Shkruan : Shefqet Jashari-STROFCI
Për shkrime tjera të autorit vizitoni:
http://www.shjstrofc.tk

Javën që e lam pas në Kosovë ndodhën shumë ngjarrje ngëjellakeqe, që në të ardhmën jo të largët do të zhvillohën si procese me pasoja të rënda për Kosovën dhe qytetarët e saj, po qe se nuk ndërrmirren hapa të duhur nga forcat demokratike për pengimin e tyre. Nuk do të kem mundësi t’i përthekoi të gjitha ato ngjarrje me një shkrim gazete, por e shoh të udhës që ta preku njërën nga më të rëndësishmën prej tyre.

Fatkeqësisht edhe pse Kosova u çlirua, ajo edhe më tutje po rjepet në shumë mënyra nga kopilat e Serbisë, pehlivanat e Nanosit, dhe nga vet Serbia, ndërsa shtresat e gjera të popullsisë po varfërohen çdo ditë e më shumë. Në veçanti janë të rrezikuar invalidët dhe jetimët e luftës, familjet e dëshmorëve dhe familjet e të masakruarëve. Por në anën tjetër po lulëzon pasuria dhe begatia tek një numër i konsiderueshëm i ish komandantëve të vetëshpallur të UÇK-së, shokët dhe argatët e tyre dhe ‘’afaristët’’ që i muarën kraht gjatë kohes sa ishte në pushtet kasapi i Ballkanit. Dhe si pasojë e gjithë kësaj po lulëzon krimi i organizuar, prostiticioni, dhe mafia, që udhëheqen nga sigurimi i msheft serb nepërmjet linjes së dretpërdrejt Beograd-Prishtinë- SHIK dhe linjes së tërthortë Beograd-Tiranë-Prishtinë-SHIK..( organizatë gjysmëilegale e krijuar nga ish Qeveria Thaçit)

Në këto rrethana shumë të vështira njerëzit zemërgjërë kanë krijuar shoqata të ndryshme humanitare për t’i ndihmuar shtresat më të rrezikuara të shoqërisë shqiptare. Fatkeqësisht fondet e tyre janë të thata, se ata që kanë zemër të madhe nuk po kanë as për veti, ndërsa ata që kanë përvehtësuar pasuri shoqërore dhe po merren me punë të pista dhe janë bërë pasnikë të Kosovës, kanë qëlluar zemërgurë apo kriminelë. Fondi i dikurshëm i Qeverisë së Kosovës u bë fond privat i Bukoshit (dhe njerëzëve të tij). Ndërsa fondi i dikurshëm i Xhavit Halitit dhe i Ibrahim Kelmendit që quhej fondi ‘’Vendlindja thrret’’ më nuk egziston nga shkaku se u arrijtën qëllimet e atyre që e krijuan atë fond. Por lufta e mafiozëve të Kosovës për t’i rjepur shqiptarët mendjeshkurt ende po vazhdon.

Menjëher pas lufte argatët e kryepehlivanave të Nanosit e krijuan fondin :’’Miqët e TMK-së’’. Opinioni nuk ka kurrfar të dhënash se në xhepat e kujt po futen parat e atij fondi dhe për çfar qëllimesh u shpenzuan ato. Por si duket ai fond as për së afërmi nuk i arrijti sukseset e fondit ‘’Vendlindja thrret’’, prandaj mbetën të pa realizuara shumë projekte dhe plane të tyre sekrete. Dhe nuk është çudi që këto ditë krerët e PDK-së e promovuan me shumë bujë fondin më të ri të tyre, që pritet se do ta zëvendësojë me sukses fondin e mëparshëm ‘’Vendlindja thrret’’. Fondin e quan ’’privat’’ dhe e pagzuan :’’Fondi Kadri Lima’’. Pra fondi e muar emrin e babait të F. Limës. Sipas Hashimit dhe propoganduesëve tjerë, të hollat që do të derdhen në atë fond do të përdorën për mbrojtjen e të akuzuarit të parë kosovarë nga Gjygji i Hagës Fatmir Limës. Është për t’u habitur që propoganduesit e këtij fondi nuk dhanë kurrfar shpjegimesh se kush do të qeverisë me mjetet e këtij fondi, dhe kush do t’i kontrollon ato mjete, kur siç dihet mjetet e fondit të dikurshëm ‘’Vendlindja thrret’’ edhe pse janë grumbulluar në emër të UÇK-së, më së paku janë përdorë për ato qëllime.

Po ashtu dihet se mbrojtja e Fatmir Limës (me avokat) nuk do të kushtonte më tepër se 1% e mjeteve që do të grumbullohen në Zvicët nga naivët, mendjeshkurtërit dhe argatët e PDK-së. Sipas informatave të sigurta, krerët e PDK-së para disa muajëve ua kanë vu për detyrë rrogtarëve të tyre në Zvicër për grumbullimin e ‘’ një miljan frangave për mbrojtjen e F.Limës’’. Dihet se krerët e PDK-së janë mjeshtër të vërtetë për shfrytëzimin e rasteve të ndryshme të fatkeqësive familjare për përfitime personale dhe partiake. Këtë radhë krerët e PDK-së arrijtën ta keqpërdorin dhe ta shfrytzojnë emrin e babajt të F.Limës, zotëri Kadri Limës, dhe në saje të propogandës së fuqishme të lavirës së kryekuqaloshve kosovarë, që po shtiret (po krekoset çdo mbrëmje) se është i pavarur, e krijuan fondin e tyre në Kosovë dhe në shumë vende të Evropes ku jetojnë dhe punojnë shqiptarët. Është për t’u habitur se krerët e PDK-së u ndihmuan në krijimin e këtij fondi edhe nga dy personalitete të rëndësishëm të politikës së Kosovës, që në as një mënyrë nuk kanë guxuar të bijnë në gracken e krerëve të PDK-së.

Duhet cekur një fakt se me rastin e burgosjen së F. Limës, krerët e PDK-së u zotuan se do t’i mbulojnë të gjitha hargjimert përkitazi me mbrojtjen e tij. Shtrohet pyetja çka u bë me atë zotom. I hangrën fjalët shokët e F.Limajt apo mbrojtjen e tij e kanë menduar në bazë të interesit reciprok siç vepruan këto ditë kur e formuan fondin në emër të babait të F.Limës. (që me siguri do të kenë përfitime të dy palët).

Dhe njeriu që i ka dy kokrra mend do të pyste, a thua vall, ka qenë e arsyeshme të hapej një fond ‘’privat’’ në nivel kombëtarë, me përkrahje të fuqishme të mediave elektronike dhe të gazetave leckë të Kosovës, si dhe me përkrahjen pa rezervë të Qeverisë dhe Parlamentit të Kosovës, kur siç dihet Kosova ka nevojë shumë më të mëdha për shërimin e plagëve të rënda të luftë, me ndihmën vëllazërore të të gjithë shqiptarëve kudo që gjenden ata. Shqiptarët është dashur ta krijojnë qysh moti një fond të tillë siç e krijuan krerët e PDK-së, por jo në emër të personaliteteve të gjalla apo të vdekur, por në emër të Zotit, për t’i ndihmuar invalidët e luftës, fëmijët jetim, familjet e të masakruarëve, njerëzit pa kulm mbi krye, dhe varfnjakët. A thua vallë është e arsyeshme të bëhet problem numër një i Kosovës, mbrojtja e një personi nga akuzat e një Gjygji shumë autoritativ ndërkombëtarë, Gjygjit të Hagës, kur dihet se ai Gjygj pa prova shumë të sigurta nuk lëshon fletarrest ndaj të dëshuarëve për krime të luftës, dhe as që shpall fajtor ndokend pa prova të forta gjyqsore.

A thua ka pasur nevojë të formohet një fond në nivelin kombëtarë për mbrojtjen e një personi (F.Limës) që i akuzuari, krerët i PDK-së dhe disa persona që ju prijnë institicioneve të Kosoves ‘’garantojnë’’ dhe përbehen në ‘’çka kanë të gjallë dhe të vdekur’’ se Fatmir Limaj është ’’i pafajshëm’’?!. Pse atëherë mërziten kaq shumë krerët e PDK-së, kryeministri i Kosovës dhe kryeparlamentari i Parlamentit të Kosovës dhe persona tjerë për mbrojtjen e Fatmir Limës, kur janë aq shumë të sigurt se ai është i pafajshëm dhe kur dihet se Gjygji i Hagës e ka ekipin e avokatëve shumë të aftë, të cilët veçmas merren me mbrojtjen e të akuzuarëve ?! Po qe se krerët e PDK-së dhe disa krerë të institicioneve të Kosovës janë të bindur se mbrojtja e një të ‘’pafajshmi’’, në kët rast të Fatmir Limës nga akuzat e Gjygjit të Hagës mund të bëhet vetëm në saje të një akcioni gjithpopullor për tubimin e shumave të mdha të hollash, atëher çfar Gjygji qenka ai, kur vetëm paraja mund ta shpëtojë një të ’’pafajshëm’’ shqiptarë që të mos shpallet fajtorë ?!

Opinioni ynë e ka të qartë në bazë të procedurave gjyqsore që i ka përcjell gjatë marjes në pyetje të Kryekasapit të Ballkanit dhe dëshmëtarëve të shumtë, se ky Gjygj shumë holl i tjerr gjërar, dhe çdo dëshmëtarë qe shoshitur mirë e mirë nga gjygji, prokuroria, i akuzuari dhe ekipi i avokatëve që janë caktuar nga vet gjygji për mbrojtjen e të akuzuarëve.

Pra, krerët dhe antarët e PDK-së si dhe disa krerë të institicioneve të Kosovës mos të ju shkojë mendja dhe të mos mërziten as një fije se Gjygji i Hages do ta shpalli fajtor F.Limajn po qe se nuk është fajtor. Siç dihet një shqiptar u lirua nga burgu i Gjygjit të Hagës po sa u vërtetua se është i pafajshëm (është marr gabimisht në vend të tjetërkujtë). Edhe Limaj do të lirohej sikur ai, po qe se vërtetohet me fakte bindëse se është i pafajshëm. Do të bënin mirë krerët e institicioneve shtetrore që po e përkrahin fondin e PDK-së të ashtuquajtur ‘’fondi i Kadri Lima’’ që t’i analizojnë qëndrimet e përfaqësuesëve të organeve të sigurisë ndërkombëtare në Kosovë dhe qëndrimet e Gjygjit të Hagës në lidhje me ‘’rastin F.Limaj’’, që mund të përmblidhën në disa pika:

Një : Fatmit Limaj nuk ka qenë korrekt ndaj mediave, pasi që e ka mashtruar opinionin kur pat deklaruar me rastin e lëshimit të fletarrestit nga ana e Gjygjit të Hagës, se ai gjendet në Austri, edhe pse ai nuk ishte në Austri, por ishte në Slloveni.

Dy : Fatmir Limaj nuk është dorzuar vullnetarisht në organe të policisë sllovene, (siç patën deklaruar jaranat e tij,v.ime), por është arrestuar prej policisë së atij vendi në bazë të fletarrestit që e ka lëshuar Gjykata e Hagës.

Tre : Organet ndërkombëtare të sigurisë në Kosovë dëshmojnë se me burgosjen e Fatmir Limajt në Kosovë është bërë një atentat (fatmirësisht) i dështuar kundër një dëshmëtari që është caktuar të dëshmojë për ndriqimin e të zhdukurëve shqiptarë për të cilë akuzohet F.Limaj. Këto organe po ashtu pohuan se prezenca e F.Limajt në Kosovë, gjatë kohës që po zhvillohen hetimet kundër tij dhe të tjerëve, do ta pengonte procedurën hetimore të Gjygjit të Hagës.

Dhe së fundit deklarojnë se gjendja sigurisë në Kosovë, nuk ua mundëson atyre mbikqyrjen e F.Limës dhe egziston mundësija që ai të mos i përgjigjet thirrjes së organeve të drejtësisë ndërkombëtare që të marr pjesë në seancat gjyqsore për të ndriquar rastin e zhdukjes së civilve shqiptar.

Krerët e institicioneve shtetrore të Kosovës, të cilët treguan se janë shumë të brengosur me ‘’rastin F.Limaj’’ duhet të brengosën shumë më tepër për të masakruarit dhe të zhdukurit shqiptarë. Ata e kanë për detyrë të kërkojnë prej organeve ndërkombëtare , të atyre serbe dhe të Kryqit të Kuq ndërkombëtarë të bëjnë hetime dhe të japin përgjegje të plotë dhe të sakt për çdo individ që është kidnapuar nga organet e policisë dhe ushtris serbe, por fatkeqësisht edhe nga ‘’Beretet e Kuqe’’ dhe ‘’ këmishzitë’’ e UÇK-së .

Zotërinjë të PDK-së dhe ju krerë të institicioneve shtetrore që aq shum po mërziteni për ‘’rastin Limaj’’, duhet ta kuptoni mirë e mirë se e vërteta është si dielli. Ajo nuk mbulohet dhe as nuk zhduket. Ndodhë që për pak koh të errësohet, siq errsohet ndonjëherë edhe dielli nga dukuritë atmosferike (mjegula, fortunat, shiu dhe breshëri), por janë të përkohshme. Pra edhe drejtësia është si dielli. I Madhi Zot ka garantuar , se ‘’kriminelët në këtë botë do t’i poshtrojë’’ ndërsa në boten tjetër të amshueshme ‘’do t’i dënojë me denimin më të rënd, me zjarrin e xhehnem’’. Pra disa krer të institicioneve të Kosovës që aq shumë i kanë dhën zjarr akcionit për t’i rjepur shqiptarët e lodhur nga skamja, varfëria, krimi i organizuar, dyftyrësia dhe demogagjia e ‘’patriotëve ‘’ të hershëm dhe të vonë, që u bënë pasanik të Kosovës ’’për një natë’’, le të kujdesen dhe brengosen për pengimin, zvoglimin dhe zhdukjen e dokurive të shëmtuara që po përhapën dhe po rritën në Kosovë, siç është krimi i organizuar, varfëria, prostitucioni dhe pasiguria, etj, e të mos brengosen për individët e akuzuar nga Gjygji i Hagës për krime të luftes kundët shqiptarëve.

Opinioni ynë nepërmjet gojës së F.Limës është njoftuar se ai është trajtuar dhe po trajtohet shumë mirë nga administrata dhe gardianët e Burgut të Hagës. Se i ka të gjitha kushtet që i duhën për të komunikuar me personat që ai dëshëron, se është i knaqur me kushtet që i ofron burgu etj. etj. Prandaj familja e tij, farefisi dhe shokët dhe miqët e tij të ngusht mus të brengosen se F.Limaj do të shpallet fajtor po qe se është i pafajshëm. F.Limaj nuk ka nevoj për avokat, se ’’gjuha i punon sakicë’’ . Opinioni ynë i ka të freskëta qëndrimet e tia shumë të ashëpra kur quhej ‘’komandant çeliku’’, por edhe kur u bë antar i Parlamentit të Kosovës. Dhe gjithmon ka treguar me fjalë dhe me punë se shumëfish më tepër është partiak se sa kombëtar.

Shrohet pyetja si u bë tash që fondi në emër të babait të tij të shpallet ‘’zyrtarisht’’ fond ‘’privat’’, ndërsa sipas krerëve të PDK-së, krerëve të disa institicioneve shtetrore dhe analistëve kakuda u kërkua nga qytetarët e Kosovës dhe shqiptarët jasht atdheut të trajtohet si fond gjithkombëtar . Duhet ta kenë të qartë përkrahësit e këtij fondi se në qoftë se F.Limaj shpallet fajtor për zhdukjen e civilve shqiptarë nga Gjygji i Hagës, atëherë ata e kanë për detyrë publikisht të distancohën nga Fatmir Limaj ( ashtu siç e përkrahën publikisht atë). Por ndaj tij duhet të distancohen edhe organet shtetrore dhe partiake të Kosovës, rrethi më i ngusht i miqve, familja dhe opinioni i gjërë. Përndryshe, shqiptarët nuk kanë të drejtë të kërkojnë drejtësi dhe as dënimin e krimnelëve serb, po qe se i mbrojnë kriminelët e tyre, nga shkaku se e flasin gjuhën shqipe . Kriminelët janë kriminel pa marrë parasysh se cilën gjuhë e flasin.

Ne Shqiptarët jemi në provim para të Madhit Zot. Po qe se nuk e përkrahim dhe nuk e mbrojmë drejtësinë, që na e ka bërë obligim ta mbrojmë i Madhi Zot, pason ndëshkimi. Pra, ta adhurojmë Zotin e jo njeriun ! T’i frigohemi Krijuesit të gjithësisë, Krijuesit të njeriut dhe Krijuesit të të gjtha krijesave, e jo njeriut ! Ne shqiptarët deri para çlirimit të Kosovës jemi diferencuar dhe njollosur zi e më zi nga armiqët tanë shekullor. Po sot kush po na diferencon dhe kush po na njollosë ?! A nuk po e diferencojmë në shqiptarët vetvehten me punë konkrete dhe po tregojmë se kush dhe çka jemi ?!

Çka u bë me ne ?! Sa vrasje politike i bëri regjimi i Titos në kohë paqe në Kosovë dhe Viset tjera shqiptare, e sa i bënë ,,patriotët’’ e dikurshëm dhe nanoistët e sotit në Kosovë dhe Maqedoni?! Kush vrau më shumë Burra të Dheut pas shpine ? A vrau më shumë ‘’cërrna ruka’’ serbe, për një shekull, apo vranë më shumë klyshët e Nanosit për disa vjet( 1997-2003) ?! Ka ardhur koha që shqiptarët të mos i vlerësojnë më njerëzit në bazë të asaj se çka thonë e flasin, por në bazë të asaj se çka punojnë . Përndryshe do të na përseritet historia dhe do të na përseritën dështimet.

Botuar në ’’Bota sot’’ më 5 shtator 2003

Tatjeta, Trime

Ne rregull se secili ka te drejten te shpreh mendimin e vet, por jo me kaq vner mos se nuk i ben mire as vetes e as te tjereve qe e lexojne kete gje. Pastaj nuk jemi ne lecka dhe media tona nuk jane te tilla, jemi popull i menqur ne trimja, pavarsisht se cfare mendon dhe shkruan ti, ne si thote populli gjuajme larg gurin dhe derisa ti je duke menduar se ku do te perfundoj guri ne e dime ate gje qe kur e hedhim.


Mbetsh me te mira.