Perolli, shqiptari i njohur në Amerikë
Një ndër personalitetet e fushës së letrave dhe të biznesit në komunitetin shqiptar në Amerikë, që ka dhënë e vazhdon të japë një kontribut të çmuar për çështjen shqiptare, veçanërisht për çlirimin e Kosovës, është Gani Perolli. Ndonëse për Perollin nga fshati Perollaj i Hasit, me banim në New Jersey, është shkruar pak në shtypin shqiptar. Ai është ndër njerëzit më të njohur e më aktivë në komunitetin e atjeshëm. Shqiptari nga Hasi ka arritur deri në majat e drejtimit të kompanive të biznesit në SHBA, por ai nuk pasurinë qëllim më vete pasurinë e famën e tij. “Tërë jetën kam punuar për të pasuruar të tjerët e, mbi të gjitha, për Kosovën e çështjen kombëtare!”- pohon Perolli.

Gani Perolli rrjedh nga një familje nacionaliste e fshatit Perollaj të Hasit, fshat i cili shtrihet në kufi me Kosovën. Babai i Ganiut, Hamit Perolli, luftoi kundër okupatorit nazifashist për një Shqipëri etnike me forcat nacionaliste të kryesuara nga Gani Beg Kryeziu. Ka qenë komandant i çetës së Hasit. Por aleatët më vonë, sipas kujtimeve të Hamit Perollit, iu shmangën këtij premtimi për arsye të mungesës së kurajës morale. Kuraja morale është gjë që Hamit Perollit nuk i kishte munguar asnjëherë, qoftë në skenën politike, qoftë në skenën shoqërore. Nuk është kursyer për çështjen shqiptare duke sakrifikuar veten dhe familjen.

Arratisja në ish-Jugosllavi
Hamit Perolli ishte kundërshtar i regjimit komunist që u vendos në Shqipëri, prandaj ai u detyrua të arratisej në Jugosllavi në Tetor të vitit 1948, kur djali i tij, Ganiu, ishte në moshën 9-vjeçare. Persekutimet morale dhe fizike në ish-Jugosllavi familja Perolli i përballoi me një kurajë të pashoqe. Familja e Hamit Perollit jetoi për katër vjet në ish- Jugosllavi, ku regjimi serb i asaj kohe e zhvendosi këtë familje brenda katër vjetësh gjashtë herë; duke e transferuar nga Gjakova në zonat kufi me Serbinë si në Podujevë, Kamenicë e më pas në Serbi në Shumadi e Sisovac. Pas katër vjet qëndrimi në Kosovë e Serbi, familja e Hamit Perollit është vendosur në Itali, duke jetuar në Romë për më shuam se katër vjet. Me ndihëm e mikut të familjes, Xhafer Deva, familja e Hamit Perollit bashkë me tetë fëmijët, pikërisht në vitin 1956, emigroi në Shtetet e Bashkuara të Amerikës, duke u vendosur fillimisht në Boston e më pas New Jersey.

Në Amerikë, në majat e biznesit dhe në mbrojtje të çështjes shqiptare
Në vitin 1966 djali më i madh i familjes Perolli, Ganiu, martohet me një gjermane që ishte me banim në New Jersey, duke lindur 6 fëmijë; Dijen, Agimin, Vlorën, Rinën, Bekimin dhe Larisën. Gani Perolli mësimet fillore i kreu në vendlindje, ndërsa gjimnazin në Kosovë. Më pas vazhdoi studimet në Itali e Amerikë për t’u diplomuar në degën e administrim biznesit Fairleigh Disckinson University, Ohaio State University. Pas përfundimit të studimeve, shqiptarit nga Hasi i është besuar të drejtojë kompani dhe korporata amerikane që kishin deri në 110 mijë punonjës. Gani Perolli ka arritur si drejtues (nënpresident e president) i pesë korporatave e kompanive të mëdha si New Y, Pennsyl, New J, Michigam Corporata “Talon Divisionof Textron” “Textron Inc” 110 mijë punonjës, “Talon Inc”, 38 mijë punonjës, “Air Filter Inc” 47 Photo” etj... Por krahas aktivitetit të biznesit dhe atij politik Gani Perolli është lexues i zellshëm dhe me një bibliotekë të shkëlqyer. Në rini ka pas pasion letërsinë e veçanërisht poezinë, prej të cilës ruan shumë vjersha. Veprimtar i njohur në komunitetin shqiptar dhe është kryetar i Këshillit Ekzekutiv të Lidhjes Shqiptare të Prizrenit.

Mik i elitës
Ka miqësi me shumë udhëheqës dhe ish-udhëheqës të SHBA-së dhe është këshilltar i Këshillit të Ngushtë të Senatit Republikan për një kohë të gjatë. Por krahas veprimtarisë së tij në fushën e biznesit, Gani Perolli ka marrë pjesë në demonstrata dhe veprimtari të tjera kombëtare e veçanërisht për çështjen e Kosovës. Ka mbajtur fjalime kryesore në demonstratat pranë Kombeve të Bashkuara në New York më 1998ën dhe 1999ën. Ai është i pari shqiptar që në një protestë të mbajtur para selisë së OKB-së në New York ka kërkuar bombardimin e ish-Jugosllavisë, e cila u bë realitet një vit më vonë. Gjithnjë në kuadër të zgjidhjes së çështjes së Kosovës, Gani Perolli, ka pasur letërkëmbime me udhëheqës amerikanë e udhëheqës të tjerë si Helmut Kohl, ish-kancelar të Gjermanisë, Tony Blair, kryeministër i Britanisë së Madhe dhe me ish-presidentin rus, Boris Jelstin. Ka miq senatorë, guvernatorë amerikanë, mes të cilëve Hillari Klinton, Eliot Engell, VVesli Klark, Joe Biden, Ronald Vilson Regan, Joe Dio Guardi, George Pataki etj., duke siguruar njohjen dhe mbështetjen e problemeve shqiptare. Së bashku me E. Bardhën, Xh. Athanas e të tjerë biznesmenë të njohur, ka qenë vazhdimisht në përpjekje për zgjidhjen e çështjes kombëtare. Kishte njohje dhe ishte mik dhe me Fan Nolin e Madh. George Pataki, guvernator i New Jorkut, mik i Perollit, më 28 nëntor të vitit 2001, me anë të një proklamate shpall Ditën e Pavarësisë së Shqipërisë një formalitet zyrtar tradicional të Nju Jorkut, ku ndër tjera deklaroi: “Është mirë që njujorkezët, populli amerikan, të bashkohen me këtë ditë historike me kombin shqiptar, me shqiptaro-amerikanët për të festuar së bashku 89-vjetorin e Pavarësisë Shqipërisë, si një datë historike që simbolizon për të gjithë popujt lirinë, pavarësinë e vetëvendosjen!”. Ndër të tjera, shqiptaro-amerikani nga Hasi ka marrë tituj nderi nga ish-presidenti Ronald Wilson Reagan dhe nga stafi i presidentit George . W. Bush për mbështetjen dhe kontributin që Gani Perolli ka dhënë për Partinë Republikane Amerikane. Ai ka miqësi
Letra e Perollit(11. 03. 1998) dërguar Këshillit të Sigurimit, OKB.

NATO Should Bomb Belgrade
(NATO duhet të bombardojë Beogradin)
Vëllezërit e motrat tona në Kosovë janë duke u masakruar nga terrori i shtetit serb të drejtuar (detyruar) nga diktatori S. Milosheviç. Bota ka filluar të mësojë atë çka e kemi ditur prej kohësh se askush nuk mund të vendosë paqe me një tiran. NATO-ja duhet të bombardojë Beogradin, komuniteti ndërkombëtar duhet menjëherë të ndërhyjë e të ndalojë masakrën që po ndodh në Kosovë...

Terrori i organizuar i shtetit serb ushtruar ndaj femrave e fëmijëve të pafajshëm duhet të ndalojë. Ne i bëjmë thirrje Këshillit të Sigurimit të Kombeve të Bashkuara të ndërhyjë menjëherë në këtë çështje. I bëjmë thirrje vendit tonë, SHBA-së, ta pranojë Kosovën si komb të pavarur, është e qartë se shqiptarët nuk duhen nënvlerësuar... Është vetëm një zgjidhje e vetme dhe ajo është që Kosova të lejohet të zgjedhë vetë rrugën e saj. Komuniteti ndërkombëtar nuk mund të vazhdojë ta bëjë një vesh të shurdhër për problemin shqiptar. Nuk mund të ketë paqe dhe qetësi në Evropë, pa zgjidhjen e çështjes shqiptare. Dëshira për liri është aq e domosdoshme sa dhe ajri për frymëmarrjen. Kosova duhet patjetër të bëhet shtet i pavarur.

Letra e Perollit, politikanëve kosovarë në Rambuje
Shqiptarët nuk kanë rrugë tjetër veçse të firmosin marrëveshjen me kondita (ajo që u premtohet është një hap përpara), NATO-ja duhet të sulmojë ashpër kundër Serbisë nëse ajo nuk pranon trupat e NATO-s në Kosovë, Shqiptarët duhet të insistojnë që të mos kenë trupa Ruse në Kosovë, Milosheviçi duhet kapur dhe dënuar për krime lufte kundër njerëzimit).

Njeriu i letrave shqip në Amerikë
Perolli është i njohur në komunitetin shqiptar në Amerikë dhe atë vendës dhe në fushën e letrave. Është autor i rreth 25 librave artistikë, me poezi, romane, studime, monografi etj. Me nismën e tij është ngritur pranë qendrës kulturore të komuniteteve “Bronx Haouse” me qendër në Manhattan, këshilli botues “Libri Shqip”, i cili drejtohet nga vetë ai. “Dua të theksoj se ky komunitet, sidomos gjatë dekadës së fundit, pati një "invazion" me ardhjen e shqiptarëve të Shqipërisë, Kosovës, Maqedonisë dhe Malit të Zi. Bashkë me shtimin e diasporës shqiptare në SHBA, u shtua edhe numri i intelektualëve që merren me shkrime të zhanreve të ndryshme, duke trajtuar probleme të shumta nga e kaluara dhe e ardhshmja e popullit tonë. Nisur nga ky fakt, përkatësisht duke parë nevojën e madhe që ka kjo diasporë për afirmimin e librit, ndërmora një iniciativë të tillë dhe së bashku me disa intelektualë shqiptarë në New York, para disa kohësh, formuam këshillin për botimin e " Librit"- sqaron kryetari i Këshillit të Botimit të Librit Shqip në SHBA, Gani Perolli. Diaspora shqiptare në SHBA-thotë në vijim Perolli- ka qenë gjithherë në mbështetje të çështjes kombëtare. Është i njohur veprimi i kësaj diaspore për çështjen e Kosovës. Të gjithë e dinë këtë. Në diasporën shqiptare të SHBA-së janë bërë përpjekje të vazhdueshme për përparimin e vlerave tona kombëtare duke nxjerrë gazeta, revista dhe periodikë të tjerë. Në këtë rrugë -pohon Ganiu- pretendojmë më shumë, sepse rreth këtij këshilli janë zgjedhur njerëz nga të gjitha viset shqiptare dhe kjo do të jetë një formë e re e organizimit dhe e veprimit.

Këshilli botues i librit shqiptar në Amerikë
Në kryesinë e këshillit botues të librit shqip në Shtetet e Bashkuara të Amerikës bëjnë pjesë 15 anëtarë: shkrimtarë, publicistë, gazetarë, artistë e krijues të tjerë. Këta pesëmbëdhjetë anëtarë, njëkohësisht përbëjnë edhe kryesinë e këshillit botues "Libri". Kryetar është zgjedhur Gani Perolli, ndërsa anëtarë të kryesisë: David Abddul, Muhamet Mjeku, Niko Kirka, Venera Bekteshi, Tomë Paloka, Ismail Ahmeti, Luigj Çekaj, Naum Prifti, Dalip Greca, Xhevat Limani, Jens Zajmi, Astrit Tota, Kozeta Zylo, Selahudin Vela dhe Gani Perolli. Pra, disa anëtarë të Lidhjes së Shkrimtarëve në diasporën shqiptare në SHBA janë edhe anëtarë të këtij këshilli. Në këshillin botues "Libri" janë zgjedhur edhe disa anëtarë nderi që kanë shprehur gatishmërinë ta ndihmojnë financiarisht fushë-veprimtarinë e këtij asociacioni të kulturës dhe artit shqiptar në Amerikë.

__________________
Try not to become a man of success but rather to become a man of value - Einstein Albert.