Pak xhaz francez nesër në Teatrin Kombëtar të Operës dhe Baletit. Falë një bashkëpunimi mes Orkestrës Simfonike të Radio-Televizionit Shqiptar dhe Ambasadës Franceze, jep një koncert në Tiranë muzikanti dhe kompozitori i njohur francez, Richard Galliano. I dhënë pas muzikës xhaz, Galliano do të interpretojë në fizarmonikë dhe piano ritmet e kësaj muzike. Do jenë kryesisht krijime të tijat, por edhe të autorëve të njohur. Pas koncertit me muzikë klasike të dirigjuar nga izraeliti Doron Salomon dhe me soliste violonçelisten gjermane Kerstin Feltz, orkestra simfonike e RTSH-së, ofron të tjera ritme nën firmën e Richard Galliano-s.

Muzikanti lindi në Kanë në dhjetor të vitit 1950. Filloi pianon dhe fizarmonikën me të atin, Lucien Galliano, për të vazhduar pastaj me profesorin Claude Noel, i cili i injektoi shijen e muzikës xhaz. Kreu studimet për muzikë në Konservatorin e Nisës. Merr pjesë në konkurse ndërkombëtare të fizarmonikës me repertor të kompozitorëve të famshëm, Bah, Çajkovski, Gershuin e Ravel.

Është fitues i çmimit të parë në "Trophe Mondial" në vitin 1966 në Valencia e më pas në Calais. Çmimin e parë të Presidentit të Republikës, Charles de Gaulle në vitin 1968. Në vitin 1973 lë jugun e Francës dhe vendoset në Paris, ku bashkëpunon me muzikantë të njohur. Interpreton në skena të mëdha, deri në "La Scala" dhe krijon muzikë xhaz.

__________________
The heaven's sound is composed inside your heart, listen to its beat to syncronize your life onto the angel's steps.