Mendim që të bie menjëherë poshtë nëse gjendesh qoftë edhe për një orë të vetme në shtëpinë e tij, në katin e katërt të një pallati që ndodhet jo shumë larg shkollës “11 Janari”. Aty ku, edhe pse të veshur ndoshta vërtet me xhinse të çuditshme, e gjen duke pushuar së qari vajzën e tij të vogël, Kaltrinën. Brenda atyre katër mureve ai djaloshi harrakat, për të cilin shumëkush do të bënte be se nuk do të kishte mundur dot kurrë të krijonte një lidhje serioze, që të përfundonte kaq shpejt në martesë, është kryekëput tjetër gjë. Jo vetëm një baba shumë I kujdesshëm por dhe një bashkëshort që ka mësuar tashmë të respektojë rregullat familjare me nusen e tij.
Sa kohë u bë që Blerina ka hyrë nuse në shtëpinë tënde?
Kanë kaluar tashmë dhjetë muaj që prej prillit kur ajo erdhi.
Po historia juaj e dashurisë kur ka nisur?
Ne jemi njohur në 29 nëntorin e vitit 2005.
Keni bërë ceremonira për fejesën apo martesën tuaj?
Jo nuk kemi bërë asnjë ceremoni. Thjesht Blerina erdhi në shtëpinë time dhe kaq.


Si u njohët?
U njohëm krejt rastësisht siç gjihen në përgjithësi njerëzit me njëri- tjetrin. Shkova një ditë për të takuar në një kafe një mikun tim dhe mikeshën e tij dhe aty njoha Blerinën.
Të pelqeu menjëherë? E gjuajte menjëherë?
Po më goditi menjëherë megjithatë nuk mund të them se kjo ishte dashuri me shikim të parë. thjesht më pëlqeu dhe nisa të gjuaj.
Si?
Kisha një strategji timen, fikse, në ato kohë që e përdorja me të gjitha femrat që më pëlqenin. Por ndërsa në gjithë rastet e tjera nuk e kisha marrë asnjëherë shumë seriozisht këtë herë ngeca brenda. Ndaj dhe gjërat ndodhën si ndodhën pastaj.


Ç’strategji ishte kjo?
Po ja u bëja shumë koplimenta. Përpiqesha t’ua merrja mendjen me oratorinë time.
Që mesa duket, funksionoi dhe me Blerinën?
Po por me Blerinën nuk do ta kisha dhe aq të lehtë sepse ajo nuk ishte nga ato vajzat që linin kokën pas djemve të Ëest Side Family. Madje ajo më thoshte se nuk kishte ndonjë simpati të madhe për mua e se kështu live i dukesha më mirë se nga ekrani.
A u desh shumë kohë për të kuptuar se Blerina ishte vajza që duhej?
Jo shumë. Për mendimin tim sot është fat të njihesh me një njeri që ta duash me zemër dhe me mendje ndaj nuk kisha shumë kohë për të humbur. Me zemër e ndjeva menjëherë se e doja këtë vajzë. Pastaj shumë shpejt mu krijua dhe besimi. Kur ajo që kisha në zemër kaloi dhe në mendjen time u binda menjëherë.
Në fakt duket qartë se gjërat mes jush kanë ndodhur shumë shpejt.U bëtë prindër vetëm një vit pas njohjës...
E thashë pra se e ndjemë që në fillim se s’kishim kohë për të humbur. Ne kemi filluar menjëherë të jetojmë bashkë. Që në ditët e para të njohjes rrinim pafund me njëri- tjetrin. Ditën e kishim të lehtë ndërsa natën ia arrinim me shumë vështirësi sepse na dilnin probleme nga prindërit e Blerinës.
Blerina ishte gjimnaziste apo studente në kohën kur e njohe?
Blerina ishte e angzhuar me një biznes të sajin kur e njoha dhe vazhdon edhe sot e kësaj dite të ketë të njëjtin angazhim. Në mos caboj, edhe pse paskeni ndenjur kaq shumë me njëri- tjetrin, historia juaj nuk do të bëhej shumë publike. Jeni kujdesur ju vetë që të mos merrej vesh nga të tjerët?
Sigurisht që po.


Pse?
Sepse s’më pëlqente të bëja biznes me historinë time të dashurisë. Tani po pranoj të rrëfej diçka sepse është shumë më ndryshe. Ky rrëfim është më njerëzor se ka të bëjë me krijimin e një familjeje.


Kur lindi vajza?
Kaltrina jonë lindi më 23 dhjetor të 2006-ës.
Si t’a dha lajmin e bukur Blerina?
(Qesh)Në fakt në një farë mënyrë këtë lajm ia dhashë unë Blerinës. Kisha kohë që i thosha se mund të kishte mbetur shtatëzënë. I kisha vënë re shenjat dhe u pregatita para asaj se do të bëheshim prindër.
Merrke vesh nga këto gjëra!?
(Qesh) Jam shumë i dhënë pas këtyre fenomeneve dhe kam ndjekur shumë dokumentarë sa për të kuptuar kaq gjëra.


A ishit gati për këtë fëmijë?
Njeriu nuk është asnjëherë gati njëqind përqind por kur vjen një bekim I tillë nga Zoti, mirësetëvijë. Kur e morrëm vesh me të vërtetë që Blerina ishte shtatëzënë sigurisht që u gëzuam shumë por të them të vërtetën na u krijua një situatë paksa si e nderë. Ishim sa të kënaqur aq edhe të mpirë.
Ju frikësonte ajo që po ndodhte, ndërsa të dy ishit shumë të rinj?
Eshtë e vërtetë që ne jemi shumë të rinj. Unë jam 28 vjeç, ndërsa Blerina 21 vjeç port ë frikësuar nuk besoj se ishim. Të frikshmë janë gjërat që nuk arrihen dot. Ato që arrihej janë të bukura.


Atëherë pse thua që ndjeheshit si të mpirë?
Procesi i ndarjes nga jeta e mëparshme për të rinisur një jetë kjetësisht të re, është disi i vështirë për t’u kryer me sukses. Unë e pata më të vështirë se Blerina me të thënë të drejtën. Duhet të lija shumë gjëra, të mos frekunetoja më shumë prej vendeve ku shkoja zakonisht e kështu me rradhë ndaj në fillim ndjehesha paksa nervoz aq sa nuk do të munda të tregohesha shumë I mirë me Blerinën në muajt e parë të shtatëzanisë së saj. Por e vura vetën nën kontroll dhe kur vajza erdhi në këtë jetë unë isha shumë më i qetë.


E donit të ishte vajzë?
Nuk kisha ndonjë dëshirë specifike. Le të ishte çfarë të ishte. Ama kur mësova se ishte vajzë u gëzova dhjetëfish ndoshta sepse në shtëpinë dhe në fisin tonë kanë munguar vajzat e njeriu dëshiron më shumë atë që nuk e ka.


Tani a është Flori një baba i mirë?
Merrem shumë me vajzën. E mbaj gjatë në krah por ngaqë e puth shumë, ajo bezdiset e nis e qan. Kaltrina ka marrë dashje padashje regjimin tim. Ashtu si dhe unë ajo rri gjithë natën zgjuar dhe fle ditën.
Pak më lartë the që të është dashur të shkëputesh nga shumë gjëra që i përkisnin jetës prej beqari. Po në punët tuaja sa ka ndikuar krijimi i kësaj familje?
E kisha fjalën për lokalet, jetën e natës, shoqërinë. Në punët e mia nuk ka ndikuar aspak. Thjesht dita ime tani është shumë më e ngarkuar se krahas punëve me muzikën, punës që unë kam në kompaninë Eurolloto dhe tek Telesport më janë shtuar dhe impenjimet familjare.


A nuk të kanë ngacmuar ndonjëherë miqtë e të njohurit e tu për këtë ndryshim të menjëhershëm që bëre?
Unë jam një njeri që kur vendos të bëj diçka nuk pyes askënd. Vendimet e vogla ose të mëdha i marr i vetëm fare. Bëj mirë a keq këtë nuk e di, por kështu bëj gjithmonë. Kështu bëra edhe këtë herë.

__________________
The heaven's sound is composed inside your heart, listen to its beat to syncronize your life onto the angel's steps.