Bukuroshja Eranda Topi, krahas çmimit “Miss Eleganca”, ka fituar edhe çmimin “Miss Kleoptara” në konkursin ndërkombëtar, “Miss Tourism International”, të organizuar në Turqi, ku ajo përfaqësoi Shqipërinë. Gjithashtu, në këtë konkurs, ajo fitoi edhe çmimin, “Kostumi Kombëtar më i mirë”. Për të ardhur deri tek këto dy çmime të mëdha, ajo në fillim ka marrë pjesë në sfilatat, që janë zhvilluar tek disko “Kalvin”, më pas në vitin 2002, ka marrë çmimin, “Missi i Shkollës Sami Frashëri”, për tu shpallur më pas, si “Modelja më e mirë”, tek “Netët e Klipit Shqiptar”. Ky çmim do t’i jepte asaj të drejtën e një udhëtimi jashtë shtetit, për të cilën ruan përshtypjet më të mira.Është 18 vjeçe dhe mendon të martohet në moshën 28-vjeçare, ku nga kjo martesë dëshiron dy djem. Ka marrë pjesë, dhe tek “Shtojzovallet”, që u zhvilluan këtë vit, duke u shpallur shtojzovallja më e mirë e Tiranës. Ka sy kafe dhe flokë të zeza. Është e gjatë 176 cm, peshon 50 kg dhe preferon ngjyrën e zezë dhe të bardhë. Ëndrra e saj është të bëhet një farmaciste e mirë dhe të sfilojë në pasarela të mëdha në botë.

Keni fituar disa çmime të rëndësishme në fushën e bukurisë dhe të modeles, si ju duken arritjet, duke parë moshën tuaj tepër të re?
Më duken shumë të larta. Padyshim që këto çmime më kanë sjellë shumë lumturi. Pasi, për moshën e vogël që kam, kam arritur shumë dhe shpresoj të arrij akoma më lart. Ky besim përforcohet nga ofertat, që kam marrë dhe vazhdoj të marr. Shpresoj të jem protagoniste, edhe në ndonjë film, të cilin ma kanë ofruar dhe që mund të nis xhirimet së shpejti.
Ta kanë caktuar rolin?
Po. Më kanë ofruar rolin e një vajze, që punon në një disko nate. Por, se çfarë ndodh me atë vajzë, akoma nuk e kam zbuluar.

Po sikur në skenar të ketë edhe skena erotike, do ta pranonit rolin, apo do ta refuzonit menjëherë?
Do ta studjoja dhe nëse do tw mw pwlqente roli do ta pranoja, ndonëse në Shqipëri dihet si është mentaliteti.
Duke qenë se të pëlqen aktrimi, përse këtë vit nuk konkuruat për aktrim, por konkuruat në degën “farmaci”?
Më thanë që të konkuroja për aktrim, por nuk ma pret shumë në këtë fushë. Jam shumë më e prirur në degët shkencore.
Në konkursin “Miss Tourism International”, të zhvilluar në Turqi, ju fituat çmimin, “Miss Kleopatra” dhe “Kostumi kombëtar më i mirë”. Krahas këtyre çmimeve, a more ndonjë ofertë?
Po. Këtë ofertë e mora nga një firmë makinash. Gjithashtu, më ofruan edhe punë si modele, por nuk pranova, sepse vazhdoja studimet në gjimnazin “Sami Frashëri”.

Po në Shqipëri keni pasur oferta pwr tw reklamuar produktin e saj?
Kam pasur, madje edhe tani që po flasim bashkë, kam një ofertë nga një kompani e fuqishme, që operon në Shqipëri. Çfarë të pëlqen të bëhesh në jetë?
Më pëlqen të bëhem një farmaciste e shkëlqyer. Profesionet që kam tani janw dytësore, sepse për mua primare është shkolla.
Pas fitimit të disa titujve, si ka qenë reagimi i meshkujve ndaj jush?
Padyshim që më ngacmojnë më shumë.
Për cilën pjesë të trupit të bëjnë më shumë komplimente?
Për të gjitha pjesët e trupit, por më shumë për buzët.

Pse, ju mendoni se keni buzë të bukura?
Tek trupi im unë pëlqej të gjitha pjesët. Të gjitha janë perfekte, por nga këto pjesë, edhe unë më shumë pëlqej buzët e mia. Unë shoh se buzët e mia u pëlqejnë edhe njerëzve të tjerë, pasi pyesin në i kam bërë operacion. Buzët e mia janë natyrale dhe jo të rregulluara nga ndonjë operacion plastik.
Ka ndonjë pjesë të trupit, që mendon ta ndryshosh përmes një operacioni plastik?
Jo, jo, jo. Mendoj se femra duhet të ketë linjat e veta. Nuk është nevoja për të bërë operacion plastik. Jam kundër operacioneve plastike.

Duke parë trupin tënd prefekt, të pëlqen që linjat t’i zbulosh në publik?
Po, më pëlqen. Ndaj mundohem të vishem sa më mirë.
Kujt i kushton më shumë rëndësi?
I kushtoj veshjes dhe lukut.
Tani që jeni në moshën 18-vjeçare, a sheh ëndrra për shokun e jetës?
Për këtë temë nuk dua të flas.
Pra, ju nuk doni ta zbuloni prushin e dashurisë, apo nuk po digjeni në zjarrminë e kësaj ndjenje?
(Qesh).
Kur mendon të martohesh?
S’e di. Ndoshta në moshën 28 vjeç, pra, pas 10 vjetësh.
Si të duket jeta në Shqipëri, a mendon të largohesh ndonjë ditë nga vendlindja?
Jeta këtu më duket shumë monotone. Ndaj dua të shkoj jashtë shtetit, pasi kam shumë dëshirë të sfiloj nëpër pasarelat e huaja. Kjo është edhe ëndrra ime e madhe, të cilën shpresoj ta realizoj së shpejti. Por nuk dua të rri përgjithmonë.

Komplimenti më i bukur?
Komplimente ka shumë, po më i veçanti për mua mbetet, “je yll bote, lëng karrote”.
Të pëlqen të shkruash apo të marrësh mesazhe apo letra dashurie?
Më pëlqen shumë. Sidomos mesazhet dhe letrat e dashurisë.
Merrni shumë mesazhe dashurie në telefon, apo në adresën e e-mail-it tuaj?
Marr shumë.
Të pëlqen jeta e natës?
Po, më pëlqen. Megjithatë, tani nuk para dal shumë. Më pëlqen të dal me shoqërinë time, të festoj në orët e vona të mbrëmjes.

Si do doje të ishte i dashuri juaj?
I gjatë, simpatik, i sinqertë dhe me sy blu. Vetëm kaq?
Po, vetëm kaq.
Të pëlqejnë lidhjet, apo njohjet erotike në telefon?
Jo jo, s’para më pëlqejnë këto...fare, fare. Nëse të dashurin tuaj do ta shihnit duke bërë dashuri më një femër, si do të reagonit? Do të reagoja shumë keq, ndoshta do ta godisja dhe me ndonjë shishe...

Pra, do të hakmerreshit duke e goditur?
Jo, jo, se bëj shaka, por po ta shihja, do t’i thoja, që lidhja jonë përfundoi me kaq.
Nëse ai do të të tradhtonte, ti do të ishe në gjendje ta dalloje?
Ehh, ku merren vesh këta djemtë e sotëm. Meshkujt janë të gjithë njësoj.
Nëse do të të paguanin mirë për të pozuar nudo në ndonjë gazetë apo revistë shqiptare, do të pranoje?
Po të më paguanin shumë, shumë mirë, edhe do të pranoja, ndonëse mentaliteti këtu në Shqipëri të dënon rëndë. Megjithatë, unë kam pozuar deri tani nëpër revista, por me rroba banjoje.
Çfarë do doje nga i dashuri juaj?
Të jetë i komunikueshëm, shumë besnik dhe i sinqertë.

__________________
The heaven's sound is composed inside your heart, listen to its beat to syncronize your life onto the angel's steps.