Për të ndjekur studimet, maturantët nuk do t’u nënshtrohen provimeve të Maturës Shtetërore, por konkurseve. Sipas Petrit Malaj, dekani i Artit Skenik, konkursi është pjesa më e rëndësishme e shkollës.

Ndërsa për shumë degë në fakultetet shqiptare Matura Shtetërore do të bëjë të mundur përzgjedhjen e nxënësve për në fakultetet, në Akademinë e Arteve nxënësit do të përzgjidhen me konkurs. Tashmë janë shpallur edhe kriteret për t’iu nënshtruar konkurseve në Fakultetin e Artit Skenik dhe Fakultetin e Arteve Figurative. Petrit Malaj, dekan i Artit Skenik, thotë se konkursi është pjesa më e rëndësishme e shkollës. “Dëshirojmë që të hyjnë në konkurse nxënës me prirje dhe talent”, -theksoi dje dekani Malaj. Ai sqaroi gjithashtu se komisioni i vlerësimit të konkurrentëve do të përbëhet nga pedagogë te brendshëm dhe specialistë të jashtëm. “Në asnjë mënyrë nuk do të ketë në komisione pedagogë që kanë punuar më parë me nxënësit”, - vazhdon të thotë Malaj, sa u përket kurseve private.

Fakulteti i Artit Skenik
Për pesë degët e këtij fakulteti kërkesat janë të ndryshme. Kështu, për degën e Aktrimit zgjatja në ditë e konkursit do të varet nga numri i konkurrentëve. Përveç monologut, monologut klasik, poezisë, fabulës dhe tregimit, konkurrenti duhet të testohet edhe për formimin kulturor, edukimin muzikor dhe të kontrollohet për plastikën trupore. Përpos këtyre kërkesave, konkurrentëve do t’u bëhen edhe kërkesa të tjera nga komisioni, të cilat duhet t’i përmbushë për të fituar. Për degën e Regjisë së Filmit Televiziv konkurrentëve do t’iu duhet formimi i përgjithshëm dhe ai profesional. Ky i fundit do të matet nëpërmjet testeve teorike dhe praktike. Gjithashtu, kandidati duhet të hartojë një platformë regjisoriale filmike, tema dhe lloji caktohet gjatë konkursit nga komisioni, por ai duhet të ketë njohuri të mira edhe mbi përdorimin e aparatit fotografik me film. Në bazë të kësaj, studenti duhet të realizojë një etyd regjisorial. Përveç një testimi për formimin kulturor mbi kinematografinë shqiptare dhe botërore, studenti duhet të ketë me vete edhe një aparat fotografik me film.

Regjia e skenografia
Edhe për departamentin Regji-Skenografi-Koreografi ka kritere të vendosura mirë. Në mënyrë që të fitosh në degën e regjizurës, duhet t’i nënshtrohesh konkursit për tri ditë. Në ditën e parë para komisionit duhet të paraqesësh një platformë regjisoriale dhe duhet të testohesh për formimin kulturor rreth teatrit, dramaturgjisë, filmit, letërsisë etj. Sa i përket ditës së dytë, ajo do të përmbajë vetëm interpretim në monolog, tregim dhe poezi. Dita e tretë do të mbyllet me një etyd regjisorial, tema e të cilit do të caktohet nga komisioni. Edhe për degën e koreografisë konkursi do të realizohet në tri ditë. Në ditën e parë konkurrenti duhet të bëjë ushtrime klasike të karakterit popullor, variacion ose monolog nga balete të ndryshme, kompozim të elementëve për ushtrimet klasike e popullore, por njëkohësisht konkurrenti do të gjendet përballë kontrollit për njohuritë teorike e praktike mbi folklorin koreografik shqiptar. Në ditën e dytë, përveç vlerësimit të njohurive në historinë e baletit shqiptar e botëror, konkurrenti duhet të ekzekutojë një pantonim sipas kërkesës së komisionit. Në ditën e tretë dhe të fundit, studenti duhet të paraqesë para komisionit një libret koreografik dhe të demonstrojë gjuhën shprehëse të personazheve dhe më pas do të ekzekutojë në një instrument popullor. Ne degën e skenografi-kostumografisë konkurrenti duhet të sjellë pranë komisionit para se të zhvillohet konkursi dosjen personale, e cila duhet të përmbajë kompozime në skenografi, kostumografi, pikturë, vizatim etj. Në ditën e parë studenti duhet të vizatojë një model të kompozuar nga natyra, duhet të bëjë vizatime apo skica të shpejta. Në ditën e dytë konkursi vështirësohet paksa, pasi duhet pikturuar në telajo një model i kompozuar nga natyra, i cili do të vazhdojë edhe në ditën e tretë.

Në ditën e fundit të konkursit kandidati duhet të kompozojë, të krijojë një projekt skenografik dhe kostumografik, madje edhe të testohet teorikisht për formimin e përgjithshëm kulturor. Në fund konkurrenti duhet të bëjë një analizë teorike të një skenografie.

Fakulteti i Arteve Figurative
Konkursi zhvillohet në pesë ditë në dy specialitete, pikturë dhe skulpturë. I ndarë në pesë faza, konkursi do të përmbajë vizatim, skica të shpejta, realizim të një pikture dhe skulpture dhe një kompozim në pikture, vizatim etj. Sa i përket ditës së pestë, kandidati do të vlerësohet për formimin teorik për njohuritë e historisë së artit, interpretimin e materialeve personale dhe të një autori tjetër. Kandidatët nuk duhet të harrojnë për të paraqitur dosjen e tyre personale, e cila duhet të përmbajë vizatime, piktura, skica etj. Si për Fakultetin e Artit Skenik ashtu edhe për Artet Figurative, materialet që duhen për në konkurs do të përballohen nga vetë konkurrentët.

AKTRIM
1. Monolog
2. Monolog klasik (I detyruar)
3. Poezi
4. Fabul
5. Tregim
6 Seancë kontrolli për plastiken trupore (ecje, ushtrime bashkëveprimi, rezistence, kërcim etj.)
7. Testim teorik mbi formimin kulturor të konkurrentit (në fushën e teatrit,
dramaturgjisë, filmit e letërsisë në përgjithësi ).
8. Testim për edukimin muzikor

"REGJI FILMI DHE TV"
a) Formimi i përgjithshëm (nivel i lartë, mesatarja e lartë + testi i formimit të përgjithshëm)
b) Formimi profesional (njohuri mbi kinematografinë shqiptare dhe botërore etj. )
a) Testi teorik . b) Testi praktik

KOREOGRAFIA
Ushtrime klasike e karakterit popullor.
Demonstrim i një variacioni ose monologu nga baletet e ndryshme. Kompozim nga kandidatët elementë të ushtrimeve klasike e popullore. Ushtrime me 2/4 e 3/4, 16 ose 32 masa muzikore.
Njohuri teorike e praktike mbi folklorin koreografik shqiptar.
Njohuri mbi Historinë e Baletit Shqiptar dhe Botëror.
Ekzekutimi i një pantomime sipas kërkesës së komisionit.
Paraqitja e nje libreti koreografik dhe demonstrimi i gjuhës shprehëse të
personazheve ( klasike, popullore ose moderne ).
Njohuri mbi muzikën klasike botërore e shqiptare si dhe ekzekutimi në një instrument popullor.

REGJISURË
-Hartimin e një skice platforme regjisoriale mbi hazën e një pjese dramatike që caktohet aty për aty nga komisioni ( tema, konflikti, personazhet, dekori, imazhi regjisorial etj.)
-Testim mbi formimin e pergjithshem kulturor ne fushen e teatrit, dramaturgjise, filmit, letersise ne pergjithesi, muzikes, arteve figurative etj.).
-Interpretim I material eve te meposhtme : a) monolog b) tregim c) poezi
-Etydin regjisorial mbi hazen e nje teme te caktuar qe sugjerohet aty per aty nga komisioni. Gjithashtu kandidati i nenshtrohet edhe kerkesave te tjera plotesuese qe jepen nga komisioni i pranimit.

SKENOGRAFI-KOSTUMOGRAFI
Vizatim. Realizimi i nje modeli te kompozuar nga natyra ne vizatim.
Studime ose vizatime te shpejta, skica ne maredhenie me nje model te vendosur ne atelier. Realizimi behet me laps,karbon,pastel etj. Formati i letres eshte A2.
Pikture. Realizimi i nje modeli te kompozuar nga natyra ne pikture Realizimi behet ne nje telajo jo me te vogel se 50 X 60 cm.
Pikture. Realizimi i nje modeli te kompozuar nga natyra ne pikture Vazhdon realizimi I piktures. Kompozim.(ushtrim mbi afesite krijuese. Tema jepet ne moment nga komisioni dhe realizohet ne pikture nga konkurruesit.
Po kete dite organizohet edhe: Testim teorik mbi formimin e pergjithshem kulturor dhe profesional ne fushen e teatrit, letersise dhe muzikes (ne formimin profesional duhet te ketë njohuri teorike per specifiken e skenografisë, kostumografisë, pikturës, vizatimit dhe Historisë së Arteve Figurative ).
Krijimi i nje projekti skenografik dhe kostumet ( teorikisht dhe praktikisht)
Analize teorike e nje skenografie te realizuar ne skenat tona.
Telajot, letrat, bojërat do të përballohen nga kandidati. Konkurrenti duhet te paraqesë dosjen personale e cila duhet të ketë kompozime ne skenografi, kostumografi, pikturë, vizatim etj. Dosja dorëzohet para fillimit te konkursit.

ARTET FIGURATIVE
Organizohet ne dy drejtime specialitetesh PIKTURE dhe SKULPTURE
Vizatim (Relacione me natyren)
Studime ose vizatime te shpejta, skica ne marredhenie me nje model te vendosur ne atelier. Realizimi round te jete me laps, karbon, pastel etj. -Leter vizatimi e bardhe -format A2 (Per te gjithe konkuruesit.)
Pikture & Skulpture (Relacione me nje model te vendosur ne atelier)
Realizimi per piktoret do te jete mbi nje telajo jo me te vogel se 50x60 cm
Kompozim (ushtrim mbi aftesite krijuese)
Organizimi i nje kompozimi ne baze te nje teme te dhene ate dite nga drejtuesit e konkursit.
Ky ushtrim round te realizohet ne pikture, vizatim, skulpture etj.
Biseda (Testi i formimit teorik). Perdorimi i DOSJES se konkurrentit

Ky test konsiston:
1) ne matjen e njohurive te konkurrentit ne drejtim kryesor mbi historine e artit. 2) Ne interpretimin e materialit te paraqitur ne dosje 3) Te nje autori te caktuar etj.
2) Dosja duhet te permbaje vizatime, piktura, skica dhe kompozime te realizuara (ne pikture, skulpture, instalacion, video, fotografi etj.)

__________________
The heaven's sound is composed inside your heart, listen to its beat to syncronize your life onto the angel's steps.