Formula 1

AlbShkodra · #1 15-09-2003, 15:25

Shumi fiton duelin me Juan Pablo Montoyan

Formula 1, triumf i “kokëkuqes” në Monza

Festa Ferrari në GP të Italisë, që është zhvilluar në cirkuitin e Monzës. Majkëll Shumaker ka dominuar garën, duke u përfunduar atë 6 sekonda para Ullimasit të Juan Pablo Montoya. Ky është suksesi i pestë sezonal i gjermanit, i 69-ti në karrierë. Shumi rrit kështu distancën në tabelën e klasifikimit të përgjithshëm (82 kundrejt 79). I treti Rubens Barrichello, vetëm vendi i katërt për Mclarenin e Kimi Raikonen, gati jashtë lojës për titull. Ndërkohë që në zonën e pikëve janë klasifikuar dhe Marc Zhene i pesti me Bmv-Uilliams, Jacques Villeneuve i gjashti me Bar-Honda, Mark Vebber i shtati me Jaguar dhe Fernando Alonso i teti Renault. Spanjolli është nisur nga vendi i fundit, në xhiron e fundit ka mundur të hyjë në zonën e pikëve, pasi ka fituar duelein me Nick Heidfeld (Sauber). Ka qenë një garë e bukur kjo e Monzë, me një Shumaker (siç ishte parashikuar) të vënë nën presion nga Montoya: një duel spektakolar deri në fund të garës, ku emocionet nuk kanë pasur të mbaruar. Por fundi ka parë kampionin e botës të triumfonte në pistën italiane.

AlbShkodra · #2 22-09-2003, 18:06

Renditja e piloteve.

01 M.SCHUMACHER - (FERRARI) 82
02 JP.MONTOYA - (WILLIAMS BMW) 79
03 K.RAIKKONEN - (McLAREN MERCEDES) 75
04 R.SCHUMACHER - (WILLIAMS BMW) 58
05 R.BARRICHELLO - (FERRARI) 55
06 F.ALONSO - (RENAULT) 55
07 D.COULTHARD - (McLAREN MERCEDES) 45
08 J.TRULLI - (RENAULT) 24
09 M.WEBBER - (JAGUAR COSWORTH) 17
10 J.BUTTON - (BAR HONDA) 12
11 G.FISICHELLA - (JORDAN FORD) 10
12 C.DA MATTA - (TOYOTA) 8
13 HH.FRENTZEN - (SAUBER PETRONAS) 7
14 O.PANIS - (TOYOTA) 6
15 J.VILLENEUVE - (BAR HONDA) 6
16 M.GENE - (WILLIAMS) 4
17 N.HEIDFELD - (SAUBER PETRONAS) 2
18 R.FIRMAN - (JORDAN FORD) 1

AlbShkodra · #3 22-09-2003, 18:10

Renditja e konstruktoreve :

01 WILLIAMS BMW 141
02 FERRARI 137
03 McLAREN MERCEDES 120
04 RENAULT 79
05 BAR HONDA 18
06 JAGUAR COSWORTH 17
07 TOYOTA 14
08 JORDAN FORD 11
09 SAUBER PETRONAS 9

AlbShkodra · #4 23-09-2003, 15:46

Piloti finlandez do të ketë shansin e fundit për të reaguar në pistën e Indianapolisit

Raikonen: Më duhet një rezultat i mirë

Kimi Raikonen e ka të qartë që do t'i duhet një rezultat shumë i mirë fundjavën e ardhshme në Indianapolis për të mbajtur gjallë shpresat për fitimin e titullit kampion. Aktualisht, finlandezi i McLaren it ndodhet rreth 7 pikë larg kryesuesit të kampionatit, që është Majkëll Shumakeri. Vetëm 5 pikë humbi në garën e shkuar në Monza, por, gjithsesi, Raikoneni është i bindur se mund të bëjë diçka më shumë fundjavën e ardhshme në garën e Indianapolisit. "Tani jam duke menduar për garën e radhës, atë të Çmimit të Madh të SHBA së. Jam i sigurt se makina jonë MP4 17D do të jetë shumë më e mirë sesa në Monza. Kemi bërë testime dhe ndryshime në këtë makinë javën që shkoi. E di që më duhet një rezultat shumë i mirë atje, pasi është një nga garat më të rëndësishme për klasifikimin për pilotë. Për këtë arsye, do të bëj maksimumin që të arrij një rezultat të mirë," ka thënë piloti finlandez. Përveçse cilësohet një garë kryesore për këtë moment të kampionatit, pista e Indianapolisit është e preferuar nga shumë pilotë për shkak të karakteristikave të veçanta që ka. "Pista e Indianapolisit ka dy pjesë shumë të ndryshme nga njëra tjetra, pra ka një miks karakteresh, në krahasim me pistat e tjera. Në fillim ka disa pjesë të drejta shumë të shpejta, më pas, në fund të kësaj pjese, vjen një pjesë tjetër, ku ka shumë kthesa dhe është më e ngadaltë. Kjo gjë tregon se makina duhet të jetë shumë e ekuilibruar, pasi kërkohet një konfigurim mes të shpejtës dhe të ngadaltës." Edhe shoku i tij i skuadrës, Devid Kulthard, ka folur për këtë karakteristikë të veçantë që ka pista e Indianapolisit. Skocezi ka thënë: "India ka disa karakteristika shumë të veçanta, por ka edhe disa që ngjajnë me pistën e Katalonjës. Këtu mund të përmendim pjesën e drejtë të shpejtë dhe disa nga kthesat. Për këtë arsye, ne kemi zhvilluar disa testime në pistën spanjolle javën që shkoi. Gjatë atyre ditëve kemi përfunduar disa programe përmirësimi për makinën. E pres gjithmonë me padurim garën në këtë pistë. Gjithmonë kemi dhënë rezultate të mira këtu. Duhet theksuar se atmosfera që krijohet atje nga tifozët e shumtë është tepër e veçantë. Janë vërtet gjëra që të entuziazmojnë shumë. Kjo garë do të jetë edhe më interesante, pasi kanë mbetur akoma pa u shpallur kampionët e të dy klasifikimeve, për konstruktorë dhe pilotë. Pritet të jetë shumë e ashpër edhe sfida, pra do të shohim vërtet emocionet që dhuron një garë e Formulës 1. Në dy vitet e shkuara, që është zhvilluar gara këtu, kam përfunduar në podium, ndërsa tani jam duke u përgatitur që të përsëris këtë rezultat," ka përfunduar Devid Kulthardi.

AlbShkodra · #5 23-09-2003, 15:46

Sipas numrit 1 të skuderisë Williams, skuadra e Maranelos është nga më të favorizuarat në kampionat

Williams: Ferrari nuk duhet të ankohet

Nuk kanë përfunduar ende polemikat mes Williams-it dhe Ferrarit. Javën që shkoi, drejtori i përgjithshëm i Ferrarit, Zhan Todt, kishte rihapur çështjen e gomave. Këtyre fjalëve, Frenk Uilliamsi i ëshë përgjigjur duke thënë: "Kush jeton në një shtëpi me vetrata xhami, nuk duhet të godasë me gurë,"- ka qenë shprehja që britaniku e ka përdorur, duke nënkuptuar favorizimet e shumta që i bëhen Ferrarit. Skuderia e Maranelos ka kohë deri më 30 nëntor për të paraqitur një protestë. Pra, duket se vazhdon ende sulmi i italianëve ndaj parregullsisë së gomave Michelin. Skuderia Williams ka fituar 4 gara me gomat e zgjeruara dhe, për këtë gjë, në përfundim të garës së Monzës, Zhan Todti tha: "Do ta diskutojmë këtë gjë me nivelin më të lartë të skuadrës sonë dhe më pas do të vendosim nëse do të sulmojmë apo jo." Por polemikat mes dy skuderive më të mëdha nuk përfundojnë këtu. Në një intervistë për shtypin britanik, Frenk Uilliamsi është pyetur se përse Zheneja nuk e ka ngadalësuar Majkëllin në garën e Monzës. Në vitin 1997, Ferrari urdhëroi Edi Irvainin që të ngadalësonte rivalët e gjermanit. Francezi, i cili në garën e Italisë zëvendësoi të dëmtuarin Ralf Shumaker, për disa xhiro kishte prapa Majkëll Shumakerin. "Nuk është stili ynë, duhet të pyesni ata që në vitet e shkuara kanë përdorur taktika të tilla," - ka thënë Uilliamsi. Duket se është rihapur këtu çështja e urdhrave të skuderisë, të cilat rregullorja e re e FIA-s nuk i lejon, "Edhe sikur të jetë kështu, Ralfi të ndodhet përpara Montojës. Ne nuk do t'i japim urdhër gjermanit që të ngadalësohet, por, në një pikë, kolumbiani do të dalë përpara. Nuk besoj se kjo gjë do të ofendonte tifozerinë. Edhe në të shkuarën nuk kemi dhënë urdhra. Publiku do të shohë sesi lufton Majkëlli, Huan Pabloja dhe Kimi," - ka përfunduar numri 1 i skuderisë Williams-BMW.

AlbShkodra · #6 23-09-2003, 15:47

Montoja kërkon falje

ditën e ditëlindjes së tij, Huan Pablo Monoja bën hapa prapa. Ditën e shtunë, më 20 shtator, ai ka mbushur 28 vjeç. Kolumbiani ka tërhequr polemikat që hapi për garën e Monzës, duke i kërkuar kështu falje Frentzenit. Për më tepër, ai ka konfirmuar fjalët e drejtuesve të skuadrës së tij, të cilët thanë se të kapje Shumakerin në atë garë ishte e pamundur. "Batutat mbi Frentzenin ishin thjesht ironike. I thashë për momentin, pasi isha i nevriksur. Qe një reagim i nxituar, por u nisa vetëm nga mendimi që Sauber i përdor motorin Ferrari," ka thënë kolumbiani.

AlbShkodra · #7 23-09-2003, 15:48

Truli :
Gjithçka është çështje kompromisi dhe gërshetimi karakteristikash. Pjesa e drejtë dhe e shpejtë ëshë shumë e gjatë. Kjo do të thotë se gazi duhet mbajtur gjatë gjithë kësaj kohe hapur. Ndërsa pjesa tjetër e pistës kërkon një ekuilibrim perfekt të makinës, pasi ka një miks kthesash. Gjithsesi, unë jam shumë optimist dhe më i karikuar se kurrrë.

AlbShkodra · #8 23-09-2003, 15:48

Hedi
Huani ka qenë i pafat, por duhet edhe kjo anë, pasi sporte të tilla kanë nevojë edhe për fat. Pilotët janë të varur nga makineritë dhe makinat,////////////////////////////////// këto të fundit ndonjëherë prishen. Fati do të jetë diçka kryesore që do të vendosë kampioninin në këtë sezon. Duhet ta kesh gjithmonë pas vetes.

AlbShkodra · #9 23-09-2003, 15:49

Hagu
Gara e Indianapolisit do të jetë shumë e rëndësishme për vendosjen e kampionit për këtë sezon. Aktualisht, janë 3 pilotë që janë të ndarë mes 7 pikësh diferencë me njëri-tjetrin, por janë për t'u fituar edhe 20 pikë. Të zhvillosh garë në Indi është diçka shumë e veçantë për të gjithë protagonistët e Formulës 1. Kjo pistë është kryeqyteti i garave me makina.

AlbShkodra · #10 23-09-2003, 15:50

Ferrari
Gara e Indianapolisit do të presë në këtë sezon edicionin e 15-të. Pas shumë vitesh mungesë, kjo pistë është rikthyer në vitin 2000. Atëherë ka fituar Majkëll Shumakeri, i ndjekur nga shoku i skuadrës, Rubens Barrikelo. Këtë fitore dyshe kërkoi ta përsëriste edhe McLaren-i një sezon më pas, kur fitoi me Hakinen. Por në atë sezon, Shumi zuri vendin e dytë, përpara Devid Kulthardit. Sezonin e shkuar, gara u fitua nga Rubens Barrikelo, i ndjekur nga Shumakeri dhe Kulthardi.

AlbShkodra · #11 26-09-2003, 16:44

Formula 1 duket se i ka thyer të gjithë kufinjtë

Botërori i Formula 1 duket se i ka thyer të gjithë kufinjtë. Rivaliteti dhe emocionet e shumta që ka falur ky sezon, ka impresionuar dhe yllin e motoçiklizmit Valentino Rosi. Pasi ka hipotekuar titullin e tij të katërt kampion, doktori gjen kohë për të folur për pasionin e tij të dytë, Formula 1. Bën tifo për Shumakerin dhe është i bindur se dhe këtë vit piedestali për të gjashtën herë do t’i takoj gjermanit: “Më vjen keq për Montojan pasi e vlerësoj shumë për grintën dhe mënyrën sesi garon por në Indianapolis do të jetë sërish Shumaker ai që do të fitojë. Ai ka një armë më shumë se kolumbiani, eksperiencën.

Është një pilot i jashtëzakonshëm dhe ashtu si unë në këtë sezon ka kaluar momente të vështira, por vazhdon të qëndroj në krye dhe ndoshta që në Indianapolis mund të kurorzohet për të gjashtën herë kampion.

E meriton shumë më tepër se çdo kush tjetër”. Vale nuk fsheh njëkohsisht dhe dëshirën e tij për të garuar një ditë në Formula 1: “Është një sport i jashtëzakonshëm.

Natyrisht përpara motorrit nuk vendos asgjë, megjithatë nëse një ditë do të velesha nga sukseset e arritura, atëherë destinacioni im i ardhshëm mund të ishte Formula 1 ose Rejli. Do të preferoja skuderinë e Ferrarit meqënëse jam dhe italian”.

AlbShkodra · #12 28-09-2003, 13:00

Indianapolis, Raikonen niset i pari

Filandezi Kimi Raikonen do të niset nesër në çmimin e madh të Indianapolisit (SHBA), nga vendi i parë. Piloti i Mek Laren ka fiksuar kohën më të mirë në provat e djeshme kualifikuese, duke merituar pole-positionin. Dobët është paraqitur kolumbiani Montoja duke u renditur i katërti. Zgjënjyes kualifikimi i pesë herë kampionit të botës, Majkëll Shumaker, që sot do të niset nga vendi i shtatë. Ferraristi tjetër, Barikelo, do të niset nga vendi i dytë, përpara Panis, i renditur i treti.

AlbShkodra · #13 28-09-2003, 21:56

Majkell Shumaker fiton garat e sotshme ne Indianapolis (USA)
dhe eshte shume prane titullit te gjashte si kampion bote.
Vetem 1 pike i duhet Shumit ne garen e fundit te ketij sezoni ne Japoni pas 2 javesh.

Renditja e Piloteve :

1. Michael Schumacher (Ger) 92 Pike
2. Kimi Raikkonen (Fin) 83
3. Juan Pablo Montoya (Col) 82
4. Ralf Schumacher (Ger) 58
5. Rubens Barrichello (Bra) 55
6. Fernando Alonso (Spa) 55
7. David Coulthard (GB) 45
8. Jarno Trulli (Ita) 29
9. Mark Webber (Aus) 17
10. Heinz-Harald Frentzen (Ger) 13
11. Giancarlo Fisichella (Ita) 12
12. Jenson Button (GB) 12
13. Cristiano Da Matta (Bra) 8
14. Nick Heidfeld (Ger) 6
15. Olivier Panis (Fra) 6
16. Jacques Villeneuve (Can) 6
17. Marc Gene (Spa) 4
18. Ralph Firman (GB) 1
19. Justin Wilson (GB) 1

Renditja e konstruktoreve :

1. Ferrari 147 Pike
2. Williams-Bmw 144
3. McLaren-Mercedes 128
4. Renault 84
5. Sauber-Ferrari 19
6. BAR-Honda 18
7. Jaguar-Cosworth 18
8. Toyota 14
9. Jordan-Ford 13

AlbShkodra · #14 29-09-2003, 16:27

Gjermani i Ferrarit fiton në Indianapolis

Shumi, fare pranë titullit të 6-të

Pesë herë kampioni i botës, Majkëll Shumaker ka fituar çmimin e madh të Indianapolisit në SHBA, duke prekur me një dorë titullin e gjashtë botëror. I dyti ka mbërritur Raikonen, ndërsa rivali direkt, Montoja, ka përfunduar i shtati. Ka qenë një garë plot emcione dhe ndryshimesh në renditje, çmimi i madh i SHBA-së. Kanë qenë reshjet ato, që e kanë bërë garën më interesante dhe aty gjermani nuk ka toleruar, duke konfirmuar veten si një pilot-shiu. Në klasifkimin e përgjithshëm, Shumaker është ngjitur në kuotën e 92 pikëve, ndërsa më pas, vjen filandezi i Mek Laren, Kimi Raikonen, me 83 pikë. Në garën e ardhshme, atë të Suzukës në Japoni, Shumit i mjafton një pikë për t'u shpallur për herën e gjashtë në karrierë, kampion bote. Rekordi mbahet nga vetë ai dhe Manuel Fangio, me nga pesë tituj të fituar.

AlbShkodra · #15 29-09-2003, 16:48

Gjermani fiton mbi Raikonen dhe është një hap larg titullit të gjashtë

Shumi është mbret i Indianapolisit

Për një hap. Vetëm për një hap kampioni i botës nuk është laureuar sërish kampion bote. Loja e fjalëve është e paevitueshme, kur flitet për këtë argument me Shumakerin, që tashmë tituj ka gati gjashtë. Gara e Indianapolisit do të futet në histori si cirkuti i surprizave: janë hedhur poshtë të gjithë parashikimet dhe dominuesit e provave kanë luajtur rol dytësor. Problemi qëndron te gjërat që komplikohen, kur shiu shkon e vjen, kur ndërrimi i gomave bëhet një ferr i