Edhe pse me shumë vonesë krahasuar me vitet e tjera, një tjetër virus gripi ka prekur gjithë Evropën në fillim të muajit mars. Virusi AH3N1 “infekton” edhe Shqipërinë. Për mjekët ishte e pritshme, por nuk dihej, derisa rastet sporadike po shtoheshin pothuajse përditë. Statistikat tregojnë se Lezha, Tirana, Elbasani, Gjirokastra, Berati, Korça dhe Fieri, kanë regjistruar deri tani numrin më të madh të prekurve nga viruset. Megjithë këtë shtrirje të rasteve, nuk bëhet fjalë për epidemi, nëse do të ndodhte më shumë se 20 për qind e popullatës duhej të infektuar, në këtë mënyrë këto raste janë klasifikuar si sporadike, edhe pse shpeshtësia e tyre ka qenë e madhe kohët e fundit. Të moshuarit dhe të vegjlit viktimat e para, edhe pse deri tani asnjë rast fatal, survejanca është rritur në maksimum dhe Instituti i Shëndetit Publik po monitoron të gjitha rastet e infektuara nga dy viruset që po qarkullojnë aktualisht në vendin tonë.

Situata gripale
Statistikat e Institutit të Shëndetit Publik tregojnë se vetëm në Spitalin Infektiv pranë Qendrës Spitalore Universitare “Nënë Tereza”, pothuajse çdo ditë në Urgjencën paraqiten 50 deri në 60 raste të reja, shumica me komplikacione. Për bluzat e bardha situata nuk është e zakonshme, madje rastet janë shtuar, por përkundrejt rasteve në rritje, për ta mbetet veçse një grip. Një ndër dhjetëra viruset që vizitojnë vendin tonë, veçse këtë herë duke u shfaqur në forma të ndryshme. Instituti i Shëndetit Publik raporton një numër rastesh që arrin deri në 20 mijë vetë, megjithatë gjendja është në kontroll dhe nëse gripi nuk prek të paktën 100 mijë qytetarë nuk mund të quhet epidemi apo pandemi. “Nuk mund të bëhet fjalë për një epidemi, edhe pse numri i të prekurve nga gripi ka qenë në rritje, si rrjedhim nuk mund të mbyllen shkollat apo institucionet e tjera publike”-tha Dritan Ulqinaku specialist i Institutit të Shëndetit Publik. Ndërkohë që specialistët e drejtorisë së Shëndetit Publik të kryeqytetit kanë raportuar dhjetëra raste pak ditë më parë, ndërsa ditët e fundit fluksi ka qenë në ulje. Situata për virologët nuk është alarmante, pasi ky lloj virusi ka dhjetë vjet që qarkullon në Shqipëri dhe origjina e tij vjen nga Hong-Konku që në vitin 1969. Sipas shifrave të ISHP-së përqindjen më të lartë të prekurve nga gripi e zënë grupmoshat nga 0-4 vjeç dhe mosha e tretë, prej të cilëve 57 për qind rezultojnë të jenë fëmijë.

Dy viruset e gripit
Laboratori i Institutit të Shëndetit Publik zbuloi i pari vetëm pak ditë më parë praninë e disa virozëve që u kthyen në makthin e Shqiptarëve. Ishin dy viruse, njëri i tipi A dhe tjetri B, që dy mjaft të rrezikshme që prekin kryesisht moshat e reja dhe ato të treta, më shumë ato që kanë qenë të paimunizuara ndaj pranisë së virusit, në mungesë të vaksinimit të tyre. Specialistët e Institut të Shëndetit Publik as që e diskutojnë faktin se prania e dy viruseve të rrezikshme që ka lënë në shtrat për disa ditë qytetarët është një epidemi. Janë raste sporadike, të cilat janë izoluar në kohë dhe kanë marrë ndihmën e parë mjekësore, rreth 20 mijë të prekur, ku numrin më të madh e përbën kryeqyteti. “Bëhet fjalë për dy viruset, një të tipit B dhe virusin tjetër, AH3N1. Janë viroza të cilat prekin zakonisht rrugët respiratore, shkaktojnë një rritje të ndjeshme të temperaturës, dhimbje trupore dhe në rastet kur nuk ndërhyhet në kohë mund të bëhet shkak edhe për bronkopneumoni”,- pohon Dritan Ulqinaku, virolog në Institutin e Shëndetit Publik. Sipas specialistëve gjatë 10 viteve të fundit është vënë re një rritje e ndjeshme e numrit të virozëve që kanë qenë në qarkullim, kjo ka qenë edhe shkak për rritjen e numrit të pacientëve. Grupmosha e nxënësve të shkollave përbën aktualisht edhe problemin më të madh, për faktin se kontaktet e tyre me të vegjlit janë më të mëdha dhe kjo rrit edhe mundësinë e përhapjes së virusit në shkallë të gjerë.

Alarmi i OBSH-së
Organizata Botërore e Shëndetësisë ka hedhur alarmin për vaksinimin në masë të popullatës, me qëllim që të jenë më të imunizuar ndaj viruseve që janë në qarkullim gjatë 10 viteve të fundit. Larmia e tyre si dhe rezistenca i ka bërë specialistët e shëndetësisë që të hedhin alarmin për rritjen në masë të imunizimit të popullatës globale ndaj viruseve, kjo për faktin se prej kohësh pritet një mutacion i virusit të gripit të shpendëve. Aktualisht në Evropë qarkullojnë tre viruse mjaft të rrezikshme, ato të tipi A H3N1 dhe A H1N1 dhe ai i tipit B, që të dy me origjinë nga vendet aziatike, të konsideruar prej vitesh burimi i viruseve që përhapen brenda një kohe të shkurtër në të gjithë botën. OBSH-ja kërkon rritjen e kujdesit kryesisht ndaj moshave më të prekshme, të moshuarve dhe fëmijëve, pasi në rast infektimi ka shumë gjasa që pasoja e gripit të jenë edhe fatale.

Vaksinimi i popullatës
As që bëhet fjalë për ekzistencën në farmaci të një vaksinë kundër virusit më të ri. Prodhimi i tyre bëhet maksimumi 6 muaj pas shfaqjes së virusit deri në përdorimin masiv të saj. Vaksina antigripale ndaj viruseve që qarkullojnë prej vitesh, pothuajse siguron mbrojtje deri në masën 50-75 për qind, por vaksinimi sipas specialistëve ka efekte mjaft pozitive pasi mund të ulë dukshëm numrin e vdekshmërisë. Imuniteti që jep një vaksinë ka një periudhë kohore të shkurtër që varion nga 6 muaj deri në një vit, për këtë qëllim sugjerohet që vaksinimi ndaj virozëve gripale të kryhet periodikisht. Nga viti i shkuar deri në muajin mars kur edhe regjistrohet piku i numrit të virozëve, virusi A H3N1 ka prekur 82 vende të botës, për këtë qëllim Organizata Botërore e Shëndetësisë ka sugjeruar përdorimin e vaksinës antigrip trevirale, e cila mund të imunizojë popullatën nga tre tipe të virusit A, atyre H1N1, H2N2, H3N1.

Imazhe te Ngjitura

spital-tirane-virus-ah3n1.jpg (13.8 KB, 0 vezhgime)

__________________
The heaven's sound is composed inside your heart, listen to its beat to syncronize your life onto the angel's steps.