Testi i parë i gjakut në botë për sëmundjet e trurit

Një neuro-shkencëtar kanadez ka deklaruar se ka prodhuar testin e parë të gjakut për të dalluar defektet e sëmundjeve të trurit si sëmundja e Alzeimerit, Parkinsonit dhe Creutzfeldt-Jakob dhe tha se ai do të jetë i mundshëm në treg brenda 2-5 vjetëve. Testi, i cili dallon mbledhjet e proteinave që qëndrojnë pas disa sëmundjeve, do të mundësojë “një diagnozë përfundimtare” të këtyre sëmundjeve, gjë që deri tani nuk është e mundur, tha shkencëtari Neil Cashman. Kompania e tij e re “Amorfix Life Sciences Inc” shpreson të kompletojë eksperimentet klinike për të diagnostikuar sëmundjen e lopës së çmendur dhe formën e saj humane, brenda gjashtë muajve.

Çelësi i lumturisë? 50 për qind gjenetika

“Duhet të bësh disa përpjekje për të pasur një jetë të lumtur dhe shumë njerëz nuk i bëjnë ato”, tha Gregg Easterbrook. Sondazhet kanë treguar se amerikanët sot nuk janë më të lumtur seç kanë qenë 50 vjet më parë me gjithë rritjet e dukshme në prosperitet, uljen e krimeve, ajrin e pastër, banesa më të mëdha për të jetuar dhe një mesatare më e lartë e cilësisë së jetës. Pra, çfarë ndodh? Lumturia është 50 për qind gjenetike, tha shkencëtari i Universitetit të Minnesotas, David Lykken. Psikologët bien dakord për këtë edhe me thënien e Abraham Linkolnit “Shumë njerëz janë të lumtur kur ata e vendosin në mendje që duhet të jenë të tillë”.

Grindjet martesore dhe sëmundjet e zemrës

Gratë janë shumë më të prirura për të përjetuar sëmundje të ndryshme të zemrës dhe arterieve kur bashkëshortët e tyre tregojnë armiqësi gjatë grindjeve në familje, ndërsa arteriet e meshkujve marrin goditje kur ata, apo gratë e tyre mundohen që të dominojnë në një argument, sipas një studimi të ri.

Psikologët në universitetin e Utah kanë ndërtuar argumente, që kanë të bëjnë me çiftet e martuara ndërmjet 150 vullnetarëve. Ata kanë pranuar të skanojnë arteriet e tyre koronare për të parë shenja të kalcifikimit, vështirësive në kthesat e arterieve, që mund t’i çojë njerëzit drejt infarkteve.

Shkencëtarja britanike, shqetësim për përdorimin
Deodorantët, rrezik për kancerin

Një raport i ri tregon se ka shumë mundësi, që kripërat e aluminit, të cilat janë pjesë përbërëse e shumë deodorantëve antidjersë rrisin rrezikun e kancerit të gjirit te gratë. Metalet që përfshijnë edhe kripërat e aluminit dhe kadmiumin kanë treguar së fundmi se shfaqin efekte të ngjashme me estrogjenet, ndërsa disa të tjera stimulojnë rritjen e qelizave të kancerit në laborator, tha dr. Philippa D. Darby në Britani. Meqë ka shumëllojshmëri të substancave të tjera, që mund të imitojnë estrogjenet, përfshirë disa pesticide, kozmetika dhe detergjentë, është e mundur që kripërat e aluminit dhe elemente të tjera inorganike të quajtura “metalloestrogens” mund të shkëpusin funksioni normal hormonal sinjalizues me frymëmarrjen, tha Darby. “Nuk ka dyshime që frymëmarrja humane tani është një subjekt i ndikimit të llojeve të ndryshme të estrogjeneve në ambiente”, shkruan ajo. Ajo që është më shumë shqetësuese është se kripërat e aluminit aplikohen nën krah, afër kraharorit dhe lihen në lëkurë. Deodorantët përdoren vazhdimisht edhe pas rrojës, duke e bërë më të thjeshtë për kripërat e aluminit qe të hyjnë në qarkullimin e gjakut. Studimet kanë treguar se kripërat e aluminit mund të penetrojnë nën lëkurë edhe nëse ajo është e shëndetshme.

__________________
The heaven's sound is composed inside your heart, listen to its beat to syncronize your life onto the angel's steps.

Shkencëtarët thonë se janë tepër optimistë rreth një eksperimenti në laborator i cili ka treguar se jeta e kafshëve mund të zgjatet. Gjithkush mund të bëjë pyetjen, në se tani radhën e ka njeriu. A do të jenë në gjendje shkencëtarët ta zgjasin e jetën e tij?

Ky krimb i vogël që shihet në mikroskop, normalisht ka një jetëgjatësi të shkurtër. Por kur biologia nga Kalifornia, Sinthia Kenion ndryshoi ose aktivizoi një gjen të këtij krimbi, ajo vuri re se krimbi jetoi dy herë më gjatë sesa normalisht. Dhe kjo ndodhi vetëm duke i ndryshuar një gjen të vetëm. Kjo lë të kuptohet se edhe tek njeriu, aktivizimi i një gjeni të vetëm mund të ndryshojë jetëgjatësinë. Askush nuk kishte mundur të zbulonte gjenin përgjegjës për plakje, apo çelsin e moshës, derisa shkencëtarja Kenion bëri të ditur arritjet e saj, një vit më parë. Gjeni është quajtur Daf 2.

Pas kësaj, shkencëtarë të tjerë filluan të përcaktojnë gjenet e jetëgjatësisë tek fluturat dhe minjtë, jeta e të cilëve pas ndryshimit të gjenit u zgjat 20 përqind. Por kur shkencëtarja Kenion ndryshoi jo një por dy gjene tek krimbi në laborator, jeta e tij u zgjat 6 herë më shumë. Për njeriun kjo shifër do të ishte e jashtëzakonshme, mendoni sikur njerëzit të arrijnë të jetojnë 500 vjet dhe plotësisht të shëndetshëm. Teorikisht, të gjitha krijesat janë pajisur me gjene të tilla të jetëgjatësisë. Shtrohet pyetja përse?

Shkencëtarja Kenion thotë se ka të ngjarë që ky gjen i mbron kafshët nga rreziku i urisë dhe i kushteve klimatike. Gjeni kur nxitet apo ngacmohet, krijon një reaksion zinxhir të një grupi të gjërë gjenesh që kryjne rigjenerimin e qelizave e luftojnë sëmundjet. Kur shkencëtarët arrijnë të aktivizojnë artificialisht këtë sistem gjenesh, ata ndihmojnë për mbajtjen gjallë të organizmit. Dhe përderisa ky sistem gjenesh është i pranishëm tek shumë kafshë, ka shumë të ngjarë që atë ta kenë edhe njerëzit. Gjithë optimizëm rreth zbulimit të saj, shkencëtarja Sinthia Kenion ka krijuar tani një kompani për prodhimin e një tablete për nxitjen e gjenit të jetëgjatësisë tek njeriu.

__________________
The heaven's sound is composed inside your heart, listen to its beat to syncronize your life onto the angel's steps.

Disa mjekët thonë se migrena nga e cila vuajnë rreth 30 milionë amerikanë, mund të trajtohet edhe me operacion. Shkencëtarët thonë se nëpërmjet një operacioni të thjeshtë në hundë, dhimbja e migrenës nuk kthehet më kurrë në 65 përqind të rasteve.
Kur Bonnie Murin e zënë dhimjet e migrenës, asaj i duket sikur do të vdesë. Nuk mund të bëjë asgjë, ilaçet shpesh nuk i bëjnë efekt.

Për 40 vjet ajo ka jetuar me dhimbje të tilla që i përsëriten të paktën 4 herë në javë. Ndonjëherë dhimjet janë aq të forta sa që ajo detyrohet të mbushë lavamanin me akull dhe të zhysë kokën në të për të mpirë dhimbjet.

Mjekët thonë se për 25 përqind të pacientëve me migrenë, ilaçet janë të paefektëshme. Për këtë arsye, Bonie Mur pranoi këshillën e mjekut dhe shkoi tek kirurgu për një operim të thjeshtë në hundë. Operacion që tashmë po bëhet i përhapur.
Doktor Fereidon Behin thotë se njerëzit që vuajnë nga migrena, në se pikën e kontaktit e kanë në hundë, heqja e kësaj pike ka shumë të ngjarë të largojë edhe dhimbjen. Pikë kontakti ai quan vendin ku kockat e brendëshme të hundës takohen me septumin, muri ndarës i vrimave të hundës. Kur kockat e hundës shtyhen pas septumit kjo shkakton dhimbjen e kokës, që bëhet e padurueshme.

Disa mjekët besojnë se operacioni në hundë sjell rezultate të mira në 65 përqind të rasteve, por të tjerë thonë se dhimbjet e migrenës shpesh kthehen edhe pas operimit.
Statistikat tregonë se 80 përqind e amerikanëve që vuajnë nga migrena janë femra. Studimet ende jo të plota tregojnë se gratë preken më së shumti nga kjo sëmudje për arsye të ndryshimeve hormanale në organizmin e tyre. Studimet përfshijnë si shkaktarë edhe menopazën, si dhe përdorimin e ilaçeve kundër shtazanisë, apo shrregullime në orarin e gjumit, përdorimin e tepruar alkoholit dhe çokollatave. Mjekët thonë se shpesh, simptomat e migrenës diagnostikohen gabim si alergji ose sinozit.

__________________
The heaven's sound is composed inside your heart, listen to its beat to syncronize your life onto the angel's steps.

Ndërsa kërcënimi nga gripi ishpendëve po përhapet në botë, vëmendja kryesore e shkencëtarëve është përqëndruar në studimin e virusit, për të zbuluar se kur dhe në se, virusi mund të ndryshojë dhe të kalojë nga shpendët tek njeriu.

Gripi i shpendëve është konfirmuar tani në më shumë se 40 vende të botës dhe zyrtarët e shëndetësisë po përpiqen të frenojnë përhapjen e tij. Nga rreth 200 njerëz të diagnostikuar me gripin e shpendëve deri tani, më shumë se gjysma e tyre kanë vdekur. Ata e morën virusin nga kontakti me pulat, rosat dhe zogjtë.

Deri tani virusi i gripit të shpendëve nuk përhapet nga njeri tek njeriu. Dr. Robert Webster mbledh dhe studion lloje të virusit në laboratorin e tij në Memphis. Ai thotë se ka shumë të ngjarë që virusi të pësojë ndryshime gjenetike dhe të bëhet i aftë për të kaluar nga shpendët tek njerëzit: "Ka shumë të ngjarë tani që virusi të ndryshojë për t’u transmetuar nga njeriu tek njeriu", thotë Webster. Në se kjo ndodh, epidemia vdekjeprurëse do të përhapej shumë shpejt në mbarë botën: "Është e papranueshme të mendosh se mund të vdesë 50 përqind e popullsisë, por mendoj se kjo mundësi ekziston. Më vjen keq në se njerëzit frikësoshen, por kjo është detyra ime.”

Dr. Jeffrey Taubenbergen në Institutin e Pathologjisë të Forcave të Armatosura thotë se ekziston një përvojë frikësuese, ajo e epidemisë së vitit 1918: "Rreziku i gripit të tanishëm të shpendëve është se virusi mund të jetë duke u ndryshuar në të njëjtën mënyrë si ai i vitit 1918". Dr. Taubenberger drejton grupin e studiuesve që zbërthyen kodin gjenetik të virusit, i cili fillimisht u shfaq si një virus gripi shpendësh. Por ata nuk janë të sigurtë se ku dhe kur ndodhi kjo. Ai thotë se virusi i sotëm i gripit, i quajtur H5N1 po tregon disa ngjashmëri me virusin e vitit 1918: "Viruset H5, veçanërisht ato të kohëve të fundit, ndajnë të njëjtat ndryshime duke sygjeruar se virusi po kërkon të bëjë ndryshime për të kaluar tek njerëzit. Kjo është një situatë shumë shqetësuese për ne", thotë Taubenberger.

Askush nuk e di se sa ndryshime do t’i duhen virusit që ai të kalojë tek njerëzit, kur do të ndodh kjo, dhe më e rëndësishmja, në se do të ndodhë ndonjëherë. "Mund të mos ndodh. Mund të kërkojë shumë ndryshime. Virusi mund të mos jetë në gjendje të shndrohet në virus tek njerëzit", thotë zonja Moscona. Megjithatë, Dr. Anne Moscona e shpenzon ditën duke kërkuar për tipe të reja anti-virale që do të parandalonin apo ngadalësonin përhapjen e gripit të shpendëve tek njerëzit."Kur virusi të bëhet i aftë për t’u transmetuar nga njeriu-tek njeriu, do të jetë e vështirë të frenohet.”
Shkencëtarët po punojnë pa ndërprerje, me shpresë se virusi nuk do të ndryshojë, por po përgatiten edhe për më të keqen.

__________________
The heaven's sound is composed inside your heart, listen to its beat to syncronize your life onto the angel's steps.

Shumë njerëzve u duhet kohë për t’u dalë gjumi pasi çohen nga shtrati. Një studim i ri tregon se gjatë minutave të para pas zgjimit, aftësia jonë për të marrë vendime nuk është më e mirë se pas konsumimit të një sasie jo të vogël alkoholi.

Nuk është habi që kaq shumë njerëz pijnë kafe në mëngjes për të fituar energji. Një studim i ri nga Universiteti i Kolorados ka zbuluar se dobësia fizike dhe mungesa e ekuilibrit që ndjejmë kur zgjohemi nga gjumi mund të na bëjë më të paaftë se po të mos flinim fare. Josh Rodgers është student që ka marrë pjesë në këtë studim. Kur ai zgjohet papritur dhe i kërkohet të bëjë një test të thjeshtë matematike, Josh nuk lëviz shpejt dhe nuk mendon qartë. “Është me të vërtetë e vështirë.”

Profesor Kenet Right udhëhoqi studimin i cili është botuar në Gazetën e Shoqatës Amerikane të Mjekësisë. “Ne kemi zbuluar se kur ngrihemi nga gjumi aftësitë tona janë shumë më të kufizuara sesa gjatë orëve që jemi zgjuar.” Profesor Wright ka zbuluar edhe se kur mund të merren notat më të ulëta në provime. “Mungesa më e theksuar e aftësive ndodh menjëherë pas zgjimit gjatë pak minutave të para.”

Shumicën e kohës kjo lloj mungesë ekuilibri e quajtur ndryshe “inerci e gjumit” kalon gjatë 10 minutave të para. Por për ca njerëz mund të zgjasë deri në dy orë. Profesor Right dhe studiues të tjerë testuan një grup pacientësh së pari pasi kishin fjetur gjithë natën për një javë me radhë. Pastaj ata i testuan këta pacientë pasi kishin qendruar 26 orë pa gjumë. Pacientët ishin më mirë kur ishin pa gjumë fare. Ruth Meyler udhëton shumë dhe thotë se studimi është i saktë. “Kam 36 orë që jam pa gjumë dhe nuk është fare problem.” Ka një arsye për këtë. Profesor Right thotë se pjesa ballore e trurit, si i gjithë trupi nuk do të zgjohet nga gjumi kur bie alarmi. “Kjo është pjesa e trurit që është e lidhur me aftësinë për të menduar qartë dhe për të marrë vendime.”

Ky zbulim është shumë i rëndësishëm për mjekët dhe punonjësit e urgjencës, si dhe personelin ushtarak, pra të gjithë ata njerëz që duhet të marrin vendime të rëndësishme, nganjëherë të lidhura me jetën apo vdekjen, ndërsa kanë ende inerci gjumi. Kjo është gjithashtu diçka që njerëzit që ngasin makinën për në punë duhet ta marrin parasysh. Profesor Right thotë se pjesa më e madhe e aksidenteve ndodhin herët në mëngjes kur njerëzit janë rrugës për në punë.

__________________
The heaven's sound is composed inside your heart, listen to its beat to syncronize your life onto the angel's steps.

Rezultatet e një studimi ritheksojnë rëndësinë e efekteve të ilaçeve kundër kolesterinës. Sipas studimit të kryer nga klinika e Klevelandit, ilaçi Krestor, kur merret çdo ditë ndihmon në tkurrjen e pllakëzave të gjakut në arteret e zemrës, por disa kritikë thonë se nuk duhet arritur në përfundimin se kjo tkurrje ndikon në uljen e rasteve te vdekjeve si pasoje e goditjeve në zemër apo në tru.

Xhoel Silvey ishte një nga 350 pjesmarrësit në studim. Ai vuan nga zemra dhe për dy vjet morri çdo ditë një dozë të lartë ilaçi Krestor. Për shumë vetë ky trajtim uli nivelin e kolesterinës dhe tkurri pllakëzat e gjakut në arteret e zemrës. “Ky është një përfitim i madh” thotë Xhoel “duket sikur të jepet shansi të bëhesh edhe një herë i ri”.
Autori i studimit, doktor Stiven Nissen arriti në përfundimin se dhënia e një doze të lartë ilaçi Krestor pakëson kolesterinën e keqe deri në 53 përqind dhe shton kolesterinën e mirë afro 15 përqind . Ilaçi krestor gjithashtu pati efekt edhe në pakësimin e numrit të pllakëzave të gjakut që bllokojnë arteret.

Ky pakësim shkoi nga 7 deri 9 përqind. Doktor Nissen i klinikës së Klevelandit thotë se këto pllakëza fillojnë të formohen në moshën 30 vjeçare dhe mosha mesatare e pacientëve që morrën pjesë në studim ishte 58 vjeç. Pra të arrish të pakësosh numrin e pllakëzave të gjakut në këtë moshë do të thotë ta kthesh gjendjen e artereve në gjendjen kur personi ishte 20 apo 30 vjeç. Por kjo nuk do të thotë se çdo njeri duhet të fillojë të marri Krestor. Mjekët thonë se ky ilaç ka efekte të rënda anësore, përfshi dëmtimin e veshkave dhe të muskujve.

Gjithashtu nuk është e qartë nëse pakësimi i pllakëzave ul rastet e vdekjeve nga sëmundjet e zemrës. Doktor Lee Green pranë universitetit të Miçiganit thotë se nuk dihet nëse tkurrja e pllakëzave ndikon për të patur më pak goditje në zemër apo në tru. Por kardiologët thonë se për miliona pacientë që rrezikohen nga këto sëmundje, rezultatet e studimit mbi të mirat e ilaçit Krestor janë shpresëdhënëse.

__________________
The heaven's sound is composed inside your heart, listen to its beat to syncronize your life onto the angel's steps.

Gjatë eksperimenteve me kafshë në laborator, shkencëtarët kanë arritur të kuptojnë se ndryshimi i një gjeni në një grup qelizash të ADN-së përshpjeton procesin e plakjes tek minjtë. Ata thonë se dhe tani hapi tjetër është sesi ta ngadalësojnë këtë proces.
Ky mi në laborator duket i moshuar. Ai nuk dëgjon dhe qimet i kanë rënë, megjithëse është njësoj në moshe me miun tjetër përkrah tij. Shkencëtari Tomas Prolla pranë universitetit të Viskonsinit thotë se këta minj moshohen shumë shpejt, rreth 3 herë më shpejtë sesa minjtë normalë.

Eksperimentet e kryesuara nga profesor Prolla nxitën përshpejtimin e moshës tek këta minj duke ndryshuar një gjen në grupin e qelizave mitokondriale. Në kushte normale, qelizat mitokondriale veprojnë si burim kryesor i furnizimit të organizmit me energji.
Siç thuhet në studim, botuar në revistën Science, ky ndryshim në gjen i bëri qelizat mitokondriale të paafta për të kontrolluar kodin e ADN-së për ndonjë gabim.

Profesor Prolla thotë se pas ndryshimit të gjenit, mitokondria mund të funksionojë për kopjimin e ADN-së por jo si kontrollues i saj. Kjo sjell si rezultat që qelizat, nga të cilat përbëhen shumë pjesë të organizmit, nga flokët tek kockat e muskujt, të vdesin para kohe. Shkencëtari Prolla thotë se nga studimi u kuptua se proces i vdekjes së qelizave sjell plakjen para kohe. Ai thotë se zbulim ka shumë rëndësi, pasi tani shkenca mund të ndërhyjë për të ngadalësuar procesin e plakjes. Shkencëtarët thonë se hapi tjetër është për të parë nëse ekziston ndonjë mënyrë për të ngadalësuar procesin e plakes së shpejtë të këtyre minjëve.

__________________
The heaven's sound is composed inside your heart, listen to its beat to syncronize your life onto the angel's steps.

Një studim i ri i financuar nga qeveria amerikane, tregon se personat që vuajnë nga depresioni mund të dalin nga kjo gjendje, madje edhe në rastet kur ilaçet nuk kanë bërë efektin e tyre. Duket se rezultatet janë tepër shpresëdhënëse për njerëzit që ndeshen thuajse çdo ditë me depresionin.

Në studim u përfshinë 4 mijë vetë, që të gjithë të prekur nga depresioni. Si pasojë e sëmundjes ata vuanin nga pagjumësia, anoreksia dhe paaftësia për t’u përqëndruar.
Kasey Thompson, e sëmurë nga depresioni, thotë se njerëzit me këtë sëmundje janë të pashoqërueshëm, çdo gjë u duket e zymtë dhe ndjehen të lodhur për të kryer veprimtaritë e përditëshme. Në studim, çdo pacient morri ilaçe kundër depresionit dhe 33 përqind e tyre u shëruan. Pas kësaj u shtrua pyetja se si mund të ndihmohen të gjithë ata që vazhdojnë të jenë në gjendje depresive.

Doktor Patrik McGrath, pranë institutit psikiatrik të Nju Jorkut, thotë se përgjigjen e kësaj pyetje e kërkojnë si pacientët ashtu edhe mjekët. Për ata që kanë nevojë për ndihmë, autorët e studimit thonë se ndyshimi i llojit të ilaçit kundër depresionit ndihmoi 25 përqind të pacientëve për të dalë nga gjendja depressive. Doktor Xhon Rush i universitetit Southuestern të Teksasit thotë se ky rezultat ishte befasues, pasi pavarësit nga lloji i ilaçit të ndryshuar, nga kjo përfituan të gjithë pacientë. Ndërsa kombinimi i dy ilaçeve kundër depresionit u erdhi në ndihmë 36 përqind të pacientëve.

Tani për here të pare, mjekët kanë të dhëna të qarta se trajtimi me këmbëngulje i depresionit jep rezultate positive dhe se gjetja e ilaçit të përshtatshëm anti depresiv për çdo pacient, luan rol të madh në shërimin e tij. Gjithashtu nga studimi doli se pacientëve ndoshta u duhet të marrin ilaçe për një periudhë më të gjatë se sa rekomandohej më parë kur mjekët thonin se ata duhej të prisnin 4 deri në 6 javë për të parë në se ilaçi kundër depresionit po bënte efektin e dëshirueshëm. Për Kasey Thompsonin u desh durim e këmbëngulje derisa mjekët gjetën një kombinim ilaçesh që dhanë rezultat. Ajo thotë se tani ndjehet plot energji, gëzim e dëshirë për të punuar. Si pasojë e depresionit, Kasey ka afro 3 vjet që nuk shkon në punë.

__________________
The heaven's sound is composed inside your heart, listen to its beat to syncronize your life onto the angel's steps.

Uji i pijshëm përmban një kimikat natyror, Fluor, i cili në sasi të moderuar shton vlerat shëndetsore të ujit dhe kur uji është i varfër me fluor, ekspertët e shtojnë atë artificialisht. Por një studim i kohëve të fundit shtron pyetjen se në çfarë shkalle duhet të jetë përmbajtja e fluorit, që uji të quhet të shëndetshëm.

Dihet se një sasi e caktuar fluori në ujin e pijshëm është mirë për shëndetin. Prej kohësh është thenë se fluori forcon kockat dhe ndihmon në mbarëvajtjen e dhëmbëve. Fluori shtohet në depozitat e ujit të pijshëm ku nivelet natyrore të këtij kimikati nuk janë të mjaftueshëm në ujë. Studimi i kryer nga këshilli kombëtar i akademive kërkimore, i hedh një vështrim niveleve të fluorit natyror në ujë.

Agjencia amerikane për mbrojtjen e mjedisit lejon 4 miligram fluor për një litër ujë. Por në studim thuhet se kjo sasi është shumë e madhe dhe e dëmshme. Veçanërisht fëmijët janë në rrezik më të lartë për t’u prekur nga prishja e dhëmbëve, pasi fluori dëmton zmaltin e dhëmbëve.

Profesor Xhon Doull thotë se dëmtimi fillon gjatë periudhës së zhvillimit të dhëmbëve tek fëmija, para daljes së tyre dhe se ky dëmtim bëhet i përherëshëm. Niveli i lartë i fluorit në ujin e pijshëm mund të krijojë frakturë kockash, ndërsa niveli tepër i lartë dëmton veshkat dhe mëlçinë. Furnizuesit me ujë të komuniteteve e masin sasinë e fluorit kur uji del nga çesma, ndërsa sistemet filtruese të ujit kushtojnë nga 300 dollarë deri në 1 mijë dollarë. Eksperti Çarls Pull thotë se sistemet shtëpiake të filtrimit të ujit janë të efektshëm 13 deri 90 përqind, kjo varet nga lloji apo cilësia e pajisjes. Të dhënat më të fundit tregojnë se vetëm një pjesë e vogël e popullates në SHBA, rreth 200 mijë vetë, ndodhet aktualisht në rrezik nga fluori I tepërt në ujë. Por rezultatet e këtij studimi pritet të ringjallin debatet në komunitete të ndryshme.

__________________
The heaven's sound is composed inside your heart, listen to its beat to syncronize your life onto the angel's steps.

Ndërkohë, shkencëtarët sjellin një shembull të ri të fuqisë së mendjes në ndihmë të shëndetit. Ata thonë se rituali i kujdesit mjekësor mund të jetë i rëndësishëm për përmirësimin e shëndetit.

Një vizitë tek mjeku mund të mos jetë e parapëlqyeshme, por çdo gjë duke filluar nga një bisedë me mjekun në zyrë deri tek vështrimi i diplomave të tij të varura në mur, mund të ndihmojnë për t’u ndjerë më mirë. Doktor Ted Kapçuk pranë shkollës mjekësore të Harvardit thotë se mjekesia rituale duhet marrë parasysh kur është fjala për kujdes shëndetësor. Doktor Kapçuk po kryen prova për të parë në se krijimi i idesë tek pacienti se ai po trajtohet, por në fakt bëhet sikur trajtohet, ose dhënia gjoja e ilaçeve që kanë vetëm formën e ilaçit tablet, por në fakt janë karamele, ose placebo, mund të pakësojnë dhimbjet kronike që pacientët ndjejnë në krah.

Doktor Kpaçuk krahasoi rezultatet e një procedure të rreme akupunkture me ato të një tabletë që përmbante vetëm karamel dhe arriti në përfundimin se akupunktura fallso ishte më e efektëshme sesa karamelja në formë tableti ose placebo.Akupunktura është pjesë e mjekësisë popullore kineze që në disa raste ka treguar efektshmëri në largimin e dhimbjeve dhe trajtimin e sëmundjeve. Siç njoftohet edhe në revistën Diskovery, akupunktura fallso e kryer nga doctor Kapçuk bëhet me gjilpëra që nuk depërtojnë lëkurën. Pacientët e kryejnë këtë ritual dy here në javë dhe të dhënat treguan se dhimbjet në krahun e pacientëve u pakësuan dukshëm. Doktor Kapçuk thotë se disa rituale janë më të efektëshme sesa të tjerat. Porfesori i shkollës mjekësore pranë universitetit të Harvardit nuk rekomandon që mjekët tani të fillojnë të japin ilaçe placebo e të kryejnë procedura të rreme, por ai shton se mjekët duhet të shqyrtojnë mënyrat jo vetëm se si t’i trajtojnë të sëmurët por edhe se si të sillen me ta.

__________________
The heaven's sound is composed inside your heart, listen to its beat to syncronize your life onto the angel's steps.

Për herë të parë shkencëtarët amerikanë kanë rikrijuar tëmthin, një nga organet më të ndërlikuara të njeriut. Tëmthi i krijuar nga qeliza të rritura në laborator, i hap rrugën zhvillimeve të tjera premtuese për rikrijimin e organeve të tjera përfshi zemrën.

Sipas revistës Lancet, transplantimi i tëmthit të rikrijuar në laborator u krye tek 7 pacientë nga katër në 19 vjeç. Ekipi i mjekëve në spitalin e fëmijëve në Boston e kreu për herë të parë këtë procedurë që në vitin 1999, por mjekët donin të siguroheshin se një organ i tillë do të sillte të njëjta rezultate të mira edhe tek pacientë të tjerë, pastaj të shpallnin rezultatet.

__________________
The heaven's sound is composed inside your heart, listen to its beat to syncronize your life onto the angel's steps.