Pikat e bardha (milia) janë shqetësimi për të pasur një freski natyrore rreth syve; për femra dhe për meshkujt fjala “kujdes” duhet patur parasysh; vetëm nën kujdesje sterile do të mund të ruani shkëlqimin.

Ç’janë pikat dhjamore?
Pikat e vogla dhjamore në fytyrë janë kanale të djersës të bllokuara që quhen ndryshe milia-t. Zakonisht shfaqen në zonat rreth syve e në mollëza. Ato janë shumë rezistente, pavarësisht nga pamja e jashtme, kështu që nuk rekomandohet shtrydhja e tyre në shtëpi. Milia përshkruhet si çrregullim, ku dominon trashëgimia. Milia mund të shfaqet në çdo moshë edhe tek të vegjlit (në hundë).
Shfaqja e milia-s nuk ka përcaktim moshe. Tek gratë milia është më e predispozuar të shfaqet. Ndërhyrjet e bëra vetë përfundojnë pa rezultat, madje shkaktojnë komplikacione.
Është e rëndësishme të ekzaminohen dhe të diferencohen, pasi në këtë zonë, të ngjashme me milia-t, mund të gjenden gjurmë që paralajmërojnë ndonjë shqetësim tjetër, si p.sh. shenjat e kolesterolit. Meqenëse fytyra është zonë delikate, edhe problemet janë më të komplikuara nga sa mendojmë. Kështu është e domosdoshme të kërkohet ndihma e specialistit estet.

Si trajtohen?
Për rastin konkret, ndërhyrja bëhet në Qendër Estetike, në kushte sterile me ndihmën e një instrumenti të posaçëm. Ky instrument mundëson daljen jashtë të pikave të bardha, të cilat në bazë kanë një masë të fortë që ndryshe në gjuhën e thjeshtë quhet “shtrat”.

Kjo masë nxirret detyrimisht jashtë pasi shkakton relievin në fytyrë. Këtij procesi i paraprin ndërhyrja me produktet e duhura që zbusin lëkurën dhe e përgatisin atë për procesin.
Kohëzgjatja e këtij procesi varet nga sasia e pikave të bardha. Zona e trajtuar detyrimisht i nënshtrohet dezinfektimit.
Kujdes, jo çdo dezinfektant është i përshtatshëm! Shenjat që mbeten në zonën e milia-ve janë të papërfillshme dhe ato zhduken pas disa orësh. Nuk ka një rregull përcaktues nëse milia-t shfaqen përsëri. Miliat eliminohen në një seancë të vetme.

__________________
The heaven's sound is composed inside your heart, listen to its beat to syncronize your life onto the angel's steps.