Greta - Qetesia eshte arma ime e forte

rreze dielli · #1 16-05-2007, 09:12

Këngëtarja 15- vjeçare Greta Koçi, jashtë skenës. Si arriti të hyjë në fushën e artit dhe të konkurojë përkrah emrave të njohur të muzikës, edhe pse është më e vogla që ka hedhur zërin në tregun muzikor. Braktisja përfundimisht e klubeve të natës në Tiranë dhe planet për një karrierë të lakmueshme. Si dhe dashurinë e (pa)provuar…

Dashurinë e pret ta “godasë” si rrufeja në një qiell të pastër.

Ndërsa i këndon asaj njësoj si Anna Vissi, këngëtarja greke mjaft e preferuar për të. Trille, zhgënjim, shtrat i heshtur, hapa që dëgjohen apo parandjehen, ndoshta dhe braktisje gjen në këngët e saj. E rrethuar si nga një aureolë nga përkudesja deri në detaje e prindërve, për më shumë se dy vjet ajo është në kërkim të skenave të mëdha. Nuk është aspak supersticioze edhe pse beson në një zot. Dhe fiton nga koncertet aq të ardhura sa të ngasë një makinë Chevrolet të zezë, të cilën e bleu 24 mijë euro.

Por e ndërron shpesh shijen, me muzikën e katër disqeve të tjerë, një disk me këngë të këngëtares Vissi, muzikë house, miks dhe një disk të këngëtares greke, Elena Paparizou, me të cilën ka të ngjarë të këndojë një këngë shumë shpejt. Ia ka premtuar Darko Dimitrov, kompozitori maqedonas, me të cilin ajo bashkëpunon.

Vajza brune e një nëne beratase dhe e një babai shkodran sapo ka prezantuar këtë videoklip, ku shfaqet e veshur si një infermiere, njëherë me veshje rozë dhe njëherë më të bardhë dhe ku rebelon për një dashuri të pamerituar. Një histori e vockël, që shkakton revoltë. “Aty interpretoj”, thotë Greta, duke mos e fshehur se një nga hobet e saj është aktrimi.

Lë klubet, I qaset diskotekave

Tani është shkëputur krejtësisht nga klubet e natës, për t'iu përkushtuar të kënduarit në diskotekat dhe koncerte në Kosovë dhe Maqedoni. “Ajo që më bën të ndihem mirë është eksperienca e të kënduarit live”, tha ajo. E ka kthyer këngën në profesion dhe kjo është arsyeja që jo rrallë i bën hile shkollës për gjuhë të huaj. “Nuk trembem. Ndiej shumë kënaqësi kur këndoj. Të kënduarit në pub-e absolutisht nuk më dëmton. Zëri piqet, emocionet zhduken, forcohet fraza. Pastaj unë mendoj se kur je e re të falet edhe sikur të gabosh”, shtoi ajo. Tani është duke menduar rreth bashkëpunimit me këngëtaren greke Elena Paparizou, këngën e të cilës “My number one”, fituese e Festivalit Europian 2005, arriti ta këndojë vetëm pas dy ditësh në “House of Arts”.

Asaj, nuk i mungojnë ofertat nga menaxherë maqedonas të koncerteve, që kur ajo këndoi në emisionin “Ti vendos” me muzikë shqiptare që transmetohet nga Televizioni Shtetëror Maqedonas. E gjen veten mirë në tingujt e muzikës së lehtë, të cilën kujton se e ka pëlqyer që e vogël kur vetëm 4-5 vjeç ajo këndonte të gjitha këngët e Mira Koncit.

Mashkulli I ëndrrave të saj

Gretën mund ta pyesësh për mashkullin e ëndrrave dhe ajo të përgjigjet duke qeshur. Duket se ende nuk e ka vizatuar modelin e mashkullit të duhur. “Si të vijë fati çdo gjë është e shkruar “, përgjigjet. Dhe ndryshe nga ç'mund t'ia diktonte mosha ajo është e qetë e përmbajtur.”Qetësia është arma ime e fortë. I zgjidh gjërat me qetësi”, tha ajo. Madje dhe kur e pyet se a ekziston ndonjë histori e vërtetë mes saj dhe këngëtarit kosovar, Ermal Fejzullahut ajo përgjigjet “Unë s'mund t'i ndaloj ndjenjat e të tjerëve, e kam thjesht koleg”. Synon të ruajë kuptimin e “Simply the best”, edhe në nota, të cilat i arriti gjatë interpretimit “live' në spektaklin “Top Shoë” në Top Channel.

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme:

Tema te ngjashme
Tema	Filluesi i temes	Forumi	Pergjigje	Postimi i Fundit
Dialog mes nje Muslimani dhe Krishteri!	Muslimani	Teologjia	12	25-05-2008 20:39
Roli i Isait (Jezusit) ne Islam.	Muslimani	Kurani dhe Jeta	3	31-10-2006 20:22
Dilemat me te cilat perballen Rinia	SmArTs_WAY	Kurani dhe Jeta	0	27-06-2006 10:21
Dyzet hadithe mbi personalitetin Islamik	SmArTs_WAY	Kurani dhe Jeta	0	27-06-2006 10:08
Kur'ani Fisnik ne Shqip	Administratori	Kurani dhe Jeta	5	04-09-2003 16:15