Ka qenë një kohë e artë kjo për këngëtaren Vesa Luma, ku përveç sukseseve të këngëve të saj, ka rrëmbyer edhe çmimin e parë në Festivalin “Video Fest Muzikor 2007”, në Prishtinë. Nuk ka qenë vetëm gjatë festimit të marrjes së këtij çmimi, por me një djalosh bukurosh, për të cilin nuk ka dashur të rrëfejë asnjë gjë. Këngëtarja Vesa Luma prej disa kohësh shoqërohet me regjisorin e ri kosovar, Genc Dobroshi, i cili ka mbaruar studimet e larta në Tiranë. Natyrisht, si gjithë yjet e tjerë, edhe Luma mundohet ta mbajë sa më larg mediave lidhjen e saj me Gencin

Bukuroshja nga Prishtina, Vesa Luma është pagëzuar këto ditë me çmimin e parë të një prej evenimenteve më të mëdhenj të muzikës sot në Kosovë. Ajo ka marrë çmimin kryesor për “Klipin më të mirë” në festivalin “Video Fest Muzikor 2007”, në Prishtinë. Çmim, që këngëtarja Luma e ka marrë për klipin e saj të njohur dhe të preferuar në gjithë hapësirën shqiptare, “Jemi dhe s’jemi”, klip ky i realizuar nga produksioni kosovar CMB. E befasuar nga çmimi për shkak të konkurrencës mjaft të fortë, ajo nuk i ka fshehur në asnjë moment emocionet, por edhe ambiciet për më tej.

E suksesshme në muzikë dhe televizion, Vesa vjen në këtë intervistë ekskluzive për të na rrëfyer gjithçka që i ka falur ky çmim, por tejet e rezervuar për të na treguar diçka përtej jetës së saj të ekranit, dashurisë së saj.

Morët çmimin kryesor në Video Festin Muzikor. U ndjetë e befasuar, apo e keni pritur këtë çmim?
Shumë e befasuar, gjithmonë kam qenë në pritje, por jo për kryesorin. Por gjithsesi, ndjehem fituese që kam qenë pjesëmarrëse.

Me gjithë emocionet që vëreheshin, juve që në fillim ju thanë që mos u hiqni kinse befasoheni. Mbase e keni ditur mundësinë për fitoren?
Ec e mos u befaso me një çmim të tillë, kur dihet se konkurrenca ishte shumë e fortë. Është ndoshta dobësia ime që nuk kam ditur ta fsheh emocionin.
Suksesi juaj është shënuar brenda një periudhe mjaft të shkurtër. Si do ta quaje këtë, një fat nga Zoti, apo sukses i një pune të mundimshme?
Ka shumë elementë me të cilët njeriu mund të shënojë sukses. Por asnjëherë vetë. Gjithmonë kam pasur ndihmën e më të afërmve të mi. Kam punuar me seriozitet, por edhe më ka shoqëruar ndoshta fati kohë mbas kohe. Është punë e mundimshme, por shumë e lezetshme.

Ju pamë duke ardhur në “Video Fest”, mbi qilimin e kuq kaluat së bashku me një djalosh në krah, mund të na zbuloni kush është ai?
Preferoj të mos përgjigjem....
Së bashku me trofeun që ndau “Video Festi” për ju, do të keni edhe një bursë prej 10 mijë eurosh. Do t’i ndjekësh studimet në universitetin që ua ndau bursën?
Me shumë kënaqësi, sepse është një universitet mjaft prestigjioz.
I falënderoj shumë për këtë çmim kaq të rëndësishëm.

Po atëherë, tashmë do të bëheni me dy fakultete, me shumë suksese në fushën e muzikës, një punë stabël në televizionin publik si dhe një djalë të bukur në krah. Çfarë tjetër kërkoni nga jeta?
Jam akoma shumë e re dhe akoma kam ambicie. Shpresoj se këtu nuk do të përfundojë karriera ime. Kam shumë plane të tjera. Megjithatë, shpresoj se do të më përcjellë fati dhe do të shpenzoj energji pozitive në punët që do t’i bëj në vazhdim.

Tërë këto gjëra që keni arritur, padyshim kërkojnë mund dhe kohë. Si arrini ta koordinoni kohën?
Mundohem ta menaxhoj kohën nga fillimi i ditës. Por, një vajzë e re mund të arrijë çka do, vetëm në qoftë se ka pak vetëbesim.

Si e kalon Vesa kohën e lirë?
Zakonisht e kaloj me familjen ose dal me shoqërinë. Kjo ndodh të dielave më shumë, pasi që të premteve dhe të shtunave, zakonisht jam në ndonjë mbrëmje rinore.

Pas gjithë këtyre impenjimeve, cilat janë planet tuaja për të ardhmen?
Klipi i ri, albumi, mbrëmjet e verës dhe “Top Festi”, me të cilin shpresoj që do të arrij të futem të paktën në finale.

Imazhe te Ngjitura

Vesa-Luma-2006.jpg (16.5 KB, 1 vezhgime)

__________________
The heaven's sound is composed inside your heart, listen to its beat to syncronize your life onto the angel's steps.