PETICIONI PËR PËRKRAHJEN E BASHKIMIT SHQIPËRI-KOSOVË

Përshendetje të gjithë forumistave,
ju ftoj ta vizitoni adresën e mëposhtme dhe ta përkraheni!

www.unionishqiperikosove.com

Jepni edhe Ju mbështetjen Tuaj, duke firmosur elektronikisht Letrën e Hapur, përmes së cilës konfirmoni mbështetjen Tuaj për krijimin e Bashkimit Shqipëri-Kosovë. Letra do ti dërgohet autoriteteve më të larta në Shqipëri e Kosovë. Ju lutemi, që për hir të interesave më të larta kombëtare, për hir të korrigjimit të padrejtësive shekullore, në emër të aktit më të lartë juridik të Kushtetutës së Republikës së Shqipërisë, në hyrje të së cilës theksohet qartë aspirata shekullore e popullit shqiptar për bashkim kombëtar, në emër të lirisë, drejtësisë, fjalës së lirë dhe demokracisë, në emër dhe për llogari të zgjidhjes së çështjës kombëtare, ju lutem e firmoseni këtë Peticion Elektronik.

LETËR E HAPUR

[ NISMA PËR NJË PROJEKT MBARËKOMBËTAR ]
Parlamentit të Republikës së Shqipërisë

Parlamentit të Republikës së Kosovës

Të nderuar përfaqësues të lartë të popullit shqiptar,

Të nderuar zonja dhe zotërinj deputetë,


Ne që po Ju shkruajmë, jemi shqiptarë, nga Shqipëria administrative apo nga trojet e saj të ndara padrejtësisht, me banim në atdhe apo në diasporë, që përmes kësaj LETRE dëshirojmë të shprehim përkrahjen tonë për nismën për krijimin e Bashkimit Shqipëri-Kosovë.

Ju drejtohemi Juve, përfaqësues të lartë të popullit shqiptar, me një vetëdije të madhe kombëtare, dhe kërkojmë nga Ju që të punoni në mënyrë shtetrore për arritjen e këtij qëllimi madhor, si hap drejtë zgjidhjes së çështjës kombëtare shqiptare.

Ju drejtohemi përfaqësuesve më të lartë të Shqipërisë dhe Kosovës dhe parlamenteve, që për hir të interesave më të larta kombëtare, për hir të korrigjimit të padrejtësive shekullore, në emër të aktit më të lartë juridik të Kushtetutës së Republikës së Shqipërisë, në hyrje të së cilës theksohet qartë aspirata shekullore e popullit shqiptar për bashkim kombëtar, në emër të lirisë, drejtësisë, fjalës së lirë dhe demokracisë, në emër dhe për llogari të zgjidhjes së çështjës kombëtare, të marrin masat e duhura për të ndihmuar krijimin e Bashkimit Shqipëri-Kosovë.

Me shpresën të madhe se letra jonë do kuptohet drejtë dhe se ndihma Juaj nuk do mungojë dhe së do filloni punën drejtë krijimit të Bashkimit Shqipëri-Kosovë,

Ju përshendesim,


SHOQATA ATDHETARE PËR PËRKRAHJEN E BASHKIMIT SHQIPËRI-KOSOVË