Këngëtari i njohur Redon Makashi tregon për karrierën e tij artistike. Së shpejti këngëtari “romantik” do të sjelli në tregun muzikor një album të ri. Redon Makashi do të paraqesë në këtë album natyrën e tij të vërtetë. Këngët e reja në këtë album do të mbeten në stilin e zakonshëm të “romantikut” i cili këtë herë “nuk luan më me ndjenjat e vajzave” por është më i qetë me vajzat dhe me jetën. Këngëtari i muzikës së lehtë pohon se dekoltetë dhe minifundet kanë pushtuar tregun muzikor.

Lidhur me këtë problem i cili është shndërruar në “gangrenën” e muzikës së vërtetë shqiptare, Redon Makashi shprehet se, “Sot në Shqipëri kush nuk është bërë këngëtar dhe këngëtare falë dekolteve dhe minifundeve. Unë nuk kam asgjë personale ndaj tyre, por mediat po mbushin ekranet me këta pseudokëngëtarë dhe më këngë të vjedhura nga Ballkani”. , Redon Makashi shprehet se, “Sot në Shqipëri kush nuk është bërë këngëtar dhe këngëtare falë dekolteve dhe minifundeve. Unë nuk kam asgjë personale ndaj tyre, por mediat po mbushin ekranet me këta pseudokëngëtarë dhe më këngë të vjedhura nga Ballkani”.

-Cilat janë aktivitetet me të cilat është angazhuar Redon Makashi aktualisht?
Aktualisht jam në punë e sipër dhe po merrem me albumin tim të ri që shumë shpejt pritet të dalë në tregun muzikor. Ky album do të ketë një numër këngësh të reja të cilat i përshtaten natyrës së Redonit dhe janë këngë që mbeten në stilin tim. Po punoj pak ngadalë për të realizuar një album cilësor, kjo sepse sot në Shqipëri kush nuk është bërë këngëtar dhe këngëtare falë dekolteve dhe minifundeve. Unë nuk kam asgjë personale ndaj tyre, por mediat po mbushin ekranet me këta pseudokëngëtarë dhe më këngë të vjedhura nga Ballkani.

-Sa e ndjen konkurrencën Redoni në tregun muzikor?
Absolutisht jo! Këngët e mia vazhdojnë të kërkohen edhe sot, akoma është në shitje albumi im i parë “Dikur”, i publikuar në 1996. Nuk mund të konkurrojnë këngë të vjedhura nga Ballkani dhe të përkthyera në shqip me profesionalizmin. Në këtë kontekst këngëtarët profesionistë nuk kanë frikë nga një konkurrencë e tillë e cila nuk ka lidhje me artin por është thjesht një komercializëm i tepruar. Kënga është këngë dhe është një art më vetë i cili duhet respektuar dhe nuk duhet tepruar me vjedhje që prezantohen si këngë dhe si muzikë.

-Keni kohë që i jeni larguar pak skenës. Pse ka ndodhur kjo?
Nuk është e vërtetë, por jam angazhuar me koncerte serioze brenda dhe jashtë vendit. Pastaj duke pasur parasysh edhe mënyrën e të krijuarit muzikë në Shqipëri të bën të stepesh disi.
-Mendoni se keni humbur në një farë mase fansat tuaj?
Kam po ata fansa që më kanë ndjekur në fillimet e mia, ata më qëndrojnë besnikë, ata që pëlqejnë muzikën time. Fansat e mi kanë qenë një kategori e caktuar dhe janë të qëndrueshëm duke pasur parasysh origjinalitetin e Redonit në të krijuarit muzikë dhe këngët që kanë ruajtur pak a shumë të njëjtin stil.

-Mendoni se në Shqipëri ka treg vlerash. Flas gjithmonë për muzikën?
Nuk ekziston tregu i vlerave, duke ditur që shtëpitë diskografike merren më shumë me pseudokëngëtarët, ky është problemi kryesor i të gjithë profesionistëve. Natyrisht problemi tjetër lidhet me të drejtën e autorit, ku këtu tek ne pothuajse nuk ekziston.
-Redon Makashi i këndon dashurisë. Si janë raportet tuaja me dashurinë?
Për sa më përket mua mundohem të kem raport special me dashurinë, përveç rasteve kur ndërhyn xhelozia, këtu nuk toleroj.
-Jeni shumë i përfolur jo vetëm si një kantautor profesionist dhe me vlera por edhe në marrëdhëniet tuaja me femrat. Ku qëndron problemi? Tek unë nuk qëndron as edhe një lloj problemi, mbase tek vajzat po. Jam kavalier me seksin femër dhe i përkushtohem lidhjeve të mia, por siç thashë më lart xhelozinë nuk e pranoj.

-Redon Makashi ka një karrierë të gjatë artistike. Keni ndonjë peng gjatë karrierës suaj artistike duke pasur këtu parasysh dhe festivalet në të cilët keni marrë pjesë?
Festivalet më kanë dalë qejfit, sidomos i fundit ku kënga “Ndjej” me të cilën u paraqita nuk u vlerësua nga juria. Kam vendosur të mos marr pjesë më në evenimente të tilla. Ndërkohë ka shumë festivale private ku mund të thuhet se përzgjedhja është më cilësore, por gjithsesi privati mbetet privat. Nuk mund të këtë subjektivizëm apo vlerësime të drejta në një kohë që dikush paguan për të realizuar një festival dhe duhet të fitojë ai që duhet jo ai që e meriton. Në këtë mënyrë nuk mund të ketë një festival të drejtë pa u vlerësuar ai që meriton dhe që paraqet materialin më të mirë për dëgjuesin dhe për publikun. Në fund të fundit është kritika ajo që duhet të vlerësojë dhe jo ai që paguan për të realizuar festivalin.

-Sa e sfidon muzika komerciale Redon Makashin dhe a e ndieni konkurrencën e kësaj muzike? Nuk mund të them se e ndiej sepse nuk ka një nivel muzike të caktuar në atë që quhet komerciale. Muzika është duke u parë thjesht si mjet për të bërë ca para dhe kaq, kjo sjell edhe nivelin e shitjeve. Kam parasysh këtu se muzika popullore ka atë nivel që ka, dhe ai nivel nuk ka ndikim tek muzika e lehtë. Ajo që ndryshon është mënyra e thithjes në treg. Një nga këta shembuj është se muzika popullore shitet dhe pëlqehet më shpejt në treg. Në këtë pikë të gjithë janë nisur drejt saj, marrin një dorë para dhe me kaq mbyllet historia. Për mua muzika është e lidhur me një nivel profesionalizmi që të bënë të rezistosh edhe në tregun e ashpër muzikor.

-Sa ju admirojnë prindërit tuaj artistë, duke pasur parasysh nënën tuaj, këngëtaren Drita Makashi dhe babain tuaj, aktorin Fitim Makashi?
Ata kanë qenë një shtysë e madhe për mua për të hyrë në rrugën e artit, madje duke qenë se unë studioja për klarinetë, pedagogët e mi kërkonin që unë të mos merresha me muzikë të lehtë por të qëndroja tek ajo klasike. Mua prindërit më kanë ndihmuar për të vazhduar në rrugën e artit dhe konkretisht të muzikës së lehtë ku unë kam krijuar një personalitet artistik.

-E kanë prezantuar ndonjëherë Redon Makashin si djali i dy artistëve?
Në fillimet e mia ka ndodhur shpesh, por tani jo. Pastaj nuk është normale që të kesh fansa për shkak të prindërve. Unë dua që fansat të më duan si Redoni dhe jo si djali i Dritës apo Fitimit.
-Biznesi tuaj, “PUB Moskëtierët”, i cili tani nuk është më ka dështuar. Cila është arsyeja e këtij dështimi?
Unë nuk do të thosha që ka dështuar. Lokali vërtet nuk është më, por ai është bërë pikë referimi ku njerëzit shpesh lënë takime mes tyre. Lokali ishte si një strehëz e artistëve dhe të tre ne që e kishim ishim gjithmonë aty.

-Cilat janë marrëdhëniet tuaja me Aleksandër Gjokën dhe Elton Dedën i cili është larguar për në Amerikë dhe a komunikoni me ta?
Me Sandrin komunikoj shumë shpesh dhe e kam një mik shumë të mirë. Përveç bashkëpunimeve jemi edhe miq në jetë dhe flasim apo dalim shpesh. Ndërsa me Tonin nuk shihem fare, kjo sepse ai është shumë larg, edhe për t’u dëgjuar nuk dëgjohem shumë sepse ai tani është bërë baba dhe i ka hyrë jetës familjare, e cila nuk i le shumë kohë për të menduar për shokët. Ndoshta pas disa vitesh do të kemi një komunikim më të mirë dhe më të shpeshtë, por tani ai e ka mendjen tek fëmija i tij.

-Një nga këngët tuaja më të njohura është ajo me titull, “Dikur unë luaja me ndjenjën e saj”. Vazhdon ende Redoni të luajë me ndjenjat e vajzave?
Nuk besoj. Tashmë kanë kaluar shumë kohë dhe mosha bënë të vetën. Tani jam më i rritur dhe nuk jam më adoleshent për të bërë një lojë me vajzat. Nuk jam më si dikur kur bënim budallallëqe sa të duash. Kam qenë aventurier me vajzat, por tani kam ndryshuar, jam shumë ndryshe dhe shumë më i qetë me vajzat dhe me jetën.

__________________
The heaven's sound is composed inside your heart, listen to its beat to syncronize your life onto the angel's steps.