"U2", shet 44 mijë bileta brenda 40 minutash

Të 44 000 biletat e koncertit që do të zhvillojë grupi "U2" më 18 korrik në Zyrih u shitën brenda një hapësire kohore prej 40 minutash, njoftuan organizatorët e turneut të grupit irlandez të muzikës rock. "Biletat nuk janë shitur asnjëherë kaq shpejt për ndonjë koncert të organizuar në stadiumin "Letzigrund" në Zyrih", deklaroi një zëdhënës i agjencisë zvicerane të lajmeve ATS. Çmimi i biletave shkon nga 108-171 franga zvicerane (70-110 euro). Koncerti i 18 korrikut do të jetë i vetmi koncert i grupit "U2" në Zvicër në kuadër të turneut të tij botëror "Vertigo Tour" që pritet të fillojë më 28 mars në SHBA. Koncerti i fundit I grupit "U2" në Zvicër është bërë në korrik 2001. Grupi ka parashikuar 13 koncerte në SHBA më pas 24 në Europë duke filluar nga Brukseli më 10 qershor. "How to dismantle an atomic bomb", albumi i fundit i "U2" u shit në 8,5 milionë kopje në të gjithë botën, bëri të ditur në fund të janarit shtëpia diskografike "Universal".


Madona, se shpejti me nje album te ri

Degjoni, degjoni, albumi i ardhshem i Madones do te jete rock. Lajmi i publikuar ne te perditshmen britanike "Sun", thekson se albumi i ri i kengetares, i cili pritet te mberritje ne tregun muzikor ne fund te vitit do te kete nje tjeter drejtim, totalisht rock. "Madona ka perfunduar pothuajse punen per albumin e saj te ri, duke i dhene doren e fundit te regjistrimeve ne studio. Kete here kengetarja do ti ofroje fansace te saj rritme rock, krahasuar me tungujt qe shpesh i ka dhuruar fansave te saj. Duke jetuar per nje kohe te gjate ne Britani, Madonna eshte ndikuar shume nga bandat muzikor te muzike rock, si Franz Ferdinand e The Darkness"-shpjegon "Sun". Per kete aventure te re diskografike, e cila vjen menjehere ne tregun muzikor pas, Madona ka bashkepunuar me produktorin e njohur Christian Carlsson, i cili e ka ndihmuar Britney Spears per realizimin e "Toxic".

__________________
Try not to become a man of success but rather to become a man of value - Einstein Albert.

Fansat e Bruce Springsteen do të kenë një vit të pasur me këngët e reja që idhulli i tyre do të prezantojë në muajin Prill. "Devils & Dust", është albumi i ri i këngëtarit, i cili rikthehet pas një mungesë të gjatë në tregun muzikor. Ai ka bashkëpunuar më produktorin Brendan O'Brien, për realizimin e diskut të ri dhe thekson se këngët ndjekin rrymën e mëparshme, me disa devijime te ndjeshme. Në vitin 2002 këngëtari u prezantua me "The Rising" që ishte një tregues i kontradikateve që këngëtari kishte me presidentin Bush dhe ndërhyrjen e asokohe të trupave amerikane në Irak. Ndërkohë pritet që menjëherë pas publikimit të albumit këngëtari të nisë një turne në të gjithë botën, ku vendet e Evropës pas dyshim do të përfshihen në axhendën e këngëtarit.

Black Sabbath, grupi rock më i mirë i të gjithë kohërave

"Black Sabbath" renditet ndër grupet rock më të mirë të të gjitja kokërave, është ky përfundimi i një sondazhi organizuar nga revista britanike "Kerrang". Albumi i tyre "Paranoid" nga viti 1970 u klasifikua në Top 10, para grupeve si Sex Pistols me albumin "Never Mind the Bollocks" në vendin e tretë, Iron Maiden dhe grupi Queen. Lajmi i publikuar në stuff.co.nz, thekson se albumi "Paranoid" konsiderohet nje nga me te suksesshmit, deri ne ditet tona, edhe për faktin se rryma që ai solli shërbeu për frymëzimin e grupeve të reja muzikore. Ky sukses ka ndjekur Blac Sabbath deri ne 1979, kur lideri i grupit Ozzy Osborne largohet per te vazhduar karrieren si solist. Grupi "The Clash" me albumin "London Calling" u radhit i shtati, Manic Street Preachers me albumin "The holy Bible" ne te dhjetin.

__________________
Try not to become a man of success but rather to become a man of value - Einstein Albert.

Alanis Morisette do të ripublikojë pas 10 vjetësh albumin më të sukseshëm të karrirës së saj. Bëhet fjalë për “Jagged Little Pill” i cili në atë kohë është shitur në mbi 30 miljon kopje në mbarë botën. “Jagged Little Pill” ka përmbajtur hite si ´You Oughta Know´, ´Hand In My Pocket´, ´All I Really´ Want´, ´Ironic´, ´You Learn´ e ´Head Over Feet’. Gjithashtu po këtë vit ajo do të publikojë një album me realizimet më të mira muzikore. Nuk e di pse, por po dyshojmë që ajo nuk është fort mirë nga ana financiare këtë periudhë!

Madonna querela consulente d'arte

Madona ka denoncuar konsulentin e saj te artit, pasi ky i fundit i detyrohet asaj 265 mije dollare per shitjen e nje pikture. Çeshtja gjyqesore ndaj Darlene Lutz, qe prej kohesh mban postin e konsulentit artistik te kengetares, do te gjykohet nga togat e zeza ne Manhatan per shkeljen e nje marreveshjeje, e cila bazohet ne deshmine e dy grave. Denoncimi bazohet ne detaje te shkeljes se te drejes se autorit, pasi Lutz, ka lejuar shitjen e nje pikture orgjinale, e cila ka sherbyer me as si kopje per tu hedhur ne treg, kunder vullnetit te kengetares se njohur.

__________________
Try not to become a man of success but rather to become a man of value - Einstein Albert.

Lajmi shumë të këqija për fansat e grupit britanik Blue. Ata sapo kanë anulluar turneun e tyre. Gjithçka ka ndodhur pasi një laringit ka prekur Lee Ryan, që e ka detyruar pjesën tjetër të grupit të anullojë programin e tyre koncertor. “Na vjen shumë keq që kemi vendosur të anullojmë përkohësisht turneun për muajt prill-mars. Lee Ryan është vizituar tek mjeku dhe nuk është në formën e duhur për të marrë pjesë në koncertet e parashikuara. Mjeku i ka sugjeruar atij 6 javë pushim, prandaj dhe kemi vendosur të respektojmë mikun tonë. Menjëherë pas përmirësimit të shëndetit të tij, banda do ti kthehet turneut”-ka deklaruar zëdhënësi i bandës muzikore. Ndërkohë që Ryan, ka pohuar se i vjen keq që ka zhgënyer gjithë fansat, por ka premtuar që do të ofrojë supriza të reja menjëherë pasi të bëhet mirë.

Sanremo, 4 këngëtarë kundër basteve të Bonolis

Gigi D'Alessio, Paolo Meneguzzi, Marina Rei dhe Anna Tatangelo kanë kërkuar ndërprerjen e basteve të sapo nisura në edicionin e Festivalit të Sanremos. Katër këngëtarët kanë kërkuar që të dalin nga lista e basteve, të cilat kanë përhapur një debat të madh në rradhët e këngëtarëve, pasi kjo gjë dëmton imazhin e tyre artisik. Ajo që sivjet është quajtur një risi nga drejtori artistik i festivalit Paolo Bonolis, është futja e këngëtarëve në një bast të ligjshëm, i miratuar tashmë nga juaria, gjë e cila nuk është pritur mirë nga këngëtarët. Ndërkohë që mësohet se parafestivali i sivjetshëm i Sanremos, po etiketohet si mjaft komercial, për shkak se Bonolis ka kërkuar që ta kthejë këtë festival në popullor, duke integruar lojrat fitimprurëse të kësaj kategorie, gjë e cila nuk është pritur mirë nga pjesëmarrësit.

__________________
Try not to become a man of success but rather to become a man of value - Einstein Albert.

Ne daten 19 Mars 2005, diten e Shtune ora 19:00 ne Pallatin e Kongreseve ne Tirane grupi artistik ALBA nga New Yorku do te shfaqe per publikun artdashes te kryeqytetit nje Koncert - Live me titull: PRANVERE NE TIRANE. Te larguar nga Shqiperia afersisht nje dekade me pare,artistet profesioniste te ketij grupi rikthehen ne skenen shqiptare me mallin per vendlindjen si dhe per publikun shqiptar. Emra te tille te njohur si kengetaret Merita Halili, Eli Fara, Gezim Nika, Fitore Mamaqi, vellezerit Zena, Eli Rizo, muzikantet e talentuar Edmond Xhani, Artan Kushi, Ilir Dangellia, Maksim Vathi, Dritan Papa e Murat Rama i mungojne publikut te kryeqytetit prej nje kohe shume te gjate. Kjo ben qe interesimi per kete aktivitet te jete i madh. Ne program do te kete pjese te zgjedhura nga muzika shqiptare dhe ajo amerikane. Programi do te prezantohet nga Elmira Xhani. Materialet muzikore do te shoqerohen nga orkestra Alba. Te ftuar ne kete Koncert do te jene edhe disa muzikante te njohur nga Tirana, bashkepunetore dhe kolege te nderuar te ketij grupi artistik. Organizator dhe drejtues artistik i grupit Alba eshte kitaristi Edmond Xhani.

__________________
Be aware of what u do in the past, because of the future consequences!

Artistja shqiptare që prej 10 vjetësh jeton në Itali, ka regjistruar albumin e saj të parë në duet me pianisten koreane Huh Yong Jeong.


“Muzika që po dëgjojmë, flet për muzikën e shpirtit. Prej jehonës që lind nga ky takim pasqyrohet universi i zemrës njerëzore”. Kritika e Daisaku Ikedës e ka vlerësuar me bujari, ashtu si shtypi vendas, ai italian, e ka pritur albumin e violinistes shqiptare Anila Kraja, e cila prej dhjetë vitesh jeton në Romë. E ka quajtur “Heart Strings” (Tinguj zemre) dhe për këtë regjistrim Kraja ka bashkëpunuar për disa duete me pianisten koreane Huh Yong Jeong. Violinistja ia dedikon Heart Strings “të gjithë njerëzve që e duan jetën dhe që, në sajë të muzikës, duhen edhe më shumë”.

E gjithë rruga e saj ka qenë në ngjitje. Studion violinë që në moshën 6 vjeç me mjeshtrin Robert Papavrami dhe pedagogen Rajmonda Koço. Diplomohet në Akademinë e Arteve në Tiranë me rezultate të shkëlqyera. Instrumentiste në teatrin e Operas dhe Baletit dhe pedagoge në Akademninë e Arteve të Tiranës. Në Itali perfeksionohet në Akademinë Umbria me mjeshtrin E. Perpich dhe në kursin e muzikës së dhomës pranë Akademisë Chigiana me mjeshtrin Ricardo Brengola. Koncertet në Kampidolio, në Pallatin Barberini për nder të presidentit të Republikës së Shqipërisë, koncerti në Monte Vibio pranë Todit për inaugurimin e veçantë të teatrit më të vogël të botës, e deri në Festivalin Kombëtar të Muzikës Bashkëkohore në Romë etj.

Ndërsa Huh Yong Jeong është artiste e re e talentuar e lindur në Chon (Korea e Jugut). Fillon të studiojë piano në moshë 6-vjeçare, duke vazhduar të studiojë në Romë në Konservatorin Santa Cecilia në udhëheqjen e mjeshtrit F.De Cesare. Pasi diplomohet në Seul në vitin 1993, vazhdon studimet dhe laureohet në Konservatorin e Santa Cecilias. Ka ndjekur shumë kurse e Master-Class me mjeshtëra të shquar. Ka një aktivitet të dendur koncertor me orkestra të ndryshme në vendin e saj dhe në Itali. Eshtë fituese e konkursit BLA Grand Priz 2003 etj.

“Nuk është e rastit që së fundi ka regjistruar CD-në e saj me titullin Heart Strings (Tinguj zemre), që duke dashur të përkthejë muzikën në fjalë është një sintezë heterogjene e stileve, melodive, që nga 600-a e J.S. Bahut (shfaqet edhe Gunò me Ave Marinë e tij) deri në 900-ën e Williams (muzika e filmit Shindier’s List), që nga meloditë e Glukut tek virtuoziteti i tejskajshëm i Fluturimit të brumbullit të Rimsky-Korsakovit, duke e kaluar harkun e saj përtej kufijve muzikorë të zakonshëm, me detaje dinamike që ngjajnë me ultratingujt e shpirtit”. Është ky vlerësimi që kritika vendase ka dhënë për violinisten shqiptare me rastin e daljes së “Heart Strings” E lindur në Tiranë, ajo rrjedh nga një familje artistësh, i vëllai Nestor Kraja, kompozitor dhe daja i saj koreograf, Agron Aliaj, në moshën 10-vjeçare del në skenën e koncerteve.

“Ja, nëse instrumentat muzikore do të kishin shpirtin e tyre, Anyla do të qe shpirti i violinës, shpirti i saj melankonik, esenca e saj e pakapshme, gotitjet e saj perkusive dhe njëkohësisht shushuritëse, e padukshme dhe njëkohësisht prezente. Një formë abstrakte energjie që i jep jetë ndjenjave më të fshehta e që përshkon rrugën më direkte nga veshi deri në zemër. Një hark i ngjeshur mirë nëpër tela, plot vibracione dhe emocion, e njëkohësisht i fortë gati të bëhet, në mënyrë patradoksale, materie.”
Anyla Kraja ka fituar në Itali në prill të vitit 2004 “Premio Ciociaria”, çmim që i është akorduar njëkohësisht Ministrit të Brendshëm, Shkëlqesisë së tij, Pisanu, prezantuesit të RAI-t Fabricio Fricit, kryekirurgut prof. Mikele Galiuçi, gazetarit Luka Xhurato. Ky çmim i cili që prej 30 vitesh i jepet më të mëdhenjve, që nga Menem-i, president i Republikës së Argjentinës, e deri Gorbaçovit, që nga don Gelmini tek austronauti Guidoni, nga presidenti Sandro Pertini tek Alberto Sordi, Pipo Baudo, Nino Manfredi, Mara Verner, Mauricio Kostanco e plot personaliteteve deri tek papa Gjon Pali II.

E pakënaqur, “rrezikon” të bëhet ambasadore e FAO-s (Food and Agriculture Organization of the United Nations) titull të cilin e mbajnë sot Carla Fracci, Gina Lolobrigida, Rita Levi Montalcini Dionne Warëick, pas performancës entuziaste që ajo bëri në zyrat qëndrore të Romës, përpara kryetarëve të shteteve, ambasadorëve, përfaqësuesve të trupit diplomatik, përveç 1200 personave të tjerë të mbledhur për Ditën Botërore të ushqimit, në një heshtje religjoze gjatë lojës së saj. Pas Marta Argerich, pianistja më e madhe sot, llogaritet si një nga muzikantet që kanë arritur të dalin nga anonimati drejt një publiku të gjerë duke reflektuar shpesh talent edhe përmbi burrat.

__________________
Try not to become a man of success but rather to become a man of value - Einstein Albert.

Ka qenë ndër të vetmet pjesëmarrëse shqiptare që kon-kurronte mes të rinjve norvegjezë. Megjithatë fati e ka ndjekur deri në fund. I ka sfiduar të gjithë, duke u shpallur si këngëtarja më e mirë.


Doruntina Disha, 17-vjeçarja nga Kosova, pak kohë më parë është renditur në krye të listës së të konkursit "Power Star", dublim i "Etheve të së premtes mbrëma", zhvilluar në Oslo. Eshtë ky një konkurs muzike i zhvilluar nga "Power Hit", një prej radiove më të njohura në Norvegji. Disha ka lindur në Prishtinë dhe jeton në Oslo që prej vitit 1992 bashkë me familjen e saj. Aktualisht ndjek klasën e parë në gjimnazin e përgjithshëm. Miqtë e saj tregojnë se është nxënëse e shkëlqyer. Në një nga gazetat më të lexuara në Norvegji e më gjerë, "Dagbladet", këngëtarja shqiptare, pas fitores së çmimit të parë në spektaklin "Ethet…", është cilësuar si një yll i ri i muzikës pop-rock.

E vogla që "çmendte" Norvegjinë
Që në moshën dyvjeçare, dëshira e saj ka qenë të këndonte dhe të kërcente pafundësisht, kur vinte rrotull nëpër shtëpi. Më pas është angazhuar me koret e të vegjëlve, kur mblidheshin për raste festash. Pas mbërritjes në Norvegji, Doruntina është dalluar si zëri më i mirë mes bashkëmoshatarëve të saj. Megjithatë, ajo tregon se ka shumë miq që ia duan të mirën. Një prej tyre ka qenë dhe shoqja e saj, e cila e ka regjistruar për të qenë pjesëmarrëse në audicionin e parë të "Power Star", që mbahej në qendrën Linderud në Oslo. "Unë nuk dija asgjë. Një shoqja ime më kishte regjistruar pa më thënë fare. U paraqita me këngën e Celine Dion, "My Heart will go on", dhe u kualifikova", tregon Doruntina Disha. Në audicionin e dytë është prezantuar me këngën "I love rock`n`roll" të Brytney Spears, duke e mposhtur skenën me paraqitjen e saj, debutim ky që u duartrokit. "Ishte diçka e papritur dhe e pabesueshme për mua", tregon ajo.

Nata finale
Prezantimi i saj në natën finale të spektaklit, në qytetin Drammen, 40 km larg Oslos, ishte i befasishëm. "Aty Doruntina ishte pa konkurrencë. Shkëlqeu mes 10 konkurruesve finalistë dhe përvetësoi mbi 5000 shikues. Edhe pse ishte vetëm një vogëlushe e panjohur për ata, ajo i entuziazmoi shikuesit me interpretimin e një kënge të Shakirës. Lëvizjet e saj të përsosura skenike e "hutuan" jurinë e "Power Star", e cila më pas nuk e pati aspak të vështirë ta shpallë fituese. Vendimi i jurisë u prit mjaft mirë nga publiku norvegjez artdashës", shkruhet në "Dagbladet". "Ky është një konkurs që organizohet çdo vit në Norvegji. Natyrisht që në një konkurs me traditë duhet të kesh një kombinim cilësish që të futesh në mesin e më të mirëve, për më tepër të fitosh. Unë jam përpjekur shumë për të marrë pjesë në këtë konkurs dhe më në fund u shpërbleva", shprehet Doruntina për gazetën norvegjeze "Dagbladet". Përveç zërit karakteristik dhe melodioz ajo është shumë e lirë në skenë. Përveç këngës, di të kërcejë shumë mirë dhe lëvizjet e saj janë pritur mjaft mirë nga publiku dhe juria e kësaj gare të madhe për të rinj.

Kënga e parë
Pas suksesit të saj si fituese e çmimit të parë në konkursin "Power Star", Doruntina Disha nuk u ka shpëtuar dot tendencave të fundit. Ka ditur të kapë momentin. Ashtu sikurse edhe shumë këngëtarë të tjerë të moshës së saj, ka rendur të realizojë singëlin e parë. Titullohet "Dream World". Eshtë këngë ritmike, shumë e gjallë dhe me një videoklip të goditur, i cili është pritur shumë mirë nga publiku. Aktualisht kënga e saj e parë renditet ndër më të suksesshmet duke u bërë hit për të rinjtë në Norvegji.

Pas saj Doruntina ka nxjerr dhe CD e parë, e cila është cilësuar si një nga albumet më të preferuara të verës së sivjetshme. "Pas fitores kam marrë disa oferta për kontratën e parë. Por më shumë më pëlqeu kompania "Dream Factory" me të cilën tashmë kam lidhur një kontratë trevjeçare. Një muaj pasi lidha kontratën me të kam nxjerr singëllin e parë, i cili është në shitje", tregon Disha për mediat norvegjeze. Megjithatë këngëtarja që premton një sukses në të ardhmen vazhdon të hedhë hapa të sigurt në karrierën e saj të re muzikore. Sapo kanë nisur planet për koncertet e saj të ardhshme. "Unë dhe kompania ime kemi marrë ofertën për të marrë pjesë në një festival me këngëtarë të rinj në Nicë të Francës, në prillin e vitit të ardhshëm", tregon ajo.

__________________
Try not to become a man of success but rather to become a man of value - Einstein Albert.

Eno Koço me një vepër studimore dhe dy CD me përmbledhje muzikore të Tefta Tashkos dhe vepra të panjohura të klasikëve të muzikës shqiptare të para viteve ‘40


Ka kuptuar se mund të japë më tepër edhe në fushën e studimeve e jo thjesht me një bagetë në dorë. Ka botuar edhe më parë disa libra, por këtë herë vjen me tri thesarë, një përmbledhje me këngët e nënës së tij, të madhes Tefta Tashko Koço, një përmbledhje me vepra të panjohura të kompozitorëve shqiptarë të para viteve ’40 dhe një libër me studime e artikuj, të titulluar “Shostakoviç dhe Kadare”. Promovimi i albumeve muzikore e ka sjellë dirigjentin Eno Koço në Tiranë. Pa pasur nevojën e titujve të mëdhenj, njëri prej tyre prezantohet thjeshtë “Tefta Tashko Koço” dhe përmbledh regjistrime të sopranos të realizuara në Itali në vitet 1937 dhe 1942 me shoqërinë diskografike “Kolumbia”. Janë këngë të njohura, që janë transmetuar edhe më parë, si “Kroi i fshatit tonë”, “Zare trëndafile”, etj., por që publiku i ka dëgjuar të ngjyrosura me atë timbrikën e veçantë të kohërave, me zhurma, kërcitjet e disqeve, me një lloj “denatyrizimi sonor”, siç e quan Koço.

Dirigjenti tregon se janë bërë dy herë kaseta, ku me mjetet dhe mundësitë e kufizuara janë bërë disa pastrime zëri, ndërsa tani, me sponsorizimin e “Vodafone” dhe “Credins Bank”, në Londër janë bërë ndërhyrje me mjete shumë më të avancuara teknike. “Zëri është pastruar, frushet janë eliminuar në maksimum, por padyshim pa cënuar ngjyrën e kohës, është ruajtur timbrika dhe kualiteti i zërit, është punuar me frekuencat dhe parametra të tjerë sonorë që kanë të bëjnë me raportin mes zërit dhe orkestrës. Orkestra italiane, duke mos njohur ritmikën shqiptare, i kanë interpretuar ato disi ndryshe.

Gjithsesi mbeten po ato regjistrime të bëra në ato vite, por të sjella në kushte nga më cilësoret e mundshme”,- shpjegon Koço. Albumi përbëhet nga dy CD, ku në njërën janë përfshirë 20 këngë, nga 42 që ishin regjistruar fillimisht, ndërsa tjetra është me muzikë klasike, 5 të huaja dhe të tjerat repertor klasik shqiptar. “Jo pa qëllim i kam përfshirë aty, pasi këngë të tilla si “Çelni ju moj lule”, është interpretuar në formën e një arieje, po kështu edhe “Fryn veriu në mal të thatë” me vargje të Poradecit. Këtu është edhe kënga e njohur “Kur më vjen burri nga stani”,- të cilën njerëzit e njohin si këngë popullore, po që në fakt hyn në repertorin klasik”,- vazhdon Eno Koço, duke shtuar se në këto CD gjenden këngë qytetare të veriut, Shqipërisë së Mesme dhe më pak të vendlindjes së saj, Korçës. “Jam i bindur se nuk do të ketë ndonjë boom shitjesh, ndoshta do të mbetet thjesht si një relike, por evokon diçka”.

Klasikët shqiptarë para 1940-s
Nga Noli tek Martin Gjoka
Ndërsa për kompozitorët e pas viteve ’40 është folur e shkruar me shumicë, për ta nuk dihet thuajse asgjë, nuk figurojnë nëpër enciklopedi dhe veprat nuk u janë ekzekutuar asnjëherë. Në diskun “Klasikë muzikorë shqiptarë” Eno Koço përmbledh vepra të panjohura të kompozitorëve Martin Gjoka, Thoma Nasi, Murat Shehu e Fan Noli. “Qëllimi ka qenë tu bëj të njohur njerëzve se ç’ka ndodhur në gjysmën e parë të shek. XX, ku kompozitorë shqiptarë, muzikantë e këngëtarë që kanë jetuar brenda e jashtë Shqipërisë, kanë kontribuar për bazat e muzikës klasike, të kultivuar. Përshtypja ka qenë që në Shqipëri ka pasur vetëm muzikë popullore. Kjo nuk është e vërtetë, pasi ka pasur një muzikë intelektuale, një bazë ku janë mbështetur pasardhësit, ashtu si edhe ka ndodhur me artet e tjera, si në pikturë, letërsi, etj”,- thotë Koço, i cili për më shumë se 20 vjet ka punuar për mbledhjen e partiturave në Arkivat e Shtetit, të Radio Televizionit Shqiptar e të Teatrit të Operës e Baletit. Sipas tij, arsyet e harresës së këtyre njerëzve dhe veprave kanë qenë nga më banalet.

Martin Gjoka ishte prift katolik, Nasi kishte bërë një himn për mbretin Zog, Shehu kishte emigruar në Amerikë dhe për njerëz me këtë jetëshkrim nuk ishte e lehtë të flisje para viteve ’90, e aq më pak të ekzekutoje veprat e tyre. Por mungesa e interesimit është shfaqur edhe për poemën sinfonike “Skënderbeu” të Nolit, e cila u ekzekutua vetëm një herë në vitin 1980. Sipas Eno Koços, me rastin e 600-vjetorit të lindjes së Skënderbeut, dy vepra të diskut “Klasikë muzikorë shqiptarë” marrin vlera të veçanta. Njëra prej tyre është simfonia e Martin Gjokës “Dy lule mbi vorr të Skanderbegut”, e shkruar me një stil lirik, poetik, me një melodi të rrjedhshme, pa konflikt dhe “Skënderbeu” i Nolit që nis me pushtimin nga turqit, thirrjen e muhedinit dhe mbaron me një himn bizantin fetar, që e nxjerr Skënderbeun si mbrojtës të krishtërimit. Ky kompaktdisk është realizuar në Rusi, në Shën Petersburg, në shtëpinë diskografike, “Kailas”, me ndihmën e Igor Wojewodzkit, i cili kishte mësuar diçka mbi këta kompozitorë përmes internetit.

Në këtë studim Koço heq paralele mes krijimtarisë dhe jetëve të dy figurave

Kadare dhe Shostakoviç, regjimi në mes
Nuk i është dashur të tregojë historira pa fund. I shërbyen jetët e dy gjenive, për të treguar një gjysmë shekulli. “Studentët janë interesuar të dinë se ç’është bërë në Lindje gjatë komunizmit, ndaj u kam folur atyre për Shostakoviçin dhe Kadarenë, njëri kompozitor, ndër më të famshmit e ish-Bashkimit Sovjetik dhe tjetri një nga shkrimtarët më të mëdhenj të të gjitha kohërave në Shqipëri, jetët e të cilëve kishin ngjashmëri të mëdha”, thotë Eno Koço, i cili ka botuar një përmbledhje me artikuj e vrojtime mbi artin muzikor shqiptar, me titullin “Shostakoviç dhe Kadare”. Në artikullin me këtë titull, botuar këtë vit në revistën londineze “The musical times”, ai bën një paralelizëm mes dy figurave, duke i trajtuar në rrafshin e marrëdhënieve me udhëheqësit, administratën, krijimtarinë, se si u duhej të shkruanin përmes rreshtave. “Kadareja zgjidhte të kaluarën për të evokuar të tashmen, përmes gjuhës së Ezopit, kurse Shostakoviç gjente mënyra të tjera përmes tingujve për të shprehur frikën, pasigurinë. Kanë qenë të mbështetur nga administrata shtetërore, por nga ana tjetër kanë vuajtur thellësisht, pasi u është dashur të shkruajnë në një ambiguitet”,- vazhdon Koço.

Sipas tij, në fund të viteve ’80 kritiku rus, Solomon Vollkov shkruan librin “Trashëgimia”, ku tregon se sa ka vuajtur Shostakoviç dhe e quajtën revizionist, pasi ai guxoi të thoshte se veprat e kompozitorit kishin kuptime të fshehura. Më pas doli një tjetër brez kritikësh, që u quajtën anti-revizizonistë, që ishin kundër Vollkovit, sipas të cilëve Shostakoviç i ka shërbyer regjimit. “Kjo ka ndodhur edhe me Kadarenë, për të cilin edhe sot ka përplasje mendimesh. Në këtë leksion nuk mbaj qëndrime, por nxjerr ngjashmëritë mes këtyre njerëzve të mëdhenj që kanë jetuar nën regjimet totalitare dhe i kanë shërbyer emancipimit të vendeve të tyre, me muzikën dhe letërsinë e pavdekshme”,- thotë Koço.

Jo më kot për ilustrimin e kësaj vepre, Koço ka zgjedhur tablonë “Vajza me freskore” ,1968, e një piktori që jetoi dhe krijoi gjithë jetës në Kolumbi dhe që kurrë nuk pati mundësi ta vizitojë Shqipërinë me instalimin e regjimit. Është Artur Tashko, vëllai i Tefta Tashko

__________________
Try not to become a man of success but rather to become a man of value - Einstein Albert.

Trofeu magjik ka shkuar në Prishtinë. Me një këngë të kompozuar nga Adrian Hila, të titulluar “S’dua tjetër”, Genta Ismaili ka fituar çmimin e parë të Festivalit “Kënga Magjike”. Ajo ka marrë 292 vota nga kolegët e saj, duke u pasuar nga grupi “Aurora” me 269 pikë dhe Flori me 221 pikë. Mes dritash dhe shiut të improvizuar, 16 këngëtarët finalistë janë ngjitur në skenën e Festivalit “Kënga Magjike”. 16 kanë qenë dhe trofetë e ndara natën finale, duke i nxjerrë të gjithë fitues, të gjithë të kënaqur e të vlerësuar nga kjo mbrëmje. Pas dy netësh prezantimi dhe 16 të tjerave në ekranin e Tv “Klan”, mbrëmë në Pallatin e Kongreseve është mbyllur edicioni i shtatë i Festivalit “Kënga Magjike”, që ndryshe nga herët e tjera, ka ardhur nën regjinë e dy regjisorëve të rinj nga Kosova, Agron Vulaj dhe Astrit Idrizi dhe jo më të Vera Grabockës.

Por duket se realizimi i një edicioni tërësisht të ri ka qenë qëllimi i producentit Ardit Gjebrea, i cili jo vetëm “ndërroi” regjisor, por ka ngulmuar në ndryshimin e pamjes së skenës. Skena e këtij vitit, realizuar nga skenografi Bashkim Zahaj nuk ka pasur asgjë të përbashkët me imazhet e edicioneve të tjera, larg klasikes, me një mori dritash që të jepnin herë-herë përshtypjen e një diskoje, por edhe një shi uji, që të krijonte një ndiesi të këndshme në një stinë vjeshte, fatkeqësisht të thatë. Por të gjitha këto risi kanë ardhur dhe si rrjedhojë e këngëtarëve pjesëmarrës në festival. Nëse herët e tjera janë dalluar edhe emra këngëtarësh me një eksperiencë të gjatë, si Libohova, Çako, Makashi, Konçi, etj, këtë herë skena i është dorëzuar e gjitha të rinjve. Në skenën e “Magjikes” është ngjitur një brez i tërë këngëtarësh, i preferuar nga publiku dhe që janë bërë të njohur gjatë viteve të fundit, qofshin këta nga Shqipëria, apo Kosova si Juliana Pasha, Jonida Maliqi, Flori, Genta Ismajli, Shpat Kasapi, Orinda Huta, Bleona Qerreti, Elvana Gjata, Soni, “Aurora”, Blero, etj. Në përshtatje me moshën e këngëtarëve kanë qenë edhe ritmet e këngëve të tyre, si hip-hop, regaton, pop-folk, dens dhe shumë më pak baladë, duke bërë për vete më tepër adoleshentët.

Në kuadrin e modës, interpretimet e këngëtarëve janë shoqëruar me performanca koreografike, madje Julka është shoqëruar edhe nga një DJ (DJ A.N.D.Y). Sa për lookun e këngëtarëve, ai mund të quhet i “nxehtë”. Duke qenë se në “garë” është edhe një çmim “look”, këngëtaret janë paraqitur me veshje ekstravagante, ku mbizotëronin fustanët e shkurtër e dekoltetë e hapura. Në formë të re ka ardhur edhe prezantimi i festivalit. Në krahë të producentit dhe prezantuesit Ardit Gjebrea në skenë është ngjitur Denada Dajlani, një vajzë që dilte për herë të parë në skenë. Ajo solli një tjetër imazh prezantueseje, jo fort koketë e bukuroshe, siç jemi mësuar të shohim rëndomë, por simpatike, pa komplekse dhe e saktë. Mbrëmjes finale nuk i kanë munguar edhe surprizat. Gjebrea ka vënë të këndojnë jo vetëm shoqet e Pallatit të Pionierëve, por edhe deputeten Majlinda Bregu dhe politikanen Monika Kryemadhi, të cilat kanë kënduar bashkë me të një version të përpunuar të këngës “Dimëroj”.

Sa i përket trofeve, si tradicionalisht tre çmimet e para u përzgjodhën nga vetë artistët. Ndërkohë që nga interneti, telefonatat, radioja, u përcaktuan këngët më të pëlqyera të publikut, si “Kënga Hit”, “Çmimi i internetit”, dhe i “Spektatorit”. Ndërsa një juri e përbërë nga profesionistë si Robert Radoja në pozicionin e kryetarit, Edit Mihali, Zhuliana Jorganxhi, Irma Libohova, Zana Çela, Pirro Çako, Florin Kelmendi, Enkel Demi dhe Dr Flori, përzgjodhën çmimin e “Kritikës”, të “Interpretimit më të mirë”, “Çesk Zadeja”, “Magjia e parë”.

Një dhuratë nga ish-nxënësit
Nuk ka qenë thjesht një dhuratë simbolike. Ish-nxënësit e mjeshtrit Robert Radoja i kanë bërë atij një dhuratë surprizë, një makinë, që prof. Radoja, në të vërtetë nuk di t’i japë, por që do t’i shërbejë pa dyshim. Mbrëmë në skenën e Kongreseve, Gjebrea ka thërritur shokët e dikurshëm të pallatit të Pionierëve, Irma Libohovën, Zana Çelën dhe Yllka Mujon. Për ish-mësuesin e tyre nuk ka qenë e vështirë të gjejë pa gabuar zërat fëminorë të Arditit, Irmës, Zanës e Yllkës. Nga arkivat e festivaleve të fëmijëve ishin nxjerrë këngë të kënduara gati 30 vjet më parë, si Kënga e Gjyshes, për të vijuar me një këngë me ushtarë, aksione e mësime. Pas kolazhit me zërat fëminore, tashmë të rritur, Libohova, Çela, Mujo e Gjebrea kanë kënduar nga një refren të këngëve të tyre më të dashura, si “Gabimi i Mirelës”, “Na llogarisni edhe ne”, “Kënga e nënës”, të cilat edhe pse kënduar vite më parë janë të njohura edhe për fëmijët e sotëm. Kjo surprizë e shprehur në këngë, është shoqëruar edhe nga një tjetër. Një ish –nxënës i Robert Radojës, edhe pse nuk u bë dot këngëtar apo artist si moshatarët e tij, i ka dhuruar ish-profesorit një makinë në ngjyrë të kuqe.

Çmimi i parë Genta Ismajli
Çmimi i dytë “Aurora”
Çmimi i tretë Flori
Çmimi i “Kritikës” Tuna
Çmimi “Interpretimi më i mirë” Jonida Maliqi
Çmimi “Magjia e parë” Mirza Kërçelli
Çmimi “Çesk Zadeja” Juliana Pasha
Çmimi i internetit Genta Ismajli
Çmimi “Kënga Hit” “Aurora”
Çmimi i Publikut Shpat Kasapi
Çmimi “Paraqitja më e mirë skenike” Orinda Huta
Çmimi i producentit Tuna
Çmimi “Diskografi” Blero
Çmimi “Millenium” Soni
Çmimi “Melodi” Burim Hoxha
Çmimi Televiziv Bleona Qerreti
Çmimi “Kantautor” Flori
Çmimi “Best Dens” Julka

__________________
Try not to become a man of success but rather to become a man of value - Einstein Albert.

Ne radhe te pare flm per gjith kete informacion
ndersa ne radhe te dyte do te doja nese eshte e mundur ndonje informacion per grupin "2 UNLIMITED".
Faleminderit

Ka mundesi dikush te n informoje me hollesisht per ate qe lexova ne "Bota Sot"? Adelina Ismaili braktis karrieren shqiptare per nje internacionale...Dicka me hollesisht?

<