk mund të bëhet pa një bashkim sportiv me basketbollin e Kosovës, edhe pse në pamje të parë duket diçka pasionante dhe fiktive...

3. As kaq nuk mjafton për të thënë se basketbolli erdhi. Ai vetëm po kërkon të vijë. Dhe nëse basketbolli nis e vjen përmes pjesëmarrjes në Evropë, ai duhet ta shkelë mirë Shqipërinë.

Fundoret e Kupës së Shqipërisë në basketboll javën që shkoi, kanë dy merita të mëdha: Valbona e Tropojës dhe SK Tirana dhuruan një spektakël tejet shpresëdhënës. Dhe erdhën jo pak shikues. Basketbolli vërtet që mund të mbërrijë. Një basketbollist 17-vjeçar i Sportklub Tiranës, Gerti Shima, 204 cm shtatlartë, qe një zbulim i fundores së Kupës. Dikush thotë se emri i tij ka shkuar deri te Cibona e Zagrebit. Ndërkaq, Valbona e Tropojës duke fituar për herë të parë Kupën e Shqipërisë pak muaj pas titullit të kampionit, i vë vulën përmbysëse historisë së vjetër të basketbollit shqiptar. Trajneri i saj Adem Muhametaj është prova më e re e çudisë. Presidenti i Valbonës, Avni Ponari, mbarështruesi financiar dhe organizativ i kësaj sfide tropojane, është prova tjetër e çudisë. Skuadra nuk luan në Tropojë, sepse në Tropojë tani për tani është vështirë të jetohet, jo më të luhet. Por tropojasit kanë ardhur në Tiranë dhe thirrjet "Valbona" dëgjohen natyrshëm. Mësimi i Valbonës dhe i Avni Ponarit, që ka ndërtuar një skuadër kryesisht me basketbollistë të ardhur, është prova e tretë e çudisë dhe si mendësi ngjason me përvojën kosovare të sotme të basketbollit. Shqipëria ka nevojë të ndërtojë dhe të rindërtojë klubet e basketbollit. Sepse kur bie fjala, ndal te këto shifra rezultatesh si Valbona - Partizani 101-55 apo SK Tirana - Partizani 103-58, apo kur nuk e dëgjon askund Vllazninë e Shkodrës apo Teutën e Durrësit - kampione të shquara të basketbollit, atëherë e kupton se basketbolli prap nuk mund të vijë. Ai vetëm sa kërkon që të vijë. ( Për fat Vllaznia sapo ka lëvizur: dy shqiptarë të Malit të Zi, Camaj (207 cm) dhe Berishaj (198 cm) - prodhim i basketbollit të fuqishëm malazez - sapo kanë dalë në fushë me tw). Korab Llazani më dhuroi një revistë të re që nuk e kisha parë: "Basket News", botim Federatës Shqiptare të Basketbollit. U befasova. Kryesisht për inisiativën dhe dëshirën për një kulturë të re në vetë FSHB. Ristrukturimi i kampionatit me 12 skuadra në një grup të vetëm, është një shenjw tjetër i mirë. Andrea Troja në rolin e sekretarit të FSHB është po aq një mendim i mirë. Federata Shqiptare e basketbollit ka në kryesinë e saj Presidentin e Komitetit Olimpik të Kombëtar të Shqipërisë, Stavri Bello, një basketbollist i shquar. President i FSHB është një njeri i biznesit, Marsel Skwndo dhe anëtar i kryesisë është një tjetër njeri i biznesit të ndërtimit, Ilir Trebicka, një basketbollist i klasit të parë të viteve më të bukura të basketbollit shqiptar. Këta sa për të dhënë emra që të bëjnë të shpresosh se një kombinim i mbarështrimit tjetër financiar dhe teknik i vetë Federatës Shqiptare të Basketbollit, mundet që vërtetë ta sjellë basketbollin e bukur në Shqipëri. Çka nuk mund të them se është bërë. Po aq nuk mund të them se pranë mjedisit basketbollistik ndodhen të gjithë ata që duhet të ndodhen. Nuk e pranoj se sapo ka filluar të formohet klani edhe këtu. Ndonëse zëra kritikë dëgjohen aty - këtu. Mbi të gjitha në mbarështrimin organizativo-financiar të basketbollit, Shqipëria është me kilometra larg basketbollit në Kosovë. Dhe shpesh të duket disi e përgjumur. Duke përjashtuar Valbonën e Tropojës. Rolet duket se janë megjithatw. Mungon interpretimi i tyre. Le të shpresojmë.

4. Krejt papritmas, ditët e fundit kam lënë një takim me kolegun Agron Kaja tek ai që quhet Këndi i Lojërave në Rrugën e Elbasanit. Erdha pak përpara. Brenda në kënd ka një bar në natyrë. U ula, porosita një kafe dhe po prisja duke hedhur vështrimin te këndi. Vetvetiu ashtu vetëm siç isha, më rrëmbyen kujtimet. Ky ka qenë Stadiumi i Lojërave me Dorë "Studenti", ose Stadiumi "Studenti", siç i thonim shkurt për arkitekturën e tij me tribuna rretheqark, i cili në fund të viteve '50 dhe deri afër atyre '70, ka luajtur rolin më të madh për ta ngritur basketbollin shqiptar. Ne spektatorët e parë të tij kemi përjetuar me sytë tonë rritjen e pazakontë të këtij sporti në këtw amfiteatër historik të sporteve në natyrë. Këtu në çdo ndeshje kanë qenë shpesh deri dhe në 4000 shikues! Hodha vështrimin djathtas dhe befas pashë se fusha ishte po aty, në përmasat e saj. Kalova nëpër mend episode të pafund. Nuk ka patur vend më të përshtatshëm se sa ky për të ndërtuar një Pallat Sporti. Krejt afër qendrës, po dhe larg qendrës, në një anë që nuk i prishte punë askujt, as lëvizjes, as arkitekturës së kryeqytetit. Në të vërtetë me shkatërrimin e tij, këtu është prishur një histori e madhe për ne. Pallati i Sporit "Partizani" siç u thirr në themelim, i iku Tiranës nga qendra jo se atje qe vendi i përshtatshëm, por sepse atje ishte i gatshëm hangari i aeroportit të vjetër çka lehtësonte ndërtimin e tij. Sikur të kishte burra dhe të ndërtonin sot këtu një Pallat Sporti (basketbolli) modern ku ende fusha dhe relievi e Tribunës së "Studentit" janë thuajse po ato! Ky po, do të ishte rikthimi i basketbollit në zemrën sportive të dikurshme të Tiranës... Në qendër të Katovicës, qytetit më sportiv të Polonisë, kam parë duke u ndërtuar më 1971 Pallatin e Sportit ndër më të modernët e Evropës. Medison Skuer Garden është edhe ai në një pikë nevralgjike të jetës së New Jorkut. Prishtina e ka pallatin e sportit po aty, thuajse në qendër. Duhet "afruar" Pallati i Sportit "Asllan Rusi". Ose të paktën te Këndi i rrugës së Elbasanit të vihet një pllakë me mbishkrimin: "Këtu është themeluar basketbolli modern në Shqipëri". Ardhjen e basketbollit në Shqipëri nuk mund ta sjellë gradualiteti i punëve dhe veprimeve, pra kurrsesi "sulmi gradual", por vetëm "i shpejti". U shkëputa nga "utopia". Kolegu erdhi ndërkaq. Basketbolli kërkon të vijë megjithate....

Besnik DIZDARI (gazeta TEMA)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Arben Fagu do të jetë trajneri i ri ekipit të Studentit

Arben Fagu tashmë do të jetë trajneri i ekipit të Studentit për meshkuj që do ta drejtojë skuadrën në fazën e dytë të kampionatit kombëtar të basketbollit për meshkuj. Një fazë e parë për ekipin e Studentit që duhet konsideruar e pasukseshme ka bërë që drejtuesit e këtij klubi të vendosin afrimin e teknikut të njohur Arben Fagu duke larguar nga ky post ish basketbiollistin Spartak Boshnjaku. Një lëvizje kjo e studiuar nga drejtuesit e këtij klubi që kanë afruar një nga trajnerët më të njohur në vënd jo vetëm për ekipin dinamovit por edhe të ekipit përfaqësues. ARBEN Fagu tashmë një personalitet i basketbollit në vënd ka marrë përsipër drejtimin e një skuadre të re e me perspektivë.

Ndërkohë një detyrë e vështirë për trajnerin Arben Fagu mbetet konsolidimi i kësaj skuadre e cila ka në përbërje të saj vetëm emra të rinj gjë që pa dyshim është një minus por që për vetë tekmnikun Fagu përbën një element më shumë në punën e tij në drejtim të rritjes së niveliut dhe njëkohësisht të cilësisë sportive.

Kështu Studenti në basketboll për meskuj është skuadfra e parë që ka bëraë një merkato në fuqishme në pankinë por që pritet të pasohet edhe në përbërje

Ervin Koçi

Gjyqtari i kategorisë ndërkombëtare në basketboll Ervin Koçi është i preferuari i organit më të lartë të basketbollit në europë.

Fiba i ka besuar atij të gjykojë në Maqedoni takimin midis Rabotniçkit vëndas dhe Apoel nikosia e Qiprois .

Ky takim është i vlefshëm për kompeticionin Çampions Kap men.

Luftetari fiton Superkupen e Shqiperise ndaj Flamurtarit

Vajzat basketbolliste te ekipit te "Luftetarit" shpallen fituese te Superkupes se Shqiperise. Ne ndeshjen e se merkures me ekipin e Flamurtarit gjirokastritet fituan me rezultatin

153-22. Vendaset nuk hasen asnje lloj veshtiresie pasi kundershtari, Flamurtari u paraqit ne ndeshje pa lojtaret titullare por me kampionet e moshave. Pjesa e pare u mbyll me rezultatin 36-2 ne favor te gjirokastriteve. Kjo epersi vazhdoi edhe ne pjesen e dyte me 72-2, pjesa e trete perfundoi 115-10 dhe e gjithe loja perfundoi me rezultatin 153 -22 ne favor te gjirokastriteve. Per "Luftetarin" shenuesja me e mire ishte K.Popjankova me 32 me pas vijne Cekic dheV.Popjankova me 25 pike, Moceva 20, Hristova 22 dhe Sotiri 13 pike, etj. Ne ceremonine e mbylljes kryetari i bashkise se Gjirokastres Flamur Bime i dorezoi kupen kapitenes se "Luftetarit" Llukani. Pas ndeshjes trainieri Thoma Kuci pohoi per "Korrierin" se, fitoria e Superkupes fale lojes se basketbollisteve gjirokastrite ishte e padiskutueshme, Luftetari keshtu seleksionoi trofeun e tij te shtate ne histori e te gjitha keto ne 3 sezonet e fundit perfshi kete ne vazhdim.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kombëtarja e basketbollit mblidhet për Europianin

Përfaqësuesja shqiptare e basketbollit nis seleksionimet për Turneun e Promocionit që zhvillohet në Maltë. Më pas skuadra do të fillojë serinë e ndeshjeve eliminatore të Kampionatit Europian për Divizionin B. Për këtë arsye trajnerët Avrami e Fagu kanë nisur të hënën grumbullimin e parë me lojtarë që luajnë në kampionatin shqiptar, duke zhvilluar stërvitje në pallatin e sportit "Asllan Rusi". Në këtë stërvitje morën pjesë 17 basketbollistë të ekipeve më të mira të kampionatit si Tirana, Valbona, Dinamo, etj. Ekipit kombetar do t'i bashkohen edhe basketbollistë që luajnë jashtë vendit, kryesisht në kampionatin e Kosovës. Kombetarja e basketbollit do të marrë pjesë fillimisht në Turneun e Promocionit, që zhvillohet çdo vit në Maltë dhe me pas në eliminatoret e Kampionatit Europian, në Divizionin B. Ekipi shqiptar ndodhet në grupin C bashkë me ekipet e Austrisë, Belarusit dhe Qipros. Duhet thënë se gjatë viteve të kaluara Kombëtarja jonë e basketbollit ka arritur rezultate të dobëta përballë kundërshtarëve respektivë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Vllaznia

Vllaznia në basketboll për meshkuj në përgatitjet e fundit për fazën e dytë të kampionatit. Skuadra e cila drejtohet nga mjeshtri i njohur Petrit Osmani është përballur në një takim miqësor me ulqinakët e Riverës, sfidë të cilën e kanë fituar me rezultatin 86-77. Me shumë se rezultati trajneri shkodran është i kënaqur nga loja e zhvilluar nga të përzgjdhurit e tij dhe beson se një gjëndje e tillë do të shfaqet edhe në takimin e parë ndaj Partizanit dhe sikundër çdo kundërshtari kuqeblutë do të kërkojnë fitoren .Megjitahtë synimet e Vllaznisë për këtë edicion janë modeste. Trajneri Osmani duke njohur mirë forcën dhe mundësitë e skuadrës së tij shpreson në një përfshirje në fazën e plei-offit dhe renditje në katër ekipet më të mira.

Një gjë e tillë pasi objektivat e kuqebluve janë afatgjata, duke startuar nga edicioni i ardhshëm.

Afrimi i disa sponsorëve pranës skuadrës do të bëjë të mundur që me ngjyrat e Vllaznisë në sezonin e ri të luajnë të gjithë basketbollistët shkodranë, që aktualisht luajnë në ekipet e tjera.

Në rast të së do të realizohet një sipërmarrje e tillë, atëherë për Vllazninë, synimi i vetëm do të jetë titulli kampion.

Imazhe te Ngjitura

a_basket.jpg (8.6 KB, 50 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Basketboll-Femra. Janë luajtur dje ndeshjet e dyta gjysmëfinale të play-off-it

Skënderbeu - Flamurtari 137-71
Flamurtari është ndalur dje në Korçë (137-71 për Skënderbeun) në ndeshjen e dytë të play-off-it në basketboll për femra, madje me shifra të thella. Skënderbeu u ka kthyer viston vlonjateve, të cilat menduan më shumë për ndeshjen e tretë në Vlorë sesa për sfidën në "Tamara Nikolla". Flamurtari ka mbërritur dje në Korçë 15 minuta para fillimit të takimit, ku në krye të ekipit ka qenë zv.trajneri Vladimir Birçe së bashku me 6 lojtare të reja. Gjithsesi, Skënderbeu i trajnerit Kostani nuk ka lëshuar për 40 minuta në fushë, madje shifrat janë thelluar që në dy periodat e para. Për Skënderbeun, formacioni ka qenë më i miri, ndërkohë që në çaste të caktuara janë aktivizuar edhe vajzat e reja. Vetëm një herë do të barazohej rezultati, ku pas shifrave 12-12 Skënderbeu nuk ndalet më. 34-24 do të përfundonte perioda e parë, ku protagonistet kryesore janë Shehu e Plasa për Skënderbeun, ndërsa Hila për Flamurtarin ka shënuar 4 gjuajtje për 3 pikë. Në periodën e dytë, korçaret nuk kanë më "mëshirë" për Flamurtarin, kur shifrat shënojnë 70-37 në përfundim të 20 minutave të para. Edhe në periodën e tretë, përveç lojtareve më të mira të Skënderbeut, aktivizohen edhe Kacori, Pambuku, Nuredini e Seferi, ndërsa për Flamurtarin rezerva e vetme në stol, Hoxha, nuk hyri asnjëherë në fushë. Shifrat do të thelloheshin edhe më shumë, madje me plot 50 pikë do të përfundonte perioda e tretë, 103-53. Edhe në periodën e katërt, korçaret vazhdojnë të mendojnë për të thelluar diferencën, ndërkohë që Demiraj e Hila për Flamurtarin kundërpërgjigjen në disa raste. Përfundimisht, 137-71 për Skënderbeun, që në këtë mënyrë barazon fitoret në 1-1 me Flamurtarin. Prej shumë vitesh, korçaret nuk fitonin me një diferencë të tillë ndaj Flamurtarit, ndërkohë që do të paraqiten tri ditë më vonë në pallatin e sportit në Vlorë, për ndeshjen e tretë gjysmëfinale të play-off-it.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kampionet kërkojnë titullin e tretë

Studenti - Luftëtari 53-66 (0-2)
Luftëtari e Studenti në basketboll për femra kanë kryer angarinë e fundit për këtë sezon (tani e tutje gjithçka kthehet në një "betejë" për kampionet), teksa janë përballur mes tyre në një sfidë që vlente më shumë për statistikë. Gjirokastritet kanë fituar 66-53 ndaj kryeqytetaseve, duke siguruar kualifikimin për në finale. Sfida e djeshme ishte pa grintë, çka bëri që edhe emocionet e rivaliteti të mungonin. Gjithsesi, ndeshja do të kujtohet për disa shifra të saj të veçanta. Kështu, 17 pikët e Luftëtarit në periodën e parë i shënuan vetëm dy lojtare, Hristova 8 dhe K. Popjankova 9. Moceva, gjatë 34 minutave lojë që luajti, nuk gjuajti asnjëherë në kosh, duke u shërbyer mjaft mirë kolegeve të saj. Ndërsa te Studenti shënuan të gjitha lojtaret, çka tregon se trajneri Greva u dha mundësi të gjitha basketbollisteve të aktivizoheshin. Sa për statistikë, perioda e parë u mbyll 17-7 dhe pjesa e parë 27-20, ndërsa perioda e tretë 47-34, gjithnjë për Luftëtarin. Studenti vetëm në minutat e para të ndeshjes udhëhoqi deri në 7-6 dhe në fillim të pjesës së dytë arrin ta ngushtojë diferencën 31-30. Ndërsa pjesa tjetër e ndeshjes flet për Luftëtarin, që tashmë mendon për finalet, ndërsa kampionati i Studentit mbyllet këtu.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Drejtuesit e kombëtares së meshkujve shprehin planet e tyre

Trajnerët e ekipit kombëtar në basketboll për meshkuj kanë dalë dje paradite në një konferencë për shtyp, ku kanë shprehur planet e tyre për pjesëmarrjen e Shqipërisë në Kampionatin Evropian të Basketbollit. Trajnerët janë shprehur se do të kërkojnë të bëjnë një paraqitje sa më të mirë në këtë turne. Por, sipas tyre, gjithçka do të varet nga fakti nëse do të mbërrijnë të gjithë lojtarët e kërkuar nga trajnerët. Kështu, në një listë me 24 emra të thirrur për Turneun e Promocionit, 10 prej tyre luajnë jashtë Shqipërisë. Nëse këta lojtarë japin konfirmimin e tyre për pjesëmarrje, atëherë dhe synimet e ekipit tonë kombëtar në kampionatin evropian do të jenë më të mëdha. Për këtë arsye, Turneu i Promocionit do të jetë një test me mjaft vlera, ku do të provohen të gjithë lojtarët e grumbulluar. Ndërkohë, trajnerët Avrami, Fagu e Kuqo u shprehën se kanë rënë dakord me FSHB-në për të zhvilluar disa grumbullime deri në shtator, kur do të fillojë evropiani. I pari do të kryhet në periodhën 17-22 maj, kur të grumbullohet kontigjenti prej 24 basketbollistësh. Më pas, në prag të Turneut të Promocionit, do të zhvillohet grumbullimi i parë i rëndësishëm, duke u përzgjedhur elementët më të mirë. Një tjetër grumbullim (mendohet 1-javor) do të kryhet në muajin korrik për të parë gjendjen e sportistëve. Ndërsa në prag të evropianit (muajin gusht) do të zhvillohet grumbullimi përfundimtar, ku mendohet se do të jenë të gjithë sportistët e thirrur nga trajnerët e kombëtares. Po gjatë kësaj periudhe, pritet që të zhvillohen disa ndeshje miqësore me ekipe të vendeve fqinje, si për të testuar kombëtaren ashtu dhe për të promovuar këtë turne në Tiranë.

Lojtarët Gjatësia Mosha Skuadra
Ermal Kuqo 2.08 24 Efes Pilsen
Arvin Kotri 2.04 23 USA
Gerti Shima 2.02 18 Tirana
Aleksandër Damo 2.00 34 Drita
Dritan Mema 2.00 35 Dinamo
Bruno Daliu 2.00 19 USA
Marlin Sukaj 2.04 24 Roma (kat.D)
Erin Hasani 2.06 19 Tirana
Alfred Biberaj 2.04 25 Valbona
Bledar Gjeçaj 1.96 32 Vllaznimi
Afrim Bilali 1.98 24 Valbona
Vildan Mitku 1.96 20 Tirana
Jani Konomi 2.04 18 DAF
Reinaldo Kacori 1.98 20 Skënderbeu
Ardian Domi 1.99 20 Dinamo
Arionel Lame 1.96 20 Tirana
Real Vorfa 1.98 20 Valbona
Sokol Jahollari 1.96 24 Drita
Klaudio Ndoja 1.97 19 Casalpulstrelegno
Adrian Selmani 1.86 34 Tirana
Erkand Karaj 1.88 23 Tirana
Franko Bushati 1.88 19 Stela Azzura
Elton Saliaga 1.88 27 Dinamo
Marlen Gjeli 1.88 21 Valbona

Lojtarë të mundshëm
Saimir Shaptahoviç 1.76 23 BpB Prishtina
Fation Miftari 2.04 23 BpB Prishtina
Edmond Azemi 2.01 24 BpB Prishtina
Orion Garo 2.09 24 Dakota
Trajnerë: Roland Avrami, Arben Fagu, Artan Kuqo

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.