E freskët, alegro dhe qetësuese, të shijon si vetëm ashtu edhe me miqtë. Si mund të rigjesh energjitë pas sportit apo të freskohesh kur studion. Të gjithë do të thonim në të njëjtën kohë; Na duhet një akullore. Që akullorja është mjaft e shijshme, kjo dihet, por vëmendjen dhe përmasat që merr në verë, në sajë të temperaturave të larta, arrijnë më shumë se kurrë në maksimim.

Kanë ndarë të njëjtin mendim 96 përqind e njerëzve që janë pyetur për një sondazh, pikërisht për të kuptuar rëndësinë e akullores.

Akullorja, një zakon për sportistët
Akullorja konsiderohet një zakon për ata që merren me sport dhe me aktivitete sportive. Mes sportistëve, ata që nuk e ndajnë asnjëherë akulloren janë futbollistët, të ndjekur nga atletët dhe sidomos nga atletet femra. Këtë e konfirmojnë edhe spotet e shumta të akulloreve, që kanë përgjithësisht progtagoniste vajza. Mjaft nga të rinjtë që zgjedhin akulloren janë të bindur në efektin pozizitiv që ka ajo mbi rifreskimin e energjive. Është pikërisht ky zakon aq i vjetër dhe aq i kohës që na ndjek kudo.

Të rinjtë, mjaft të dhënë pas akulloreve
Interesante është sipas sondazhit, se të rinjtë janë mjaft të dhënë pas akulloreve, por ... janë dhe përzgjedhës; thuajse gjysma e vajzave të moshës 14 deri 24 vjeç, deklarojnë se janë shumë të kujdesshëm ndaj etiketave dhe kohës së skadimit, gjë që tregon maturi për atë çfarë konsumojnë dhe duket që janë mjaft të vëmendshëm ndaj reklamave. Përse e bëjnë këtë gjë, - mbi të gjitha për kuriozitet thonë ata, edhe pse nuk e mohojnë që për ta është mjaft e rëndësishme të dinë se çfarë ata hanë.

Akullorja hahet në disa faza: fillimisht e provojnë dhe më pas vjen faza e shijimit.
Jo thjesht një dashuri me shikim të parë

Sondazhi ka treguar se akullorja nuk është thjesht një dashuri me shikim të parë. Por një dashuri që rritet me kalimin e kohës. E konsumojnë 94 për qind e adoleshentëve dhe gati 98 për qind e të rinjve. E preferuar për shumë mbetet akullorja me vanilje. Ndërkohë që shijet ndryshojnë nga njëri person tek tjetri. Nëse fëmijë preferonin akulloret mjaft të ftohta dhe me një shije luleshtrydhe, me kalimin e viteve kalohet tek shijet më komplekse dhe më “të pjekura”. Preferohen gjithmonë e më tepër llojet e reja të akulloreve, që lançohen çdo fillim vere.

Cilësia e tyre kushtëzon padyshim vazhdimësinë e tyre në treg dhe zënien vend në shijet e njerëzve. Shumica e njerëzve e preferojnë më shumë ta hanë pasdite dhe dëshirojnë të jetë një akullore me reçel. U shijon shumë gjatë studimeve dhe e përdorin si një arsye për të bërë pak pushim. Për 31 për qind të të pyeturve, momenti më i mirë për të ngrënë një akullore është pas darkës.

__________________
The heaven's sound is composed inside your heart, listen to its beat to syncronize your life onto the angel's steps.