Sidoqoftë, nuk është e drejtë të mendohet se thelbin e besimit Islam e përbëjnë vetëm kufizimet dhe rregullat. Islami përfaqëson konceptin e përkryer të jetës së lumtur në këtë botë si dhe në botën tjetër. Në të njëjtën kohë është po ashtu e vërtetë se Allahu i Plotfuqishëm na ka ndaluar disa aktivitete dhe sende, me qëllim që të na mbrojë prej pasojave shkatërrimtare të tyre. Është e kuptueshme se asnjë shoqëri nuk mund të vendosë rregull, drejtësi, si dhe të sigurojë funksionimin normal të saj pa ndjekur dhe zbatuar disa rregulla te caktuara si dhe pa iu përmbajtur disa parimeve bazë.
Në Kuranin e Shenjtë përmenden në mënyrë të drejtpërdrejtë dhe të tërthortë disa kufizime që çojnë deri në ndalim të plotë të përdorimit të disa sendeve të dëmshme. Një nga këto ‚çështje të ndaluara‘ është edhe përdorimi apo tregëtia e alkoolit.
Kurani shprehet qartë :
„O ju që besuat, s’ka dyshim se alkooli (1), bixhozi, idhujt (2) dhe hedhja e shigjetës ( falli ) janë vepra të ndyta nga shejtani. Pra, largohuni prej tyre që të jeni të shpëtuar.“
Kurani Fisnik(5:90)
Gjithashtu, tradita dhe praktika e Pejgamberit na e ndalojnë në mënyrë të qartë përdorimin e pijeve alkoolike si dhe tregëtinë me to. Muhamedi, paqja dhe shpëtimi qofshin me të, ka thënë:
1. „Alkooli është nëna e të gjitha të këqijave dhe nga të gjitha veset është më i turpshmi.“
Sunen Ibën Maxhe
2. „Çdo gjë që shkakton dehje (nëse përdoret) në sasi të mëdha, ndalohet të përdoret qoftë edhe në sasi të vogla.“
Sunen Ibën Maxhe
Prandaj nuk egziston asnjë arsye që të justifikojë pijen qoftë edhe në sasi të vogla (p.sh. një gllënjkë apo një gotë) të alkoholit.
Jo vetëm ata që pijnë alkool janë mallkuar nga Allahu, por të mallkuar janë edhe ata që janë përfshirë në tregëtinë e tij. Muhamedi (paqja dhe shpëtimi qofshin me të) u tërhoqi vëmendjen myslimanëve që të mos bien prè e tundimit për të arritur shpejt dhe sa më lehtë fitim nga aktivitetet e tyre. Në një nga hadithet thuhet se mallkimi i Zotit do të bjerë ndaj 10 grupeve njerëzish të lidhur ngushtë me të keqen. Allahu ka mallkuar dhe ka paralajmëruar me dënim në ferr (Xhehenem) këdo që::
• prodhon alkool,
• porosit prodhimin e tij,
• pi alkool,
• transporton alkool nga një vend në tjetrin,
• porosit transportimin e alkoolit,
• shet alkool,
• blen alkool,
• ka fitime nga shitja e alkoolit,
• porosit alkool për vete dhe për të tjerët.
Çdo mysliman duhet të ketë besim të plotë në diturinë dhe mençurinë e Krijuesit dhe tek përgjegjësia individuale për çdo vepër të gjithsecilit. Çdo mysliman prandaj është i detyruar t’i nënshtrohet vullnetit të Allahut dhe të zbatojë me përpikmëri urdhërat e Tij. Myslimanët kudo ku jetojnë, madje dhe në vende jomyslimane, nuk duhet në asnje mënyrë të dorëzohen para presioneve të këtyre shoqërive në cështjet e besimit. Justifikimet e tipit „Pij, për të respektuar mikun“, „nuk pij shpesh ose pij sa për mos t’u dehur...“, „është pije me përmbajtje të vogël alkooli“, „nuk dua ta fyej kolegun e punes, po pij për nder të tij“, apo „këtu jetojmë në vend të huaj ... duhet t’i përshatemi shumicës “ janë të dënueshme dhe ‚flirtojnë‘ me vetë mëkatin sepse venë në dyshim implementimin e vetë rregullave islame në çdo kohë e shoqëri.
Nga pikëpamja historike konstatohet se alkooli është katastrofë e njerëzimit. Numri i jetëve te shuara njerëzore si pasojë e alkoolit dhe shumat financiare të cilat duhet të paguhen për shkak të dëmeve të shumta që sjell alkoolizmi janë të pallogaritshme. Alkooli u shkakton miliona njerëzve në të gjithe botën vuajtje të tmerrshme dhe te paimagjinueshme. Ai është shkaku kryesor i shume problemeve të shoqërisë së sotme. Rritja e kriminalitetit, tendencat në rritje të sëmundjeve psiqike, përqindja në rritje e shkatërrimit të familjeve dhe strukturave shoqërore janë dëshmi e trishtueshme e ndikimit shkatërrimtar të përdorimit të alkoolit.
Nga këndvështrimi i mjekëve specialistë çdo njeri është i paisur me një qendër ‚inhibitive‘ e cila ndodhet në tru. Kjo qendër bën të mundur kontrollin e sjelljes së njeriut dmth. edhe vetëpërmbajtjen nga sjellja e papërshtashme dhe joetike. Një njeri normal, i vetëdijshëm pra, i shmanget sjelljes së shëmtuar, nuk përdor fjalë fyese dhe vulgare, si në marrëdhënie me të njohurit ashtu edhe me të panjohur. Alkoholi e influencon qendrën e sipërpërmendur në atë mënyrë, saqë individi humbet kontrollin ndaj vetvetes. Ky është edhe shkaku pse i dehuri përdor fjalë të pista dhe sillet në mënyrë jo tipike për të. Përdorimi në doza të larta të alkoholit çon në humbje të vetërespektit, familjes, miqve, vendit të punës dhe në humbjen e dinjitetit njerëzor si dhe në akte të pamenduara. I dehuri mund të ndërmarrë akte të pamenduara dhe me karakter tragjik si p.sh. vrasjen e një tjetri, përdhunim apo incest..
Sipas agjensisë së specializuar të Ministrisë së Drejtësisë së SHBA-së vetëm në vitin 1996 u kryen mesatarisht 2,713 përdhunime në ditë. Statistikat tregojnë qartë se shumica dërrmuese e këtyre përdhunuesve ishin nën ndikim e alkoolit. E njëjta gjë vlen edhe për ngacmimet seksuale të cilat shfaqen çdo ditë dhe jo vetëm në Amerikë. Faktet në terren dhe të dhënat e mjekëve flasin për një lidhje direkte mes alkoolizmit dhe përhapjes vdekjeprurëse të SIDA-s.
Është mendjelehtësi dhe papërgjegjshmeri të mendosh se përdorimi me masë i alkoholit në aktivitetet shoqërore mund ta mbrojnë individin nga alkoolizmi. Çdo alkoolik ka qenë në fillim ‚social drinker‘ dhe askush nuk e fillon pijen me qëllim që të bëhet pijanec.
Abstenimi nga pija ka arsyetimin e vet mjekësor. Miliona njerez në botë vdesin çdo vit si pasojë e përdorimit në masë të alkoholit. Kjo i shkakton dëme ekonomisë, duke sjellë uljen e fuqisë punëtore dhe përdorimin e mjeteve financiare për mjekimin e individëve të prekur. Egziston një shkallë e gjerë sëmundjesh të cilat lidhen drejtëpërdrejtë me përdorimin masiv të alkoolit. Kështu p.sh. mund të përmendim:
• cirhozën e mëlçisë
• kancerin e pankreasit, kokës, qafës, melçisë dhe zorrëve
• infeksionin e pankreasit, gastritin, infeksionin e mëlçisë
• sëmundjen e muskulit të zemres, hypertensionin, arteriosklerozën, anginën, infarktin e zemrës.
Pasojat e përdorimit të alkoolit tek femrat janë edhe më të dëmshme ndaj edhe i kushtohet më teper vëmendje. Femrat janë më të ekspozuara ndaj cerozës së mëlçisë, sesa meshkujt. Gjithashtu përdorimi i alkoolit nga femra gjatë shtatzanisë dëmton foshnjen.
Shumë mjekë e trajtojnë alkoolizmin më tepër si sëmundje sesa si problem varësie. Nëse pajtohemi me faktin se alkoolizmi është sëmundje, atëherë vijmë në konkluzionin se është e vetmja sëmundje në botë që:
• shitet me shishe elegante
• propagandohet në masmedia
• tolerohet nga ligji
• shkakton vdekjen e dhunshme të njerëzve të pafajshëm gjatë trafikut
• shkatërron familje dhe kontribon në rritjen e kriminalitetit
Vëllezër dhe motra! Allahu i Plotfuqishëm, i pajisur me mençuri të pafundme, na ka paralajmëruar para tundimeve të Shejtanit, prandaj çdo mysliman që shpreson tek mëshira e Zotit, duhet të përpiqet të gjejë burime të tjera të ardhurash dhe jetese, ndryshe nga tregëtia e alkoolit.
Besimi Islam quhet Din al-Fitra, dmth. besimi i natyrshëm i çdo njeriu. Të gjitha rregullat dhe urdhërat në Islam kanë për qëllim të mirën e njerëzimit dhe ruajtjen e natyrshmërisë dhe barazpeshës njerëzore. Përdorimi dhe tregëtia me alkoolin përbëjnë devijim nga këto objektiva, prishin harmoninë e njeriut me mjedisin që e rrethon, si dhe shkaktojnë probleme të mëdha si për vetë individin, ashtu edhe për të gjithë shoqërinë.
Përgaditi dhe solli në shqip: islamonweb.net
Shënime
(1.) të gjitha llojet e pijeve që përmbajnë alkool (në çdo lloj sasie qoftë),
(2.) besimi ndaj idhujve (idhujtaria), të cilët gjendeshin në Qabe

islamonweb.net

__________________
Nobody is perfect ...

alkoli nuk eshte semundje .une per vete konsumoj alkohol dhe me pelqen.jam kundra atyre qe e shohin alkoholin si semundje

shume dakord me Qershija

__________________
Learn Albanian online

Jemi tek teologjia ktu????????

__________________
Music takes me high

Alkooli nuk eshte semundje , alkohoi nese perdoret ne sasi te tepruar atehere eshte shprehi e jo semundje .....

Duhani nuk është sëmundje. Ai shkakton sëmundje. Në botën ku jetojnë muslimanët vdesin me qidra njerëz nga lufta.Shumë gjëra mund të zgjidhen në mënyrë paqësore. Nëse feja jonë( sepse edhe unë jam musliman) është më e mira dhe më e pastërta atëherë nuk do të kishte luftra civile (psh në Irak, palestinezët nërmjet veti, në Liban, në Somali etj etj etj pra feja është e mirë por jo për të gjithë se po keqpordoret Kurani dhe feja.

E nderuara Qershi, nëse feja jonë, ajo muslimane qenka sipas teje më e mira dhe më e drejta, atëherë si e spjegon ti që një qenije njerëzore mundet me vra me mijëra njerëz të pafajshëm, civil, fëmijë,gra që janë duke udhëtuar me aeroplan me autobus ose në vend pune Rasti në amerikë.Nuk jemi tash për tash më të mirët. Nëse e kuptojnë besimin si të tonin dhe pa i tregue tjetrit se jemi më të mirë etj dhe nëse kurrë nuk vrasim e presim në emër të Allahut, nëse jemi tolerant dhe e respektojmë besimin e të tjerëve e shumë gjëra tjera të mira atëherë mund të themi se jemi të mirë e të shkëlqyeshëm.

Më duket se e ke përzier temën duhani si shkaktarë i sëmundjeve vdekjeprurëse me fenë.

Aty ku shkruan duhani duhet Alkoholi. Duhani=Alkoholi

U kërkoj falje për gabimin e bërë.

Alkoholi semundje ose jo??!!Po edhe ahum e vertet pyet doktorin dhe do tjap informacione se sa paciente qe kan konsumu alkohol e kan te ndalum konsumimin e alkoholit..
Nga alkoholi ne amerik ndodhin 95%te aksidenteve...Pra ja cka sjell alkoholi..Semundje dhe mer jetra njerzish te pafajshem per cdodit...

Pali me duket se nuk je musliman,se po te ishe vetem 1%musliman do ta kishe lexu kuranin dhe i kishe aty te gjitha,ne rase ndonji person ose ndonji parti ose grup ben dicka nuk eshte ai islmi.Feja islame eshte ne librin e allahut ne kuran dhe ne synet ne fjalen dhe vepren e muhamedit.s.a.v.s

Edhe krishteret kane luftra civile,Amerika hodhi bomben ne hiroshima dhe kawasaki dhe vrau mbi 1milion e gjysem popull,ne oklahoma ai qe e rrezoi ndertesen ishte krishter e shum te tjera,por fajin se ka krishterizmi por e ka personi qe e beni ate,prandaj mundoju ti dallojsh gjerat zotri pali..

Krishteret bejne cdo dit vrasje e gjera te felliqta,ka me mija krishter ketu n'amerik qe flejn me qent, ka shum priftrinj krishter qe gjukohen per perdhunim femijesh,per droge e prostitucion mos folim,cifuti vret femij cdo idt ne palestine..Por ato rrall ose kurr nuk i sheh neper televizione,kurse kur ndonji musliman ben dicka jo te mir ate e ke per nji muaj rresht ndoshta edhe ma shum...Pra eshte informimi ai qe i jep ngjyr jo te mir islamit dhe muslimanve...

Alkolizmi shendrohet ne semundje nese dikush pi rregullisht. Nje alkolik e ka shume te veshtire te sherohet.

Per nje grua eshte teper e veshtire tja dale nje burri te pire. Ne Perendim alkoliket nuk bejne shume femije sepse 99% perfundojn te ndare, ndersa ne Shqiperi ndodh e kunderta.

Ne nje forum lexoja per Alkoolin dhe mu duk nje mendim interesant i cili thoshte CITOJ:
"Njeriu i cili ka mend nuk pine alkool se ia merr mendet kurse ai qe nuk ka pi sepse nuk ka cka me i marr".......................Pa keqkuptime dhe pa ofendime eshte thjesht mendim i Cituar....

Respekt
Bota

çdo gjë që i kalon masat e përdorimit të bën dëm. Edhe bukë me hëngër tepër të dëmton. Njerëzit e mençur e pinë alkoholin por kurrë nuk janë të pirë. Ata që nuk mendojnë shumë edhe duke shikuar dikend duke pirë bëhet pijanec. Duhani dhe alkoholi e dëmtojnë njeriun atëherë kur përdoret në masa të pamatura, pastaj bëhen shprehi dhe dëmet janë të paevitueshme.Tek ne pihet alkoholi shumë i fortë dhe shpesh i pakontrolluar nga inspekcioni i tregut.

Destilimi i alkoholit në Ballkan bëhet pa kurrëfarë leje të organeve shtetërore. Pra çdokush mund të destilojë. Në perëndim për çdo fshatar që do të destilojë fare pak alkohol duhet leja dhe pagesa e madhe e një takse.Organizatat e ndryshme në perëndim merren me çështjen e përdorimit të alkoholit. Në Zvicër të rinjtë nën moshën tetëmbëdhjetë vjeçare nuk kanë të drejt të blejnë alkohol në dyqane.Dënimet janë të rënda në raste abuzimi.

Në Shqipëri, Kosovë, Maqedoni, Mal të Zi etj përrreth çdokush mund të blejë alkohol.

jam shume dakort me palin, por kam vetem dicka alkoliket jane nga te dyja kampet si ata te "mencurit" si edhe te tjetret qe nuk jane ne kete kategori...
kjo nuk ka lidhje thjesht eshte nje deshire qe eshte kthyer ne nje ves te keq dhe qe duhet shume vullnet per ta hequr dhe qe shumica per fat te keq nuk e kane kaq vullnet

Si mund te me sigurosh ti Pali se pirja me pakice nuk mund te te çoje ne pirje me shumice, te gjithe ato qe pine pa limit kane filluar te pine pak nga pak, dhe perfundimi i tyre shihet sot se ku eshte, ndersa eshte e vertete se dhe ngrenia e bukes me shumice te ben dem por nuk sjell pasojat qe te shkakton alkooli.