Image Kjo verë me siguri nuk do të jetë aspak e politikisht sepse krejt papritur mund të gjendemi në zgjedhje të parakohshme dhe me siguri jo të kërkuara dhe të shkaktuara nga partia Socialise dhe aleatët e saj, por pikërisht nga e djathta, nga kryetari i PD-së Sali Berisha. Mundësia e zgjedhjeve të parakohshme është përmendur edhe dje në mbledhjen e grupit parlamentar çka ka bërë që deputetët demokratë të jenë habitur nga kjo deklaratë e Berishës. Kështu, tashmë që duket shumë mirë që Berisha po humbet pikë dhe për këtë arsye atij i duhet të përdorë deri edhe alibira për të hyrë në zgjedhje të parakohshme.Tashmë më shumë se kurrë është Berisha atij që intereson për zgjedhje të parakohshme, pasi siç pretendon PD që ka marrë 100 mijë vota më shumë i bie që Berisha siguron një votë akoma më të thellë se në korrik të 2005 dhe kjo bën që ai të eleminojë aleatët duke qeverisur me dorë më të hekurt.

Nga ana tjetër partia Socialiste është më pak e përgatitur se kurrë për të bërë zgjedhje të parakohshme pasi është duke hyrë në zgjedhje elektorale brenda vetes së saj, dhe kjo me siguri që do të sjellë pengesa, madje dhe humbje të saj. Skema që duket se po përdor Berisha është ajo e përdorur nga Simitis në 2001 i cili një vit para së të bëheshin zgjedhjet në bazë të ligjit, duke parë se humbi pikë ai shpalli zgjedhje të parakohshme dhe i fitoi ato duke i siguruar vetës edhe katër vite të tjera në krye të vendit.

Ndërkohë Bamir Topi është figura që Berisha po e përdor për zgjedhje të parakohshme. Dje në mbledhjen e grupit parlamentar Kryeministri Berisha ka mbështetur kandidaturën e numrit dy të selise blu Bamir Topi, në ambicien e tij për t’u bërë president i ardhshëm i vendit. Madje Berisha u ka thënë deputetëve se deri tani emri i Topit ka gjetur mbështetje edhe tek disa aleatë me të cilet ai e ka diskutuar emrin e Topit për postin presidencial. Një deklaratë e tillë e Berishës, vërteton zërat deri tani se Bamir Topi nuk kishte ndërmend të pranonte për t’u bërë pjesë e kabinetit “Berisha 2”, pikërisht nisur nga ambicja e tij për t’u bëre president i ardhshem i vendit.

Ajo që ka shtangur të gjithë deputetët e PD, ka qenë pikërisht fakti se Berisha ka pranuar për herë të parë se vendi mund të shkojë në zgjedhje të parakohshme, duke vënë kështu në pikëpyetje arritjen e maxhorancës prej 84 votave, për të miratuar emrin që do të jetë presidenti i ardhshëm i vendit. Berisha u ka kërkuar të tijëve të punojnë me ritme të atilla sikur vendi të shkonte në zgjedhje të parakohshme, nisur sipas tij edhe nga platforma e opozitës për të penguar zgjedhjen e presidentit të ardhshëm, vetëm për të arritur këtë qëllim.

Deri tani vetëm me votat brenda koalicionit, maxhoranca numëron 82 vota në pamundësi për të kaluar e vetme këtë provë. Ndërkohë duke qenë në bindje të plotë se Topi nuk do të marrë votat e opozitës Berisha kalon në zgjedhje të parakohshme shumë afër zgjedhjeve vendore që nëse do të ishin zgjedhje parlamentare, Berisha do të kishte suguruar 71 deputetë pa konsideruar këtu edhe deputetët që mund të vijnë nga proporcionali duke i bërë kështu pa probleme 84 votat që i duhen për presidentin dhe për shumë vendime të rëndësishme që ndërmer përherë një mazhorancë.

__________________
Try not to become a man of success but rather to become a man of value - Einstein Albert.