Lajme te ndryshme nga fusha e muzikes Shqiptare !

Eranda heq dore nga festivalet !

Nuk dihet pse Eranda Libohova nuk ka me besim tek festivalet. Ajo qe dihet ne fakt eshte se kete vit ajo do ti mungoje skenes se festivalit te fundvitit, sic i ka munguar edhe asaj te Kenges Magjike. Nje mungese e perkohshme nderkohe qe plani i saj me ambicioz nuk ka te beje me konkurimet por me pergatitjen e nje albumi me kenge krejt te reja.

Eda dhe Ermali in love

Të lakmuar, të sukseshëm, të larguar nga Top-i. Çkanë tjetër të përbashkët, Eda, ish velina e Fiks fare dhe Ermali, leader i grupit The dreams? Një mesazh i dërguar në studion e emisionit Select, i ka bërë fansat e këtij emisioni të jenë të sigurt: Eda dhe Ermali janë të dashuruar. Kurse mënyra sesi drejtuesja e emisionit të drekës ka thënë atë nuk e di të vagëllt, në vend që ta shuante, ka hedhur benzinë mbi zjarrin e dyshimit.

''Klan''

Rovena Dilo, kthim në PUB

Përpara se të konfirmojë pjesëmarrjen e saj në festivalin Kënga Magjike apo në atë të fundvitit, Rovena Dilo do të jetë gjithsesi shumë afër publikut. Në skenën e vogël të House of Arts, klubit të natës brenda Akademisë së Arteve, këngëtarja e muzikës së lehtë do të shoqërojë jetën e natës së klientëve të lokalit, së bashku me dy artistë të tjerë, Sidrit Bejlerin dhe Juliana Pashën.

''Klan''

Festivali i kenges ne TVSH

Partnerja e Krastës, pikëpyetja në derë të festivalit

Vetëm dy ditë para fillimit të festivalit të këngës në RTSH, ende nuk është vendosur se kush do të jetë prezantuesja në krah të Adi Krastës. Ledina Çelo vazhdon të jetë e pavendosur, ndërkohë që ekziston mundësia e daljes në skenë të ndonjë gazetareje të televizionit publik. Madje qarkullon dhe ideja e ardhjes së Nensi Brilit nga Italia.
Skena ka filluar të marrë formë. Globi i ideuar nga skenografi Bashkim Zahaj, nën hijen e të cilit do të interpretojnë këngëtarët, ka filluar të bëhet më i plotë dhe i kuptueshëm edhe për spektatorin më të thjeshtë, që rastësisht gjendet gjatë provave në Pallatin e Kongreseve. Teknikët kanë gjetur pikën më të mirë akustike për vendosjen e mikrofonëve dhe orkestrës, ndërkohë që këngëtarët kanë filluar të ndiejnë drithërimat e parakonkurrimit. Kjo më tepër për interpretuesit e rinj të cilët në ditën e parë të provave në skenën e madhe të Pallatit të Kongreseve, kishin zënë vend në sallë. Arbri, Rosela, Klajdi, Elvana…, protagonistët kryesorë të “Etheve..”, të mbështjellë me xhupa të trashë e me shallë deri tek hunda, duket se janë sërish “sëmurë” nga emocionet e një aktiviteti të madh. Edhe dy netë dhe starton festivali i madh i fundvitit në Radio Televizionin Publik Shqiptar. Por ndërsa të gjithë elementët kanë filluar të bashkohen për të krijuar të tërën, ende një pikpyetje e madhe qëndron mbi prezantimin e festivalit. Me idenë për të sjellë diçka ndryshe nga edicionet e tjera, organizatorët, duket se s’po arrijnë në një rezultat përfundimtar. Vetëm dy ditë para festivalit, Adi Krasta vazhdon të jetë pa partnere. Kandidaturat shkojnë e vijnë. Atëherë kur duket se gjithçka është zgjidhur, fillon problemi dhe historia rinis nga e para. Nëse për drejtorin e festivalit, Gëzim Podgorica, emri i prezantueses, tanimë është fiksuar përfundimisht, regjisori, Pali Kuke, nuk është i të njëjtit mendim. “Ende nuk është vendosur asgjë”, - thotë Kuke. Siç duket kapriçiot e Ledina Çelos nuk paskërkan të sosur. E ndodhur mes dy dëshirave, asaj për të konkurruar në festival, e pse jo edhe për të fituar nga magjia e prezantimit, Çelo është ende e pavendosur. “Gjithsesi regjisori Kuke po punon jashtëzakonisht shumë për ta bindur Ledinën, me qëllim që ajo të jetë e pranishme, netëve të festivalit si prezantuese”, - thotë Krasta, i cili duket se edhe vetë është, për të mos thënë i pakënaqur, konfuz në lidhje me pozicionin e tij si prezantues i edicionit të 42-të të Festivalit në RTSH.

Të ftuarit
Ah, këto financat
Duket se këtë vit, organizimi i ngjarjes më të madhe muzikore, nuk ka qenë edhe aq i lehtë, pavarësisht emrave dhe eksperiencës së atyre që qëndrojnë në ballë të aktivitetit. Edhe pse ky edicion do të mbetet në historikun e festivalit, pasi fituesi i tij do të përfaqësojë Shqipërinë në Festivalin Evropian, i cili do të zhvillohet në muajin maj në Turqi, kujdesi financiar ndaj tij, duket i pamjaftueshëm. Këtë e ka dëshmuar dhe pamundësia për të sjellë në skenën e festivalit të ftuarit e parashikuar. Ideja e organizatorëve ishte të sillnin në skenë këngëtaret e suksesshme italiane, motrat Paola dhe Kiara, megjithatë, duket se ardhja e tyre ka mbetur thjesht në kuadrin e fjalëve në erë. Drejtori i festivalit, Gëzim Podgorica shprehet, se tashmë ky është një kapitull i mbyllur. Këngëtaret, shumë të pëlqyera edhe në Shqipëri, nuk do të jenë të pranishme. Kjo për shkak të problemeve financiare. Duket se shuma e kërkuar nga vajzat ka qenë e papërballueshme për “xhepin” e “Fest 42”. Ndërkohë që ardhja e fitueses së Evropianit 2003, turkes Sertab Erener, mbetet ende në fuqi. “Tashmë është konfirmuar ardhja e saj”, - shprehet Podgorica. Krahas këngëtares Erener, i ftuar do të jetë dhe grupi tetovar “Elita 5”.

“Unë gjithashtu po bëj “naze” përsa i përket drejtimit të festivalit, megjithatë kam pranuar të jem prezantuesi i tij”, - rrëfen Krasta, i cili ende nuk e di se kë do të ketë në krah si partnere dhe sa do të mund të arrijë të komunikojë lirshëm me të.

Pamundësia për të sjellë në skenën e festivalit të ftuarit e parashikuar. Ideja e organizatorëve ishte të sillnin në skenë këngëtaret e suksesshme italiane, motrat Paola dhe Kiara, megjithatë, duket se ardhja e tyre ka mbetur thjesht në kuadrin e fjalëve në erë.

''Shekulli''

Kënga Magjike.

Bytyçi, Gjoka dhe Hadërgjonaj çmohen si më të mirët

Magjia e këtij viti u shpall Ema Bytyçi. Këngëtarja nga Prishtina ka fituar mbrëmë çmimin e parë në festivalin e pestë Kënga Magjike.

Me muzikë të Adrian Hilës, kënga "Ku je ti" ka arritur në votimin mes artistëve pikët më të larta, duke lënë në vend të dytë këngëtarin Aleksandër Gjoka me këngën "Kuturu" me muzikë të Pirro Çakos dhe tekst të Timo Fllokos. Ky çmim i dytë i fituar nga këngëtari Aleksandër Gjoka, që në këtë garë ka fituar edhe çmimin e kritikës, ka vlerën 300 mijë lekë. Ndërsa, në vendin e tretë, është reditur këngëtarja Albërie Hadërgjonaj, e cila prej vitesh nuk ngjitej në skenën e një festivali. Me muzikë të Adrian Hilës kënga "Ti nuk je" është luhatur dy tre herë, duke dalë në krye të vlerësimeve. Por në fund të leximit të votave, ajo është pozicionuar në vendin e tretë. Kësisioj ka marrë fund mbrëmë gara e ashpër mes 17 këngëtarëve, të nominuar për natën finale të edicionit të pestë të festivalit "Kënga magjike". 17 të emëruar e kanë vijuar garën e këngës magjike, në spektaklin prej më shumë se 3 orësh. Që të 17 të vlerësuarit me çmime nga juria e këtij festivali, një juri ndryshe nga të gjithë herët e tjera, e gjitha me zonja dhe zonjusha, kanë vijuar garën, duke synuar tre çmimet e mëdha të këtij festivali.

"Etno Engjejt" Floriana Muça Jonida Maliqi, Pirro Çako "The Dreams" Kujtim Prodani Eri, Evis Mula, Julka, Alketa Vejsiu dhe Florjan Mumajezi, Fitnete Tuda, "Produkt 28", Aleksandër Gjoka, Ema Bytyçi,Ledina Çelo, "West Side Family", ishin të 17 nominantët, që kanë interpretuar edhe njëherë këngët e tyre. Por vetëm Ema Bytyçi, Aleksandër Gjoka dhe Albërie Hadërgjonaj kanë prekur këto maja. Prezantimi i natës finale është zotëruar nga sharmi i aktores së njohur Brigit Nilsen, e cila ka përshëndetur këtë festival me një këngë hit të saj. Vetë Gjebrea, ka rrëfyer historinë e kësaj kënge hit, sesi Brigit Nilsen kishte vënë një paruke, kishte xhiruar videoklipin, dhe pa e njohur askush, ajo ka mbajtur majat e klasifikimeve për një kohë shumë të gjatë. I konceptuar si jubile, edicioni i pestë i "Këngës Magjike 2003", ka ngjitur në skenë shumë të ftuar të veçantë si këngëtarët Llambris Liverjatos, Natali Art, Kim Luka,etj. Një festival, ku për herë të parë, hasen vlera të rralla muzikore, këngë që kanë goditur spektatorin që në interpreitmin e parë, një festival, plot me ritme, me ngjyra dhe alternativë. Ky ishte edicioni i pestë i Këngës Magjike, ku 39 këngëtarë shqiptarë që vinin nga Shqipëria,Kosova, Maqedonia,Hollanda, Gjermania, etj., kanë interpretuar krijimet e tyre, e ku seleksionimi i natës finale ka qenë mjaft I vështirë.

KËNGA MAGJIKE

Çmimin e parë Ema Bytyçi me këngën "Ku je ti"
Çmimin e dytë Aleksandër Gjoka me këngën "Kuturu"
Çmimin e tretë e fiton Albërie Hadërgjonaj me këngën "Ti nuk je"

16 Çmimet e jurisë në festival

1 Çmimi "Alternativ" "Etno Engjejt"
2 Çmimi "Magjia e parë" Floriana Muça
3 Çmimi "Paraqitja skenike" Jonida Maliqi
4 Çmimi e "Kantautorit më të mirë" Pirro Çako
5 Çmimi "Koleksioni magjik" "The Dreams"
6 Çmimi "Çesk Zadeja" Kujtim Prodani
7 Çmimi "Millenium" Eri dhe grupi i balerinë hollandez
8 Çmimi i Televizionit 21 Evis Mula
9 Çmimi i Televizionit Klan Julka
10 Çmimi i Videoklipit Alketa Vejsiu dhe Florjan Mumajezi
11 Çmimi i producentëve Fitnete Tuda dhe Ledina Çelo
Çmimi i "Jon Muzic" Fitnete Tuda
Çmimi Linda Asociation Ledina Çelo
12 Çmimi Diskografik "Produkt 28"
13 Çmimi i Kritikës Aleksandër Gjoka
14 Çmimi i Tingullit Ema Bytyçi
15 Çmimi i Interpretimit Albërie Hadërgjonaj
16 Çmimi i Publikut "West side family"

Gazeta Panorama ''24 Nentor 2003''

Juljana Pasha: Dhurata? Albumi i parë!

Prej disa vitesh në evenimentet muzikore të skenave shqiptare, një zë i ri por tepër i pjekur dhe melodioz rrëmben para mikrofonit buqeta duartrokitjesh të ngrohta spektatorësh. Pak e ndrojtur dhe tepër e thjeshtë, Juljana Pasha duket se shumë shpejt do të jetë një nga zërat shqiptarë më të suksesshëm, e gatshme për të pushtuar jo vetëm skenat, por edhe mjaft zemra
adhuruesish, të cilët do të dinë t'i japin një vend të merituar në rradhët e artistëve më në zë. Edhe pse e re në karrierën e saj si këngëtare, ylli i suksesit ka filluar të ndriçojë për studenten e Akademisë së Arteve.
Përvec skenave të festivaleve të fundvitit, ky vit bashkë me punën dhe lodhjen e madhe i ka sjellë edhe pjesëmarrjen dinjitoze në dy aktivitetet më të mëdha muzikore të organizuara së fundmi, siç ishte Maratona e Këngës Popullore organizuar nga TV Klan dhe Mikrofoni i Artë, ku Juljana diti të tregojë
vlerat e saj si këngëtare me të ardhme të shkëlqyer. E megjithatë këto nuk do të jenë të fundit për Juljana Pashën, që sapo ka filluar të ndjiejë se pëlqehet dhe duartrokitet. Krishtlindjet janë në prag dhe ajo pret që bashkë me gëzimin e festës, i cili do të kushtëzohet paksa nga puna, do të sjellë edhe shumë surpriza të këndshme poshtë pemës së Krishtlindjeve. "Prej vitesh e kaloj në punë atmosferën e kësaj feste që mua më pëlqen shumë. Pres që kjo Krishtlindje të më sjellë dhurata vërtet speciale." Një prej tyre ajo e zbulon që tani. Dhuratën më të bukur Juljana dëshiron t'a ndajë me spektatorin dhe publikun që i ka falur duartrokitjet. "Dhurata poshtë pemës? Albumi im i parë".

Imazhe te Ngjitura

krishtlindjet_1.jpg (27.5 KB, 260 vezhgime)

Saimir Braho: Më shumë dashuri për njerëzit!

Ka qenë hera e parë në skenën e festivalit që i ka dhuruar suksesin e menjëhershëm. Që atëherë kanë kaluar shumë vite dhe djali adoleshent që përkëdhelte telat e kitarës, tashmë është një artist i kompletuar. Saimir Braho një nga të preferuarit e publikut shqiptar, pasi ka përshkruar rrugë të gjata melodish dhe vargjesh, vazhdon t'i falë publikut kënaqësinë e këngëve të qeta romantike. Ka lënë pas majft suksese dhe vazhdon të shijojë të tjera. Ka qenë Maratona e Këngës Popullore që së fundmi i ka dhuruar dy çmime, çmimin e tretë dhe atë të Klanit, të cilët Saimiri i vlerëson jo pak.

Por jo vetëm fusha e artit i ka falur kënaqësinë dhe shijen e suksesit. Vetëm pak muaj më parë, në qershor Saimir Braho ka kurorëzuar dashurinë e tij me martesë, një dhuratë e madhe që i ka falur jo pak lumturi. Por kjo nuk e ka larguar aspak nga rruga e këngës. Festivali i fundvitit do të shënojë një tjetër ngjarje në karrierën e tij si këngëtar, por tashmë pa
bashkëpunimin e grupit Ritfolk. Projekti më i fundit që mbyll vitin nuk do të jetë i përqëndruar me pjesëmarrjen në festival. Kurse ditët e fundit, e gjejnë Saimirin në skenën teatrore në një tjetër dashuri artistike.

Bashkëpunimi me regjisorin Mikel Kalemi, do të sjellë në skenë një pjesë të një autori gjerman. E ndërsa vazhdon të ecë i sigurt në rrugën e suksesit, Krishtlindja është në prag, por kjo është diçka të re për Saimir Brahon. "Krishtlindja për mua nuk është e rëndësishmë si datë, por thjesht ajo që përfaqëson ajo në të vërtetë, më bën që të jetoj dhe të festoj çdo ditë
Krishtlindje". Një dhuratë dashurie Saimiri e lë poshte pemës të Krishtlindjes të të gjithë shqiptarëve. "Krishtlindja është një rast që shqiptarët t'a duan më shumë veten e tyre,të lënë pas veprimet që iu shkaktojnë dhimbje, dhe të shohin më shumë dashuri tek tjetri".

Imazhe te Ngjitura

krishtlindjet_5.jpg (28.0 KB, 253 vezhgime)

Arbër Arapi: Kënga e parë në Festivalin e Këngës në RTSH.

Ndërsa pret që Krishtlindja e këtij viti t'i dhurojë surpriza, Arbër Arapi mban akoma në duar dy dhurata të mëdha që i kanë falur suksesin dhe i kanë realizuar ëndrrat. "Ethet e së premtes mbrëma", ishte spektakli që midis shumë të tjerëve, e prezantoi Arbrin si një artist të vërtetë që me zërin e tij fitoi simpatinë e publikut që e votoi për disa net me rradhë. E ndërsa suksesi i këtj spektakli ishte sa i papritur dhe befasues për të, ëndrra e tij e përhershme vazhdonte të rrinte e fshehur në dëshirat e tij. Por nuk vonoi shumë që edhe kjo ëndërr të bëhej realitet.

Arbër Arapi tashmë është student i vitit të parë të Fakultetit të Mjekësisë, duke realizuar kështu një nga qëllimet më të madha të jetës së tij që prej shumë vitesh. "Profesioni dhe muzika për mua ecin të dyja në një rrugë. Megjithatë në të dyja këto pasione, Mjekësia është më e privilegjuar për mua. Ajo është rruga ku do të hedh hapa më të sigurt." Edhe pse talenti dhe dëshira për muzikën janë tepër të dukshëm, për Arbrin është fati ai që dëfton rrugën e një artisti."Sot po dalin këngëtarë dita ditës, dhe sado i aftë të jesh po nuk pate fatin përkrah, mund të humbësh si shumë të tjerë".Me shpresën se fati do të jetë për këtë vit përkrah tij, Krishtlindja e gjen tepër të impenjuar në fushën e artit. Skena e festivalit do të sjellë një surprizë për të gjithë adhuruesit e tij. Tani ai prezantohet para pulikut jo më si një këngëtar amator, por si një artist i vërtetë. Ndryshe nga natyra e tij, bashkëpunimi me Edmond Rrapin dhe Jorgo Papingjin, ka krijuar një këngë ritmike, nga e cila Arbri shpreson sukses dhe duartrokitje. Krishtlindja?
Është një nga ditët që ai e përjeton vëtëm pranë familjës së tij, poshtë pemës së zbukuruar nga ai vetë. Poshtë degëve të saj ndoshta do të ketë shumë dhurata për Arbrin. Dhe një prej tyre ndoshta do të jetë albumi i tij. i parë, në të cilin ai do t'i dhurojë publikut kënaqësi. Magjitë e tjera shpreson t'i gjejë poshtë pemës.

Imazhe te Ngjitura

krishtlindjet_2.jpg (20.2 KB, 246 vezhgime)

Jonida Maliqi

Deshira per te qene e cuditshme ne syte e te tjereve qe e mbarti nga femijeria. Te cilen e shfrytezoi me pas per te mbetur interesante ne skene, edhe pse nuk arriti kurre te fitoje nje cmim te madh. Gjithe sekretet dhe trillet artistike, qe Jonida Maliqi do ti shijoje edhe ne albumin e saj te pare. Te cilin se shpejti do e hedhe ne treg

Ne paskuintat e Pallatit te Kongreseve, ndersa ne skene Ardit Gjebrea ndante cmimet e Kenges magjike, nje vajze elegante, me floket e kapur bukur [ku nje tufe flokesh te lyera ne gri dominonin mbi te zezen e gjithe kokes], e veshur e tera me te kuqe, e grimuar me ngjyra te ndezura, ...ankthin e zbraste ne te qeshuren e saj lozonjare. Vetem prej asaj te qeshure te tjeret e kuptonin se ajo ishte Jonida Maliqi. Qe edhe kete here [e dobesuar me shume se kurre ndonjehere], kishte ngjizur mbi vete fantazite e cmendura, te cilat e tjetersojne te teren, aq sa zor se mund te njihet. E kjo ndodh edhe nga nata ne nate, brenda nje festivali.

U shfaq me floket e fryra, te bera kacurrela [tip vajze nga xhungla] ne naten e pare te Kenges Magjike. Te nesermen, nuk ishte me ajo, por nje zonjushe sallonesh, elegante dhe shume simpatike. Qe terhoqi jo vetem vemendjen, por dhe cmimin Look-u me i bukur te festivalit. Publiku e kishte ndjere se keshtu do ndodhte, aq sa shumekush ne salle do e thoshte para Gjebrese emrin e kengetarit qe do te merrte ate cmim.

Ndoshta dhe Jonida vete, e kishte parashikuar se keshtu do te ndodhte. Aty pas kiuntave, perballe paqyres ne dhomen e grimit, ndersa konkurentet e ndiqnin me bisht te syrit, nuk kishte pse te dyshonte me. Kishte goditur edhe kete here, ende pa dale ne skene. Ndoshta edhe pse, kilet e saj te teperta, per te cilat me shume se ajo vete shqetesoheshin te tjeret, i kishte eleminuar pernjeheresh si me magji. Jo me dieta te rregullta por me reduktimin e ushqimit te zakonshem. Rezultati: nje forme perfekte mbi skene.

''Revista Klan''

Imazhe te Ngjitura

336_kopertina.jpg (37.6 KB, 251 vezhgime)

Anjeza Shahini, "imazhi" i Shqiperise ne Festivalin Europian

Mesnata i ka sjelle serish fat Anjeza Shahinit, e cila ka dhene jete nje deklarimi te ndryshur dashurie. Me "Dua te jem imazhi yt" ajo ka fituar cmimin e pare te Festivalit te 42-te te kenges ne RTSH, duke siguruar keshtu dhe pjesmarrjen ne maj te 2004-es ne Festivalin Europian. Mariza Ikonomi mbetet serish "Ne uren" e vendit te dyte, ndersa Hirushja Gjylbegu renditet e treta

Anduela NIKA

Deklarata e dashurise se Agim Docit e plurosur ne sirtarin martesor te poetit eshte ngjizur me kordat e Anjeza Shahinit, duke krijuar "imazhin" e Shqiperise ne Festivalin Europian te kenges. "Doja te rimerrja duartrokitjet, qe me munguan gjate gjithe kesaj kohe", deklaronte Shahini, pak para shfaqjes ne naten finale te Festivalit te Kenges ne RTSH. Dhe ne fakt si rralle here duartrokitjet e publikut u njehsuan me ato te vleresimit te jurise, e cila i dha cmimin e pare te Festivalit me Kengen "Dua te jem imazhi yt", me tekst te Agim Docit dhe kompozim te Edmond Zhulalit. Talenti i fabrikuar nga industria e madhe e "Etheve te premtes mbrema & Krasta Show" ka triumfuar serish me te njejtin shkelqim dhe force interpretimi, duke lene pas edhe nje here koleget e saj te aventures muzikore. Mariza Ikonomi ka mbetur serish "Mbi ure" duke mos terhequr cmimin e saj te dyte. Ndersa "Hirushja" shkodrane Rosela Gjylbegu eshte vleresuar me cmimin e trete te edicionit te 42-te te Kenges ne RTSH. Nen batutat e Adi Krastes, humorin e vecante te Salsano Arapit dhe sharmin me shume skenik sesa orator te Ledina Celos, u prezantuan 18 kenget finaliste ne nje interpretim live, te shoqeruar nga orkestra e Radio Televizionit Shqiptar. Pervec tre cmimeve kryesore u dhane dhe cmime te tjere plotesuese. Me cmimin e mirenjohjes u nderua Tish Daia, cmimi i RTSH iu dha kompozitorit dhe dirgjentit te madh Ferdinand Deda. Tingujt pop te Rudit nuk mund te krijonin binjakezim me te mire sesa me zerin melodioz te Ingrid Jushit, me kengen "Me ty", te cilet u vleresuan me cmimin e "Interpretimit me te mire". Per Bashkim Rodonin ka qene nje surprize cmimi i "Debutantit me te mire" ne skenen e Festivalit te Kenges. Notat e spektaklit duket se kane ngjyer ne roze atmosferen e gares, me interpretimin e trupes se baletit nga Akademia e Dancit me te famshmen "Roxete" apo dueti Elton Deda-Ledina Celo me nje kenge te Rod Stjuart. Nje Festival i polemizuar ne te dyja kahjet, por qe si rrale here unifikoi vendimin e publikut me ate te jurise me "Dua te jem imazhi yt" e Anjeza Shahinit.

''Korrieri''

Imazhe te Ngjitura

21dhjetor2003_1.jpg (12.5 KB, 230 vezhgime)

Kaçinari, i tmerrshmi i “Etheve…” : T’i jepet fund jurisë amatore

Arti duhet menduar si një profesion dhe nëse këtu ka një kaos në tregun muzikor, kjo ndodh pikërisht sepse nuk ka një kritikë, roli i të cilës është shumë i rëndësishëm në orientimin e publikut dhe të tregut në radhë të parë. Dhe se këtu vazhdohet akoma me ato teori që janë të mbartura këtu e 50 vjet, ku të gjithë janë të barabartë dhe të gjithë dinë njëlloj për të gjitha fushat. Ndaj është krejt normale që çmimet t’i japë një juri prej profesionistësh.

Ai, “nazisti” i muzikës, që nuk falte stonimin më të vogël, në ato mbrëmjet maratonë të spektaklit “Ethet e së premtes”, kompozitori Alfred Kaçinari ka vite që kalon nëpër duar muzikën më të re shqiptare. Dhe në edicionin e 42-të të Festivalit të Këngës së Lehtë në RTSH duket sikur ka pasur më shumë impenjim, punë dhe sigurisht lodhje. Pasi ka pritur krijimet më të reja të këtij viti në muzikën e lehtë shqiptare, pasi i ka shqyrtuar ato në krye të një komisioni dhe bërë përzgjedhjen, tregon fenomenet muzikore në festival. Kaçinari me mjaft siguri e cilëson këtë festival “me nur”, për faktin se për herë të parë po ndodh një konkurim i çuditshëm, jo vetëm brezash, por edhe zërash të evidentuar në muzikë. Nuk është më ai diferencim në mes konkuruesve të rinj dhe ata “BIG”, emrat që bënë famë nga spektakli “Ethet e së premtes” do të kenë konkurencë të fortë me ata që e njohin me vite skenën e këtij festivali.

Imazhe te Ngjitura

festivali-3.jpg (7.6 KB, 187 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.