Disa psikologë e kuptuan që funsionalizimi nuk qe shkëputur nga studimi strukturor i mendjes. Në vitin 1913,një psikolog amerikan, John B.Watson u bë themeluesi i shkollës së mendimit të quajtur bihejviorizëm. Watson besonte se psikologjia duhet të jetë shkenca e sjelljes që shfaqet së jashtmi. Ai refuzonte idetë e introspeksionit dhe proceseve mendore. Bihejvioristët përqëndroheshin në matjen objektive të sjelljes që mund të vëzhgohet. Ata besonin se psikologjia duhet të jetë shkencë "Solide" si fizika apo kimia. Bihejvioristët e hershëm shkuan në ekstrem me idetë e tyre. Ata kufizuan psikologjinë në studimin e reagimeve, të bëra në organizëm ndaj një ngacmuesi,të cilët mund të vëzhgohen së jashtmi. P.sh.,një zhurmë e lartë,e papritur shkakton te njeriu një kërcim të vogël e të pavullnetshëm nga vendi. Bihejvioristët mendonin se të gjitha sjelljet përcaktoheshin prej stimujve të mjedisit.
Psikologjia edhe sot e kësaj dite konsiderohet si shkenca e sjelljes.Natyrisht,koncepti i sjelljes është dhe përfshi proceset e padukshme mendore si p.sh.,të menduarit,i cili shpie në sjellje që mund të vëzhgohet. Sjelljen e studiojnë të gjithë psikologët dhe jo vetëm bihejvioristët. Që prej themelimit të saj prej Watson-it,shkolla e bihejviorizmit ka patur ndikim të jashtëzakonshëm në psikologji.Por shkolla të tjera të mendimit ndihmuan në zgjerimin e mënyrës me anë të së cilës psikologjia vështronte jetën. Drejtimi i Watson-it është i shprehur me një citat popullor."Më jepni një duzinë fëmijësh të shëndetshëm,të mirë edukuar dhe botën time vetjake të përcaktuar qartë që t'i rris ata dhe unë do t'u garantoj,që të marr çcdonjërin prej tyre,pa zgjidhje,dhe ta stërvis atë të bëhet çdo lloj specialisti që unë mund ta seleksionoja-doktor,jurist,artist,tregtar,dhe po,madje edhe lypës dhe hajdut,pavarësisht nga talenti i tij,shijet,prirjet,aftësitë dhe raca e paraardhësve të tij".

__________________