1. Gripi është momenti për ta parandaluar
2. Osteoporoza , edhe burrat rrezikohen prej saj
3. Një xhel në vend të syzeve
4. Për familjarët, lajme drejtpërdrejt
5. Sëmundjet kardiovaskulare
6. Diabeti



Gripi. Ka ardhur momenti për ta parandaluar. Me vaksinën e dyfishtë parandalon edhe bronkopneumonitë

Piku i sëmundjes parashikohet gjatë muajit dhjetor.
Ka ardhur koha për t’u mbrojtur nga gripi. Periudha optimale për t’u vaksinuar është mesi i tetorit deri në fillim të dhjetorit dhe si gjithmonë iu këshillohet të moshuarve, fëmijve dhe të rriturve me sëmundje kronike respiratore dhe atyre me forca imunitare të ulta. Rekomandimi që japin mjekët është të kombinohet vaksina antigrip me vaksinën kundër pneumokokut, shkaku kryesor i bronkopneumonive virale. “Një mbrojtje e dyfishtë” thotë një mjek virolog, “që mundëson shmangien e komplikacioneve që rrjedhin shpesh nga gripi”. Megjithatë gripi i sivjetëm nuk mendohet të jetë veçanërisht agresiv. Gripërat e hasur deri tani janë të ngjashëm me atë vitit të shkuar të Moskës, Kaledonisë së Re dhe Hong Kongut. Por mund të ketë ndonjë të papritur me gripin që quhet Viktoria që duket se është më i rëndë dhe periudha e pikut e qarkullimit të tij do të jenë Krishtlindjet dhe deri në fillim të Janarit.

Osteoporoza edhe burrat rrezikohen prej saj
Burrat mbi pesëdhjetë vjeç kanë rreziqe për të pësuar fraktura të shkaktuara nga osteoporoza e cila është edhe më kërcënuese se kanceri i prostatit tek ata. Sipas disa studimeve të eksperteve amerikane ortopedë, delikatesa e kockës mashkullore është më e rëndomtë se sa mendohet edhe pse është disa herë e lënë pas dore por ata janë më të ekspozuar ndaj rrezikut për shkak të alkoolit dhe dietave të çrregullta shpesh me mungesa proteinash të cilat gjenden shumë tek qumështi. Alkooli në të kundërt demton mëlçinë dhe ndryshon metabolizmin e vitaminës D e nevojshme për të ngjizur kalciumin në kockë.


Probleme të të parit, një xhel në vend të syzeve
Një xhelatinë “çudibërëse” e aftë të rinojë sytë e të moshuarve, mund të zëvendësojë në vitet e ardhshme syzet dhe kirurgjinë laser. Kjo është ajo që premtohet nga studiuesit e “Vision”, një qendër kërkimore shkencore në Melburn, Australi, që kanë shpikur një xhel për të zëvendësuar dhe forcuar lëngun e kristalinës, e cila me kalimin e kohës dëmtohet duke shkaktuar probleme të të parit. Sipas ekspertëve australianë, ajo mund të shëndrrohet edhe në një alternativë për kirurgjinë e kataraktit (perdes së syrit).

Kirurgji-lajme drejtpërsëdrejti për familjarët
Një shirit me ngjyra që zhvendoset mbi portën e hyrjes në sallën e operacionit do të përshkruajë me fraza të shkurtëra fazat e ndryshme të ndërhyrjes kirurgjikale. Kjo ka filluar të eksperimentohet në një klinikë kirurgjikale të Bolonjës. Qëllimi është të zvogëlojë ankthin e të priturit të familjarëve që zakonisht presin, duke u munduar të kuptojnë se çfarë ndodh brenda dhe kërkojnë të reja nga personeli që hyn dhe futet me shpejtësi në sallën e operacionit. Ky shirit lëvizës do të bëjë me dije drejtpërsëdrejti nëse ndërhyrja ka filluar, nëse gjithçka shkon mirë, nëse pacientit i ka dalë anestezia.

Sëmundjet kardiovaskulare
Zemra është një pompë që shpërndan gjakun në të gjithë trupin. Sa më i madh të jetë territori që ajo do të furnizojë aq më e madhe është puna që ajo duhet të kryejë. Pra personat obezë kanë shpesh një zemër ipertrofike (të zmadhuar), pra me dimensione më të mëdha se normalja. Rritet gjithashtu rreziku i arteriosklerozes, e lidhur drejtpërsëdrejti me ndryshimet e yndyrnave në gjak, dhe veçanërisht me rritjen e kolisterolit të keq Ldl dhe i triglicerideve, si dhe me uljen e kolisterolit të mirë Hdl.
Një tjetër lidhje e dukshme midis obezitetit dhe sëmundjeve kardiovaskulare është stresi që mbipesha shkakton në të gjithë sistemin kardiovaskular nga çasti kur çdo veprimtari fizike kërkon një sforcim më të lartë se norma. Vështirësitë respiratore që bashkohen me to provokojnë një rritje të rruazave të kuqe në gjak dhe çrregullime të koagulimit duke rënduar pa masë rrezikun e trombozave dhe infarkteve.

Diabeti
Sëmundja e lidhur drejtpërdrejt me mbipeshën është diabeti i tipit 2, jo vartës nga insulina. Eshtë provuar se obeziteti është përgjegjës në 57% të rasteve. Veçanërisht nxitëse është dhjami që akumulohet në nivelin e abdomenit. Mekanizmi që çon tek sëmundja lidhet me fenomenin e quajtur reziztenca ndaj insulinës, në kushte normale insulina transporton glukozën brenda qelizave ku përdoret për të prodhuar energji. Me rritjen e peshës, qelizat fillojnë t’i rezistojnë këtij veprimi dhe glukoza nuk arrin të futet. Sheqeri që mbetet në qarkullim stimulon pankreasin të prodhojë më shumë insulinë për të përballuar përkeqësimin e metabolizmit, deri në ezaurimin e qelizave pankreatike dhe shkakton diabetin e tipit 2. Ulja në peshë mund të çojë me shpejtësi në një sprapsje të sëmundjes dhe kështu shmang përdorimin e ilaçeve.

10 hapa për të ndihmuar tranformonin e trupit të vjetër, në një të ri.

Trup i shëndetshëm? Cili është kuptimi i kësaj fraze? Idetë që të vijnë në mend janë më tepër individuale sesa standarte. Githmonë është e çuditshme të dëgjosh njerëzit kur thonë: “Eshtë pak i shëndetshëm!” Kjo përkthehet mbi peshë dhe i shëndoshë. Megjithatë për shumë të tjerë, kur përmend fjalën i shëndetshëm në mendje u vijnë imazhe të Herkulit apo Van Damme apo më mirë Arnold Schëarzenegger. Pra, trupi i shëndetshëm për shumë njerëz mund të prezantohet nga një formë e mirë fizike, apo siç thuhet në gjuhën mjekësore shëndet kardiovaskular. Në të njëjtën palestër, megjithatë, çdo ditë mund të shohësh njerëz të cilët duken njësoj si disa vjet të shkuara. Përse këto individë nuk kanë ndryshuar aspak për kaq kohë? U mungojnë njohuritë në këtë fushë? Apo, nuk po stërviten me intensitetin e duhur? Cilido të jetë rasti, unë nuk dua që shumica juaj të përbëjë numrat statistike të kësaj popullsie të vogël.

Ja 10 hapa të thjeshtë për të ndihmuar tranformonin e trupit të vjetër, në një të ri me të shëndetshëm.

Hapi 1.
Ujë. Pini sa të kini mundësi gjatë ditës. Rekomandimi ditor për uje është 8-10 gota në ditë. Uji është shumë i rëndësishëm sepse ndihmon tretjen e ushqimit, shpejton metabolizmin e trupit, e shplan organizmin gjatë ditës dhe në të njëjtën kohë është shumë i rëndësishëm për funksionimin e kyçeve të trupit, si gjunjët dhe brylat. Një e mirë tjetër e ujit është që të bën të ndjehesh i ngopur, pa ngrënë shumë kalori. Gjithashtu organizmi funksionon në mënyrë optimale kur nuk është i dehidratuar. Për ç'do 2% dehidratim, muskujt humbin 14 % fuqi.

Hapi 2.
Konsumoni ushqim me cilësi. Trupi është si makinë, dhe si çdo makinë ka nevojë për karburant për të funksionuar mirë, bile karburant me cilësi. Mbani mend, makinën mund ta ndërroni sa herë që të doni por trupin e keni deri sa të vdisni, kështu që trajtojeni mirë. Zakonisht, 5-6 porcione të vogla ushqimi është më mirë sesa tre porcione: mëngjes, drekë dhe darkë që ne jemi mësuar të hamë. Porcionet më të vogla treten më shpejt në sistemin e tretjes dhe japin me shumë energji trupit. Për ato që nuk kanë mundësi për proteinë pluhur, qumështi pluhur, është pothuajse njësoj sepse ka shumë amino acide të rëndësishme për trupin dhe shëndetin. Kini kujdes, këto porcione duhet të përmbajnë me tepër proteinë dhe më pak karbohidrate. Zakonisht 2 gram proteinë për çdo kilogram peshë trupi është mëse e mjaftueshme. Me pak fjalë, një porcion ushqimi duhet të ketë një njësi proteinë dhe një njësi karbohidratesh. Një mënyrë tjetër për të peshuar është me masën e dorës. Kjo është më e thjeshtë dhe e arsyeshme. Për shembull: masa e dorës grusht është një njësi karbohidrate, ajo është zakonisht një patate apo një portokall (ngaqë kemi shumë këtu në Florida), ndërsa masa e një proteine është sa dora a hapur pa matur gishtat. Kjo është zakonisht masa e një berxolle.

Hapi 3.
Ky hap është pak i çuditshëm për shumë njerëz megjithatë është shumë efikas. Pas drekës dhe darkës, hani një lugë vaj ulliri. Vaji i ullirit quhet ndryshe yndyre e mirë (poly unsaturated), dhe ndihmon në heqjen e dhjamit nga trupi. Përveç kësaj vaji i ullirit i jep trupit energjinë e duhur për të kursyer djegjen e proteinave për energji.

Hapi 4.
Suplemente ushqimore. Nuk ka nevojë të përdorësh të tilla suplemente, por vetëm nëse nuk keni kohë për të gatuar apo jeni i lodhur duke përtypur 6 herë në ditë. Përdorini me kursim.

Hapi 5.
Suplemente vitaminash dhe mineralesh. Një tabletë Multivitamine/Multimineral zakonisht mjafton për t'ju dhënë sasinë e caktuar të vitaminave. Ato zakonisht janë të parrezikshme për trupin.

Hapi 6.
Bëheni zakon stërvitjen. Të paktën tre herë në javë në mëngjes ikni në palestër dhe vraponi ose bëni biçikletë për 45 minuta, pastaj pas pune rreth orës gjashtë apo shtatë bëni stërvitje me pesha për rreth 45 minuta. Eshtë vërtetuar që diçka duhet të përsëritet 21 herë para se të bëhet zakon. Pra, të paktën 21 herë shtyjeni veten për të shkuar në palester. Atëherë do ta ndjeni ndryshimin menjëherë!

Hapi 7.
Stërvitje Kardiovaskulare. Këtu është fjala për vrap, not, biçikletë, patina, Stairmaster, Crosstrainer etj. Çdo aktivitet që e ngre nivelin e rrahjeve të zemrës në zonën e stërvitjes për një kohë të caktuar, forcon zemrën. Rreth 20-45 minuta, tre deri në katër herë në javë është e mjaftueshme për të humbur peshën në mënyrë graduale dhe të shëndetshme. Pulsi duhet të jetë diçka si 120-150 rrahje për minut, megjithatë ka një formulë të caktuar për këtë.

Hapi 8.
Stërvitje force. Këtu bëhet fjalë për stërvitjen me pesha. Si për meshkuj dhe për femra stërvitja me pesha nuk ka zëvendësim. Eshtë mënyrë më e mirë, për të shtuar masë muskulore, që ndihmon në djegjen më të shpejtë të kalorive dhe ndihmon në zbukurimin e formave të trupit. Tre deri në katër herë në javë, 30 minuta deri në një orë është e mjaftueshme për të arritur këtë synim.

Hapi 9.
Shplodhuni. Nuk mund të theksohet në mënyrë të mjaftueshme. Trupi ka nevojë për çlodhje. Kur bëni stërvitje organizmi futet në një faze stresi fizik dhe vetëm shplodhja e ndihmon për t’u rekuperuar. Duhen të paktën shtatë deri në tetë orë gjumë, dhe gjysëm ore gjumë pasdite është mjaftueshëm për të çlodhur organizmin, megjithse ka shumë faktorë që e ndikojnë gjumin, si psh: cilësia e gjumit, volumi i stresit mbi trupin, dhe ndryshime gjenetike. Shumë njerëz çlodhen me 5 apo 6 orë gjumë, shumë të tjerë kanë nevojë 8 apo 9. Shikoni me kujdes dhe studioni trupin tuaj. Nuk ka tregues më të saktë sesa vetë trupi.

Hapi 10.
Stërvituni me një shok. Kjo mund të jetë këshilla më e rëndësishme që ju jepet. Ndjehemi gjithmonë më rehatshëm kur kemi dikë me vete. Ndaloni dhe mendoni për një minutë! Kur niseni për të blerë diçka në dyqan, gjithmonë merrni një shok me vete apo jo, për të ndihmuar dhe për të kaluar atë fazën e parehatshme të zgjedhjes së rrobave. Një arsye, për të pasur gjithmonë një shok, është se sa herë që ndjeheni të lodhur apo to stresuar, dhe s'e keni mendjen për stërvitje e dini se shoku juaj po ju pret në palestër apo në park për tu stervitur. Një shok gjithashtu është i rëndësishëm për t'ju shtyrë sa më tepër për të vrapuar atë kilometrin e fundit apo për të ngritur ato dy përsëritjet e fundit të peshave. Ashtu si në jetë, çdo njeri ka nevojë për një partner për të përballuar dhimbjet e jetës. Ashtu dhe çdo njeri ka nevojë për një partner për të përballuar dhimbjet e muskujve.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kur të mund dhimbja e kokës..!

Shkaktohet lehtësisht nga stresi, emocioni dhe tensioni dhe është e shpeshtë tek njerëzit depresivë dhe me ankth; ndaj një nga metodat e kurimit është edhe psikoterapia, pasi kjo sëmundje lidhet më emocionet intense

Dhimbja në kokë, sidomos në ballë dhe pjesën e pasme të kokës. Është një nga shqetësimet më të shpeshta edhe pse në disa raste mund të jetë një shenjë e mirë; shfaqja e një lodhjeje ose një tensioni, por nëse është e fortë dhe e përsëriturështë sintom i një sëmudje celebrale si: ematomë, encefalite, meningjit ose ndonjë hipertension i rëndë.

Sintomat
Dhimbja mund të jetë fikse dhe pulsuese, zgjatja e saj, lokalizimi në varësi të kushteve që e favorizojnë ose në të kundërt e pushojnë.
Domethënëse janë edhe përsëritjet dhe intensiteti i dhimbjes, i cili mund të jetë aq i lartë sa ta bëjë jetën e pacientit shumë të vështirë. Skematikisht mund të dallosh disa tipe, midis të cilave migrena dhe spondiliatroza.
Me migrenë nënkuptohen një valë dhimbjesh akute, në një gjysmë të kokës, shpesh të shoqëruara nga të vjella dhe marramendje. Shenjat e para janë shqetësime vizive: fleshe dritash në ajër, shfaqen sidomos tek adoleshentët ose moshat e reja, të cilët janë pjestarë familjesh ku është prezente kjo sëmundje edhe tek anëtarët e tjerë dhe sidomos tek femrat me probleme menstruale. Patogjenezia e migrenës është e lidhur me modifikimin e fluksit të gjakut celebral, shkaktuar nga shqetësime arterioale.
Në ndryshim nga migrena, spondiliatroza godet sidomos moshat e rritura, nuk trasmetohet nga familja dhe mund të zgjasë në një kohë të papërcaktuar, duke shqetësuar edhe gjumin e natës. Dhimmja është më e shpërndarë sesa në rastin e një migrenr, duke u shtuar në pjesën e pasme të kokës dhe sidomos në nyjen mes kokës dhe qafës. Shkaktohet lehtësisht nga stresi, emocioni dhe tensioni dhe është e shpeshtë tek njerëzit depresivë dhe me ankth; ndaj një nga metodat e kurimit është edhe psikoterapia, pasi kjo sëmundje lidhet më emocionet intense.

Terapia

Terapia kundër dhimbjeve të migrenës bazohet në përdorimin e antifiamatorëve jo me përbërie steroidesh, si aspirina ose të tjera të ngjashme, duke i krijuar vetes kushte errësire dhe qetësie.
Për ata që vuajnë nga ngacmime të shpeshta është e këshillueshme një terapi e plotë, e cila përfshin një gamë të gjerë ilaçesh si: propanol,metirsegide, pizotifene, amitriptilina e fenelzina.

Teknikat më të fundit lidhur me “biofeedback”-un me anë të të cilit individi arrin të kontrollojë tonin dhe kalibrin e damreve të gjakut.

Terapia kundër spondiliarozës thellohet në teknikat e relaksimit, me anë të masazheve dhe psikoterapisë edhe pse nuk përjashton përdorimin e ilaçeve, sidomos sedativët dhe antidepresivët; ndërsa ilaçet më të rënda këshillohen vetëm kur dhimbjet janë të padurueshme. Kohëve të fundit në përdorim ka hyrë një ilaç: sumatriptan, që është një antagonis specifik selektiv ndaj receptorëve 5HT1-LIKE të serotoninës, që vepron në damarët kryesorë duke bllokuar krejtësisht krizat akute të migrenës. Gjenetika, sot ka synim kryesor gjetjen e shkaqeve të dhimbjeve së kokës: si migrena me karakter familjar, duke kërkuar për elementin trashëgimtar. Në vitin 1996 është zbuluar një gen përgjegjës për transportimin e kalciumit nëpër qelizat celebrale, i cili shkakton një formë tjetër migrne, e quajtur “migrene familjare” nëse ky gen nuk funksionon normalisht, lëvizjet e nivelit të kalciumit reflektohen në mosfunksionimin e disa neurotrasmetuesve, ngacmimi i të cilave shkakton këtë formë migrene. Ky zbulim erdhi si rezultat I kërkimeve të vazhdueshme për të kutuar shkaqet e dhimbeve të kokës dhe parandalimit të tyre.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

mendja e shendoshe ne trup te shendosh
po te merresh me sport gjaku qarkullon me shpejt dhe hapen enet e gjakut, ajo arrin te formoje nje ind solid ku nuk mund te kalosh mbi peshe dhe nen peshe , qarkullimi i frymarrjes eshte me i lehte , muskulatura arrin nje formim ne gjithe trupin , mendja largon streset e dites , dhe te largon nga cdo lloj te demshme per trupin si cigarja , alkoli, droga, etj dhe ul marrjen e semundjeve ( per cdo njeri do ishte mire sikur te vraponte disa kilometra )

__________________
brus lee

Patologjitë e stinës së pranverës.

Po të pyesësh një fëmijë se cila është është stina që i pëlqen më shumë, pa dyshim me një përgjigje të shpejtë instinktive do të thotë: pranvera. Por shumë pak e dinë se bashkë me “rizgjimin e natyrës” vijnë dhe patologjitë e stinës që mbajnë po këtë emër. Dy janë ato më shqetësueset: sindromi pranveror dhe pagjumësia pranverore. Te dyja shqetësojnë, megjithëse në sens të ndryshëm nga njëra tjetra.

Sindromi “Pranveror”

Bëhet fjalë për një tërësi simptomash që variojnë nga një lodhje e thjeshtë fizike deri në një gjendje serioze që mund të prekë trupin dhe mendjen. Është karakteristikë e pranverës. Sipas statistikave, prek 70 për qind të grave, përkundrejt vetëm 30 për qind të meshkujve.

Shkaqet:

• Mund të jetë pasojë e dritës së diellit, e cila “rizgjon” gjendrat endokrine të organizmit, duke rritur aktivitetin e tyre. Kështu, trupi shpenzon më shumë energji për t'u përshtatur dhe për pasojë lodhet më shumë.

• Gjithashtu, mund të varet nga akumulimi me tepri i toksinave gjatë stinës së dimrit. Kjo bën që të ulet puna e mëlçisë, veshkave dhe zorrëve, të cilat janë dhe organet që “kanë për detyrë” pastrimin e organizmit. Puna e këtyre organeve ndikohet dhe nga stresi, një mënyrë e gabuar e të ushqyerit, si dhe nga një stil jete sedentare.

Simptomat:

- Ndjesi e përgjithshme e të ndjerit keq

- Lodhje e tepruar

- Sfilitje fizike dhe mendore

- Nervozizëm dhe irritim

- Probleme me tretjen

- Pagjumësi

- Depresion

- Alergji

Përpara se të nxitoni të merrni ndonjë ilaç, çdo simptomë duhet t'i nënshtrohet vlerësimit të një specialisti.

Trajtimet:

Për të rimarrë forcat duhet bërë një kurë detoksifikuese dhe pastruese, duke u ushqyer në mënyrë të shëndetshme dhe të ekuilibruar, si dhe duke përmirësuar cilësinë e mënyrës së jetesës.
Por nëse lodhja dhe ndjesia e të qenit keq zgjasin në kohë, duhet t'i drejtoheni një mjeku. Sepse pas secilës prej këtyre simptomave mund të shihet një sëmundje organike (si p.sh një anemi) ose çrregullime me origjinë psikologjike.

Pagjumësia pranverore

Bashkë me kohën e bukur dhe ardhjen e dallëndysheve nuk vonojnë dhe netët e bardha. Është pikërisht për shkak të ndryshimit të stinës dhe me ndyshimin e ndriçimit që shpesh tortura e pamundësisë për të mos fjetur dot bëhet më shqetësuese.

Fatmirësisht këtu tek ne, si tek të gjitha vendet me klimë mesdhetare, problemi zgjidhet brenda pak ditësh dhe vazhdon të godasë vetëm ata që janë të prekur nga shqetësimet e gjumit.

Megjithëse në këto ditë të pranverës, e cila akoma në këtë fundprill ndihet e pasigurt nëse duhet të vijë, dëgjon shumë njerëz të ankohen për gjumin jo të qetë, edhe pse pjesa më e prekur janë të moshuarit dhe gratë në menopauzë.

Po kështu nga bisedat e shumta del se janë shumë të paktë, deri në shpërfillje, ata që mendojnë t'i drejtohen një specialisti. Një nga arsyet është frika e krijimit të varësisë ndaj qetësuesve.
Në fakt, pagjumësia duhet konsideruar si një sëmundje e vërtetë prej së cilës të shërohesh. Nga ana tjetër, kush fle pak dhe keq ka probleme me përqendrimin dhe efikasitetin në punë gjatë ditës. Statistikat tregojnë që ka gjasa të sëmuren dhe më shpejt. Kjo pasi kortizoli, i cili është hormoni që mbron organizmin tonë, prodhohet më shumë gjatë gjumit të thellë.

Ja disa nga rregullat për t'u përballur me netët e gjata dhe gjumin e çrregullt:

- Shmangni gjumin e pasdites, përpiquni të mos rehatoheni mbi divan;

- Shkoni në shtrat vetëm nëse ndiheni të lodhur;


- Më mirë të zgjoheni gjithmonë në të njëjtën orë edhe në fundjavë;

- Mos mbani në dhomën e gjumit materiale që i përkasin punës apo studimit;


- Përpiquni të hani ushqime që favorizojnë ose përmirësojnë gjumin, si p.sh.: kosi, drithërat, veza, peshku, patatet dhe bananet;

- Hani lehtë në darkë për të mos rënduar stomakun;

- Mos praktikoni shumë sport pa bërë nxehjen e duhur;

- Në mbrëmje evitoni pijet energjike dhe me kafeinë.

Imazhe te Ngjitura

pranvera-1.jpg (15.4 KB, 23 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Sëmundjet Periodontale, shkaqet dhe lidhjet me sëmundjet e tjera.

Periodontiti është një sëmundje inflamatore kronike e indit dhe kockës që rrethon dhëmbët. Ky inflamacion i shkaktuar nga bakteriet çon në shkatërrim të indit gingivar dhe të kockës që rrethon dhëmbët dhe si rrjedhojë kemi lëkundjen deri në humbjen e dhëmbëve. Madhësia e inflamacionit në inde dhe sasia e shkatërrimit të kockës dhe indit gingival ndryshon gjerësisht midis pacientëve. Ne dimë që faktorët gjenetikë dhe ato të fituar (si duhani) modifikojnë reagimin e trupit ndaj bakterieve.

Pllaka bakteriale është provuar të jetë shkaktari bazë i nisjes dhe progresionit të Periodontitit.

Shumë studime kanë treguar që faktoret riskues të lidhur më direkt me rritjen e mbizotërimit dhe ashpërsisë së sëmundjes janë:

• 1. Gjinia; në meshkuj pritet nje eksperiencë në nivele më të mëdha se në femra
  2. Statusi socio-ekonomik;
  3. Numri i dhëmbëve
  4. Duhani është nje nga faktoret risk më të fortë në sëmundjet periodontale. Duhanpirësit ndryshe nga ata që nuk pinë, shfaqin shenja të periodontitit më herët dhe janë më të prirur për të shfaqur sëmundje të gjeneralizuara.Të pirit e duhanit krijon një influencë negative në metabolizmin e indeve dhe në regjenerimin e plagëve. Në shtim duhani pakëson përgjigjet imunologjike, të cilat ndihmojnë organizmin në luftën kundër bakterieve. Pra përfundimisht mund të themi që duhani ka efekte direkte në përgjigjen e indit ndaj bakterieve, pra çon në ndryshimin e mekanizmave mbrojtës të indeve.
  5. Mosha
  6. Sëmundjet si Diabeti.

Lidhja e Periodontitis me Sëmundjet ischemike cerebrovasculare/ cardiovasculare

Është vërejtur një lidhje midis sëmundjeve periodontale dhe sëmundjeve vasculare, iskemike duke përfshirë këtu hemorragjinë cerebrale dhe infarktin e miokardit. Nje studim i publikuar ne 1989 ka treguar që sëmundjet periodontale janë një risk si për aksidentet cerebrovasculare dhe infarktin e miokardit.

Periodontiti dhe shtatëzania

Nëse bakteriet dhe endotoxinat kalojnë në qarkullim të gjakut lind pyetja:

A ndikojnë apo jo në fetus? Nëse ndikojnë ç'farë potencial shtrirjeje kanë? Dhe si influencojnë mikroorganizmat në fetus?

Në vaginozat bakteriale mikroorganizmat nga cervix ose vagina kolonizojnë polet e poshtmë të membranës fetale duke çuar në chorioamniotitis me çarje të membranës dhe lëshimin e metaboliteve PGE2 (metabolite të acidit arachidonic). Po kështu edhe periodontitet janë të lidhura me këto alterime dhe shërbejnë si faktor risk për lindje premature dhe fëmije nën peshë.

Periodontiti në Diabetin Mellitus

Individët me Diabet Mellitus kanë një predispozicion për atherosklerozë kardiovaskulare, dhe sëmundje cerebrovaskulare. Për më tepër pacientët me DM kanë një predispozicion të lartë për sëmundje P. Rreth 40% e pacientëve diabetikeë vuajnë nga sëmundjet Periodontale. Po ashtu dhe sëmundjet periodontale alterojnë nivelet e sheqerit në gjak.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.