Alida Hisku rikthehet për publikun shqiptarë me një album të ri në bashkëpunim me djalin e saj Albin Hisku. Albumi i cili është regjistruar në Francë do të sjellë muzikën autentike shqiptare me zërin e paharrueshëm të Alida Hiskut. Ajo premton se albumi i saj me titull “Kthimi” do të ketë të njëjtin efekt dhe do të sjelli të njëjtin emocion si ka pasur dikur kënga “Vajzat e Fshatit tim”. Albini do të pasojë nënën e tij në karrierën artistike. Alida Hisku shprehet se ëndrra më e madhe e saj në jetë ka qenë kthimi i saj në Shqipëri.Realizimi i këtij albumi ka qenë realizimi i kësaj ëndrrës së saj, ëndërr e cila e ka përndjekur për vite me radhë.

-Çfarë kujton Aida Hisku nga festivalet e asaj kohe?
Festivalet e asaj kohe kujtojnë vitet e rinisë. Kujtojnë vitet e asaj muzike me ndjenjë, të asaj muzike që na ka shoqëruar të gjithëve ne shqiptarëve kudo në vështirësitë e jetës. Janë vite të paharrueshme për mua.
-Muzika e periudhës kur këndonit ju ka qenë një muzikë e gjitha “live” ndërsa sot ajo është pjesërisht e tillë. Si mendoni lidhur me këtë?
Muzika ka një rol shumë të rendësishëm. Zëri bën transmetimin e shpirtit të këngëtarit tek spektatori.
-Jeni shkëputur nga skena që prej dy dekadave. Zëri juaj vazhdon të jetë përsëri si në ditën e parë. Jeni përpjekur të ruani zërin tuaj?
Jam larguar nga skena që prej 24 vjetësh dhe isha 25 vjeç kur më larguan nga kjo muzikë. Muzikën e kam pasur në gjak dhe talenti nuk humbet kurrë. Po përpiqem tani të jem përsëri e pranishme me muzikën duke e shfaqur edhe njëherë këtë talent por të dyfishuar.

-Vazhdoni të sillni përsëri emocion duke kënduar. Më duket sikur është akoma më i fuqishëm, si është e mundur?
Ndjenja për muzikën nuk vdes kurrë. Ajo është e skalitur në gjak. Edhe muzika transmetohet bukur kur janë ndjenjat brenda.
-Pas viteve 1990 publiku mendoi se Alida do të kthehej. Pse nuk ndodhi kështu?
Vitet 1990 më gjetën në rrugët e mërgimit dhe si gjithë shqiptarët edhe unë kasha vështirësitë dhe më duhej që të merresha me fëmijët e mi. Kisha një munges në shpirt që më mundonte dhe nuk më linte të qetë dhe kjo ishte mungesa për muzikën. Angazhimi për të siguruar minimumin e jetesës më pengoi që të kthehesha.

-Albini do të vazhdosh rrugën e muzikës si Alida?
Po. Jam pjesëmarrës në albumin e mamit dhe e shoqëroi atë në tre këngë. Dy prej tyre janë zëri i dyte dhe e treat është duet me të.
-Ideja, teksti dhe stili që ka kënga dhe si është përshtatur zëri juaj me atë të Alidës?
Kënga quhet “Kënga e drogës” dhe unë jam i biri jam droguar dhe i kërkoj nënës falje në minutën e fundit. Nëna është ajo që mallkon drogën.
-Ju këndoni solo. Për çfarë flasin këto këngë?
Unë kam kënduar disa këngë solo dhe jam duke bërë një album. Këto këngë flasin për dashurinë dhe për qëllimin e jetës.

-A do të jetë muzika profesioni juaj në të ardhmen?
Unë kam dëshirë që të vazhdoja të merresha me muzikë dhe të arrija atë sukses që ka arritur nëna ime.
-Aida vjen në shqipëri me një album që titullohet “Kthimi”. Mesazhi që sillni në këtë këngë?
Në album trajtohet tema e drogës dhe është një thirrje që i bëhet jo vetëm përdoruesve të drogës por edhe të gjithë shpërndarësve të saj të cilët vrasin jetë njerëzish. Kam bërë me Zhuljana Jorganxhi një tekst për këtë temë ku do të transmetojmë me muzikën tonë ndalesën e kësaj katastrofe që ka pushtuar jetën dhe të rinjtë. Në këtë këngë mallkohet ky djall i bardhë duke marrë rolin e nënës që mallkon këto duar që shpërndajnë ate vrasës së botës dhe të të rinjve.
-Në album janë 12 këngë.Asnjë prej tyre nuk është e kënduar më parë. Janë të gjitha këngë të reja?
Dëshiroja që të vija në spectator me krijimtari të re për të treguar se mund ta rinis jetën artistike jo duke u kthyer pas në kohë por duke ardhur me të reja. Në album është një larmi këngësh.

-Tekstet në albumin tuaj janë të krijuar nga e madhja Zhuliana Jorganxhi. Vazhdoni të kontaktoni dhe të vazhdoni miqësinë e vjetër?
Kam një nostalgji të veçantë për Zhuliana Jorganxhi. Kam pasur fatin të punoi me të gjatë viteve të karrierës. Kam dëshirë të punoi dhe me poetë të tjerë por me të kam një lidhje shpirtërore. Kuptohemi pa u shprehur. Ajo më gjen atë që kërkoi. Së bashku kemi arritur sukses.
-Teksti i këngës suaj nga ka marrë titullin albumi është “Kthimi”. Cila është domethënia që ka ky tekst për ju?
“Kthimi” nuk është një tekst i Zhuliana Jorganxhi. Ai është një krijim i imi dhe paraqet ndjenjat e brendëshme për largimin nga skena dhe nga atdheu në rrugët e panjohura të mërgimit. Jam përpjekur që në tekstin e kësaj kënge të tregoj vështirësitë që kam kaluar larg tij. Kjo këngë është një baladë e fortë dhe luhet me një orkestër të madhe dhe me një ndjenjë rrënqethëse. Finalja e këngës vjen me një shpërthim e thotë se “Sonte jam përsëri tek ju, dhe jam kthyer dhe mbaj në dorë atë dritë që nuk m’u shua kurrë.

-Publiku pret që të ketë në dorë një album tuajin. Kur do të dali ky album?
Do të vij albumi për të ghithë publikun dhe shpresojmë që të pëlqehet. Meqënëse publiku e do këngën e do dhe Alidën natyrisht që do të pëlqejë edhe këngën që do të transmetojmë ne. Jam shumë e sigurt që ky album do të pëlqehet.
- Do të ketë videoklip njëra nga këngët në albumin tuaj?
Po do të ketë një klip. Është një këngë rinore që do të vij me klip dhe mendoj se dhe kjo do të pëlqehet. Klipi është bërë në Francë, atje ku është bërë edhe CD që do të vij në treg.
-Cila është rryma muzikore që pëlqeni më shumë?
Më pëlqen RNB dhe në këtë rrymë janë edhe këngët e albumit tim që do të vij së shpejti në treg. -A do e shohin Albinin në festivalet në Shqipëri? Kam menduar që të sjell një këngë në festivalin “Kënga Magjike” dhe më pas në Festivalin e Këngës në RTSH.
-Këto këngë pjesëmarrëse në festivale janë përgatitur?
Materialet janë të përgatitura.

-Si është më e lehtë për ju të këndoni në shqip apo në gjuhë të huaj?
Është më e lëhtë në anglisht dhe gjermanisht pasi nuk e flas shumë mirë shqipen. Besoj se nëna m’a ka mësuar mirë shqipen dhe nuk e kasha të vështirë të këndoja në këtë gjuhë.
-“Kthimi” ishte një këngë shumë prekëse. Si lindi kjo këngë?
Kthimi më bëri që të mendoja se duhet të bëja një këngë dhe një album. Menduam në bashkëpunim me kompozitorin që të punonim për një këngë dhe për një album.
-Ky album është realizuar në Francë. Na tregoni disa detaje lidhur me regjistrimin?
Fati të çon diku ndonjëherë dhe regjistrimi i albumit tim në Francë është një rastësi.
-Ju më parë kishit tekstet dhe më pas muzikën?
Tekstet janë realizuar nga Zhuliana në një kohë rekord. Në këtë ka ndikuar edhe fakti se ne kuptohemi shumë mirë.
-Realizimi i muzikës dhe regjistrimi në Francë sa kohë ka zgjatur?
Dhjetë muaj ka zgjatur, me shkëputje. Me studio dhe orkestracione nëse do të bëheshi së bashku nuk mund të zgjaste më shumë se dy muaj.

-Ndoshta ky album edhe koncertet do të konpensojnë atë kohë që ju keni munguar?
Kisha vetëm një dëshirë gjatë shkëputjes sime nga arti, gjatë përjashtimit tim u mundova të jetojë e sfilitur pa muzikë, kasha endrrën që të kthehesha përsëri tek publiku im, të kthehesha përsëri në skenë.
-Tani që djali juaj do të jetë këngëtar jeni e lumtur për këtë?
Jam shumë e lumtur dhe krenare për këtë.
-Bashkëpunimi me djalin tuaj Albinin, ishte kërkesë e juaja apo e tij?
Këerkesën e kishim të dy që të punonim të dy për këtë. Menduam që Albini të fillonte karrierën e tij në albumin tim deri sa të dilte albumi i tij më pas. Shpresoj që në albumin tjetër Alina, vajza ime të këndojë bashkë me mua.

-Në albumin tend çfarë materiale do të ketë dhe do të interpretoni shqip, anglisht apo gjermanisht?
Albumi do të bëhet në anglisht dhe gjermanisht dhe për herë të parë këto këngë do të vijnë të gjitha shqip.
-Ku do të publikohet albumi?
Ne Shqipëri dhe në Europë.
-Do të bëj një koncert recital Aida Hisku?
Patjetër. Kjo është ëndrra jonë. Ne kemi dalë nga publiku dhe i përkasim atij. Pas publikimit të albumit do të bëjmë një turne.
-Keni për të bërë një koncert në Milano?
Po në 28 tetor do të bëjmë një koncert në Milano në një pallat sporti atje. Dëshirojmë që të japim një koncert atje për gjithë shqiptarët.

-Keni takuar në Zvicër këngëtaren e njohur Vaçe Zela. Emocionet tuaja me të?
Vaçe Zela ka qenë dielli im në rrugën e muzikës, ka qenë një busull për mua. Përcaktuam një ditë takimi me të. U përpoqa që t’i sillja një copë shpirt nga muzika shqiptare për të.
-Këngët e albumit tuaj do të jenë të dashura për publikun si këngët që keni kënduar më parë?
Jam e bindur ashtu sikurse më citoi e madhja Vaçe Zela se këto këngë do të kenë të njëjtin sukses si kënga aq e dashur për shqiptarët “Vajzat e fshatit tim”.

__________________
The heaven's sound is composed inside your heart, listen to its beat to syncronize your life onto the angel's steps.