Urime ditëlindjen, Nexhmije Pagarusha!

Bilbili i Kosovës dhe zëri më i veçantë i muzikës kosovare, Nexhmije Pagarusha sot mbush 73 vjet.

E lindur me 7 maj të vitit 1933 në fshatin Pagarushë të Malishevës, në një moshë mjaft të njomë (4 vjeçare) mbetet pa nënë dhe në vitin 1960, kur Nexhmija ishte 28 vjeçare, i vdes dhe babai. Shkollën fillore e mbaron në qytetin e Prizrenit, ku shpërngulet se bashku me familjen në vitin 1940. Në vitin 1947 largohet nga Prizreni në Prishtinë, kuvijon edhe mësimet në Gjimnazin e Prishtinës. Në këtë kohë hapet Teatri Krahinor në Prishtinë, ku Nexhmija se bashku me Katarina Josipin dhe Meribane Shalën, do të jenë vajzat e para të pranuara në këtë teatër.
Më pas fillon të këndojë në Radio Prishtinë, së bashku me Melihate Asanin dhe Mizerete Çavollin. Me iniciativë te dashamirësve të saj, regjistrohet në shkollën e mesme të muzikës në Beograd, ku i vazhdon mësimet deri në vitin e tretë. Asnjëherë nuk do t'i përfundojë mësimet në këtë shkollë, pasi që në këtë qytet ajo do ta gjejë veten të humbur.
Kthehet në Prishtinë ku gjatë punës në Radio Prishtinë, Nexhmija takon edhe njeriun, i cili më vonë do të bëhet edhe bashkëshorti i saj. Është ky kompozitori i mirënjohur Rexho Mulliqi, ai i cili do të arrijë të marrë zemrën e këngëtares së famshme.
Do të jetë pikërishtbashkëshorti i saj, Rexho Mulliqi, ai i cili do të afirmojë, jo vetëm vlerat e larta artistike dhe shpirtërore të
bashkëshortes së tij, por edhe vetë këngën origjinale burimore shqipe.
Ajo edhe sot e kësaj ditë nuk ka të realizuar një album të veçantë ku do të ishin përmbledhur të gjitha këngët e saj, gjë që duhet t'i turpërojë udhëheqësit tanë të kulturës.
Nuk dihet sa këngë ka incizuar, ngase nuk ka mbajtur shënime.
Por përafërsisht Nexhmije Pagarusha ka një repertor prej 150 këngëve te interpretuara.
Përpos muzikës, Nexhmije Pagarusha shquhet edhe si aktore e njohur.
Qe nga viti 1967 ka luajtur në disa filma e shfaqje, si: "Dasma e përgjakur", 1967, "Tre vetë kapërcejnë malin", 1981, "E kafshoja terrin", 1977, "Lepuri me pesë këmbë", "Fluturimi i Micakut", "Daullet e të çmendurve",
"I ikuri", 1980, "Vrasësit bëjnë dasmë natën",1997 etj.

Imazhe te Ngjitura

nexhmija.JPG (42.3 KB, 0 vezhgime)

__________________
Nevoja për te folur, hutimi dhe frika qe nuk ke asgjë për te thënë, dhe lakmia qe të tregohesh hokatar, janë tre gjërat qe arrijnë ta bëjnë qesharak edhe njeriun me të madh. (Voltaire)

Pak me vones, por gjitheashtu urime..
mbreteresha e muzikes shqiptare