Pavarësia e Kosovës është kapitull i mbyllur dhe është çështje vetëm procedurale që duhet të tejkalohen shumë shpejt me ndihmën e komunitetit ndërkombëtar- kështu tha anëtari i Ekipit Negociator dhe kryetari i PDK-së, Hashim Thaçi në një konferncë me gazetarë. Ai ka kërkuar bashkëpunimin e qytetarëve të Kosovës për të zgjidhur problemet me të cilat ballafaqohen ata. Duke folur në një konferencë për media në selinë partiake, ai u bëri thirrje qytetarëve të Kosovës që të punojnë dhe të angazhohen më tepër për të pasur një të ardhme të sigurtë.

“Brenda pak ditësh, Kosova do të jetë e pavarur dhe sovrane. Ky kapitull po mbyllet. Padyshim se ajo do të jetë ditë festimi, por edhe ditë punë sepse para nesh do të kemi sfida të mëdha sfida shumë shumë të rëndësishme”, tha ai. Pavarësia e Kosovës do të arrihet në partneritet me ndërkombëtarët e në asnjë mënyrë me ndonjë vendim të njëanshëm, sqaroi ai. Thaçi ka folur edhe për problemet tjera ekzistuese, duke përmendur këtu papunësinë dhe zhvillimin ekonomik.

Për këtë ai tha se do të fillojë një turne nëpër Kosovë për të biseduar me qytetarët dhe për të ofruar platformën e partisë së tij për zgjedhjen e problemeve ekzistuese. Megjithkëtë ai refuzoi ta quaj këtë si fillim i hershëm i fushatës zgjedhore. “Kjo është pergjegjësi e re për zhvillimin ekonomik të Kosovës pas pavarësisë”, tha ai. Sipas Thaçit, pas pavarësimit të vendit, fillon periudha kur kosovarët duhet ta bindin botën dhe investitorët se janë të gatshëm dhe të aftë për kirjimin e kushteve favorizuese për investitorët e huaj, në mënyrë që Kosova te ketë zhvillim të kënaqshëm ekonomik.

__________________
Try not to become a man of success but rather to become a man of value - Einstein Albert.