Rreshtat e tij poetik e sollën për herë të parë në Shqipëri. Ndërsa do të largohet prej saj edhe me një vlerësim për krijimtarinë e tij. Poeti malazez, Jevrem Brkoviq ka marrë “Unazën e Poetekës”, në ceremoninë e mbylljes së edicionit të tretë të Festivalit Ndërkombëtar të Poezisë. “Poeteka 3” ka bashkuar në Durrës poetë nga 18 vende dhe për një javë ka ofruar lexime poetike, të shoqëruara me veprimtari të ndryshme.

Një nga poetët më të njohur në Ballkan nuk ka dashur të komentojë gjatë marrjen e çmimit. Ka qenë ministri i Turizmit, Kulturës, Rinisë dhe Sporteve, Ylli Pango ai që i ka dorëzuar çmimin Brkoviq me motivacionin, “për pasqyrimin e shpirtit ballkanik, derdhur në forma moderne të shprehjes poetike, për finiturat e lirizmit tragjik dhe human, ngjyresat meditativo-filozofike, si dhe shpërfaqjen e plotë të përmasës intelektuale në sprovat jetësore”. Poeti malazez ka qenë “rebeli” i përhershëm i pushtetit politik në vendin e tij, duke u njohur më së shumti edhe si udhëheqësi shpirtëror për pavarësinë. Tashmë që Mali i Zi mori statusin e një shteti më vete, pas marrjes së çmimit, Brkoviq u shpreh se “shpresoj se edhe Kosova një ditë do të jetë e pavarur, që edhe atje të arrijnë çmime të mëdha ndërkombëtare”.

Jeta e tij si poet ka nisur mes kundërshtive të moralit (fuqia e një burri ishte për të luftuar e jo për të shkruar poezi) e më pas, në mosbindjen e tij për të qenë i nënshtruar. Si shkak i kësaj, për njëfarë kohe (1991- ’99) është detyruar të largohet nga Mali i Zi si person “non grata”. Këtë e kanë dëshmuar edhe tre tentativa që i janë bërë, e fundit deri në plagosje.

E megjithatë, ai nuk ka reshtur së shkruari. Krijimtaria letrare e Brkoviq përfshin rreth 100 tituj të zhanreve të ndryshme. Ndërsa është përkthyer në të gjitha gjuhët evropiane. Ai mund të shprehej edhe në një kohë diktature, për faktin se besonte që “poezia është diçka e brendshme, diçka që vjen në formën e revoltës për atë çfarë ti nuk e pëlqen në realitet”. E ka pranuar me kënaqësi ftesën për të qenë i pranishëm te “Poeteka”, pasi i pëlqen të flasë për poezinë. Edhe pse krijimtaria e tij ka njohur kohë të vështira e është bërë shprehëse e aspiratave të lirisë, nuk mund ta pranojë që ajo nuk e ka atë forcë edhe në ditët tona. “Poezia është esenca e spiritualitetit, i të gjitha qytetërimeve. Ndonjëherë mund të duket sikur nuk është aktive, por ajo është një spiritualitet i përhershëm dhe është freskia e përjetshme e botës. Përderisa ekziston poezia dhe poetët, bota ka shans për mbijetesë, si krijesa humane shoqërore”, - është shprehur ai. Por në vargjet e tij nuk mungon as dashuria. I martuar katër herë, për Jevrem Brkoviq dashuria është motivi i përhershëm që e frymëzon. Ai është njëri ndër themeluesit e PEN, Qendrës Malazeze të Shoqatës së Shkrimtarëve të Pavarur të Malit të Zi dhe të Akademisë Duklane të Shkencës e Arteve.

Çmimet
Mes një sërë aktivitetesh, përfshirë edhe shtegtimin e këtij aktiviteti në qytetet e Shkodrës dhe Beratit, “Poeteka 3” ka ulur siparin në Durrës. Përveç “Unazës së Poetekës”, që shkoi për poetin malazez, Jevrem Brkoviq, juria e përbërë nga Agron Tufa, Xhevahir Spahiu, Arian Leka, Erion Kristo dhe Behar Gjoka, vlerësoi me çmimin “Liburna” poetin Anton Papleka, me motivacion “për shtrirjen në kohë të cilësive të veçanta prozodike, për tin-gëllimin epiko-lirik të fjalës dhe shprehësisë letrare si dhe për shumëllojshmërinë e lëvrimit të formave poetike”. Çmimi “Nositi” ka shkuar për përkthyesin Abedin Preza. Një tjetër çmim që këtë vit u nda për herë të parë, “Onufri”, ka shkuar për kritikun kosovar, Ali Aliu. Çmimi i është dorëzuar gjatë një ceremonie të veçantë, të organizuar ditën e enjte në kalanë e Beratit. Aliu e mori këtë çmim me motivacionin, “për kontribute të rëndësishme në spikatjen e prirjeve dhe kaheve të poezisë moderne shqipe, të përveçimit të emrave të shquar të saj, si dhe interpretimin e poezisë bashkëkohore në hapësi

__________________
The heaven's sound is composed inside your heart, listen to its beat to syncronize your life onto the angel's steps.