Talebanët: Ne, autorë të ngjarjes
Dy ministritë: Nuk është rrëmbyer asnjë punonjës paqeruajtës

Talebanët rrëmbejnë katër shtetas shqiptarë në Afganistan. Lajmi është bërë publik dje nga agjencia e lajmeve “Afgan Islamic Press”, AIP, rreth orëve të mesditës.
Sipas Qendrës Operacionale në Ministrinë e Mbrojtjes, e cila ka komunikuar vazhdimisht me kontingjentin e paqeruajtësve shqiptarë në Afganistan, lajmi fillimisht është transmetuar nga një radio dhe një televizion lokal. Më pas, informacionet për ngjarjen janë konfirmuar edhe nga agjencia AIP.

Ngjarja mendohet të ketë ndodhur rreth mesditës, në qendër të qytetit të Kandaharit, në jugperëndim të Afganistanit. Konkretisht, zona ku ndodhi ngjarja është raportuar nga mediat ndërkombëtare si distrikti Maiwand në provincën jugore afgane të Kandaharit. Katër shqiptarët shoqëroheshin nga dy roje talebane dhe po lëviznin me dy automjete në Kandahar, kur janë rrëmbyer nga disa persona. Sipas mediave ndërkombëtare, një zëdhënës i formacioneve guerile talebane ka pranuar autorësinë e rrëmbimit dhe ka pohuar se fati i katër shqiptarëve tani varet nga Mulla Omar, krahu i djathtë i të shumëkërkuarit Osama Bin Laden. Burimet ushtarake nga Afganistani kanë konfirmuar mbrëmë vonë se katër shqiptarë janë marrë peng, por thanë se nuk dihej asgjë për identitetin e tyre. Burimet diplomatike nuk e kanë përjashtuar mundësinë që pengjet të jenë nga Kosova ose Maqedonia.

Reagimet
Pas kontakteve të vazhdueshme për Qendrën Operacionale të Misioneve Paqeruajtëse Shqiptare gazeta sqaroi se, personat e rrëmbyer nuk bënin pjesë në stafin e kontingjentit të paqeruajtësve shqiptarë në Afganistan. Më pas, me anë të një deklarate për shtyp, Ministria e Mbrojtjes sqaroi se “kemi marrë kontakt me komandantin e Kontingjentit Shqiptar me mision paqeruajtës në Afganistan. Ai konfirmoi zyrtarisht se asnjë nga katër personat që mendohet të jenë marrë peng, nuk janë efektivë të këtij kontingjenti prej 22 komandosh. Ata janë shumë mirë dhe vazhdojnë misionin e tyre në Kabul, kryeqytetin e Afganistanit, ku dhe kanë bazën e tyre, nën komandën turke të ISAF. Në gjendje të mirë konfirmohet zyrtarisht të jenë edhe 9 efektivët shqiptarë, anëtarë të brigadës SEEBRIG, 4 efektivët e ekipit mjekësor dhe 2 oficerët shqiptarë anëtarë të Shtabit Ndërkombëtar, që të gjithë me qendër veprimi në kryeqytetin e vendit, Kabul”, thuhet në njoftimin e Ministrisë së Mbrojtjes. Ndërkaq, edhe Ministria e Jashtme ka reaguar menjëherë pas publikimit të lajmit. “Në rrugë diplomatike kemi marrë kontakt me Organizatën e Kombeve të Bashkuara dhe zyrtarisht nuk kemi asnjë konfirmim për këtë informacion”, thuhet në deklaratën e Ministrisë së Jashtme.

Reagon Ministria e Jashtme
“Pengmarrja e shqiptarëve, krizë e padëshirueshme”
Ministria e Punëve të Jashtme në Tiranë e ka cilësuar një krizë të padëshirueshme ngjarjen e ndodhur dje ne qendër të qytetit të Kandaharit, ku janë marrë peng katër shtetas shqiptarë. “Komuniteti i vogël shqiptar që gjendet në Afganistan me aktivitete civile është një shprehje e ndjenjave të miqësisë që ushqen populli shqiptar për popullin afgan dhe Shqipëria për Afganistanin”, thuhet në deklaratën e Ministrisë së Jashtme. Sipas saj, “nëse ky lajm konfirmohet si i vërtetë, ndjejmë të nevojshme të sqarojmë se kjo është një krizë krejtësisht e padëshirueshme”. Sipas deklaratës, Ministria e Jashtme e Shqipërisë po ndjek me vëmendje problemin dhe do ta trajtojë atë në rrugë diplomatike për zgjidhjen e tij në një kohë sa më të shpejtë.

Pengjet ndoshta nga Kosova
“Personat që janë marrë peng mund të jetë shtetas shqiptarë që ndodhen në Afganistan, në kuadër të misioneve humanitare të shoqatave ndërkombëtare”. Kështu janë shprehur burimet nga Qendra Operacionale e Ministrisë së Mbrojtjes në Tiranë. Sipas saj, pengjet mund të jenë edhe nga Kosova e Maqedonia.

Telefonatat per Misionaren
Mbrëmë vonë është dyshuar se shqiptare, që punon me misionet humanitare të OKB, ndodhej mes të rrëmbyerve. Shërbimet diplomatike konfirmuan se ky person ndodhej me mision në Kabul ndërsa të afërmit e saj kanë kërkuar ndihmë nga Ministria e Mbrojtjes. Disa telefonata janë bëre në adresë të vajzës por ajo nuk është përgjigjur.

Kronologjia
Ora 19:00
Publikohet lajmi se katër shqiptarë janë rrëmbyer nga talebanët në Kandahar. Një zëdhënës i formacioneve guerile talebane merr përsipër autorësinë e ngjarjes.
Ora 19:20
Qendra Operacionale e Misioneve Paqeruajtëse fillon komunikimin me komandantin e Kontingjentit Shqiptar në Afganistan. Ai konfirmon se të rrëmbyerit nuk janë pjesë e Kontingjentit
Ora 19:34
Ministria e Jashtme, në një konferencë për mediat, tha se kishte mbajtur kontakte me Organizatën e Kombeve të Bashkuara dhe se prej këtyre kontakteve nuk kishte asnjë konfirmim zyrtar.
Ora 20:00
Në linjë telefonike, Qendra Operacionale e Misioneve Paqeruajtëse në Tiranë konfirmoi se anëtarët e Kontingjentit Shqiptar në Afganistan kanë pohuar se lajmi është publikuar nga një radio dhe televizion lokal dhe më pas nga mediat ndërkombëtare.

__________________
The heaven's sound is composed inside your heart, listen to its beat to syncronize your life onto the angel's steps.

Katër shqiptarët e rrëmbyer të shtunën në qytetin afgan Kandahar, janë likuiduar nga kryengritësit taleban, kështu ka njoftuar sot Radio Televizioni i Maqedonisë, duke u thirrur në burime jozyrtare. Sipas këtij televizioni,katër shqiptarët e likuiduar janë nga Tetova.

Thuhet se ata kanë qenë punonjës së kompanisë Ekolog, por zyrtarët e kësaj të fundit edhe sot kanë mohuar një gjë të tillë. Ministria e Jashtme e Maqedonisë nuk ka dhënë ndonjë konfirmim, nëse katër shqiptarët e zhdukur në Afganistan janë qytetarë të Maqedonisë.


Vazhdojnë kërkimet e katër shqiptarëve të rrëmbyer në Afganistan. Forcat e sigurisë në Afganistan thonë se po kërkojnë katër shqiptarë dhe katër afganë, për të cilët talibanët thonë se i kanë rrëmbyer pardje, në pjesën jugore të Afganistanit. "Na vjen keq, por ne morëm vesh se këta shqiptarë janë rrëmbyer", tha dje guvernatori i provincës Kandahar, Haxhi Asadullah Khalid.

Zëdhënësi i talibanëve, Mohamad Jusuf, tha se të tetë personat po mbahen peng dhe se ata do të gjykohen nga një gjyq taliban. Ai nuk dha asnjë shkas për këtë rrëmbim.

Katër shqiptarë nga Maqedonia, të rrëmbyer nga talibanët janë ekzekutuar, ka bërë të ditur zëdhënësi i talibanëve Muhamed Jusuf, i cili ka shtuar se ekzekutimi është bërë me urdhër të Mulla Omarit, udhëheqësit të talibanëve. Burimet e kompanisë gjermane Ecolog, për të cilën punonin viktimat, thanë se tre prej tyre janë nga Tetova dhe një nga Shkupi.

Tre nga viktimat janë identifikuar si Besim Aliu I.Zejnuni dhe Sabi Tahiri që janë nga Tetova, kurse identiteti i viktimes së katër nga nga Shkupi ende nuk dihet. Talibanët i akuzuan të ekzekutuarit si spiunë amerikanë.Ndërkaq, Parlamenti shqiptarë në shenjë nderimi për viktimat dje ka mbajtur një minut heshtje

__________________
Life may not be the party we hoped for... but while we are here we might as well dance!!!!

Dështojnë negocimet për lirimin e shqiptarëve, Kuvendi mban 1 minutë heshtje
Dy nga pengmarrësit u identifikuan mbremjen e djeshme rreth orës 18.30, vetëm pak kohë pasi ishte dhënë lajmi për ekzekutimin e katër personave nga grupet talebane në Afganistan, të kapur dy netë më parë në zonën afër Kandalaharit. Sipas agjensive të lajmeve, ata ishin shqiptarët nga Shkupi e Tetova, Besim Aliu dhe Sabi Tahiri, ish punonjës të firmës gjermane “EKOLOG”, ndërsa nuk dihet ende identiteti i dy të tjerëve që patën të njejtin fat tragjik si Aliu e Tahiri. Janë mbajtur sekret procedurat që u ndoqën për lirimin e tyre, tashmë të dështuara si nga pala shqiptare ashtu dhe nga pala kosovare, ku një prej negociatorëve indirekt, Bexhet Pacolli deri vonë në orët e mbremjes së kaluar nuk kishte informacion të saktë.

Pacolli
Nga burime të besueshme, mësohet se shqiptarët e marrë peng janë vrarë që në fillim, por mesa duket, grupe të caktaura kanë dashur të përfitojnë deri diku. Por nisur nga sekretet e mesuara gjatë negocimit, pas disa orëve jepet lajmi për vrasjen e tyre. Gjithsesi, për zotin Bexhet Pacolli, kjo ishte një ngjarje e paqartë dhe me mungesë informacioni. Mesa duket, ai është përballur me diziformacione rreth pengmarrjes dhe në kushte të tilla roli i tij ka qenë jo vendimtar. Kurse mbrëmë rreth orës 19.00, Parlamenti shqiptar, mes gjithë asaj zhurme me kërkesë të deputetit socialist Gramoz Ruçi, mban një minutë zi për ngjarjen e ndodhur në Afganistan, ku katër shqiptarë u vranë nga talebanët. Vetëmë dy orë më parë nga ky momnet, Ministria e Jashtme nëpërmjet zedhënëses Desada Metaj, shprehu këqardhjen për vrasjen e shqiptarëve të rrëmbyer nga grupet talebane në Afganistan. “Ky është një gjest i shëmtuar i terrorizmit, çka tregon se rruga e zgjedhur nga Shqipëria për të luftuar terrorizmin është një luftë e drejtë”, thuhet në deklaratë. Sipas Ministrisë së Jashtme, siç është informuar dhe publiku, gjatë këtyre ditëve, në MPJ ka funksionuar një grup i posaçem pune, i cili në bashkëpunim edhe me Ministrinë e Mbrojtjes, ka bërë të gjitha përpjekjet për identifikimin e të rrëmbyerve dhe po ashtu ka mbajtur kontakte të dendura me përfaqësuesit e OKB-së në Afganistan. Në të njëjtën kohë, sipas zedhenses, MPJ ka shfrytëzuar të gjitha rrugët e tjera diplomatike, me qellimin për t`u ardhur në ndihmë viktimave të rrëmbyera dhe tashmë të ekzekututara. Në deklaratë shtohet se „çdo manipulim politik me këto viktima, nga cilido drejtues partie në vend, nuk është korrekt dhe nuk pasqyron keqardhjen, që duhet të pushtojë jo vetëm çdo shqiptar, po edhe çdo qytetarë të lirë të botës përballë kësaj tragjedie”.

__________________
The heaven's sound is composed inside your heart, listen to its beat to syncronize your life onto the angel's steps.