Maske per floket dhe info tjera...

Jonisa · #1 17-05-2006, 13:15

Për flokët
Vaj për flokë të thatë
Për të ushqyer dhe mbrojtur flokët e dehidratuar dhe të thatë. Përdoret një herë në javë

Përbërësit
50 ml vaj ulliri
25 pika vaj rozmarine

Si përgatitet:
Përzihen të dy vajrat dhe hidheni përzierjen në një shishe të qelqtë.

Si përdoret:
Vendoseni vajin mbi flokë, duke bërë kujdes që të mos lyeni rrënjët. Mbështillini flokët me një peshqir të lagur më ujë të ngrohtë. Lëreni të veprojë për një orë dhe më pas lajeni kokën me shampo.

Rezultati
Flokët ushqehen në thellësi dhe krihen shumë lehtë

Tonik shkëlqyes
Për t’i dhënë flokut dritë dhe butësi

Përbërësit:
1 tufë majdanoz

Si përgatitet:
Ngrohni gjysmë litri ujë dhe shtoni 50 gram majdanoz. Lëreni të ziejë për 5 minuta dhe pastaj lëreni të ftohet. Filtrojeni lëngun me një kullesë

Si përdoret:
Përdoreni tonikun e përgatitur një herë në muaj në formë balsami. Lëreni në flokë për disa minuta dhe pastaj shpëlajeni.

Rezultati:
Flokët janë të butë dhe të shkëlqyeshëm

Maskë
Përdoret çdo muaj për t’u dhënë energji flokëve të dobësuar

Përbërësit:
2 të verdha veze
1 gotë rum

Si përgatitet:
Rrihni të verdhat e vezës bashkë me rumin në një enë

Si përdoret:
Përdoreni masën në flokë të lagur. Lëreni të veprojë për 15 minuta dhe pastaj lajeni me shampo

Rezultati:
Vetitë stimuluese të së verdhës së vezës forcojnë edhe fijet më të dobëta të flokut

Të parezistueshmet vite ‘60

Larg lëkurës së broztë, shkëlqyesve dhe syve vetëm me rimel. Me pak fjalë, krejt të kundërta me atë look që keni tani. Ja të gjitha truket për t’u përshtatur me tendencën e re

Audrey Hepburn, Brigitte Bardot... janë emra që na kthejnë jo pak mbrapa në kohë: në vitet ’60-të. Vite trendy, me një look të mirëpërcaktuar. Një look që këto ditë është padiskutim në modë. Sensual, modern, i rafinuar. Është rikthyer pikërisht për këto arsye. Është kaq i përcaktuar dhe i dallueshëm, por mbi të gjitha shumë i thjeshtë për t’u krijuar vetë. Ja se si.

Thuajini jo llambave solare
Nëse deri vitin e kaluar keni bërë çmos që lëkura juaj të kishte nuancën e bronztë, këtë vit duhet me doemos të hiqni dorë. Ndryshe, nuk do të jeni moderne. Sepse lëkura shumë e nxirë është jashtë mode këtë vit. Për look-un e ri të frymëzuar nga vitet ’60-të duhet një lëkurë delikate, prej porcelani. Sapo e keni bërë një seancë? Atëherë vendosni mbi fytyrë një vel prej pudre të hapur, për të larguar efektin e solarit dhe për ta bërë më të njëtrajtshme fytyrën. Tendenca e momentit është mati, jo shkëlqimi.

Sy kaprolli
Mendoni për sytë e Audrey Hepburn dhe do ta kuptoni se çfarë nënkuptojmë. Ose mendoni për sytë e Twiggy-t. I gjithë theksi tek ky look qëndron tek sytë. Qerpikë fals dhe penel mbi sy janë aksesorët bazë. Sepse duke e theksuar sa më shumë pjesën e syrit me laps dhe penel, do të keni një shikim tundues dhe mbi të gjitha do të jeni moderne.

Qerpikë fals
Sytë prej kaprolli në fakt kanë një veçori: qerpikë të dendur dhe të gjatë. Për një look me efekt të fortë përdorni qerpikë fals. Gjatë ditës mund të përdorni baluke ose ta ekzagjeroni me rimelin: shtresë mbi shtresë. Për të pasur qerpikë të gjatë dhe njëkohësisht të dendur, përdorni fillimisht një rimel që zgjat qerpikët dhe më pas aplikoni një rimel që i trash dhe i dendëson… mos harroni të ktheni qerpikët me kthyesen e qerpikëve për një efekt më të fortë.

Peneli
Tipike e viteve ’60-të: kontrastet, vizat e qarta, e bardha mbi të zezë... Si fillim aplikoni qerpikët fals, pastaj vijëzoni me një penel të zi një vizë pak të trashë mbi qerpikët e qepallës së sipërme dhe pastaj zgjateni nga jashtë. Që viza e penelit të jetë sa me qartë, është më mirë të përdorni një penel të lagur. Nëse nuk mund ta mbani dorën pa lëvizur, atëherë provojeni me një laps të zi, sepse gabimet e bëra me të mund të korrigjohen më lehtë. Pastaj mund të luani me kontrastet bardh’ e zi. Bëni një vizë të bardhë në brendësi të syrit dhe aplikoni një ton të hapur mbi qepallë.

Buzë të kuqe
Buzëkuqi i nuancave të forta të kuqërremta është një domosdoshmëri për look-un e ri. Harrojini buzët me shkëlqim. Përdorni ngjyrën e kuqe të theksuar mat, për një look stil Twiggy, dhe të kuqe të ëmbël për një look stil Brigitte Bardo.

Vetulla të përsosura
Kjo tndencë kërkon vetulla perfekte dhe jo shumë të holla (ju kujtohen vetullat e plota të Audrey Hepburn?). Prandaj mbajini sa më të trasha që të duken sa më natyrale. Krihini vetullat me një furçë të përshtatshme për to, jepuni formë me një laps në ngjyrën e tyre dhe fiksojini me pak llak (asnjëherë mos e shpërndani direkt në vetull). Kështu do të keni një vetull në formë të përsosur, që do t’i japë fytyrës suaj më shumë hijeshi.

Flokët
Look-u nuk është i përfunduar pa një krehje me stil nga jashtë. Synoni për një prerje të shkurtër si të Mary Quant. Nëse përkundrazi, ju pëlqejnë flokët e gjatë, synoni për t’i hedhur flokët lart dhe lidhini bisht poshtë. Edhe stili Brigitte Bardot është i këndshëm dhe shumë në modë. Përdorni bigutina të mëdha për t’u dhënë formë me onde flokëve dhe kompletojeni pamjen tuaj te re me një fjongo ose rreth. Do të dukeni një zonjushë e ardhur nga vitet më trendy.

Larg lëkurës së broztë, shkëlqyesve dhe syve vetëm me rimel. Me pak fjalë, krejt të kundërta me atë look që keni tani. Ja të gjitha truket për t’u përshtatur me tendencën e re

Audrey Hepburn, Brigitte Bardot... janë emra që na kthejnë jo pak mbrapa në kohë: në vitet ’60-të. Vite trendy, me një look të mirëpërcaktuar. Një look që këto ditë është padiskutim në modë. Sensual, modern, i rafinuar. Është rikthyer pikërisht për këto arsye. Është kaq i përcaktuar dhe i dallueshëm, por mbi të gjitha shumë i thjeshtë për t’u krijuar vetë. Ja se si.

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme:

Tema te ngjashme
Tema	Filluesi i temes	Forumi	Pergjigje	Postimi i Fundit
Do T'ju Bie Ndërmend çka Po U Them	Muslimani	Kurani dhe Jeta	5	05-06-2008 22:06
Roli i Isait (Jezusit) ne Islam.	Muslimani	Kurani dhe Jeta	3	31-10-2006 20:22
Histori Shkodrane : Krimet komuniste.	AlbShkodra	Historia	21	16-12-2003 19:36
Historia e Shqiperise - ILIRET	AlbShkodra	Historia	29	25-10-2003 00:05
Kur'ani Fisnik ne Shqip	Administratori	Kurani dhe Jeta	5	04-09-2003 16:15