Chanel prezanton garderobën inteligjente

Levizje te orientuara nen veshje chic, sandale te lehta dhe floke te rregullt, kjo eshte strategjia e re e shtepise se modes Chanel, propozuar nga stilisti i njohur Karl Lagerfeld. Sipas stilistit keto veshje te quajtura "chic-street", tentojne te sjellin nje imazh me te kendshem tek te rinjte, duke theksuar ngjyrat e erreta, nje armature e perjetshme, e cila sjell ne kete menyre edhe kontrastin e veshjeve dhe moshes. Per Karl Lagerfeld kjo eshte nje garderove vertet inteligjente dhe kete frymezim ai thekson se e ka marre nga jete e perdtishme e te rinjve, te cilat pavarsisht se jane betuar ti qendrojne besnik veshjeve qe karakterizohen nga perhtyerje ngjyrash dhe formash, eshte e rendesishme qe ata duhet te investojne epr imazhin e tyre, per kete qellim Chanel ofron nje set veshjesh mjaft te çlireta nga mentaliteti. "Duhet qe te rinjte te jene me chic se zakonisht per te dale nga rutina e xhinsit dhe veshjeve te ekzagjeruara"-tha Lagerfeld. Momentalisht shtepia e njohur e modes po realizon nje fushate te madhe publicitare me modelen e njohur Kate Moss e cila po prezanton veshjet e gjenetares se re.

__________________
Nobody is perfect ...

Stili VINTAGE, ose filozofia kundër-modë

Fenomeni që shpërtheu në vitin 2001 dhe që tanimë është përhapur në gjithë botën, aq sa nuk ka ekspozitë, artikull apo foto mode ku të mos përmendet kjo fjalë. Çmenduria e një stili të ri të dashuruar me stilin e vjetër. Dikur i rezervuar vetëm për elitarët, stili “vintage” është përhapur jashtëzakonisht shumë, shpesh madje duke shkatërruar autenticitetin e vet. Megjithatë, ata që adhurojnë të krijojnë të reja me gjëra të vjetra, mbeten të mbërthyer pas tij... Çfarë do të thotë fjala “vintage”? Me origjinë angleze kjo fjalë fillimisht shërbente për të përcaktuar diçka të vjetër por kryesisht në lidhje me verërat si “porto”. Më vonë u përdor edhe për veshjet e aksesorët e modës të së shkuarës, për koleksionet e veturave, fotografitë dhe dizajnin e mobiljeve, nga periudha e pasluftës deri në vitet 1980. Në fjalorin ndërkombëtar të modës termi “vintage” përkufizohet si një lojë aparencash që përdor veshje të vjetra të përziera me të reja në jetën e përditshme, por edhe në evenimente të rëndësishme. Pra, stili “vintage” nuk mund të përdoret nga koka tek këmbët si një kostum i vjetër, ai nënkupton një përzierje stilesh për të krijuar vetëm një: stilin tënd. Pikërisht ky stil po fiton gjithnjë e më shumë terren si në botën e modës, edhe në atë të dekoracionit. Fenomeni “vintage” Aktualisht nuk ka foto mode, ekspozitë apo artikull ku të mos përdoret kjo fjalë. Por stili “vintage” nuk ka lindur sot. Në vitet 1970 njerëzit rrëmonin në veshjet e viteve 1940-1950, por ishin të paktë ata që e bënin këtë. Sinonim i jetës së dytë, stili “vintage” kërkon në fakt posedimin e një kulture të vërtetë të modës për të pikasur gjërat interesante dhe për t’i kombinuar siç duhet. Rrugën e këtij stili e kanë hapur top-modelet Naomi Campbell dhe Kate Moss në vitet 1990 duke veshur rroba “vintage” gjatë evenimenteve zyrtare. Por fenomeni shpërtheu në 2001 me shfaqjen e Julia Roberts në ceremoninë e çmimeve “Oscar”, me një fustan Valentino të 1992. Shtegun e parë ky stil e hapi në botën e luksit dhe mandej u shndërrua në një çmenduri të vërtetë. Shumë shpjet ky stil tërhoqi të gjithë yjet: Demi Moore, Winona Ryder, Nicole Kidman, Sarah Jessica Parker apo Jennifer Lopez e cila vetëm pak kohë më parë u shfaq me një fustan Valentino 1967 të cilin më parë e ka veshur edhe Jackie Kennedy. Të paktën 20 vjeç i vjetër Por stili “vintage” nuk lidhet vetëm me markat e luksit, por edhe me veshje të markave të tjera që kanë qenë një lloj reference në kohën e tyre, veshje dhe aksesorë të vjetër jo më pak se 20 vjet. Tashmë fenomeni është eksportuar gjithkund nëpër botë nga Londra në Paris, nga Nju Jorku në Los Anxhelos ose në Tokio. Stili “vintage” si filozofi është edhe një mënyrë për të refuzuar modën e momentit, ose të paktën për të mos iu nënshtruar të gjithave diktateve të saj. Cristina Morozzi, figurë e shquar e modës milaneze e ka quajtur “një dinjitet të ri stilistik”. “Vintage” refuzon logot, lukun total, markat sanduiç, pra është një reagim ndaj uniformitetit dhe globalizmit. Të jesh kundër-modë Ku mund ta blesh sot këtë “kundër modë”? Emrat e stilit “vintage’ janë sigurisht ato të markave të luksit: Hermès, Chanel, Yves Saint Laurent, Givenchy, Balenciaga, Christian Dior... Por këto veshje mund t’i gjesh edhe në pazarin e gjërave të vjetra dhe në dyqane të specializuar si në tregun e “Saint-Ouen” në Paris ose të “Portobello” në Londër. Ndërsa ka edhe një sërë dyqanesh e magazinash që i kanë lënë hapësira të mëdha fenomenit duke bashkuar veshje, aksesorë dhe objekte të së shkuarës. Ky stil preferohet shumë edhe nga meshkujt që kanë gjetur në to mënyrën për të qenë “dandy”. Gjithçka ndjek çmendurinë “vintage” Përveç modës, ky stil ka ngërthyer edhe universin e dekoracionit. Gjithçka ka ardhur nga kërkimet në tregun e të vjetrave. Mobiljet, qeramikat, tapetet, qelqurinat e viteve 1940, 1960, 1980 janë tanimë tepër të kërkuara. Por edhe abazhurët, pajisjet elektroshtëpiake, enët, aksesorët e zyrave dhe të kuzhinës “retro” janë shumë të preferuara për adhuruesit e stilit “vintage”. Ndikimi ka qenë kaq i madh saqë shumë prodhues i janë referuar sërish dizajnit të tyre historik. Vetëm ndryshimet e mbështetura në përpunimin (ngjyrat, detajet teknike) përbëjnë sot ndryshimin mes tyre dhe produkteve origjinale. Por nëse nuk jeni kaq “purist” mund të kënaqeni me stilin që amatorët e quajnë vintage i ri me objekte më të reja ose riprodhime të objekteve të vjetra. Çmenduria përfshin edhe sektorë të tjerë. Për shembull celularët e parë Motorola, StarTac, janë tanimë shumë të preferuar ashtu si edhe Walkman Sony i vjetër, televizorët italianë Brionvega, etj. Me një fjalë ky stil ka ditë të bukura përpara. Këto objekte janë regjistruar në epokën e tyre dhe me to na lidh një afeksion i veçantë ashtu si me mobiljet e trashëguara nga gjyshërit.

__________________
Nobody is perfect ...

Milla Jovovich modelja më e pasur

Claudia Schiffer apo Cindy Crawford? Tashmë shumë të vjetra. Helena Christensen apo Kate Moss? Cila prej këtyre modeleve mund të jetë më ë pasura ? Përgjigjen e jep revista e njohur amerikane “Forbes”, e cila sipas një klasifikimi, ka renditur si modelen më të pasur, ukrainasen Milla Jovovich. Për herë të parë ajo renditet në krye të toplistës së modeleve më të pasura me një shumë prej 8,7 milionë eurosh në vit, e cila është siguruar mbi të gjitha nga kontrata e saj me “L`Oreal”, e nënshkruar rregullisht prej 7 vjetësh. Sigurisht që nuk duhet ta harrojmë se ajo është edhe një aktore shumë e suksesshme, që do të thotë se të ardhurat e saj vjetore, rriten pafundësisht. E dyta në klasifikim renditen e dashura e Leonardo Di Caprio, bukuroshja Gisele Bundchen, e cila është femra që prezanton në fushatat publicitare, shtëpi të njohura të modës si : Ralph Lauren, Dolce e Gabbana, Dior dhe Bulgari. Ajo fiton rreth 8.3 milionë euro në vit nga këto kompani dhe nuk del në asnjë sfilatë pa futur fillimisht në xhep 50 mijë dollarë. E treta në klasifikim renditet Heidi Klum, me 4.1 milionë dollarë në vit, pa përfshirë këtu edhe shpenzimet marramendëse që i dashuri i saj Flavio Briatore harxhon për të. Amerikania Carolyn Murphy renditet e pesta dhe pas saj vjen përfaqësuesja tradicionale e Estée Lauder, Liz Hurley. Në fund të listës mbetet kaliforniania Tyra Banks, me 3,3 milionë euro, ndërkohë që 10 vjet më parë është shpallur ndër 50 femrat më të suksesshme te vitit nga revista “People”.

__________________
Nobody is perfect ...