Keshilla per kuzhine

Qershija · #1 08-08-2004, 08:50

Ketu do japim disa keshilla per kuzhine...

Qershija · #2 08-08-2004, 18:47

Në mënyrë që të zhdukësh erën e mykut apo cdo lloj ere tjetër jo të këndshme në dollap apo në syrtare mjafton të vendosni në kënd të tyre një copëz thengjill.
------------------------------------------------------------------------------------------------
Gjatë gatimit të gjellëve të nxehta mos i mbani fëmijët pranë.

------------------------------------------------------------------------------------------------
Kur rrihen të bardhat e vezëve që t'u shtohen më shumë vëllimi për cdo kokërr vezë i shtohet një gjysëm luge gjelle ujë.

------------------------------------------------------------------------------------------------
Kur gjiza është e thartë përzihet me qumësht në raportin 1:1, pasi lihet një orë kullohet, kështuqë gjiza bëhet e ëmbël dhe e freskët.

------------------------------------------------------------------------------------------------
Në mënyrë që të heqesh erën e peshkut nga duart, pastroji ato duke i ferkuar mirë me limon...

------------------------------------------------------------------------------------------------
Për të përmirësuar shijen e fasuleve gjatë zierjes hidhen majdanoz dhe karota.

------------------------------------------------------------------------------------------------

Shpresoj qe sa do pak keto keshilla te ju ndihmojne ne jeten e perditshme te kuzhines......

Qershija · #3 09-08-2004, 00:41

Kur ne frigorifer mbetet 1/2 kokre qepe e qeruar, qe te ruaj shijen dhe aromen, lyhet vendi i prere me margarine.

Gjate zierjes se patateve te vjetra ,qe te mos krijohen njolla te zeza,u hidhet pak uthull.

Qershija · #4 09-08-2004, 00:50

Per te pastruar makinen e mishit gjate grirjes se mishit me dhjame,grihen me pare 2--3 kokrra patate,pastaj lahet.

Trute para se te perpunohen duhet te vendosen per 1--2 ore ne uje te ftohte qe tu hiqet cipa.

Qershija · #5 27-08-2004, 21:02

Djathi shumë i kripur njomet me ujë të zier por të ftohur.

--------------------------------------------------------------------------------------------------
Mos përdorni mjetet elektrike kur duart i keni të lagura, si dhe kur dyshoni se kanë difekte teknike.
---------------------------------------------------------------------------------------------------

Vezët e freskëta kur futen në ujë me kripë bien në fund ndërsa ato që s'janë të freskëta notojnë.
-----------------------------------------------------------------------------------------------------

Patatet e ziera qërohen më lehtë nëse pas zierjes hidhen në ujë të ftohtë.

-------------------------------------------------------------------------------------------------------

Mbas qërimit të patateve, karrotave, e perimeve të tjera duarve ju hiqen njollat nëse lahen me lëng limoni ose limontos.

Ervini79 · #6 09-10-2004, 11:54

Kur ne friz ta fusim torten apo diqka qe mund te mar eren e asortimenteve ne friz duhet me vendos nje filgjan me pak kafe.. e kam degjuar mamin duke treguar per kete

Administratori · #7 17-08-2006, 13:54

Ciknosja e gjellës (në tenxhere)

Nëse pa dashur e lini gjellën ne tenxhere më shumë seç duhet dhe ju ciknoset, mos u merakosni. Hiqni me kujdes pjesën e lartme që nuk është djegur dhe vendosini në një tenxhere tjetër. Në vazhdim shtoni në gjellë një patate të qëruar të prerë në feta si dhe dy fetëza bukë bajate. Lërini në gjellë për rreth 20 minuta në mënyrë që të thithin erën e djegësirës. Më pas hiqini patatet dhe bukën dhe shtoni pak piper ose një salcë pikante për ta mbuluar plotësisht erën e ciknës.

Administratori · #8 17-08-2006, 14:00

Shkrirja e mishit

Preferohet që shkrirja e mishit të mos bëhet jashtë frigoriferit, sepse ndryshimi i menjëhershëm i temperaturës shkakton plasaritje në indet e tij, duke shkaktuar në vazhdim oksidim të mishit nga kontakti me oksigjenin. Kështu, është më mirë që pasi ta kemi nxerrë nga ngrirja, ta lëmë mishin në dhomën e shkrirjes së frigoriferit (apo në katet e poshtme të frigoriferit), në mënyrë që të shkrihet pak nga pak.

Administratori · #9 17-08-2006, 14:02

Peshk pa erë të rëndë

Nëse ju pëlqen peshku, por nuk e duroni erën e tij të rëndë, ekzistojnë mënyra për ta bërë atë më të lehtë. P.sh. para se ta piqni spërkateni me mjaft limon dhe vendosini në bark një copë djathë ose një degëz rozmarinë. Kështu do ti jepni peshkut shije dhe aromë të këndshme.

Administratori · #10 17-08-2006, 14:03

Pastrimi i peshkut

Një mënyrë mjaft e mirë për të mos e mbushur kuzhinën me luspa sa herë që qëroni peshk, është që ti zhysni peshqit në një enë të madhe me ujë dhe lëng limoni. Kështu, jo vetëm që nuk do të mbusheni me luspa, por do të evitoni erërat jo të këndshme.

Administratori · #11 17-08-2006, 14:04

Ruajtja e oktapodit

Oktapodin e mbetur është mirë ta ruajmë në një vazo qelqi me uthull, të vendosur në frigorifer. Në këtë mënyrë, jo vetëm që të ruhet për më tepër kohë, por merr një shije speciale dhe me të mund të bëjmë meze mjaft të shijshme.

Administratori · #12 17-08-2006, 14:05

Berxollatë buta

Grini një kivi derisa të bëhet pure, zhytni në të bërxollat dhe lërini për rreth 1 orë. Në vazhdim shpëlajini dhe piqini. Rezultati është të shijoni bërzollat më të buta që keni ngrënë ndonjëherë.

Administratori · #13 17-08-2006, 14:07

Stërkitja (stërpikja) me vaj të nxehtë

Për të evituar stërkitjen me vaj të nxehtë gjatë skuqjes dhe të na ndotë kuzhinën, është mirë që të hedhim në vaj pak kripë, para se të fillojë të nxehet.

Administratori · #14 17-08-2006, 14:08

Era e keqe e lulelakrës

Për të shmangur erën jo të këndshme të lulelakrës së zier, hidhni në tenxhere një mollë ose vendosni mbi kapakun e tenxheres një copë pambuk të zhytur në uthull.