Kjo eshte porzia e nje mikut tim. Eshte e mrekullueshme dhe nuk do doja ta lija pa e ndare me ju. Pershendes gjithe femrat e forumit dhe njekohesisht ftoj te gjithe meshkujt ta lexojne kete kryeveper te vogle.

Grua!!!
Kur të më kesh krijuar
të më kesh pjellë sërish
ashtu siç më shikon, siç më prek,
siç më ndjen me dashurinë tënde
kur të më lëpish me gjuhë gjakun
që trupin ma mbulon mbas lindjes së vështirë
kur të më nuhasësh, e të më miklosh me frymë
kur të më ushqesh me lëngun e bardhë të dashurisë tënde
të më rrisësh burrë
e me burrin që bëre të krenohesh
kokën të mbështesësh në mua
për të kërkuar prej meje mbrojtje e dashuri
kur të më thekesh mes kofshësh
e prej meje të lypësh jetën
kur jetën time ta rrisësh mes legjendash
kur të vrasësh për mua gjithë bishat e kësaj bote
e të më flasësh pambarimisht për lotet
kur të këndosh këngën më të bukur për kallzat e grurit
kur me erën të bësh një kurorë veç për mua
kur të përkëdhelësh me gjinjtë e tu
përgjumjen time të lodhur
që rrëket në frymëmarrjet e fantazisë sime
të të shoh të zhveshur
kur të më puthesh aq herë sa yje ka qielli
e përjetësinë ta mbledhësh në një ëndërr
kur me durimin tim të plakesh
e vdekjen ta presim bashkë
kur të fundmin çast të jetës sime të më avitesh
e re si ditën kur të njoha
kur të më duash, të shtrihesh pranë trupit tim
e frikën time ta trembësh ashtu si dikur trembje përbindëshat
e makthin, nga ëndrrat e mia
kur trupin e ftohur të ma ngrohësh me buzë
dhe akullin e vdekjes ta gërvishtesh me qerpikët e gjatë
kur të qash mbi trupin tim
e të më nderosh me lule të verdha që ti e di sa shumë i dua
kur në heshtjen e kohëve të mendosh për buzëqeshjen time të trishtë
kur kollën time të degjosh, edhe pse më s'jam
kur kafenë e mëngjesit ta bësh për të dy
kur lotin tënd që rrugën merr në shtegun e faqes
të ma dhurosh si të vetmen gjë që të ka mbetur
kur ditët e tua pa mua të jenë rendja e fundit drejt krahëve të mi
atëherë ti grua
qofsh femra ime.

__________________
Librat dhe kujtimet hidhen ne leter per te mbrojtur njerezit qe deshem ne jete, nga armiku i tmershem me emrin dyfish: kalbezim dhe harrese.