Shqipëria ende poshtë për lirinë e shtypit


Reporterë pa kufij

Raport i ri i "Reporterë pa kufij" për lirinë e medias

Një raport i publikuar nga organizata ndërkombëtare "Reporterë pa kufij" e ka klasifikuar Shqipërinë shtatë vende më poshtë se viti i kaluar përsa i përket lirisë së medias.

Shqipëria, sipas klasifikimit në fjalë, renditet e 87-ta mes 169 vëndeve të botës.

Sipas raportit Shqipëria ndodhet dhe pas vendeve të rajonit si Maqedonia, Serbia, Mali i Zi dhe Kosova, madje renditet mes vendeve të tilla si Kamboxhia, Liberia dhe Hondurasi, ku dihet se standaret janë të ulta.


...ka një farë lirie demagogjike nga qeveria për gazetarët

Ylli Rakipi

Sipas analistëve të shtypit, renditja tregon problemet që ka Shqipëria dhe në fushën e medias dhe lirisë së shtypit.

Në një koment rreth kësaj situate dhe raportit më të fundit të "Reporterëve pa kufij", kryetari i Lidhjes së Gazetarëvë të Shqipërisë, Ylli Rakipi, tha se ky vlerësim tregon gjendjen e vërtetë në të cilën po kalon shtypi, ku "ka një farë lirie demagogjike nga qeveria për gazetarët", ndërkohë që ajo aplikon shumë pengesa për mbijetesën e mediave që nuk janë në sinkron me qeverinë.

Kryetari i Shoqatës së Gazetarëve Profesionistë, Armand Shkullaku, thotë se kjo zbritje me shtatë shkallë nuk shënon ndonjë ulje ose ngritje thelbësore të lirisë së shtypit në Shqipëri.


...ende ka shenja të preferencave për media të caktuara nga ana e qeverisë

Armand Shkullaku

Zoti Shkullaku tha se ka një përmirësim të raporteve mes qeverisë aktuale, krahasuar me ato të qeverive të mëparshme dhe mediave.

"Mëgjithëse ende ka shenja të preferencave për media të caktuara nga ana e qeverisë," tha zoti Shkullaku.

Kryetarja e Grupit Parlamentar të Partisë Socialiste në opozitë, Valentina Leskaj, e vlerëson qëndrimin e qeverisë ndaj mediave jo korrekt me pengesa për aktivitetin normal të mediave nga organizmat shtetërorë.

Drejtori i Informacionit në kabinetin e kryeministrit, Grid Rroji, tha për BBC-në se qeveria nuk ndërhyn në politikat editoriale të mediave dhe se ka krijuar qasje të barabartë të marrjes së informacionit për gjithë mediat.

Riatdhesohen shqiptarë nga BE-ja



Rritet numri i të riatdhesuarve nga vende të BE-së.

Shqipëria ka riatdhesuar gjatë vitit 2007 të paktën 50 mijë shtetas shqiptarë që jetonin në mënyrë të parregullt në vendet e BE-së.

Lajmi është bërë i ditur nga ministri i Brendshëm shqiptar, Bujar Nishani, gjatë një konference për sigurinë në kufi, emigracionin dhe trafikun e qenieve njerëzore që u mbajt në Tiranë.

Riatdhesimi i shtetasve shqiptarë bëhet në kuadrin e marrëveshjeve të ripranimit që Shqipëria ka nënshkruar me vendet e BE-së.

Krijimi i kufijve të sigurtë, emigracioni i kontrolluar dhe ndalimi i trafikut të qënieve njerëzore, janë disa nga kushtet e vendosura nga BE-ja për Shqipërinë në rrugën e saj drejt integrimit.

Ndërkaq po në Tiranë ambasadori i Bashkimit Evropian, Helmut Lohan, ka deklaruar se thellimi i reformave dhe rritja e nivelit të politikës janë rrugët e vetme që do të afrojnë Shqipërinë me Bashkimin Evropian.

__________________
Vetem me ndihmen e Zotit arrihet qellimi.

Komision i ri hetimor për Sollakun


Kryeprokurori Theodhori Sollaku

Më parë një votim për shkarkimin e Sollakut u refuzua nga ish-presidenti.
Komisionit parlamentar i Ligjeve në Shqipëri po diskuton nismën e 29 deputetëve të shumicës për ngritjen e një komisioni të ri hetimor ndaj kryeprokurorit, Theodhori Sollaku.

Deputetët e së djathtës po argumentojnë akuzat e tyre në adresë të kryeprokurorit.

Debati në komision dhe më tej votimi i kërkesës së deputetëve të shumicës, janë hapat e parë në rrugën drejt shkarkimit të kryeprokurorit.

Por vendimi i fundit i takon presidenit.

Vetë z. Topi është shprehur se nëse një kërkesë e tillë do të mbërrinte në presidencë, ai do ta shkarkonte kryeprokurorin.

Prova e dytë

Muaj më parë, një votim pro shkarkimit të Sollakut i propozuar po nga shumica në kuvend, u refuzua nga ish-presidenti, Alfred Moisiu.

Edhe herën e parë, edhe tani, opozita e majtë është shprehur njëzëri kundër ngritjes së një komisioni hetimor për kryeprokurorin.

Ajo e konsideron të paligjshëm ngritjen e një komisioni të tillë.

Opozita thotë se reformat në drejtësi duhet të kryhen, por ato nuk duhet të lidhen më emrin e kryeprokurorit.

Akuza për Bashën

Në të njëjtën kohë, opozita e lidh ngritjen e komisionit nga shumica si reagim ndaj kërkesës së Prokurorisë së Përgjithshme për heqjen e imunitetit paralamentar, për-ish ministrin e Transporteve, Lulëzim Basha.

Opozita e akuzon z. Basha, që aktualisht mban postit e ministrit të Jashtëm, për abuzime në tenderin e rrugës Rrëshen -Kalimash, pjesë e korridorin Durrës-Kukës-Morinë.

Vetë zoti Basha është treguar i gatshëm të paraqitet në prokurori për zbardhjen e çështjes.

Por ai thotë se akuzat ndaj tij nga opozita dhe prokuroria, janë politike dhe të pavërteta.

Pergatiti.
Sabri Selmani

__________________
Vetem me ndihmen e Zotit arrihet qellimi.

Situatë e rëndë energjetike në Shqipëri


Shqipëria po përjeton krizën e rradhës në furnizimin me drita.

Sipas Korporatës Elektro-energjetike Shqiptare, situata hidroenergjetike në vend nuk ka patur ndonjë përmirësim të dukshëm edhe pas reshjeve të ditëve të fundit në vend.

Kështu, sipas të dhënave më të fundit nga KESH-i, niveli i prurjeve të lumenjve që derdhen në hidrocentralin e Fierzës është 72 metër kub ujë për sekondë, një sasi shumë më e ulët se mesatarja shumëvjeçare në këtë kohë.

Diktuar nga kjo situatë për të patur nëj ritmikë të furnizimit më drita korporata ka rritur sasinë e importit të energjisë nga jashtë në 9,6 milionë kilovat orë në ditë ndërkohë që prodhimi vendas është 4,9 milion .

Konsum ditor është në shifrat 14,6 milion kilovat orë me tendecë rritjen e kërkesës për konsum dhe me ftohjen e motit.

Kufizim dritash

Kjo situatë e rëndë hidroenergjetike ka diktuar dhe një grafik gjithnjë e më të thellë të kufizimit të dritave në të gjithë vendin.

Kështu në Tiranë e qytete të tjera të mëdha dritat mungojnë deri në 8 orë.

Grafiku varion dhe është gjithnjë e më i thëllë në zonat rurale të vendit ku dritat mungojnë deri në 17 orë gjatë 24 orëshit.

__________________
Vetem me ndihmen e Zotit arrihet qellimi.