Këngëtarja e muzikës Dance Julka, ka nisur sërish të frekuentojë jetën e natës në Tiranë. Së bashku me të dashurin e saj, Andi DJ, Julka është parë gjatë fundjavës në pubet e bllokut duke pirë dhe shijuar muzikën house. Këngëtarja e cila prej kohësh i kishte shpëtuar syrit të njerëzve dhe që prej tre vjetësh nuk ka realizuar asnjë album të ri, ka vendosur t’i rikthehet ekranit, por tashmë me një emision. Ndoshta kjo është dhe arsyeja që Julka po përpiqet të gjejë pak më shumë hapësirë për t’iu gëzuar kohës së lirë që i ka mbetur.

Ajo që bie vazhdimisht në sy, është dëshira e këngëtares së preferuar nga të rinjtë për të realizuar emisione larg studiove ku punon i dashuri i saj, kjo ndoshta edhe për të thyer zërat se ajo është xheloze për Andin. Për sa i përket ndonjë albumi të ri, Julka është shprehur disa herë se është ende herët, duke qenë se një projekt i tillë kërkon përpjekje serioze dhe përqendrim total.

__________________
Be aware of what u do in the past, because of the future consequences!