Këngëtarja e njohur Greta Koçi flet për surprizat që ka rezervuar për publikun shqiptar. Ajo tregon për famën e menjëhershme dhe për fillimet e karrierës së saj. Këngëtarja 15 vjeçare së shpejti do të jetë pjesëmarrëse në një nga evenimentet më të rëndësishme të muzikës si është “Mikrofoni i artë”, festival ku Greta Koçi pretendon një çmim. Lidhur me performancën me të cilën do të prezantohet Greta Koçi ajo shprehet se, “Kjo këngë është kompozuar nga Genti Lako, me tekst të Gjergj Jorgaqit.

Performanca ime në festivalin “Mikrofoni i atrë” do të jetë me gjashtë balerinë të cilët do të më shoqërojnë në koreografi.Kam bërë shumë prova për të qenë e saktë në këtë performancë. Koreografinë e ka bërë Gjergji, i cili ka realizuar edhe koreografinë e këngës “Kam mall”. Për sa i përket veshjes po bashkëpunoj me Joni Peçin. Mendoj se do të realizohet diçka e bukur”.

-Greta Koçi megjithëse ka disa vite që këndon nuk ka mbushur ende 15 vjeç…
Po, është e vërtetë. Në datën 26 shtator unë kam 15 vjetorin.
-Kënga “Kush ka faj” është kënga që ju ka bërë të njohur. Mund të quhet ky fillimi i karrierës suaj?
Bashkëpunimi im me Erion Korinin në këngën “Kush ka faj” ishte “boom-i” për karrierën time. Nuk e kisha menduar asnjëherë se do të niste kështu karriera ime, thjesht me një duet dhe unë të bëhesha e njohur në gjithë Shqipërinë edhe jashtë saj. Jam shumë e lumtur për këtë. Më pas unë u prezantova me këngën time “Kam mall”, pjesëmarrëse në festivalin “Kënga Magjike”. Edhe në këtë festival pata një sukses të madh.

-Filluat me një duet me një këngëtarë me emër si Erion Korini. Menduat se do të kishit më shumë sukses me një duet se solo?
Në fillim kam refuzuar që të merrja emër nga dikush tjetër, por Erion Korini këmbënguli që unë të dëgjoja këngën dhe të vendosja më pas. Pasi e dëgjova këngën më pëlqeu, por nuk mendoja se do të ishte një hit.
-Çdo këngëtarë e nis karrierën duke u aktivizuar që fëmijë në festivale. Keni ju një përvojë të tillë?
Unë kam drejtuar emisionet e fëmijëve në TV-1 në Shkodër, në televizionin e babait tim. Atje kam realizuar një këngë së bashku me videoklipin, ishte një sigël për hapjen e këtij emisioni. Kjo ka ndodhur në moshën gjashtë vjeçare. Më pas jam angazhuar me Festivalin e Fëmijëve me dirigjentin Kujtim Ali dhe me Roland Gurin. Më pas shkova në Sofie dhe nuk munda të marr pjesë në festival.

-“Kënga Magjike” ka qenë i pari kompeticion për ju?
Po, ishte e para pjesëmarrje e imja në një konkurim. Jam e kënaqur për faktin se kënga u bë një hit, por nuk jam e kënaqur me këtë festival sepse kënga nuk u vlerësua ashtu si duhej në këtë festival. Kënga nuk u fut as në finale dhe më erdhi keq për këtë sepse kënga “Kam mall” ishte vërtetë e denjë për një çmim. Por gjithsesi çmimi më i madh për mua është vlerësimi i publikut.
-Greta Koçi ka provuar të këndoj edhe këngë popullore dhe ka arritur sukses. Do të vazhdoni të këndoni përsëri këngë popullore në të ardhmen?
Muzika popullore mua më pëlqen shumë megjithëse kam një profil të caktuar në muzikën moderne si këngëtare. Do të vazhdoj të këndoj muzikën popullore sepse ajo vazhdon të pëlqehet. Në diskoteka ku jam e ftuar kur këndoj këngë popullore publiku ngrihet peshë. Nuk është kjo arsyeja e vetme, unë do të vazhdoj të këndojë këngë popullore sepse më pëlqen. Së shpejti do të realizoj një duet e cila do të jetë muzikë komerciale, por që do të ketë nota popullore.

-Greta Koçi nuk ka sjellë ende një album për gjithë fansat e saj. Keni planifikuar që të sillni një album tuajin së shpejti?
Patjetër që do të sjellë një album. Albumi është shumë i rëndësishëm për një këngëtarë, aq më tepër që tashmë shumë njerëz më pyesin pse nuk kam nxjerrë një album. Mendoj se shumë shpejti do të vij edhe albumi im në treg.
-Në album do të jenë të gjitha krijime të reja apo edhe këngë të cilat janë tashmë të publikuara?
Natyrisht që do të ketë krijime të reja por unë kam dëshirë që në këtë album të bëjnë pjesë të gjitha këngët e mia.
-Në Shqipëri tashmë është një fluks i vërtetë këngëtarësh të rinj. Sa e ndien konkurrencën Greta Koçi?
Natyrisht që ka konkurencë. Ka këngëtarë shumë të mirë dhe të gjith i kam kolegë shumë të mirë por secili ka emrin e vet dhe zotësitë e veta. Unë mendoj se gjithkush merr atë që i takon.

-Kënga juaj “Kam mall” ka patur mjaft sukses. Kush janë bashkëpunëtorët tuaj për këtë këngë? Muzika e këngës “Kam mall” dhe njëkohësisht orkestrimi është bërë nga Flori Mumajesi ndërsa teksti është bërë nga Turjan Huskaj.
-Greta Koçin edhe pak ditë e ndajnë nga pjesëmarrja në fesrivalin “Mikrofoni i artë”. Kush janë bashkëpunëtorët tuaj për këtë këngë?
Kjo këngë është kompozuar nga Genti Lako, me tekst të Gjergj Jorgaqit. Performanca ime në festivalin “Mikrofoni i atrë” do të jetë me gjashtë balerinë të cilët do të më shoqërojnë në koreografi. Kam bërë shumë prova për të qenë e saktë në këtë performancë. Koreografinë e ka bërë Gjergji, i cili ka realizuar edhe koreografinë e këngës “Kam mall”. Për sa i përket veshjes po bashkëpunoj me Joni Peçin. Mendoj se do të realizohet diçka e bukur.

-Çfarë mesazhi sjell kënga juaj konkuruese?
Në fakt kur u bë muzika Genti Lako kishte mendimin se nuk duhej të bënim një tekst të zakonshëm për dashurinë sepse janë shumë të konsumuara si tema. Menduam që të bënim diçka për rininë. Atëherë vendosëm që të bënim një dashuri shkolle, ngacmime të vogla brenda klasës.
-Synon Greta Koçi për një çmim në festivalin “Mikrofoni i artë”?
Normalisht që kushdo që merr pjesë në një festival siç është “Mikrofoni i artë” synon për një çmim. Kam shumë besim tek publiku dhe e di që do të më mbështesin shumë.

-Angazhimi juaj në koncerte është i madh. Sa ju pengon kjo për shkollën?
Unë studioj në shkollën “Eurolingua”, jam viti i dytë për gjuhë të huaja, anglisht edhe frengjisht. Absolutisht që shkollën nuk e le pas dore megjithëse jam shumë e angazhuar në koncerte. E gjitha kjo ka vështirësi por absolutisht që shkollën nuk e le pas dore.
-Ju studioni në një shkollë private. Pse keni zgjedhur pikërisht një shkollë të tillë?
Ka shumë arsye që më kanë bërë të zgjedh një shkollë private. Si fillim numri i nxënëse në klasë, natyrisht që është më i vogël. Pastaj edhe mësimi bëhet më i qartë.

-Greta Koçi ka kënduar edhe këngë në gjuhë të huaj. E ndieni veten mirë në interpretimin e kengës në gjuhë të huaj?
Kam kënduar anglisht dhe e ndiej vetem mjaft mirë sepse më pëlqen kjo gjuhë.
-Shumë këngëtar këndojnë “live” dhe në “playback”. Mendoni se të këndosh “live” nxjerr në pah vlerat e një këngëtari të vërtetë?
Unë këndoj “live” në çdo koncert që jam e ftuar, përjashto këtu koncertet në shesh sepse është e pamundur që të këndosh “live” teknikisht në një ambient të tillë. Në çdo diskotekë ku unë jam e ftuar këndoj “live” sepse është e vetmja mënyrë për të transmetuar emocion tek publiku. Mendoj se këngëtarë i vërtetë është ai që është i zoti të këndojë “live”.

-Ju jeni angazhuar shumë në koncerte në diskoteka. E bëni sepse ju pëlqen?
Po, gjatë verës kam qenë në Ulqin ku kam kënduar së bashku me Sinan Vllasaliun. Kam kënduar për një muaj atje dhe ia kam kaluar shumë mirë. Kam kënduar çdo mbrëmje “live” sipas një kontrate që kam nënshkruar. Më pas jam kthyer këtu, por nuk kam kënduar në diskoteka sepse kam patur një kontratë në Ulqin.
-Ju shoqëroheni gjithmonë nga prindërit kudo që shkoni. Ndiheni mirë kur i keni praën ngado? Normalisht që ndihem shumë mirë. Mami dhe babi janë mbështetja më e madhe që unë kam. Nuk ndahem asnjëherë nga prindërit e mi, jemi kudo bashkë.
-Përveç vlerësimeve merr edhe kritika nga prindërit?
Natyrisht që po. Më japin kritika sepse pa kritika nuk bën përpara. Babi më thotë gjithmonë se duhet të jem një këngëtare e kompletuar ndërsa mami më këshillon se duhet të jem e kujdesshme dhe të jem një shembull jo vetëm në Shqipëri por edhe jashtë, jo vetëm si këngëtare por edhe si karakter.

__________________
The heaven's sound is composed inside your heart, listen to its beat to syncronize your life onto the angel's steps.