Pjesmarresit e Top Fest 3 ishin :

1. Nora Istrefi - Nuk mundem ,
2. Emira Ademi - Ti je mbret ,
3. Ilire Syla - Një kafetin ,
4. Berkani - Ekstravagante ,
5. Arta Bajrami - 1 mbret dhe 1 mbretereshe ,
6. Aurora - Lady ,
7. Agim Poshka - Albanian mambo,
8. Produkt 28 - Larg
9. Devis & Panajoti - Syte e Tu
10. Jorida - Forca ime
11. Ermal Mamaqi - Një premtim
12. Kthjellu - Mundohem te te harroje
13. Rudi feat xxl -Tipa si puna jone
14. Shpat Kasapi -Ni Na na..
15. Monika Salihu - Do ta marr zemren
16. Emira Ademit - Ti je mbret
17. Soni Malaj - Ndarja
18. Stine - Ishe Ti
19. Drini Shkreli - Dedikuar Ty
20. Besa Morina - Varet si eshte
21. Blero - Pa pritur
22. Humus - Ninulla
23. Malda - Dashuria e hidhur
24. Elvis Tenko - Cdo nate
25. Anjeza & Niku - Ngadal
26. Lrc - Sensuale
27. Loni - Mos me kerko te fal
28. Emi - Ndryshe ke qene
29. Big Mama & Lyrical Soon - Une vozis me mire se ti
30. Tuna & Jonida Maliqi - Fprca e femres
31. Shkumbin ismaili - Ti largohesh
32. Kthjellu & Alban Skenderaj - Dicka
33. Ciljeta - Nuk te them dot lamtumire
34. Mariza Ikonomit - Yje dhe re
35. Juliani - Baby te ndjej
36. K-OS & DJ Blunt - Hey
37. Ata - Pritja
38. Eliminimi - Luje çike
39. Bastard - Me vonë
40. Bubulina Krasniqi - Nën kontroll
41. Marigona - Ah sa keq
42. Bertan Asllani - Për ty jetoj
43. Supernova- S’ka Problem
44.Ciljeta- Do Do Ti Do
45.Duda & Mony- Hajde Krejt
46.Genti- Genti Ecen Vete
47.Adrian Gaxha - 300 vjet
etj ... Gjithsej ishin 162 kenge qe moren pjese

Qmimet qe u ndan ne naten finale jane keto :

BEST NEW ARTIST:
Hana
Ani
Anisa Dervina
Malda Susuri
Juna
Oda

BEST FEMALE:
Tuna & Jonida
Nora
Ciljeta
Big Mama
Mariza Ikonomi
Soni

BEST POP & ROCK:
Humus
Xuxi
Oda
Gledis
Kthjellu
Votra

BEST VIDEO:
Red Dog
Jonida Maliqi
Dj Blunt & K’Os
Alban Skenderaj & Kthjellu
Jerico

BEST HIP-HOP & R&B:
Duda
Produkt 28
Ice Boy & Monika Saliu
Anjeza & Niku
Mr.Elvis
Dj Blunt & K’Os

BEST ALTERNATIVE:
Asgje Sikur Dielli
Orient Ekspres
Qelbaniks
00Genti
Supernova
Red Dog

BEST INTERPRET:
Soni
Mariza Ikonomi
Arta Bajrami
Tuna & Jonida Maliqi
Blero
Shpat Kasapi

CMIMI DIGITALB:
Nora Istrefi

BEST MALE:
Stine
Blero
Adrian Gaxha
Shpat Kasapi
Vullnet Marigona
Ermal Mamaqi

CMIMI I INTERNETIT:
Stine

BEST SONG:
Diçka- Alban Skenderaj & Kthjellu
Papritur- Blero
300 Vjet- Adrian Gaxha
Lila Laj- Shpat Kasapi
Ninulla- Humus
Ndarja- Soni

Vendi i pare :

Kthjellu & Alban Skenderaj - Dicka

Vendi i dyte :

Shpat Kasapi - Na na naj

__________________
Nobody is perfect ...

Emocionet në "Top Fest" dhe projektet muzikore të Bleros

"Nuk do të marr pjesë më në festivale"

Ka fituar çmimin si interpretuesi më i mirë në festivalin e muzikës moderne shqiptare "Top Fest". Dhe ky nuk ka qenë çmimi i vetëm për këngëtarin Blero. Kënga tjetër që mban firmën e tij, ajo e kënduar nga Shpat Kasapi, ka qenë gjithashtu fituese. Sidoqoftë Blero është shprehur se mendon t'i japë fund pjesëmarrjes së tij personale në festivale, por sigurisht jo kompozicioneve dhe teksteve që do të mbajnë emrin e tij. Në një intervistë për "Tirana Observer" këngëtari rrëfen emocionet pas çmimit në "Top Fest" dhe projektet e tij muzikore.

Si ndiheni pasi fituat çmimin si interpretuesi më i mirë në "Top Fest"?
Ndihem i kënaqur dhe, çka është më interesante, është fakti se asnjë prej artistëve nuk ia kishte idenë nëse do merrte çmim apo jo, të gjithë kanë qenë të emocionuar. Unë u nominova për "Best interpret" dhe "Best male". Jam shumë i lumtur që mora këtë çmim dhe ndihem shumë mirë.
Nëse do të mund të zgjidhje, kë çmim do të merrje, "Best male" apo këtë që fitove "Best interpret"?
Shpat Kasapi e fitoi "Best male" dhe unë mora "Best interpret", kështu që jam i kënaqur, pasi i kam fituar të dyja, duke qenë se tek kënga e Shpatit jam autor i tekstit dhe muzikës. Por me këtë çmim që fitova, jam i kënaqur.
Kënga e Shpat Kasapit mbante autorësinë tuaj, kishte këngë tjetër në "Top Fest" që mbante firmën tuaj?
Jo, ishte e vetmja këngë, dhe dy këngët dolën fituese, kështu që jam shumë i lumtur.
Ç'mund të më thoni për këngët e tjera fituese, si iu dukën ato?
S'di çfarë të them. Disa prej çmimeve, unë nuk i kam pritur, më kanë befasuar shumë.Kështu që nuk di çfarë të them. Sidoqoftë, mirë ka qenë në përgjithësi.
Cilat janë disa prej këngëve që ju pëlqyen në "Top Fest"?
Them se kënga e Stine ishte shumë e mirë, kënga e Sonit më pëlqeu gjithashtu. Kishte shumë të mira, por unë veçoj këto të dyja.
Do të konkurroni sërish vitin tjetër në "Top Fest" apo në ndonjë festival tjetër?
Ky ishte festivali i fundit. Ma merr mendja se jam në një shkallë ku nuk kam nevojë të konkurroj më nëpër festivale të ndryshme dhe do të lë të rinjtë të fitojnë. Kështu që besoj se nuk do konkurroj më, sepse thjesht nuk është diçka për mua, nuk e shoh të arsyeshme.
Nëse ju nuk do merrni personalisht, në festivale me muzikën tuaj do të merrni pjesë?
Normalisht, me kompozime dhe me tekste do të marr pjesë.
Po në aktivitete të tjera, përveç festivaleve, do të merrni pjesë?
Besoj vetëm se s'do marr pjesën në festivale, por normalisht që do jem aktiv në skenën shqiptare me albume, me videoklipe dhe me koncerte.
Cili është projekti juaj më i afërm?
Jam duke punuar albumin tim të tretë. Kam akoma ca këngë për të përfunduar, mendoj se do të dalë në qershor apo korrik.

__________________
Nobody is perfect ...

Flet Jonida Maliqi pas suksesit të duetit me Tunën

"Ky ishte çmimi që unë dëshiroja"

Forca e femrës" i ka dhënë çmimin si artistja më e mirë femër në "Top Fest". Sigurisht çmim që e ka marrë së bashku me Tunën, duetin me të cilën Jonida Maliqi e konsideron mjaft të gjetur. E vlerësuar nga kritika si një këngë me vlera të larta interpretative dhe muzikore, dy artiste që e përcjellin këngën dhe performojnë në mënyrë të veçantë nga njëra-tjetra, por që duke u kombinuar kanë dhënë rezultatin e dëshiruar. Jonida, edhe pse e mësuar tashmë me festivalet dhe skenën, rrëfen se kësaj radhe ka përjetuar emocione të mëdha. Por më në fund ka marrë çmimin që dëshironte. Në një intervistë për gazetën "Tirana Observer" Jonida Maliqi rrëfen si lindi ideja e bashkëpunimit me Tunën, përjetimet pas marrjes së çmimit si dhe pjesëmarrjen e saj të afërt në një mjuzikol.

E prisnit çmimin "Best Female" apo "Artistja më e mirë femër" dhe sa e prisnit?
E dëshiroja vërtetë këtë çmim dhe bashkë me Tunën u nominuam në "Best performance" dhe "Best Females", unë gjithashtu u nominova për videon më të mirë, por të dyja e dëshironim këtë çmim dhe ia dolëm mbanë. E kam përjetuar me shumë emocion.
Cila mendoni se ishte pika më e fortë në këngën dhe interpretimin tuaj?
Ishte gjetja, them unë. Bashkëpunimi i një këngëtareje shqiptare me një këngëtare po shqiptare, por nga Maqedonia. Më pas teksti ka ndikuar shumë, sidomos tek femrat. Pse jo dhe interpretimi. Ishte një këngë që mua më pëlqen me të vërtetë, të paktën kritika kështu e ka vlerësuar, si një këngë të mirëfilltë.
Si lindi ideja për këtë bashkëpunim mes jush dhe Tunës?
Unë e kam pasur si ide, domethënë kam qenë iniciatorja e këtij projekti. E kam njohur Tunën prej kohësh dhe gjithmonë më ka pëlqyer mënyra e saj të kënduarit, stili, produksionet e saj gjithmonë kanë qenë ndryshe nga të tjerat. Pse jo, ishte ndryshe nga unë, kështu që polet e kundërta shkojnë me njëra-tjetrën.
Do të keni bashkëpunime të mëtejshme me Tunën? Po me këngëtarë të tjerë?
Them se ne të dyja e kemi lënë me kaq. Ky bashkëpunim ishte eksperiencë e bukur, dhe them se do ta provoja sërish të bashkëpunoja me këngëtarë të tjerë në të ardhmen.
Çfarë projektesh muzikore keni tani së afërmi?
Do të marr pjesë në një mjuzikol të ardhshëm. Unë jam dashuruar me këtë zhanër, dhe do të jetë një eveniment shumë i rëndësishëm në jetën time artistike, mund të them që do të kem një rol kryesor në këtë mjuzikol. Po ashtu partneri im do të jetë një personazh që e duan të gjithë. Kështu aktualisht po merrem me këtë material dhe së shpejti do të realizoj dhe videoklipin tim të dytë, për këngën që mban titullin e albumit "Nuk të pres" dhe shpresoj që kjo këngë të bëhet hit vere.
Duke filluar që vitin e kaluar keni qenë pjesë në një sërë evenimentesh të rëndësishme, si ndiheni ndërsa ecni me këtë ritëm?
Them se ka qenë një kohë intensive, një proces mjaft intensiv në karrierën time, pasi në momentin që mbarova shkollën, vjet jam diplomuar për kanto klasike, u ndieva pak si bosh dhe nuk dija çfarë do të bëja me profesionin tim, po aplikoja në vende të ndryshme. Por fatmirësisht, tani nuk më kanë lënë radhë projektet dhe aktivitetet. Është shumë mirë dhe ndihem shumë mirë që kam pasur sukses.
A mund të përshkruani me nga një frazë atë çka keni përjetuar në evenimentet në të cilat keni marrë pjesë së fundmi, duke filluar me "100 këngët e shekullit"?
Ka qenë një eksperiencë e paharrueshme ku kam mësuar shumë dhe jam lidhur shumë me artistët që ishin atje.
"Shekuj dhe dashuri"?
Jam dashuruar me këtë vepër dhe shpresoj mos t'i shqitem asnjëherë këtij zhanri. E kam gjetur veten totalisht këtu.
Albumi "Nuk të pres"?
Albumi im i parë, eksperienca më e mrekullueshme për çdo këngëtar dhe ka qenë emocion shumë i madh.
Pjesëmarrja në "Top Fest"?
E kam përjetuar mrekullisht, gjeta veten në një bashkëpunim, diçka e re për mua. Çmimi "Best female" është çmimi që unë dëshiroja.

__________________
Nobody is perfect ...

Një grumbull çmimesh për këngëtarët kosovarë në festivalin e muzikës moderne në Tiranë

Kosovarët pushtojnë “Top Festin”

Grupi “Kthjellu” & Alban Skenderaj fituan çmimin kryesor dhe atë për këngën më të mirë pop&rok. Ndërkaq edhe pesë çmime të tjera iu takuan këngëtarëve nga Kosova. Nora Istrefi u shpërblye me Çmimin Digitalb, Malda Susuri u shpall artistja më e mirë e re, K-OS & DJ Blunt feat. Bardool u shpërblyen për këngën më të mirë hip-hop dhe R’n’B, kurse Blero mori çmimin për interpretuesin më të mirë

MANIK BEGOLLI

Asnjëherë më parë nuk ka ndodhur që këngëtarët nga Kosova të fitojnë më shumë çmime në një festival të Tiranës, si të dielën mbrëma në “Top Fest”. Juria e edicionit të tretë, të festivalit më prestigjioz shqiptar të muzikës moderne, nuk ka hezituar që ta shpërblejë një këngë hit në Kosovë, të titulluar “Hey”, pavarësisht tekstit “të papranueshëm” dhe të folmes ekstra prishtinase të përdorur në të. Mijëra vetë të mbledhur në Pallatin e Kongreseve kanë kënduar me djemtë simpatikë të grupit K-OS dhe me DJ Blunt vargjet “Hej, a e din që frajerin e ki gej, f’tyrën e ki llom, b… e ki OK”, një refren që para pak vjetësh as që do të imagjinohej se do të jehonte në Tiranë.
Gjashtë çmime nga njëmbëdhjetë, sa janë ndarë, janë fituar nga këngëtarë kosovarë. Çmimi kryesor dhe ai Best Pop/Rock i ka takuar këngës “Diçka”, një bashkëpunim i grupit kosovar “Kthjellu” dhe Alban Skenderajt. Një këngë hit, e cila dëgjohet shumë në Kosovë e Shqipëri. Që para natës finale, pothuajse ishte e ditur se kjo këngë do ta fitonte çmimin e madh, në vlerë prej 10 mijë eurosh, pasi që votimet paraprake e kishin renditur të parën.
Prizrenasja Malda Susuri është shpërblyer si artistja më e mirë e re, K-OS & DJ Blunt feat. Bardool për këngën më të mirë hip-hop dhe R’n’b, Blero (këngëtari nga Kosova që jeton në Suedi) është shpallur interpretuesi më i mirë, ndërkaq Nora Istrefi ka fituar Çmimin Digitalb.
Këngëtarët nga Maqedonia kanë fituar dy çmime – këngëtari më i mirë është shpallur Shpat Kasapit, kurse çmimi për këngëtaren më të mirë i ka takuar Altuna Sejdiut – Tunës, në duet me Jonida Maliqin. Ndërkaq, këngëtarëve nga Shqipëria iu kanë mbetur çmimi për këngën më të mirë alternative, i fituar nga 00 Genti, çmimi i internetit, që i ka takuar Stines dhe çmimi për këngën më të mirë, të cilin e ka fituar Soni.
Kosovarët kanë qenë të nominuar në të gjitha kategoritë. Disa nga ta, si Xuxi, grupi “Asgjë sikur dielli” dhe Arta Bajrami janë paraqitur me nga një këngë përshëndetëse para publikut. Gjithë spektakli ishte i organizuar në mënyrë shumë moderne – që nga skenografia, e deri te “look”-u i prezantuesve.

“Top Fest” nuk është Festivali i RTSH-së

Kompozitori Andin Randobrava thotë se përkundër faktit që këngëtarët kosovarë kanë fituar shumicën e çmimeve, në festivalet e Tiranës Kosovës i ndahen pak çmime. Sipas tij, në “Top Fest” nuk marrin pjesë këngëtarë shumë të njohur të Shqipërisë, por më shumë këngëtarë të rinj.
“Është diçka tjetër nëse këto çmime do të ndaheshin në një festival siç është ai i RTSH-së, e kjo pothuajse është e pamundur”, tha Randobrava për “Lajm”. Ai nuk e mohon faktin se në Tiranë po pëlqehet muzika moderne kosovare, por vlerëson se këngëtarët atje janë më të shkolluar sa i përket muzikës klasike.

lajm.info

__________________
Nobody is perfect ...

Flet frontmeni i grupit “Kthjellu”, fitues i dy çmimeve në “Top Fest”

Mungonte vetëm logoja e MTV-së

MANIK BEGOLLI

Mentor Haziri, frontmen i rok-grupit “Kthjellu”, shprehet i befasuar me organizimin e festivalit “Top Fest” në Tiranë, ku i fitoi dy çmime.
“Spektaklit i ka munguar vetëm një gjë - logoja e MTV-së. Organizim të tillë nuk di të bëjë askush në Ballkan. Ishte jashtëzakonisht mirë”, thotë ai në një bisedë për “Lajmin”.
Në duet me këngëtarin Alban Skenderaj, “Kthjellu” e ka fituar çmimin kryesor, me këngën “Diçka”, ndërkaq me këngën “Mundohem të harroj” e ka fituar çmimin “Best Pop/Rock”.
“Këngët tona kanë qenë më të votuarat në të gjitha radiot dhe televizionet, megjithatë nuk kemi pritur se do ta fitojmë çmimin kryesor. E vërteta është se e kemi pritur çmimin ‘Best Pop/Rock”, thotë Haziri.
Bashkëpunimi me Alban Skenderajn është treguar shumë i suksesshëm.
“Unë Albanin e kam shok dhe mendoj që bashkëpunimin ta vazhdojmë edhe në të ardhmen. Arma e fortë jona në skenë ka qenë gërshetimi i vokalit, gjë që e ka bërë këngën edhe më të veçantë”.
Deri më tash, “Kthjellu” e ka edituar një album me tetë këngë, i titulluar “Kthjellu 1”. Albumi i ri pritet në vjeshtë.

Këngët janë kompozuar nga grupi

Këngët “Diçka” dhe “Mundohem të harroj” janë shkruar dhe kompozuar nga anëtarët e grupit, ndërkaq vetëm incizimi është bërë te kompozitori Ilir Osmani. “Ai ka qenë ‘sound inxhinier’, por absolutisht nuk ka marrë pjesë në kompozim dhe tekst të këngës”, thotë Haziri.
Një ditë më parë, Osmani i ka deklaruar “Lajmit” se ishte kompozitor i këngëve fituese të grupit “Kthjellu”. “Ndoshta ka dashur të përfitojë prej kësaj pune”, thotë Haziri.

“Kthjellu” përbëhet nga Mentor Haziri (vokalist), Adnan Sinani (kitarist) dhe Valon Isufi (bateri). Haziri thotë se është në bisedë me Fatos Kryeziun, bass kitarist, për t’u bërë pjesë e bendit. Kryeziu është aktor dhe njihet më së shumti me rolin e Kryemadhit në serialin “Kafeneja jonë”.

__________________
Nobody is perfect ...

Qershija Te Lutem Me Trego A Ka Marre Pjese Orinda Huta Ne Top Este?????? Me Fal Nesepo Te Bej Kete Pyetje

__________________
Dy dite pa ty, me duket sikur jam pa sy ... Po te ishte gjithe jeta pa ty?????

Top fest nje festival qe i beri kengetaret shqipetare te ndihen Yje