EUROVIZIONI 2004 - Shqiperia

Dardania · #1 09-05-2004, 12:23

Votoni per Shqiperine (Anjesa Shahini) ne Eurovision 2004!

http://www.eurosong.net/vote/submit.htm

AlbShkodra · #2 13-05-2004, 05:00

Kengetarja shqiptare Anjeza Shahini eshte kualifikuar per ne naten finale te Festivalit Europian.

Kengetarja shqiptare Anjeza Shahini është kualifikuar ne natën finale të festivalit europian që do të zhvillohet më 15 maj në Stamboll. Kënga e Edmond Zhulalit me tekst të Agim Docit e kënduar nga Shahini dhe e shoqëruar nga katër pjesëmarrës së edicionit të kaluar të “Etheve të së premtes mbrema”, do të jetë në finalen e së shtunës në konkurrim së bashku me 23 kengë te tjera europiane. Në gjysmëfinalen e djeshme, Shahini arriti të realizonte një performancë të shkëlqyer duke elektrizuar sallën dhe duke marrë duatrokitje të forta jo vetëm nga fansat shqiptarë po edhe ata të huaj. Përfaqësuesja shqiptare në eurofest, u ndoq me entiziazëm dhe interes të vecantë nga publiku ne Tiranë dhe në të gjitha rrethet e vendit.

Administratori · #3 13-05-2004, 05:18

Suksese Anjeza Shahinit!

Forca Shqiperia

luna · #4 13-05-2004, 06:43

suksese Anjezes ...

pate sukses pas dy diteve te festojme e urojme fitoren e saj...

AlbShkodra · #5 13-05-2004, 19:58

Këngëtarja shqiptare është klasifikuar e katërta nga 22 pjesëmarrësit e gjysmëfinales. Nata finale të shtunën në mbrëmje

Anjeza shkëlqen, tani prova e finales

Anjeza Shahini, këngëtarja që po përfaqëson Shqipërinë në Festivalin Evropian të këngës kalon në finale. Dje në mbrëmje ajo ka ekzekutuar në mënyrë të shkëlqyer këngën “Imazhi yt” shoqëruar nga kori i katër bashkëmoshatarëve të saj. Vlerësimi me anë të televotimit, si një nga format më transparente dhe më të sigurta që Eurovision ka zgjedhur për garën, e solli këngëtaren shqiptare deri në vendin e katërt nga dhjetë finalistët e kualifkuar natën e mbrëmshme, në skenën e Stambollit. Mes tyre Serbi-Mali i Zi, Malta, Hollanda, Ukraina, Kroacia, Maqedonia, Greqia, Qipro dhe Bosnja-Hercegovina e cila përfaqësohej nga një i ri boshnjak me prindër shqiptarë, i quajtur Deen.
Shahini do të këndojë sërish të shtunën në mbrëmje në skenën e mrekullueshme të Festivalit Evropian që po mbahet këto ditë në Stamboll, mes 26 finalistëve të tjerë.
Sigurisht që do të jetë një provë më e vështirë ku marrin pjesë vende si Gjermania, Austria, Anglia, Irlanda, Franca etj. Publikut shqiptar që e ka ndjekur gjysmëfinalen në ekranin e Televizionin Publik Shqiptar, nëpërmjet valëve satelitore, sigurisht që i ka rënë sy reagimi i menjëherëshëm i spektatorit shqiptar, i pranishëm në sallë, që nuk ishin pak. Anjeza veshur me fustan rozë, diti të kontrollojë fare mirë emocionet duke e zotëruar muzikën e Edmond Zhulalit dhe poezinë anglisht të Agim Doçit.
Menjëherë pas fitores mësohet që kryeministri Fatos Nano t’i ketë telefonuar Shahinit duke e uruar për hyrjen në finale me këto fjalë: “Hyrja në finale dhe suksesi i arritur tregojnë se ne jemi të denjë për Evropën.”
Nata e gjysmëfinales është ndjekur “live” në Tiranë, para Piramidës, nëpërmjet një ekrani të madh, ku kanë marë pjesë me dhjetëra njerëz.

''SHEKULLI''

AlbShkodra · #6 13-05-2004, 20:13

Pa marre parasysh nese do fitoje apo jo, them se eshte arritje e madhe deri ketu.
Eshte hera e pare qe marrim pjese ne nje eveniment te tille dhe besoj se me kaq Anjeza Shahini dhe muzika Shqiptare kane dale te fituar.

Suksese te metejshme!

Cima · #7 13-05-2004, 20:22

Duhet te fitoj, vetem perpara Anjeza. Duhet ti tregojme Evropes per te saten here se ne jemi pjese e saj.

Shpresoj se te gjithe te shtunen do thone. Albania 12 points.

AlbShkodra · #8 16-05-2004, 09:09

FESTIVALI EUROPIAN, SHQIPERIA RENDITET E SHTATA

Anjeza Shahini eshte renditur e shtata mes 24 finalisteve te Festivalit Europian te Kenges. Nje rezultat pozitiv qe do t'i evitoje Shqiperise fazen gjysmefinale ne konkursin e vitit te ardhshem. Anjeza ka arritur te grumbulloje 106 pike nga votimet e telespektatoreve te te gjitha vendeve pjesemarrese, nderkohe konkursi u fitua nga kengetarja Ukrainase Ruslana me 280 pike e ndjekur nga Serbi&Mali i Zi dhe Greqia. Shqiperia eshte vleresuar maksimalisht nga fqinjet maqedonas, nderkohe qe vleresime te konsiderueshme per kengen tone kane ardhur dhe nga Greqia, Malta, Serbi&Mali i Zi ,Zvicra, Suedia, Kroacia, Austria, Gjermania dhe Turqia.

TOP TEN
01.Ukraine 280 Pike
02.Serbia & Montenegro 263''
03.Greece 252''
04.Turkey 195''
05.Cyprus 170''
06.Sweden 170''
07.Albania 106''
08.Germany 93''
09.Bosnia & Herzegovina 91''
10.Spain 87''

aRil · #9 16-05-2004, 19:30

Ishte e mrekullueshme Anjeza ... Ndoshta ne vitin e ardheshem...

AlbShkodra · #10 16-05-2004, 21:24

Shqipëria e shtata në Evropë

Sukses në pjesëmarrjen e parë në Eurofest. Si e komentuan Saraçi e Deda perfomancën e Shahinit
Triumfi i Anjeza Shahinit, merr 106 pikë. Ja kush na votoi

Anjeza Shahini ka fituar 106 pikë në Festivalin Evropian. Ajo e ka renditur Shqipërinë në vendin e shtatë të këtij Festivali, duke i siguruar pjesëmarrjen në finale vitin e ardhëm dhe një imazh mjaft pozitiv vendit të saj.

Me këngën “Imazhi yt” ajo është renditur ndër vendet e vlerësuara më së shumti në këtë Festival me një diferencë të ngushtë pikësh me konkurrentët që ishin para saj. Ndërsa ka mundur të rrëmbejë shumë vlerësime pozitive nga mediat e interesuara menjëherë pas mbylljes Festivaalit të 49-të Evropian.

Pikët maksimale në vlerësimin final Shqipëria i ka marrë nga televotuesit e Maqedonisë, të cilët i kanë dhënë asaj 12 pikët e mundshme. Greqia dhe Malta e kanë vlerësuar me 10 pikë, ndërsa Serbia me 8 pikë, ndërsa Zvicra e Suedia me 7 pikë. Anjeza Shahini ka lënë pas vetes konkurrentin nga Gjermania, nga Bosnja dhe nga Spanja.

Imazhi i ri i Anjezës
Tejet skenike, e sigurt, potente, duke përçuar me energji të jashtëzakonshme emocionet e imazhit që kërkon, Anjeza Shahini ka ditur të tregohet bindëse me interpretimin e saj dinjitoz sërish mbrëmë në skenën e Festivalit Evropian.

E shfaqur ndryshe nga nata e 12 majit, veshja e saj ishte mjaft elegante, ndërsa ngjyrat e flamurit janë përshëndetur që me hyrjen e saj në skenë. Megjithëse me më shumë emocione se natën e 12 majit, interpretimi saj është dalluar ndër gjithë konkurrentët e këtij Festivali, dhe nga kritikat e para menjëherë pas përfundimit të këtij festivali, ajo u cilësua si një ndër interpretueset me të mira, me vokalin më interesant, të cilin ajo ka ditur ta vërë në shërbim të performancës së djeshme.

Kompozitori Shpëtim Saraçi është shprehur mbrëmë se gjatë gjithë natës së mbrëmshme nuk ka hasur një interpretim tjetër më dinjitoz se ai i Shahinit, ndërsa performancën në tërësi e ka vlerësuar me disa nota më lart se ajo e mbrëmjes së të mërkurës. Në këtë vlerësim ai ka përfshirë edhe kompleksin me djemtë dhe vajzat e “Etheve…” që, sipas tij, ka funksionuar shumë më mirë se në paraqitjen e parë. Ndërsa këngëtari dhe kompozitori Elton Deda e ka cilësuar si të jashtëzakonshme të gjithë paraqitjen e mbrëmshme të Anjëzës dhe të korit që e shoqëronte.

Mbështetje nga shqiptarët
Mijëra shqiptarë e kanë përshëndetur interpretimine e mbrëmshëm të përfaqësueses së Shqipërisë dhe e kanë mbështetur atë jo vetëm në sallën e Pallatit të Sportit ku zhvillohej Festivali, por edhe nëpër shtetet ku Shqipëria ka mbledhur numrin më të madh të pikëve. Muzikantët shqiptarë, mjaft entuziastë pas këtij vlerësimi, janë shprehur që nuk është e rëndësishme se kush do ta përfaqësojë Shqipërinë vitin e ardhshëm në Eurovizion, i cili, sipas traditës, do të zhvillohet në vendin e fitueses së këtij viti, në Ukrainë. Sipas tyre, e rëndësishme është se rruga tashmë është e hapur dhe imazhi i krijuar këtë vit do të vlejë shumë për Shqipërinë.

Ukraina fituesja e Evropianit
Çmimi i madh i “Eurovizion 2004” këtë vit shkoi në Ukraninë, e cila është prezantuar me këngën “ Vallëzime të egra” të këngëtares Ruslana. Një këngë e nxehtë ku ndërthureshin koreografia dhe kompozimi i saj. Me një muzikë intensive dhe një vokal të lart, në stilin e këngtares, Ruslana, është cilësuar si këngëtarja best-seller me albumin e saj më të fundit “The Wild Dances”, me të cilin ka zënë vendin e parë në Platinum në Ukrainë. Stili muzikor i këngës fituese të Eurovizion 2004 i përket muzikës rok, me një potencë dhe energji, si në rrymë ashtu edhe në motivet e saj.

Votat për Shqipërinë
Maqedonia 12
Greqia 10
Malta 10
Serbia 8
Zvicra 7
Suedia 7
Kroacia 6
Turqia 6
Austria 5
Gjermania 5
Belgjika 4
Danimarka 4
Islanda 4
Sllovenia 4
Finlanda 3
Norvegjia 3
Irlanda 2
Franca 1
Anglia 1
Letonia 1
Holanda 1
Bjellorusia 1
Rumania 1

Etheistët plot ethe në “Anjeza’s party”
Të gjithë etheistët ndiqnin me ethe Anjezën. Brohorima, tinguj, spektakël, e flamuj që ngriheshin vazhdimisht, gjatë gjithë debutimit të saj, në natën finale të Festivalit. Në një party të orgaznizuar enkas për Anjezën, nga Ministria e Kulturës, Rinisë dhe Sporteve, në ambientet e hotel “Sheratonit”, përveç konkurrentëve të “Etheve të së premtes mbrëma” të ediocionit të kaluar dhe atij të sivjetshmit merrnin pjesë edhe mjaft të rinj kryeqytetas. Nëpërmjet bisedave të tyre, ata shpreheshin entuziastë. “Për mua është e pabesueshme të jesh në atë skenë të madhe dhe të përfaqësosh një Shqipëri të tërë. Edhe për ne është një shans i madh”, u shpreh njëri nga konkurrentët e këtij edicioni të “Etheve...”. Në një ekran të madh, ministri Blendi Klosi dhe qindra të rinj ndiqnin me kureshtje natën e madhe të ndarjes së çmimeve. Në kohën kur Anjeza debutoi në skenën e madhe të Eurovizionit mijëra brohorima entuziaste e shoqëruan atë, atje në hollin ku pjesëmarrja e të rinjve ishte jashtëzakonishte madhe. Shumë syresh valëvitnin flamuj shqiptarë. Ndërsa me një performancë të veçantë balerinët e Akademisë së Dancit, nën koreografinë e Arian Sukniqit, kishin përgatitur disa numra koreografikë për nder të Anjezës, të cilët e shoqëruan atë gjatë gjithë mbrëmjes së djeshme.

''Panorama''

luna · #11 16-05-2004, 21:28

ANJEZES i lumte ishte e mrekullueshme ...

le te jete manushaqja e pare e pranveres Shqiptare ne festivalin e kenges Europinane - Eurovizionin

edhe nje here i lumte Anjezes na beri qe te gjithe shqiptaret ku do qe ishim te jemi krenar per vendin tone ... e me mburrje te themi se perfaqeson VENDIN TONE , se kjo eshte gjaku i yne...

pershendetje te gjithe shqipetareve
kudo qe jane nga une luna

lostparadise · #12 17-05-2004, 21:20

bravo Anjeza

missE · #13 03-10-2004, 12:53

me tzene te drejten kenga e Anjezez qe u prezantua ne festivalin evropian
as qe nuk me pelqeu fare
sepse ajo vajze ka me teper talent
qe mund ta tregonte me bukur me nje tjeter kenge

nejse... e vertete eshte qe eshte nje sukses i madh qe u futem ne 12-she
skemi nevoje te kualifikohemi per vitin tjeter....

pershendetje

InterLove · #14 22-10-2004, 16:13

Anjeza me vone kur u mesua se kenga serbe ishte e vjedhur mori vendin e gjashte. Kenga me pelqeu por shqip nuk e kam degjuar.