Partia e Rugovës fiton zgjedhjet në Kosovë.

AlbShkodra · #1 25-10-2004, 22:52

LDK në krye, PDK ruan pozitat dhe AAK humbet elektorat

Rugova i pari në zgjedhje, Surroi sukses në debutim

Partia e Rugovës fiton zgjedhjet në Kosovë. Edhe pse partia më e re "Ora", e supermiliarderit Surroi, ka shënuar një ngjitje të dukshme në rezultate, ajo nuk ka arritur t'ia shkëpusë pushtetin partisë më popullore në vend. Rezultatet paraprake të publikuara në orët e vona të natës konfirmuan se 53 për qind e kosovarëve votuan dje për Parlamentin e ri të vendit. Po këto rezultate, që do të zyrtarizohen nesër, kanë konfirmuar edhe fitoren e Rugovës, i cili synon sërish Presidecën. Partia Demokratike e Hashim Thaçit ka ruajtur fitoren e vtit 2001 në Drenicë, ndërsa ka siguruar një pjesë të votave edhe në Prishtinë. Sidoqoftë, në kryeqytetin kosovar pushteti është ndarë mes partisë së Thaçit, Rugovës dhe Surroit, gjë që i hap rrugë koalicionit të mundshëm në qeverinë e ardhshme. Përsa u përket serbëve, ata do të kenë si gjithnjë dhjetë deputetë në Parlamentin e ri prej 120 vendesh, edhe pjesëmarrja e tyre në zgjedhje ishte jashtëzkonisht e ulët.

Atmosfera
Rreth 600 mijë kosovarë votuan dje për Parlamentin dhe qeverinë e re të Kosovës, në zgjedhjet që do të përcaktojnë të ardhmen e saj. Në 566 qendra votimi në të gjithë vendin zgjedhjet u zhvilluan të qeta dhe pa incidente të mëdha. Kjo u vlerësua edhe nga liderët ndërkombëtarë në Prishtinë, të cilët theksuan zgjedhjet u zhvilluan konform të gjitha rregullave dhe se atmosfera ishte mjaft e qetë. Menjëherë pas zgjedhjeve shefi i UNMIK-ut, Soren Jesen Petersen deklaroi se këto zgjedhje ishin një sinjal i mirë që Kosova i dërgoi komunitetit ndërkombëtar, të shqetësuar për situatën në provincë. Ai theksoi se votimet ishin për t'u vlerësuar dhe se për të ardhur keq ishte vetëm pjesëmarrja e ulët e serbëve në votime. Edhe ambasadori i OSBE-së, Paskal Fieski, i cili mbylli qendrën e fundit të votimit në Kosovë, tha se, nëse këto zgjedhje ishin test për qetësinë dhe sigurinë e Kosovës, ajo e ka kaluar këtë provë. "Zgjedhjet ishin të qeta dhe paqësore, dhe problemi i vetëm ishte pjesëmarrja e ulët e serbëve, që erdhi si pasojë e mungesës së fushatës së liderëve të tyre", tha ai.

Votimi
Rreth 13 mijë vëzhgues ndërkombëtarë dhe lokalë mbikëqyrën zgjedhjet e para që u organizuan nga autoritetet kosovare. Votimi nisi në orën shtatë të mëngjesit dhe përfundoi në orën 20.00 të mbrëmjes, një orë pas planifikimit të mëparshëm nga autoritetet. Probleme të pakta shoqëruan të gjithë procesin zgjedhor, që nga ndërkombëtarët konsiderohet si një provë e rëndësishme për të ardhmen e vendit. Sipas shefit të Sekretariatit të KQZ-së në Prishtinë, Adnan Merovci, probleme janë shfaqur me listat e zgjedhësve në Prishtinë e Mitrovicë, ndërsa dy incidente janë shënuar në Ferizaj dhe Besianë, ku përfaqësues të LDK-së kanë pasur përplasje me ata të partisë rivale, PDK. Tridhjetë e tre subjeke politike prezantuan programet e tyre gjatë fushatës elektorale. Zgjedhësve iu desh të zgjidhnin kësaj here 120 deputete për Parlamëntin e ri, që do të ketë mandat katërvjeçar dhe jo trevjeçar, si deri tani. Menjëherë pas votimeve dhe publikimit të rezultateve përfundimtare të tyre, Parlamenti i ri do të zgjedhë Presidentin e Kosovës, dhe Presidenti do të caktojë Kryeministrin e ri të saj.

INCIDENTET

Ferizaj, militantët e LDK-së sulmojnë kundërshtarët
Proçesi i votimit në Kosovë nuk ëshrtë mbyllur pa incidente. Në Ferizaj dy militantë të LDK-së kanë hyrë të armatosur në në qendër vptimi dhe kanë rrahur vëzhguesin e PDK-së, Afrim Nuha. Ndërkohë edhe në fshatin Herticë të Besianës kryetari i degës së PDK-së, Fehmi Polloni, është sulmuar nga një anëtar i LDK-së. Incidentet janë dënuar nga organizmat ndërkombëtare në Kosovë si dhe zyrat qendraore të partive kandidate. Një problem më serioz është paraqitur në qendrën e votimit në Bresalc të Gjilanit, ku është ndërprerë procesi i votimit pas lejimit të votuesve pa dokumente identifikimi. Edhe në kryeqytetin e vendit, Prishtinë,
Shumë qytetarë me të drejtë vote nuk kanë mundur të votojnë për shkak të problemeve në listën e qytetarëve me të drejtë vote, kanë bërë të ditur vëzhuesit e zgjedhjeve. Sipas tyre, problemet në listat e votimit janë vënë re edhe në qytete të tjera të Kosovës. Sidoqoftë, burime pranë organizatorëve të zgjedhjeve si dhe Shërbimit Policor të Kosovës kanë bërë të ditur se zgjedhjet e djeshme në Kosovë janë zhvilluar të qeta dhe pa incidente flagrante dhe shqetësuese.

DEKLARIMET

SOREN JESEN PETERSEN
"Zgjedhjet e sotme janë një sinjal i mirë që Kosova i ka drejtuar botës. Zgjedhjet u organizuan dhe u drejtuan shumë mirë, por më duhet shpreh keqardhjen për numrin shumë të vogël të serbëve që dolën për të votuar. Pjesëmarrja e vogël e serbëve nuk ishte e papritur, por në të kanë ndikuar personat që kanë frikësuar ata që deshën të votojnë".

IBRAHIM RUGOVA
"Zgjedhjet e sotme janë të rëndësishme për njohjen formale të pavarësisë së Kosoves, për një Kosovë të pavarur të integruar në BE dhe NATO. Kemi zhvilluar një fushatë të mirë elektorale dhe të qetë, qytetarët kanë treguar një kulturë të lartë politike e shtetërore dhe falënderoj edhe subjektet politike, pjesëmarrësit e tjerë në zgjedhje."

HASHIM THAÇI
"Zgjedhjet parlamentare të 23 tetorit janë me rëndësi historike për Kosovën. Uroj që qytetarët e Kosovës të bëjnë ndryshime në drejtimin e tyre me anë të votës së lirë. Tashmë ka ardhur koha që Kosova të ketë pavarësinë e saj, e cila do t'i sjellë patjetër zhvillimin ekonomik."

IV DE KERMABO
"Jam i kënaqur nga zhvillimi i zgjedhjeve parlamentare në Kosovë. Dua të qëndroj larg deklaratave politike. Më duhet të theksoj se situata ka qenë shumë e qetë dhe pa incidente të mëdha. Gjithçka ka shkuar në mënyrën e duhur dhe për këtë falënderoj UNMIK-un, OSBE-në dhe KQZ_në."

XHON KERRI
"Banorëve të Kosovës duhet t'u mundësohet të zgjedhin vetë të ardhmen e tyre, duke përfshirë këtu edhe formën e vetëvendosjes që ata dëshirojnë. Stabiliteti në rajon është shumë i rëndësishëm për SHBA-në. Bush u ka kthyer krahët shqiptarëtve të Kosovës, por ne me politikën tonë do të ndihmojmë në sigurimin e statusit përfundimtar të tyre.".

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme:

Tema te ngjashme
Tema	Filluesi i temes	Forumi	Pergjigje	Postimi i Fundit
Rame Maraj. Njeri me i rrezikshem ne Kosove.	The Postman	Politika shqiptare	0	30-11-2007 03:31
Ne zgjedhjet ne Kroaci fiton partia e kryeministrit Sanader	informuesi	Arena Nderkombetare	0	27-11-2007 21:21
Zgjedhjet ne Kosove, Fiton PDK, KQZ: Deri te marten shpallim rezultatet	informuesi	Politika shqiptare	0	19-11-2007 15:00
Zgjedhjet e 17 nentorit ne Kosove, Partia e Thacit kryeson sondazhet	informuesi	Politika shqiptare	0	13-11-2007 16:40
Greqi: Partia e Karamanlis fiton zgjedhjet e pergjithshme	informuesi	Arena Nderkombetare	0	17-09-2007 20:30