Big Mama, udhëton shpesh dhe jo vetëm për të marrë pjesë në evenimente të ndryshme muzikore ku është e ftuar. Të paktën mbrëmjen e së shtunës, në një party të organizuar në një nga pub-et ku ajo shpesh është prezent, ajo e kishte ndarë mendjen; ishte vetëm për qejfin e saj. (megjithëse kjo nuk do të zgjaste dhe shumë pasi u “sulmua” nga fansat që kërkonin medoemos të bënin foto apo t’i merrnin autografe). Pas një pjesëmarrje dinjitoze në Top Fest si dhe në “Netët e Klipit Shqiptar”, më në fund ajo pati pak kohë të lirë për të festuar me miqtë e saj shqiptarë në një party organizuar nga “Flex Bar” me dy d.j profesionistë Enisin dhe Ad Disha.

Por, të jesh VIP ka edhe të metat e veta. Kështu me gjithë dëshirën e madhe për të mos rënë në sy, ishte e pamundur që Big të mos ishte në qendër të vëmendjes. Dhe ajo u përgjigjej të gjithë fansave, duke iu buzëqeshur apo edhe duke i takuar personalisht. Reputacioni i një personi karizmatik siç është ajo, bëri që ndonëse ajo shoqërohej nga personazhe të tjerë VIP dhe madje nga bukuroshe të ekranit, si balerina apo prezantuese, Big Mama, atë natë ishte ylli i mbrëmjes. Ajo rrëmbeu vëmendjen e gjithë të ftuarve të tjerë.

Imazhe te Ngjitura

Big Mama.jpg (24.3 KB, 0 vezhgime)