Ai është me siguri kompozitori më prodhimtar i këngës së lehtë. Është fitues i shumë çmimeve të Festivalit të Këngës në vite. Mungesa e krijimeve të tij do të ndihet mes tingujve të jubileut të festës së këngës këtë vit. Por ja që ai zgjodhi një profil tjetër, atë të drejtimit artistik të festivalit të sivjetshëm, i cili do të hyjë në histori si më madhështori. Jo vetëm pse feston 45 vite, por sepse ka patur një organizim special me Fest Galanë dhe Netët e të Rinjve, dy risi në fushën e muzikës. Zgjedhje e zgjuar e kompozitorit Zhulali, që bëhet pjesë kyçe e këtij realizimi. Ne zbuluam surprizat dhe detajet e netëve të festivalit, që sonte nis garën me natën e parë...

Z. Zhulali, merrni pjesë si drejtues artistik në “Festivalin e 45- të të Këngës në RTSH”, duke dalë kështu nga petku i kompozitorit, siç jemi mësuar t’ju dëgjojmë. Çfarë përgjegjësie është, aq më tepër në këtë jubile?

Tashmë jemi në përfundim të kësaj veprimtarie, por që në momentine parë unë e kam vlerësuar shumë dhe ka qenë një sfidë e re e imja në fushëne artit. E pranova me kënaqësi, sepse roli i drejtuesit artistik është nja nga kryesorëte kësaj veprimtarie. Që në momentine parë, unë kam patur një vizion më të gjerë, sepse ky festival është i 45- ti dhe si i tillë mendova dhe sugjerova ta zgjerojmë gamëne aktiviteteve. Në këtë kuadër, një pjesë e madhe e këtyre janë kryer, siç kanë qenë Nata Gala, me të cilën edhe publiku është njohur. Një natë shumë emozionuese, me çmime dhe vlerësime të jashtëzakonshme, me kujtime të mëdha të gjithë artistëve pjesëmarrës. Është finalizuar edhe festivali i të rinjve, në të cilin janë përzgjedhur dy fituesit. Jemi një natë përpara festivalit, që është një ngjarje shumë e madhe e muzikës së lehtë. Nuk gaboj pot ë them se gjithë vëmendja e muzikantëve profesionistë që punojnë në fushën e muzikës së lehtë, gjithë vëmendja e publikut artdashës së këngës, është përqëndruar në këto tre netë, sepse këtu bëhet edhe ballafaqimi I vlerave më të mira të artit, këngëtarëve, krijimtarisë së re…Pra është një festival tashmë professional në të gjitha drejtimet.
Cilat janë elementet artistikë që keni sjellë ndryshe nga vitet e tjera të këtij festivali?
Festivali ka një të veçantë: është gjithmonë I ri, I freskët, sepse pavarësisht nga përvoja e gjatë që ka, ai gjithmonë shoqërohet nga këngë të reja.

Kjo e bën gjithmonë të kërkuar nga publiku. Pra, gjithë synimi ynë kryesor ka qenë përzgjedhja e këngëve, që ka qenë shumë e rëndësishme. Jam shumë I kënaqur me jurinë që përzgjodhi këngët, të gjitha këndohen nga këngëatrë të përgatitur nga ana profesionale. Pjesa më e rëndësishme është përzgjedhja e këngëve. Tani I kemi kaluar të gjitha fazat e korrigjimeve të përgatitjeve para festivalit, po zhvillohen edhe në skenë porvat me orkestrën simfonike. Këngëtarët këndojnë live dhe do ta veçoja këtë, sepse ëhstë I vetmi festival ku këndohet live. Të gjithë të tjerët këndojnë playback kjo e bën më të dallueshëm dhe më në qendër të kritikave dhe vlerësimeve. Interpretimi live ka të bëjë edhe me përgatitjen e këngëtarit, që ka shumë rëndësi.

Edhe një pjesë e orkestrës ëshët live. Pra, çfarë shikoni ju në skenë është direkte. Muzika, pra një kombinim i bazës orkestrale me këngëtarët që interpretojnë live. Këto janë disa veçori që kanë të bëjnë me anën profesionale dhe me konkurrimin.

Po përsa i përket të ftuarve? Kemi dy artistë të huaj dhe është traditë e festivalit të sjellë emra të njohur për të përshëndetur...
Është tashmë një traditë, por impenjimi ka qenë shumë i madh dhe vështirësitë kanë qenë shumë të mëdha, sepse festivali koinçidoi me festën e Krishtlindjeve. Të gjithë artistët më në zë në botë janë fokusuar në këto aktivitete festive dhe mezi kemi arritur të marrim dy këngëtarë shumë dinjitozë, do thoja, siç janë Zarillo dhe Don Backy. Gjithashtu, natën e tretë kemi një këngëtare të shkëlqyer si Aurela Gaçe, e cila ka shumë mall për ne, por edhe ne kemi mall për Aurelën. Kemi edhe disa të ftuar të tjerë, që janë shumë të rëndësishëm, që jetojnë në Shqipëri dhe ne duhet, në fund të fundit, të vlerësojmë edhe artistët tanë. Kemi të ftuar Ibrahim Madhi dhe Isak Shehu. Kemi edhe një duet, që vjen nga “Tre Tenorët”, i fundvitit, që është kthyer në traditë edhe ai koncert. Kemi Kastriot Tushën dhe Ramona Tullumanin, që do përshëndesin. Kemi edhe numrat koreografikë të përgatitur nga Arjan Sukniqi, të ftuar, biseda... Them se do jetë një spektakël i vërtetë, që do ta lidhja me një prezantues të shhkëlqyer që është Adi Krasta, që patjetër do jetë pjesa kryesore e anonçimit të festivalit, do t’i japë ritmin. Gjithashtu, në krahun tim është edhe regjizori i mirënjohur Pali Kuke dhe skenografi i shkëlqyer Bashkim Zahaj. Janë punët e muzikantëve të tjerë, e Selim Ishmakut si redaktori përgjegjës, të gjithë artistët e tjerë që janë vënë në dispozicion të orkestrës. Është një punë e madhe kolektive, që kërkon shumë mund dhe preokupacion dhe e mbështetur nga drejtore e festivalit Zamira Koleci dhe drejtori i TVSH Petrit Beci.

Keni zgjedhur një treshe prezantuesish që i përkasin fushave të ndrushme. Cili është ngacmimi që doni t’i jepni spektatorit me këtë zgjedhje?
Është një përzgjedhje shumë e suksesshme, që në rradhë të parë është zgjedhje e regjizorit, të cilën bashkë e kemi miratuar. Është përvoja e madhe e Adi Krastës, është përvoja e një muzikanteje, që tenton të bëjë edhe roline prezantueses, sepse në fund të fundit ëhstë një aktivitet muzikor. Kemi edhe Ermela Telin, aktore dhe të tre së bashku do të na japin një prezantim dinjitoz.

Këtë vit nuk emrrni pjesë në konkurrim me kënëg tuajat, sepse nuk lejohet që të bëni të dyja rolet njëkohësisht?
Jo, ishte iniciativa ime personale që unë këtë vit, me dhimbje shumë të madhe, të mos merrja pjesë me krijime të miat. Për të dhënë besimin që unë punoj për të gjithë ose nuk punoj për asnjërin. Në këtë aspekt, që unë i trajtoj të gjithë njëlloj, jo unë por edhe vetë pozicioni i punës.

Ka këngëtarë që i mungojnë skenës së festivalit këtë vit? A kanë dashur të konkurrojnë dhe nuk janë përzgjedhur?

Për një gjë jam shumë i ndërgjegjshëm, që ftesa u është bërë pa përjashtim të gjithë këngëtarëve. Dhe ftesën e kemi bërë me ndryshimin që ka patur edhe juria e sivjetshme, që do ketë votim të hapur. Për të krijuar besimin absolute që përzgjedhja do të jetë shumë objective. Mbi bazën e kësaj janë ftuar këngëtarët më në zë që ka sot skena e muzikës së lehtë. Natyrisht, secili ka pikëpamjet dhe dëshirat e veta. Të gjithë e kanë vlerësuar ftesën dhe ato që konkurruan janë më të mirat, nuk mendoj që ka mbetur ndonjë këngëtar i njohur. Edhe në rast se është eleminuar ndonjë këngëtar i njohur, nuk është eleminuar këngëtari, por krijimtaria. Nuk mund të gjykohet këngëtari i shkëputur në këtë aktivitet. Duhet të kemi parasysh se ky është festivali i këngës, i kompozitorit, poetit dhe këngëtarit. Nuk është i interpretuesve. Në rast se eleminohet një këngë, do të thotë se ka cënuar një nga këto elementë. Këngëtari mund të jetë i shkëlqyer, por nuk i përshtatet kënga. Nuk ka patur, sepse edhe emrat që janë konkurrentë janë të suksesshmit në tregun muzikor. Ka të njohur, ka edhe të rinj, janë të të gjitha moshave. Të rinj si Greta Koçi, Alban Skënderaj, Evans Rama dhe Herciana Matmuja. Të tjerë, që kanë kënduar në këtë skenë edhe vitet e tjera janë edhe Saimir Çili, S. Braho, Rosela Gjylbeku, Jonida Maliqi, Frederik Ndoci, Albërie Hadërgjonaj, etj.

Pra, janë emra shumë të njohur dhe përzgjedhja është shumë e mirë.
Nga të dyja rolet, atë të kompozitorit dhe drejtuesit artistik, kë preferoni më shumë?
Kompozitori, jo vetëm pse unë jam kompozitor, është pjesa më e rëndësishme e këngës. Dhe për mua pjesa e kompozimit është në plan të parë. Mbas shumë vitesh mund të jetojë kënga, ndërsa pjesa tjetër e ndërtimit të festivalit mund të harrohet...

Tani, pas lodhjes nga drejtimi artistik i festivalit, jeni penduar që e morët përsipër?
Jo, unë jam shumë i kënaqur dhe optimist, që kam bërë një punë jashtëzakonisht të madhe. Jam shumë krenar për punë që kam bërë deri tani, por ju më bëni një pyetje profesionale. Duke krahasuar punën e kompozitorit dhe drejtuesit artistik, ajo e konmpozitorit ka një emocion të jashtëzakonshëm. Unë kam edhe përvojën e Festivalit Europian, me këngëtaren Anjeza Shahini. Ai sukses i marrë aty, nuk është pak... Emocionet që të jep krijimtaria janë të pakrahasueshme! Duhet thënë që roli i drejtuesit artistik në këtë lloj festivali është një rol kryesor dhe në këtë rast, edhe pse preferoj krijimtarinë, zgjodha rolin e drejtorit artistik. Të dy i vlerësoj shumë.

__________________
The heaven's sound is composed inside your heart, listen to its beat to syncronize your life onto the angel's steps.