"My life" e Klinton, rekord shitjeje
Vëmendjes u përqendrua sesi i trajtoi ish-presidenti skandalet dhe gënjeshtrat, lidhur me Levinski.

NJU JORK - Botimi këtë javë i librit të zotit Klinton të kujton se presidenti i 42-të i Shtetet e Bashkuara mbetet një nga figurat më polarizuese në politikën amerikane. Simpatizantët e ish-presidentit Klinton dhe kundërshtarët e tij nuk i reshtën telefonatat në programe televizive, duke shprehur mendimet e tyre në favor dhe kundër tij.
Një pjesë e madhe e vëmendjes për librin, deri tani është përqendruar tek mënyra, sesi e ka trajtuar zoti Klinton skandalin dhe gënjeshtrat, lidhur me Monika Levinski. Bill Klinton foli për këtë çështje në intervistë, në programin 60-minutësh të CBS-it. “Gjithmonë do të më vijë keq për gabimin personal që bëra. Por unë do të jem gjithmonë krenar, që kur republikanët filluan procedurën për shkarkim, unë nuk dhashë dorëheqjen dhe nuk mendova asnjëherë ta bëj një gjë të tillë dhe luftova. Për mua, e gjithë beteja ishte një medalje nderi. Nuk e shoh si një njollë, sepse ishte e paligjshme”. Ekspertët politikë thonë se vëmendja që po rrethon zotin Klinton mund të jetë një thikë me dy presa për demokratët dhe kandidatin e tyre, senatorin Xhon Kerri. Ndërsa demokratët e vënë theksin tek arritjet ekonomike gjatë presidencës së zotit Klinton, republikanët nuk humbin rastin të flasin për skandalin që bëri që Bill Klintoni, të ishte presidenti i dytë për të cilin Dhoma e Përfaqësuesve votoi për shkarkim nga detyra. Por Senati vendosi që ai të vazhdonte mandatin. Zoti Klinton thotë se do që të bëjë fushatë në favor të zotit Kerry këtë vit dhe zoti Kerry duket shumë i gatshëm ta pranojë një gjë të tillë. “Unë e përshëndes librin e presidentit dhe prezantimin e librit nëpër librari. Besoj se do t’u sjell ndërmend amerikanëve vite shumë të mira, përsa i takon ekonomisë dhe drejtimeve politike që ne morëm”. Disa demokratë mendojnë se ish-nënpresidenti Al Gore gaboi para katër vjetësh, që nuk e angazhoi më shumë zotin Klinton në fushatën e tij. Ish-shefi i stafit të Shtëpisë së Bardhë, Leon Panetta, po e nxit senatorin Kerry të mos bëjë të njëjtin gabim. “Mendoj se ka njëfare nostalgjie për gjendjen ekonomike gjatë viteve të presidentit Klinton dhe për marrëdhëniet që kishim me botën në atë kohë. Këto janë të gjitha pluse dhe nuk mendoj se ka njeri më efektiv në fushatë, sesa presidenti Klinton”. Republikanët e pranojnë se Bill Klinton mund të jetë i jashtëzakonshëm në fushatë. Por, disa prej tyre thonë se prania shumë e dukshme e ish-presidentit në fushatën e zotit Kerry, do të kishte efektin e nxitjes së votuesve konservatorë për të marrë pjesë në votime dhe për të mbështetur presidentin Bush në nëntor. Aktivisti konservator Bei Buçanan foli në televizionin NBC. “Nuk ka diskutim që sa më shumë të shfaqet Bill Klintoni në televizion, duke folur për Monika Levinski dhe ato ditë skandaloze, aq më e favorshme do të jetë për presidentin Bush për të marrë votat e konservatorëve”. Por, kanë mbetur ende katër muaj para zgjedhjeve dhe shumë analistë besojnë se faktori Klinton do të ketë pak ndikim në zgjedhje që kanë mundësi të përqendrohen tek gjendja në Irak dhe tek ekonomia e brendshme.


"Uinston Çërçill" i Blake, libri më i kërkuar i javës

TIRANë - “Uniston Çërçill”, shkruar nga Robert Blake, është libri më i kërkuar në libraritë e kryeqytetit gjatë kësaj jave. Ky libër sjell histori, dokumente, fjalime dhe foto dhe momente nga jeta dhe veprimtari ushtarake të Çërçill. Në të pasqyrohet jetëshkrimi i atyre njerëzve që kanë luajtur një rol të madh dhe të rëndësishëm në histori, jetë e art. Ky kontribut ka ende ndikim të madh në kulturën bashkëkohore. Uinston Çërçill është pa dyshim, kryeministri më i njohur i Britanisë së Madhe. Ai jetoi ngjarjet më të mëdha të shekullit të 20-të; Luftën e Parë Botërore, Krizën e viteve 20, Luftën Boere, Luftën e Dytë Botërore, Zbarkimin në Normandi, Fitoren e Aleatëve, Fillimin e Luftës Atomike, Konferencën e Jaltës e deri te krisja në Bllokun e Komunizmit Lindor. I ndodhur në qendër të këtyre lëvizjeve, ai u bë dëshmitari dhe një nga njerëzit që ndikoi më shumë në politikën dhe fatet e botës deri në mesin e shekullit 20-të. Ky libër vjen për lexuesin i përkthyer nga Albana Kozeli dhe publikuar nga Shtëpia botuese “Naim Frashëri”.


"Dinastia e Mafias", libri më i kërkuar

Libri që është radhitur në krye të top listës, si libri më i kërkuar në libraraitë e kryeqytetit është romani historik “Dinastia e Mafias”. Shkëlqimi dhe rënia e familjes kriminaleGambino, është një libër i shkruar nga John H. Davis dhe radhitet si libri më i kërkuar në libraritë më kryesore të Tiranës gjatë javës që lamë pas. Libri është përkthyer nga Përparim Mulosmani dhe publikuar nga Shtëpia Botuese “Arbëria”. Ky libër është vlerësuar nga kritika, si “një histori fantastike lakmie, dhune, korrupsioni dhe tradhtie përgjatë gjithë një shekulli”. Eksperti i mafias, John H. Davis, përmes këtij romani tregon historinë e detajuar të familjes Gambino, që prej mbërritjes së saj në Shtetet e Bashkuara të Amerikës, si një familje e thjeshtë, deri në kthimin e saj në një prej familjeve më të pasura. E gjitha kjo arrihet vetëm përmes krimit dhe korrupsionit. Nëpër faqet e tij ndeshen personazhe realë, si Lucky Luciano, Frank Costello, Vito Genovese, Carlo Gambino, Paul Castellano dhe John Gotti, për të cilët vrasja dhe tradhtia janë biznes i përditshëm.



Dom Simon Filipaj, i vetmi që realizoi një ëndërr 2000 vjeçare

Është me interes të vihet në dukje, se dom Simon Filipaj krahas punës për ndërtimin e objekteve fetare, përkthimeve të teksteve biblike, që në fillim u mor në heshtje dhe fshehtazi (për shkak të drojës nga pushteti komunist) me mbledhjen, sistemimin dhe përpunimin e gurrës popullore, pra folklorin e pasur, përmbledhje, të cilat më pas ia dorëzoi institutit Albanologjik të Prishtinës. Vjeljes së materialeve folklorike iu përvesh në sajë të dëshirës së madhe dhe dashurisë që ushqeu për kulturën tonë popullore. Kështu, si i pari folklorist pas Luftës së Dytë Botërore i trevave shqiptare në Mal të Zi dhe më gjerë, arriti të shpëtojë nga zhdukja dhe harresa një grumbull të madh të këtij visari gojor të mbledhura më besnikëri, si: epika legjendare, balada, këngë dhe poezi popullore të zhvilluara në lirikë, këngë dashurie, vajtime, gjëmë, anekdota etj, duke i botuar ato që nga numri i parë i vjetarit “Gjurmime albanologjike - Folklor dhe etnologji”, Prishtinë, 1971, ’73, ’74, ’75, ’78, ’82 etj., si edhe nëpër vëllimet e posaçme folklorike që zuri të botojë instituti Albanologjik. Disa nga materialet, akoma sot gjenden të arkivuara në arkivin e këtij instituti.

Veprimtaria përkthyese
Filipaj për fillimin e përkthimeve, të cilat i përfundoi me sukses, e ndihmoi njohja e thellë e kulturës dhe gjuhës popullore me përmasa buzukiane, si dhe njohja e mirë e gjuhëve biblike. Për seriozitetin e punës së tij 40 vjeçare të bërë, na flet fakti se ai, përveç shqipes dhe kroatishtes, zotë-ronte mirë latinishten, greqishten e vjetër dhe italishten. Gjatë përkthimeve u shërbye edhe me hebreishten, kurse nga gjuhët e sotme në përkthime e ndihmonte mjaft, njohja edhe e gjuhës frënge. Përkthyesi, megjithëse ishte njohës i mirë i letërsisë dhe gjuhës shqipe, për shkak të rikompozimit të gjuhës shqipe dhe pamundësisë se kontaktimit më botën intelektuale shqiptare, e cila ishte e zhytur me ideo-logjinë ateiste, pati vështirësi jo të pakta, në tekstet në gjuhën semiti, por falë intelegjencës së tij të rrallë, me sukses ia doli në krye, duke i mbetur besnik formave të përkthimit dhe duke ruajtur veçoritë stilistike të Biblës. “Shqipja”, thoshte dom Simoni, “ka aftësinë ta japë terminologjinë vështrimplotë në përkthimin e Biblës, sikur kanë patur gjuhët klasike”. Sipas gjuhëtarëve të shquar shqiptarë, përkthyesi, duke e bërë përkthimin e librave të Besëlidhjes së vjetër nga “Nova vulgata” (përkthim i Biblës në latinisht nga shën Jeronimi, shek.IV) dhe librat e Besëlidhjës së re nga gjuha greqishte, me mjeshtri të madhe iu përgjigj në tërësi kërkesave gjuhësore e interpretuese të gjuhës së sotme shqipe.

Bibla e Shenjtë, kryevepra e dom Simonit
Nëpërmjet Biblës, e cila përmban fjalën e Zotit dhe është një libër i veçantë i mbarë botës, ne hyjmë ndër popujt e përparuar të botës së qytetëruar. Përkthimi dhe botimi i Biblës në tërësi si dhe i teksteve të tjera liturgjike, për çdo gjuhë, kohë dhe hapësirë, është ngjarje e dorës së parë fetaro-kulturore. Duke patur parasysh lidhjen e ngushtë të gjuhës, traditës dhe kulturës shqiptare më atë të Biblës, për ne shqiptarët, përkthimi i kësaj vepre të rrallë, ka një domethënie historike. Kështu, sa herë që përmenden viganët e ndritur të kulurës shqipatre: atë Pal Engjëlli, don Gjon Buzuku, papa Lekë Matrenga, imzot Pjeter Budi, imzot Frang Bardhi, imzot Pjetër Bogdani, imzot Grigori i Durrësit, Konstantin Kristoforidhi, imzot Fan Noli, atë Shtjefën Gjeçovi, atë Gjergj Fishta e shumë të tjerë, detyrimisht kujtohet edhe, modeli i priftit atdhetar, shqipëruesi i Biblës, dom Simon Filipaj, i cili ishte i vetmi që në botën shqiptare arriti të realizojë një ëndërr 2000 vjeçare të kombit tonë. Filipaj, rilindasi i fundit shqiptar me përkthimin e Biblës dhe librave të tjera liturgjike, hyn si i merituar në analet e kulturës shqiptare.

__________________
Ti Shqiperi me jep nder,
me jep emrin shqipetar,
zemren ti ma gatove,
plot me deshire dhe me zjarr!

ky liber me te vertet eshte per tu lexuar

__________________
Nobody is perfect ...

Libra te rinj

Meri Pop Ozborn vjen per lexuesit me te vegjel me romanin "MESNATE NE HENE". E gjithe aventura e dy protagonusteve Xhekut dhe Enit zhvillohet brenda shtepise magjike, e cila fluturon ne hene. Cili do te jete misioni i tyre? Te gjejne sendin e tyre, qe nis me shkronjen "M", i cili do te shpetoje zanen Morgane nga magjia. A do t'ia dalin valle perpara se te shteroje oksigjeni neper bombolat e tyre? Do ti ndihmoje njeriu i mistershem i henes? E vetmja rruge per ta zbuluar eshte qe ta lexoni. Eshte perkthyer Dritan Koka, botuar nga Dritan. Kushton 400 leke.

Cdokush e ka pyetur te pakten nje here zemren. Spiro Peci ka vendosur qe ta beje kete me shume se nje here, ne nje vellim te tere me poezi, te cilin e ka titulluar "PYES ZEMREN". Poezia e tij shfaqet edhe me fisnikerine e njeriut, qe e do njeriun edhe me te papriturat e jetes, here te kendshme e here tronditese. Poezia e tij eshte dhe kronike dhimbjeje, edhe ditar dashurie, edhe gjeografi e toponimi vendeshe e trojesh (te rinj apo te braktisur) eshte dhe kronologji fisi edhe histori kombi. Si te tilla ato jane prane cdo personi qe i ndjen shpirterisht keto nocione. Kushton 300 leke.

"Karl Ivanici ishte i merzitur. Dukej ne vetullat e ngrysura, ne menyren si e vertiti xhaketen ne dollap, ne levizjet qe beri kur shtrengoi brezin dhe me cfare levizjesh te prera e sa me zemerim tregoi vendin se lexonim ne liber. Une i shkrehur, per asgje s'me behej . Ia ngula veshtrimin e menduar, te perhumbur librit, me tepisten lotet, nga kjo si shihja germat, mendja me rrinte te ndarja jone e afert, s'me lexohej". "KUJTIME", te L.N. Tolstoi. Nje trilogji, e cila nis me femijerine, adoleshencen dhe rinine e shkrimtarit te madh. Eshte perkthyer nga Jorgji Doksani, botuar nga Bota Shqiptare. Kushton 900 leke.

"ROMANI I NJE TE PAFATI" i Imre Kertesz, per shume kritike eshte konsideruar nje kryeveper e mirefillte letrare. Autori ka gjetur mjetet me te perkora gjuhesore per te fshehur ate qe duket, por qe flet shume. Aty njeriu gjen deshmine e pamohueshme se ne te vertete dhimbja dhe jeta jane nje. Permes brengave dhe hidherimeve, ai meson te verteten lakuriqe. Brenda fatkeqesise, ai arrin te nuhase edhe dicka qe i perngjan fatlumesise. Kertesz nw vitin 2002 fitoi Nobelin e Letersise. Eshte perkthyer nga Arlinda Hovi Dudaj, botuar nga Dudaj. Kushton 800 leke.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

ERT ngre "Sipar ne Shqiperi"


"Sipario sull'Albania", keshtu eshte titulluar libri, i cili permbledh tre vite aktivitete kulturore te propozuara nga Rajoni Emilia-Romagna dhe te realizuara nga Fondacioni i Emilia-Romagna Teatro ne Shqiperi. ERT (Emilia-Romagna Teatro) ka bashkepunuar ne fillim ne Shkoder me teatrin "Migjeni" me aktivitete si, koncerte dhe spektakle te vogla te organizuara jo vetem brenda ambienteve te teatrit, te cilat ne nje fare menyre e afruan publikun drejt teatrit. Duke filluar keshtu me, koncertin rock me grupet italiane dhe shqiptare ne Sheshin e qytetit dhe me spektaklet "tip apartamenti" (nje stil i ri i zhvilluar jashte sallave te teatrit), "Autobiografia della leggera" me Magda Siti, "Amnesie" me Stefano Vercelli te realizuara ne ambiente te vogla private, poezite e "Rabbia" dhe "Il tempo degli assassini", qe kompania italiane e Pippo Delbono ka zhvilluar ne Universitet.

Me rastin e rihapjes se teatrit Migjeni u realizua i pari prodhim ne bashkepunim me Kampanine e aktoreve te teatrit Migjeni te Shkodres dhe regjisorit italian Nanni Garella.

Nje eksperience, e cila vuri perballe artistet shqiptare dhe ata italiane se bashku per te realizuar "Sei personaggi in cerca d'autore" (Gjashte personazhe ne kerkim te autorit) te Luigi Pirandello. Ky aktivitet prodhimi u ndoq me pas me realizimin e "Dinner Party" nje tekst ky nga Pier Vittorio Tondelli, gjithmone me regji te Nanni Garella, dhe me "Le ultime lune" te Furio Bordon me regji te Fatbardh Smaja dhe skenografi te Antonio Panzuto.

Por aktivitetet e ERT ne te njejten kohe u shtrine edhe ne Tirane, Elbasan, Korce dhe Durres ku se bashku me grupet italiane kane prezantuar spektaklet e tyre, jo vetem ne teatrot dhe neper Festivalet e organizuara ne keto qytete, por edhe ne shtepite e jetimeve, ne shkolla, sheshe. "Gjithcka ka qene me idene qe teatri duhet te jete ne vende te ndryshme dhe duhet te arrije nje numer madhor te pjesmaresve ne keto aktivitete", shprehen organizatoret.


Libri "Sipario sull'Albania" permban deshmi te artisteve italiane dhe shqiptare, qe bene te mundur kete rruge te gjate dhe shume impenjative duke u pasuruar keshtu si ne planin artistik ashtu edhe ne ate human. Ky publikim nuk eshte perfundimi i nje eksperience, por vetem nje memorje e punes e zhvilluar deri tani. Ne fakt projekti i bashkepunimit kulturor, qe do te vazhdoje ne tre vitet e ardhshme, ka nisur qe nga pranvera e kaluar me nje turne ne disa qytete shqiptare te Circus te Kompanise italiane Fratelli d'Italia dhe me pjesmarjen ne Festivalin "Ballkan 2000" ne Korce me monologun engji e prezantuar nga aktorja e re Paola Di Meglio. Nje tjeter prezantim prestigjoz do te jete edhe ajo e aktorit te madh italian Virginio Gazzolo se bashku me Angela Cardile, e cila do te prezantoje pjesen "Purchè non sia silenzio - Dante, Montale Leopardi" ne Teatrin "Migjeni" dhe ne sallen e Akademise se Arteve ne Tirane ne kuadrin e prezantimit te Javes se Gjuhes Italiane.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.