Botohet romani i Carmine Abate

Një verë e nxehtë e milleniumit të ri. Në sheshin e Horës, vend i Kalbrisë i themeluar shekuj më parë nga emigrantë shqiptarë në të cilin edhe sot flitet gjuha arbëreshe, ndalon një autobus nga i cili zbret një vajzë e mrekullueshme bjonde me një fëmijë në krahë. Në ato momente qëllon Mikele, një djalosh që sapo është diplomuar, i cli po kalon verën e fundit në vendin e tij përpara se të emigrojë në veri në kërkim të një pune. Pikërisht Mikele, në sajë të kuriozitetit të pangopur për njerëzit e tij, shumë shpejt do të zbulojë sekretin e Laura Damis, bjondes së panjohur dhe fëmijës që ajo ka. Ndihmësi i djaloshit për hetimin e së shkuarës që i tregon mbi ngjarjet shqiptare që nga heroi Skënderbe dhe guximtarit papàs Dhimitri Damis dhe historitë e afërta që e detyruan babain e Laurës vite më parë të linte përgjithmonë Horën është Gojàri, artisti që di shumë histori të vërteta dhe të çmuara ashtu si pjesët e mozaikut që ai po ndërton prej kohësh. Brenda kësaj vere të gjatë shkrimtari italian Carmine Abate ndërton rrëfimin e një vendi të pushtuar nga ushtria turke në fund të viteve ‘400, të arratisurit që lënë bregdetin ballkanik për të gjetur shpëtim dhe liri, udhëtimi nën drejtimin e Dhimitrit me gruan shtatëzanë, pastaj Shqipëria e Enver Hoxhës, arratisja e dashurisë së një balerine të mrekullueshme nga Tirana dhe akoma një gomone e mbushur më të pashpresë që fundoset për shkak të skafistit, shijet e forta të Kalbrisë, misteri i një theasari të fshehur, urrejtja, pasioni i transmetuar për breza me radhë. Me të gjitha këto Carmine Abate ka ndërtuar një “mozaik” emocionues, një rrëfim që e bwn romanin historik. Histori që kalojnë nëpërmjet “kohës së madhe” të popujve dhe gjeneratave.