Armik i përbashkët i dhëmbit dhe gingivave është "pllak". Pllak është shtresë ngjitëse,pa ngjyrë e cila formohet ne sipërfaqen e dhëmbit.
Është shtresë ideale për zhvillimin e bakterjeve të cilat me toksinat e tyre veprojnë në dhëmbë dhe në gingive,duke shkaktuar karijesin, inflamacion te gingivave dhe paradontopati.

Larja e rregullt e dhëmbëve me furç largon “pllak”-un dhe mbeturinat e ushqimit nga ana e brendshme dhe jashtme e sipërfaqës së dhëmbit.

Fijet e furçës duhet të drejtohen nën këndin 45 shkallë në mishrat e dhëmbëve dhe të bëhen pak lëvizje rrotulluese duke mbajtur pak a shumë në një vend, e cila mundëson në mënyre të gjatë fijet e jashtme të largojnë “pllak“ brenda gingivës dhe ndërmjet dhëmbëve. Në secilin dhëmb të mbahet rreth 10 sekonda.

Me përdorimin e furçës pastrohen vetëm 3 anët e dhëmbit nga 5 sa janë.Për atë arsye dy anët (ndërmjet dhëmbëve) kërkojnë kujdes të veçant që të eliminohet grumbullimi I “pllak”- ës dhe I ushqimit. Duke u bazuar se kariesi dhe sëmundjet e gingivës fillojnë në këto vende,filli dentar (fije pambuku) duhet të përdoret çdo ditë.

Solucionet për shplarje është gjeja ideale si shtesë e furçës dhe fillit dentar.Ka rol të dyfisht - ngadalson zhillimin e ”pllak”-es dhe ndihmon për parandalimin e karijesit.


Flori në shumë mënyra parandalon karijesin.

Karijesi paraqet demineralizim (humbje të mineraleve) të indit dhëmbor.Flori jo vetëm që e parandalon demineralizimin, por edhe aktivizon remineralizimin (deponim i mineraleve të reja në dhëmbë). Kjo do të thotë se karijesi në stadin më fillestar mund të shërohet dhe me aplikacion të florit.

Flori e bën dhëmbin më të fortë dhe rezistent ndaj bakterjeve.

Bakterjet shkatrrojnë dhëmbin në atë mënyrë duke zbërthyer karbohidratet (sheqernat) dhe duke rritur vlerat e acideve të ndryshme në gojë, sjell deri te demineralizimi i indit dhëmbor.

Si dhe sa duhet të jepet Flori?

Flori normal gjendet në ujin e pijshëm, dhe në ato vende ku koncentrimi i florit është mbi 0,7 mg/l nuk është e nevojshme fluorizimi i ujit, ku në këtë mënyrë do të kishim reduktim të karijesit prej 50-60 %.

Mënyra më e mirë për dhënien e florit fëmijëve është ajo me tableta. Në këtë mënyrë karijesi reduktohet 80 %.


Çfarë të veprojmë kur kemi dhimbje????

Natyrisht, të shkoni te dentisti, ose të merrni disa tableta kundër dhimbjeve, prap disa tableta deri atë ditë kur dhimbjet bëhen të padurueshme.

Po pse dhemb dhëmbi? Edhe atë pse natën?

Për pyetjen e parë përgjegja: Karijesi depërton thellë në dhëmb deri sa të arrijë në dhomën pulpare ku është i vendosur nervi.

Në pyetjen e dytë përgjegja do të ishte se dhimbja është presioni në fijet nervore, që gjatë natës kur trupi është në qetësi dhe në regjionin e sëmurë vjen më shumë gjak duke rritur presionin mbi nerva.


Fjala "paradont" do të thotë "rreth dhëmbit". Bëhet fjalë për infeksion bakteriologjik të cilat shkatrrojnë fibrat dhe kockën përreth, ku këto e mbajnë dhëmbin në gojën tuaj. Këto sëmundje nëse nuk shërohen mund të sjellin edhe deri te humbja e plotë e dhëmbit.

Shkaktarët e sëmundjes:

Pirja e duhanit

Me siguri e dini se pirja e duhanit lidhet me shumë sëmundje serioze, siç janë karcinomat, sëmundjet e zemrës dhe mushkërive, por edhe me shumë probleme tjera shëndetsore. Ajo që me siguri nuk e dini është se pirsit e duhanit janë shumë më të predispozuar për shfaqjen e sëmundjeve të parodontit. Më sakt, sipas zbulimeve të fundit tregohet se pirja e duhanit është njëri ndër faktorët kryesor për shfaqjen dhe zhvillimin e sëmundjeve të parodontit.

Shtazania dhe puberteti

Pastrimi çdo ditë i dhëmbëve, ushqim i shëndetshëm, dhe aktivitetet sportive janë të domosdoshme për mbajtjen e formës tuaj. Megjithatë, në një periudhë të caktuar duhet të kushtohet një kujdes më të madh mbi shëndetin. Gjatë pubertetit, menopuzës, shtatzanisë në trup vjen deri te ndryshimi i hormoneve, të cilat mund të ndokijnë në inde të ndryshme, si dhe në gingiva ku gingivat mund të bëhen shumë të ndjeshme .

Stresi

Stresi është i lidhur me shumë gjendje serioze, si tensioni i lartë, karcime, dhe shumë probleme tjera. Stresi është njëri ndër faktorët kryesor në shfaqjen e sëmundjeve të parodontit. Hulumtimet tregojnë se stresi mund të dobsojë organizmin në luftë kundër infeksioneve.

Barërat

Disa barëra, si p.sh, kontraceptivët oral, antidepresivët, dhe disa barëra për sëmundjet e zemrës mund të ndikojnë në shëndetin oral. Patjetër njohtoni stomatologun për të gjitha barërat që i përdorni.

Clenchingg dhe grinding

A ju ka thënë dikush se natën i kërcitni dhëmbët? A i shtrëngoni dhëmbët gjatë zgjidhjes së ndonjë problemi tuaj, apo gjatë provimit? Kërcitja apo shtrengimi i dhëmbëve jep një forcë të madhe në indet që e rrethojnë dhëmbin dhe kështu përshpejtoni dëmtimin e indeve parodontale.

Diabetes

Nëse keni sëmundjen e diabetesit (sëmundjen e sheqerit) jeni të predispozuar për infeksione dhe sëmundje të parodontit. Sipas American Diabetes Associoation gati 16 milionë Amerikanë vuajnë nga Diabetes, mirëpo gjysma e tyre nuk kanë diagnozën e caktuar të kësaj sëmundje.

Ushqimi i dobët dhe i njëllojshëm

Ushqimi i varfër me përbërsit kryesor mund të rrezikojë sistemin imunitar të organizmit dhe kështu të vështirësojë luftën e organizmit kundër infeksioneve. Kur bëhet fjalë për sëmundjet e parodontit, fjala është për infeksionet serioze, dhe ushqimi jo i rregullt mund të keqësojë gjendjen e gingivave.

Sëmundjet tjera sistematike

Infeksionet e gojës mund të ndokojnë në shëndetin tuaj në përgjithës. Sëmundjet e parodontit mund të jenë një faktor i rrezikut ndaj sëmundjeve të sistemit kardio-vaskular, infarktit, kontrollin glikemik tek diabetikët, lindjes parakohe dhe lindjes së fëmijëve me peshë të vogël.

Ekzistojnë disa lloje të sëmundjeve të paradontit:

Gingivitis

Është forma më e lehtë e sëmundjes së parodontit. Gingivat gjakosen lehtë dhe janë të skuqura. Shpejtë shërohet me terapi profesionale dhe higjienë të mirë dhe të përditshme.

Paradontitis i lehtë

Nëse gingivitis nuk shërohet, si forma më e lehtë e sëmundjeve të parodontit, atherë mund të zhvillohet dhe parodontitis. Në fazën fillestare vjen deri te shkatrrimi i kockës dhe indeve rreth dhëmbit.

Paradontitis i mesëm dhe i rëndë

Deri te kjo sëmundje vjen nëse nuk shërohen dy fazat e mëhershme, gingivitis dhe parodontitis i lehtë. Kjo është forma më e rëndë me të cilën vjen deri te humbja e kockës dhe indeve përreth.

Paradontitis juvenil

Paraqitet tek adoleshentët, dhe karakterizohet me humbje të shpejtë të kockës rreth dhëmbëve të përhershëm. Karakterizohet me grumbullim të madh të pllakës bakteriale dhe gurzave. Rreth dhëmbit mund të krijohen xhepa parodontal. Nëse nuk fillohet shërimi menjëherë mund të vie deri te humbja e kockës dhe dhëmbëve.


Era e keqe e gojës është një gjendje patologjike që njihet edhe si "Halitosis".

Era e keqe e gojës mund të vije nga shkaqe lokale dhe të përgjithshme.

Si shkaqe lokale mund të jenë dhëmbët e pamjekuar, cipat e dhëmbëve, gurëzat, punimet protetike si këllëfët e metalit ose porcelani të vendosura jo mirë (të gjatë ose të shkurtër), paradontopatitë inflamatore, stomatitet e ndryshme, periokoronaritet (gjatë daljes së dhëmbëve të pjekurisë). Era e keqe ndeshet edhe në disa raste kur nuk mund të përdoret furça për pastrimin e dhëmbëve, si gjatë paralizave, dëmtimeve psiqike, traumave të nofullës dhe fytyrës.

Shkaqet e përgjithshme: Qëndrueshmëria e erës së keqe edhe pas largimit të faktorëve lokal e mbajtjes së higjienës së gojës kërkon ekzaminim të thelluar të sistemeve të pacientëve. Shkaqet e përgjithshme mund të jenë sëmundjet e rrugëve të sipërme të frymëmarjes, ku duhet të përcaktohet nëse era e keqe vjen nga goja apo hunda. Sëmundjet e rrugëve të sipërme të frymëmarjes e detyrojnë të sëmurin të marrë frymë me gojë duke shkaktuar tharje të saj dhe pakësim të pështymës.

Sëmundjet e rrugëve të poshtme të frymëmarjes si trakeitet, bronkitet. Si dhe sëmundjet e aparatit tretës , barkut dhe mëlçisë pankreasit japin erë te keqe karakteristike. Gjatë çrregullimeve të mëlçisë (Foetor hapaticus) ndjehet erë e gjakut të shpërbërë, ndërsa nga pankreasi do të kemi erën e keqe të mollës së kalbur ku e gjejmë te diabetikët. Nga të sëmurët nga veshka ndjehet erë e ngjajshme me atë të urinës nga prania e amoniakut.


Gjatë dorëzimit dhe vënjes së protezës së re dhe përdorimit të saj fillon faza më kryesore – Korekcioni i protezës , e cila siguron që proteza t’i përmbush të gjitha faktorët dhe kërkesat për të cilën dhe është bërë. Është me rëndësi të ceket se: pacienti duhet të mësohet me një trup të huaj, kurse stomatologu duhet të elimonojë të gjitha elementet të cilat shkaktojnë dhimbje, stabilitetin e protezës me dhëmbët tjerë, stabilitetin e vet protezës etj.

Pacienti në ditët e para kalon në fazën e adaptimit me trupin e huaj, çka do të thotë mësimi i të folurit dhe përtypjes dhe shumë funksione të tjera që me mungesë të dhëmbëve ka harruar t’i përdorë ose i ka bërë gabim. Kjo kohë e adaptimit ka sukses kur me rregull ose disa here për ditë vjen për korekcion.

Intenzitetin e cakton stomatologu, kurse pacienti asaj duhet t’i përmbahet. Dhimbjet e mishrave të dhëmbëve të cilat paraqiten ditëve të para gjatë mbajtjes së protezës, dhe dhimbjet e pakta të dhëmbëve tjerë tek protezat parciale, evitohen me korekcione të vogla të cilat bëhen në ordinance, dhe një here ju përkujtojmë se korekcionet e rregullta nuk do t’ u bëjnë që protezën t’ e mbani në gotë.


Grumbullimet e ushqimit të cilat hyjnë ndërmjet pjesëve plastike (metalta) të protezës, në qiellzë dhe nofull apo në pjesët ndërmjet dhëmbëve nuk mund të largohen në mënyrë natyrale me pështymë apo gjuhë.

Mos mirëmbajtja e higjienës shkakton grumbullim të baktereve në thellësi të protezës ku edhe vie deri te era e keqe nga goja, grumbullim të gurëzave, pamje të keqe (sidomos tek pirsit e duhanit) dhe në fund deri te inflamacioni i gingivës (gingivitisi).

Tek protezat parciale duhet të kemi parasysh se mbetjet e ushqimit dhe bakteret më së shumti grumbullohen në vendet rreth dhëmbëve të mbetur në gojë çka dhe mund të shkaktojë gjakderdhje dhe inflamacion të tyre.

Pastrimi i rregullt i protezës (pas çdo ngrënje) është mbrojta kryesore nga bakteret.

Këshillohet edhe pastrimi njëherë në javë i protezës për shkatërrimin e baktereve me anë të tabletave apo pluhurit.


Proteza pavarësisht se prej çfarë rrethanave në gojë dhe prej çfarë materiali është i punuar, mundëson që çdo pacient të ketë higjienë perfekte në gojë.

Rregull e parë dhe themelore është se pas çdo ngrënje protezën duhet pastruar me furrçë. Si mjet për pastrim duhet të përdoret sapun me PH të lehtë. Pastën për dhëmbë nuk duhet ta përdorni për pastrimin e protezës. Disa substanca të pastës ua prishin shkëlqimin e protezës, çka vjen deri te dëmtimet e thella, prishje të shpejtë dhe plasje të protezës.

Për heqjen e gurëzave dhe grumbullimeve tjera të forta duhet të bëhen në laborator me përpunim mekanik dhe preparate kimike.

Kur nuk e mbani protezën në gojë ajo duhet të mbahet në ujë dhe në të mund të vendoset ndonjë tabletë për pastrim të protezës. Për vendosje pastaj ajo duhet të shplahet mire me ujë. Mbajtja e protezës në të thatë zvoglon afatin e përdorimit dhe vjen deri te tharja e materialit prej të cilës është bërë proteza.


Kariesi i dhëmbëve paraqet një proces patologjik, i cili karakterizohet me prishjen e tërësisë anatomike të dhëmbëve, i cili prek indet e forta të dhëmbit, duke filluar nga sipërfaqja e deri në thellësi të koronës së dhëmbëve.

Kariesi prek smaltin dhe dentinën, por në qoftëse nuk mjekohet prek edhe pulpën e dhëmbit.

Kariesi është një nga problemet më të rëndësishme në stomatologjinë bashkëkohore.

Në lindjen e kariesit ndikojnë faktorë të ndryshëm si ato klimaterike, tereni, uji i pijshëm, mënyra e ushqyerjes.

Në lindjen e kariesit ndikon edhe mosha. Kariesi prek të gjitha moshat pa përjashtim, por më i përhapur është në moshat e reja, në moshat 2 deri 3 vjeç ai është i përhapur me 20-30%, kurse shifra maksimale arrin në moshat 8 deri 10 vjeç, kjo ndodh për faktin se në gojën e fëmijëve kemi dhëmbë të përzier (kemi dhëmbë të qumshtit dhe dhëmbë të përhershëm).

Në lindjen e kariesit ndikojnë edhe faktorët lokalë si pështyma, cipat dhe guri i dhëmbëve.

Kariesi më së shumti lokalizohet në dhëmballën e përhershme, ku në moshat 12 deri 13 vjeç ajo është e përhapur deri 60-70%.

Shenjat klinike të kariesit janë:

Ndryshimi i ngjyrës

Prishja e tërësisë anatomike (formimi i zgavrës)

Dhimbja e nxitur nga ngacmues të ndryshëm

Çrregullimi i funksionit (Funxio lesa)


Janë inflamacione të pulpës, që kanë etiologji të ndryshme.

Në shumicën e rasteve ato janë pasojë e procesit karioz në dhëmbin që mbetet i pamjekuar.

Në zgavrën e formuar kemi grumbullim të mikrobeve të ndryshme, të cilat me veprimatrinë e tyre shkatërruese çojnë deri te hapja e kanalzave dentinare, ku ngacmjonë pulpën me anë të toksinave bakteriale duke shkatërruar plotësisht pangesën dentinare dhe duke u futur në pulpë.

Pulpitet mund të jenë:

Akute
Pulpit akut seroz i pjesshëm (Pulpitis Acuta Partialis)

Pulpit akut seroz tërësor (Pulpitis Acuta Totalis)

Pulpit akut qelbëzues (Pulpitis Acuta Purulenta)

Kronike

Pulpit kronik ulçeroz (Pulpitis Chronica Ulcerosa)

Pulpit kronik hipertrofik (Pulpitits Chronica Hypertrofica)

Pulpit gangrenoz (Pulpitis Chronica Gangrenosa)

Si shkaqe tjera mund të jenë të shkaqe të përgjithshme dhe lokale.

Shkaqet lokale janë traumatike, fizike, termike dhe kimike, kurse ato përgjithshme janë ato raste kur pulpiti zhvillohet në dhëmbë intakt (dmth korona e tyre nuk është e prekur dhe e dëmtuar). Në këto raste pulpiti është rjedhojë e ndikimit të mikrobeve me anë të gjakut.

Dhimbja është shenja e rëndësishme e cila shoqëron të gjitha llojet e pulpiteve akute duke filluar nga hiperemia pulpare.

Është pikërisht dhimbja e cila detyton pacientët të paraqiten tek mjeku.

Kjo dhimbje është pa shkak dhe ka një kohëzgjatje të ndryshme, dhe është rjedhojë e rritjes së shtypjes në dhomën pulpare.


Amalgami paraqet një nga materialet më të hershme për mbushjen e dhëmbëve. Sot kur flitet për amalgamin mendohet për atë të argjendit.

Që kur filloi të përdoret në stomatologji, për efektet anësore është bërë polemikë. Nga fakti se amalgami përmban një përqindje të madhe të zhivës, e cila paraqet rrezik për shëndetin, ku për disa kjo është e mjaftueshme që përdorimi i amalgamit të ndalohet. Të tjerët potencojnë se kjo sasi që është në plomba prej amalgami konsiderohet po aq sa njeriu e konsumon çdo ditë përmes ushqimit, dhe për një helmim nga një sasi të tillë minimale as që mund të flitet.

Çka është amalgami?

Amalgami paraqet aliazhe të zhivës me metale të tjera. Amalgami prej argjendi i cili përdoret në stomatologji (përveç zhivës) përmban argjend (70%), kallaj (25%), bakër dhe zink.

Cilat janë përparsitë e amalgamit?

Amalgami për nga fortësia është superior nga të gjithë materialet për mbushje.

Amalgami nuk ndikon në prishjen e dhëmbit dhe indeve në gojë. Materialet tjera për mbushje siç janë cement silikatet ndikojnë negativisht në pulpën e dhëmbit.

Mbushjet prej amalgami janë jetëgjatë.

Vendosja në mënyrë të rregullt e amalgamit mund të qëdrojë më shumë se dhjetë vite, duke parakaluar qëndrushmërinë e të gjithë materialeve tjera.

Cilat janë mangësitë e amalgamit?

Nuk plotëson anën estetike të mbushjes. Shkëlqimi i metaltë i amalgamit, i cili errësohet më vonë me kalimin e kohës gjatë qëndrimit gjatë në gojë, nuk ka shumë estetikë dhe nuk përdoret në linjën e dhëmbëve të cilët duken gjatë qeshjes dhe foljes.

Amalgami ka karakter metalik. Në raste kur në gojë kemi konstruksione protetike me materjale tjera, dhe se janë të mbuluara me pështymë, mund të lajmërohet rrymë galvanike: kjo do të thotë se mund ndonjëherë të kemi në gojë shije si të metalit, pak djegje dhe dhimbje të vogla.

Çfarë të bëhet?

Asnjë material për mbushje nuk ka të përkryer 100%. Amalgami ka përparësitë dhe mangësitë e tij të cilat duhet t'i marrim në konsiderate gjatë zgjedhjes së tyre dhe në konsultë me stomatologun pacienti vendos se çfarë do ti vendoset si material për mbushje.

Megjithatë, parandalimi i kariesit, me mirëmbajtje të rregullt të higjienës dhe kontrolli i rregullt tek stomatologu është mënyra e vetme që të anashkalohen problemet me shërimin.


Yndyrnat janë bazë, në shumë procese të organizmit dhe janë një formë e përqëndruar e energjisë. Marrja e tepruar e yndyrnave, mund të çojë në dhjamosje. Mishi, djathi, vaji i palmës, vaji i arrës së kokosit, dhjamrat e kafshëve, vezët, peshqit, arrat, kanë yndyrna të tretshme.

Fibrat luajnë një rol të rëndësishëm në një dietë të shëndetshëm, ndihmojnë lëvizjen e ushqimit në aparatin e tretës, ndalojnë kapsllëkun, ndihmojnë funksionimin e zorrëve (parandalojnë shqetësimet në to), apendesitin, sëmundjet e zemrës. Drithërat janë shumë të pasura me fibra.

Vitaminat dhe kripërat minerale e ndihmojnë trupin të ruajë formën e mirë. Një dietë e mirë duhet të sigurojë të gjitha vitaminat dhe kripëriat minerale, që janë shumë të nevojshëm për organizmin. Megjithatë duhen vetëm sasi të vogla, ato janë të pazavendësueshme.

Vitaminat dhe kripërat minerale veprojnë së bashku. Kripërat minerale ndikojnë në strukturat kockore, krijimin e një ekuilibri të sistemit ujor të organizmit, nervat dhe reagimet muskulare. Minerale të rëndësishme janë kalciumi, fosfori, magnezi, hekuri, sulfuri, sodiumi, potasi dhe zinku. Disa vitamina si A, D, E, K, mund të maganizohen, kurse vitaminat C dhe B kompleks duhen marrë rregullishtë. Nëse frutat dhe perimet gatuhen, vitaminat dhe kripëriat minerale humbasin shumë nga cilësitë e tyre. Zierja me avull është më e mirë, sesa zierja e zakonshme. Mjaftë vitamina përmbajnë edhe lëkurat e frutave.


Ka disa lloj ushqimesh që duhet të hahen të shoqëruara me të tjera, sepse kështu bëhen më të dobishme për organizmin tonë.

Studimet e bëra, kanë treguar se nëse i ha karrotat e grira në formë sallate, pa i hedhur vaj ulliri, mund të pakësosh sasinë e kalorive që merr, por humb marrjen e betakarotinës që është mjaftë e vlefshme për trupin.

Vitamina A, ashtu sikurse dhe vitaminat D, E, K, absorbohen nga organizmi, vetëm në prani të yndurnave. Më përpara, konsiderohej e papërshtatshme të bashkoheshin proteinat me karbohidratet. Por sot, mendohet se t`i shtosh llojeve të ndryshme të pastave (brumërave), pak fasule, bizele, apo thjerrëza, plotësohen më mirë nevojat proteinike të trupit. Por ka edhe ushqime, që këshillohet të mos bashkohen gjatë ngrënies. Kështu psh. djathi, që është i pasur me kalcium, kur hahet se bashku me mishin, pengon absorbimin e hekurit nga zorrët.

Lakra e bardhë kur hahet me peshk, pengon absorbimin e jodit, që përmban peshku. Po ashtu, tanina që përmban çaji, pengon absorbimin e kalciumit që ndodhet në djathë, etj


Kujdes nga paracetamoli. Shumë tableta që disa i gëlltisin me shumicë kundër kokëdhembjeve, për qetësimin e dhembjes së dhëmbit dhe dhembjeve tjera, përmbajnë paracetamol. Ky analgjetik, mjaft mirë e zavendëson aspirinën dhe është i përshtatshëm për personat që kanë të thate në lukth dhe për ata te të cilët herë pas here paraqitet gjakredhja në lukth. Por kujdes !

Paracetamoli dëmton veshkat. Kështu, ata që e shfrytëzojnë kanë mundësi tri herë më shumë të sëmuren nga veshkat se ata që nuk e përdorin barëra që nuk kanë paracetamol.

Jogurti. Me sukses mund të evitojë barkqitjen tek fëmijët. Bakteret "mike" të jogurtit dhe prodhimeve të tjera qumshtore mund të pakësojnë numrin e viruseve.

Rrahjet e shpeshta të zemrës. Keni kujdes – pas pirjes së disa kafeve me radhë ndjeni rrahje të shpeshta të zemrës, është mirë që të kontrollohet mëlqia. Në rastet kur keni probleme me funksionimin e mëlqisë, kofeini i kafesë grumbullohet në gjak dhe kështu fillojnë të rrahurat e shpeshta të zemrës.

Mungesa e vitaminës A. Mungesa e vitaminës A shkakton shkurtpamësi dhe vërbimin e natës. Andaj, pos të tjerash hani majdanoz të freskët i cili është i pasur me vitaminën A, por përmban edhe kalcium të nevojshëm për elasticitetin e muskulaturës së syve. Gjysëm filxhani majdanoz plotëson nevojën ditore të organizmit me vitaminë A.

Lëndimet. Plagët e ndotura lani me ujë të ftohtë e pastaj dezinfektoni me jod dhe etil-alkool. Gërithjet e vogla mos i lidhni. Ato më mirë shërohen në ajër. Plagët pakëz më të mëdha dhe ato që ndeshen me rroba mbuloni me faster ose me fashë.Ndëroni çdo 24 orë.

Flasterin do ta shkapni më lehte nga plaga nëse këndet e tij më parë i keni lyer me benzinë për heqjen e njollave. Për plagë të rënda duhet drejtuar mjekut. Nëse vaksina e fundit kundër tetanusit është dhëne para 5 vjetëve ajo duhet përsëritur.


Çfarë të bëjmë kur mungon një dhëmb? Të zëvendësohet apo jo?

"Me siguri se duhet të zëvendësohet edhe atë sa më shpejt... nëse është dhëmbi përpara dhe nëse shihet" do të thojnë shumica.

Por çfarë të bëhet me ata që janë prapa?

Janë shumë, tani një më pak apo më shumë... ndoshta nuk është edhe aq me rëndësi?!

Që t'i përgjigjemi kësaj pyetje duhet të dimë funksionet kryesore të dhëmbëve në veçanti. Dhëmbët përpara shërbejnë për kafshimin e ushqimit, kurse ata prapa për përtypje dhe imtësimin e ushqimit. Dhëmbët prapa kanë rëndësi të madhe për stabilitet dhe funksionim të rregullt të 1/3 e nofullës së poshtme.Gjatë gjithë ditës dhëmbët e poshtëm dhe sipërm janë në kontakt, të gjitha streset, emocionet dhe vështirësitë reflektohen me shtrengimin e dhëmbëve. Për këtë është me rëndësi se të gjithë dhëmbët prapa duhet të jenë mirë të vendosur dhe të jenë në numër të mjaftueshëm. Me humbjen e një dhëmbi funksioni i përtypjes mbetet si zinxhiri kur i humbet një hallkë, përveç kësaj me humbjen e një dhëmbi, dhëmbët fqinj fillojnë të lëvizin kah vendi i zbraztë që ka mbeutur nga dhëmbi që mungon. Për këtë është e nevojshme të zëvendësohet secili dhëmb që mungon. Dhëmbët mund t'i zëvendësojmë me kurorë, urë apo edhe protezë.

Kurora është zëvendësim i një dhëmbi që është i shkatrruar shumë, në të cilin ka mbetur së paku rrënja, ajo përmison ngjyrën, formën, pozicionin dhe madhësinë e dhëmbit.

Ura bën zëvendsimin e disa dhëmbëve të humbur, ata janë të përforcuar për dhëmbët fqinj nëpërmjet kurorës. Shumë pacientë mendojnë se është keq kur grryhen dy dhëmbë për të zëvendësuar një. Por kjo nuk është e vërtetë. Me gërryerjen e dhëmbit arrihet shumë më pak dëm se sa nga ajo kur mungon dhëmbi. Përveç kësaj me gërryerjen dhe vendosjen e kurorës në dhëmbët shtyllë, ata mbrohen nga kariesi.

Protezat janë dhëmbë artificial të cilët zëvendësojnë plotësisht ose pjesërisht nofullën pa dhëmbë, dhe ndahen në proteza totale dhe pjesore.

Protezat pjesore vendosen atëherë kur nuk kemi mundësi të vendosim urë për shkak të pozicionit jo të rregullt të dhëmbëve tjerë shtyllë në të cilën duhet të vendoset ura, kurse ato totale në ato nofulla kur mungojnë të gjithë dhëmbët.

__________________
The heaven's sound is composed inside your heart, listen to its beat to syncronize your life onto the angel's steps.

WOW, me lodhe nje cik duke lexuar informacion megjithate ishte i vlefshem.
shume faleminderit zoti administrator(jeni me pozite te lartelol)

__________________
IM 100%ALBANIAN GIRL

Mendoj se ne vitet e ardhshme nuk do te jete me nevoja e perdorimit te furces se dhembeve pasi qe tani kane dale neper farmaci produkte te ndryshme si psh.solucione larje apo mjete te ndryshme kshu qe perdorimi i furces do jet sa me vogle ne te ardhmen .Gjithsesi ky info eshte shume i vlefshem per momentin.

Bafshi qef! Geri