Frederiku, performance e fuqishme ne Eurovision 2007

Sot në Helsinki nata gjysëmfinale e Festivalit Evropian. Konkurrojnë 28 shtete për 10 vende në finale. Është prova e zjarrit për Frederik Ndocin. Në skenën Hartwall në Helsinki zhvillohet sot në mbrëmje nata gjysëmfinale e Festivalit Evropian të Këngës. "Hear my plea", një kompozim i Adrian Hilës me tekst të Pandi Laços përfaqëson Shqipërinë. Pas tre provave në skenë, interpretimi i Ndocit i shoqëruar nga bashkëshortja Aida, tre djem si zëra ndihmës dhe violinistja Joana Kaimi, është vlerësuar pozitivisht nga gazetarët që ndjekin çdo vit festivalin. Në faqen zyrtare të festivalit, por edhe në Esctoday.com vlerësohet vokali i Ndocit, mënyra se si realizon këngën, por edhe elementët e tjerë shoqërues. Dje ishte prova e fundit me veshjet e skenës. "Vokalistja femër paraqitet misteriozisht tërheqëse në skenë, po kështu edhe violinistja, që të dyja të veshura në të gjelbër. Frederiku dhuroi një performancë të fuqishme", - shkruhej mbrëmë vonë në "Esctoday". Performanca shqiptare është përcjellë në këto dy faqe interneti edhe gjatë dy provave të mëparshme. Përmes tyre mësohet se pavarësisht interpretimit profesional, mediat, që në shumicën e rasteve gjurmojnë "skandale", apo performancë shpërthyese janë treguar indiferente karshi baladës shqiptare.

Sot konkurrojnë 28 shtete për 10 vende në finalen e 12 majit. Komentatorët e quajnë një garë të fortë, për vetë numrin e madh të konkurrentëve. Kjo është arsyeja pse dje, gjatë provave të fundit me veshjet për skenën e festivalit u panë ndryshime në performanca. Sipas "esctoday" vëmendja është përqendruar më shumë tek pamja e jashtme dhe performancat skenike dhe konkurrentët bëjnë gjithçka për të tërhequr vëmendjen e spektatorit dhe telespektatorit, i cili edhe do t'i votojë. Këtë tendencë e kemi parë edhe gjatë viteve të shkuara, ku shumë vende i japin tepër rëndësi veshjeve ekstravagante, duke bërë që të mos mungojnë puplat deri tek veshjet tradicionale e mbi të gjitha koreografia skenike dhe trupat e baletit, çka bie në sy menjëherë dhe tërheq vëmendjentek publiku. Në këtë drejtim, për vetë natyrën e këngës, Shqipëria paraqitet shtruar. Një lumë blu, i konsideruar si "River of tears" (lumë lotësh) përshkon gjithë skenën, lëviz nën këmbët e Ndocit që qëndron në mes të 5 anëtarëve të tjerë të grupit. Është vlerësuar si një baladë e fortë, por konkurrentët nuk janë të pakët. Mësohet se gjatë provave të djeshme vende si Zvicra, Bullgaria, Qipro, Danimarka, Malta, Sllovenia e Letuania, kanë pasur një mbështetje të fuqishme nga publiku që ndiqte provat. Sot në mbrëmje Shqipëria konkurron e 11-a në radhë.

Per fat te keq nje tjeter deshtim
Ashtu si vjet, edhe ne kete edicion nuk e arritem dot finalen.
Kenga e bukur, por me sa duket ka probleme ne promovimin e saj neper Europe...

__________________
I LOVE INTER

Kenga ishte e bukur... po mos harroni qe do kishim ndonje shanc me te mire nqs do zgjidhnim nje kengetar/e tjeter (shpresoj te mbani mend finalen e festivalit te fundvitit dhe kenget fantastike atje... pse kenga e tij?)

__________________

Honey... You are my shining Star !

pershendetje
kenga ishte jashtzakonisht e bukur dhe e meritoi cmimine pare ne festivalin tane por ama nuk ishte aspak per ne Eurovizion. Greta Koçi do te kishte me shume mundesi per shkuar ne finale, me siguri....................