Gjellet

Qershija · #1 03-05-2003, 03:27

Kush di ndonje gjellë te mire le te na tregoje edhe neve , do ta presim me shume kenaqesi

_B[A]D_B[O]Y_ · #2 04-05-2003, 18:10

Patëllxhanëve u qërohet bishti, u hiqet lëkura në tre rripa sipër dhe nga të dyja anët. Priten për së gjati te pjesa e sipërme deri në mes të tulit. Patëllxhanët vendosen në ujë me kripë për gjysëm ore. Ndërkohë në tigan me yndyrë skuqet qepa e grirë në formë gjysëmrrethi,shtohen domate të qëruara dhe të prere në copa të vogla; vazhdon kaurdisja në zjarr të avashëm në mënyrë që qepa të zbutet. Në fund shtohen hudhra të grira, majdanoz, kripë, piper dhe pak uthull. Patëllxhanet kullohen, shpëlahen dhe skuqen në tigan me pak yndyrë pastaj rreshtohen në tavë, hapen në vendin e prerë dhe mbushen me masën e përgatitur. Sipër u vihet nga një fetë domate.
Shtohet fare pak ujë dhe piqen për një orë në furrë jo shumë te nxehtë.

_B[A]D_B[O]Y_ · #3 04-05-2003, 18:13

Pula e pastruar dhe e larë pritet në thela, vendoset në tenxhere, hidhet ujë i vluar aq sa të mbulohen thelat, shtohet pak kripë,piper i zi dhe zihet në zjarr të ngadalshëm derisa të bëhet gati.
Në një tenxhere me gjalpë kaurdiset mielli, shtohet lëngu i pulës duke e përzier mirë që të mos krijohen kokrra dhe lihet të ziejë për 2-3 minuta derisa lëngu të trashet. Pastaj hiqet nga zjarri dhe përzihet me arra të shtypura. Salca rregullohet me hudhra të shtypura, uthull, kripë, piper të zi e thelpinj arre dhe mbahet në vend të ngrohtë, por pa marrë valë.
Gjatë servirjes në pjatë vendoset pula e cila mbulohet me salcën e përgatitur. Kjo lloj pule zakonisht jepet pa garniturë.

_B[A]D_B[O]Y_ · #4 05-05-2003, 15:49

Përbërësit për katër persona
1 kile patate të zjera
lëng i filtruar i dy kokrrave limon
2 lugë majdanoz i grirë
kripë dhe vaj ulliri
spec i kuq djegës
një kokër qepë
200 gr ton
një lugë majonez
Koha 1 orë.
-------------------------
Përgatitja Patatet e zjera ende të ngrohta, prijini në feta dhe i përzieni shpejt me lëngun e limonit, 2 lugë majdanoz të grirë, kripë dhe specin djegës të grirë hollë. Përzijeni mirë dhe lëreni pak ashtu. Vendoseni mbi një letër zjarrduruese të lyer me vaj ulliri, brenda një bordure për t'i dhënë formë. Bëni një shtresë të parë me patatet duke ushtruar një presion të lehtë mbi to. Shtoni 200 gr ton dhe qepën e grirë dhe pastaj vendosni pjesën tjetër të patateve. Futeni në frigorifer dhe lëreni për të paktën 1 orë. Nxirreni me kujdes nga letra duke hequr dhe bordurën dhe vendoseni pastiçon në pjatë.

lostparadise · #5 06-08-2004, 17:54

Eskallop me domate dhe vere

Ingredientet per 4-5 persona:

1- 1 kg mish vici , tul
2- 4 kokrra qepe te thata mesatare
3- 6 thelbinj hurdher
4- 3-4 luge salce domateje
5- 4 domate te pjekura mire, te forta
6- 1 gote vere e kuqe
7- majdanoz i fresket
8- vaj vegjetal
9- kripe e piper sipas deshires
10- 2 gjethe dafine
Pergatitja:

Presim mishin ne bifteke me madhesi mesatare, i rrahim me rrahesin e kuzhines, i kriposim me kripe e piper dhe i skuqim pak ne nje tigan me pak yndyre ne zjarr te avashte. Copat e mishit te pjekura i vendosim ne nje tave drejtkendeshe pak te thelle, duke i renditur ne rregull.

Pasi kemi perfunduar skuqjen e mishit, ne ate tigan shtojme sasine e vajit dhe skuqim qepen qe e kemi prere ne rripa te holle. Pasi te jete skuqur qepa , shtojme hurdhrat e grira, salcen e domateve , dhe te gjitha keto i shuajme me veren e kuqe.

I hedhim kripe e piper , gjethet e dafines, i mbulojme me kapak dhe e leme salcen te zieje per rreth 10 min ne zjarr te ngadalte.

Pasi salca te jete bere e hedhim ne taven ku me pare kishim vendosur copat e mishit, duke e shperndare ne menyre uniforme.

Marrim domatet, dhe i presim ne rrathe me trashesi 2-3 mm. Me to mbulojme te gjithe taven dhe e pjekim ne furren e nxehur me pare per rreth 15 min.

E heqim nga furri dhe kur te servirim eskallopin i hedhim siper majdanoz te grire holle.

Kryesisht shoqerohet me vere te kuqe.

Ju befte mire (ata qe do e gatuajne)

Qershija · #6 21-08-2004, 20:10

Oriz me mish pule

-350 gr oriz
-400 gr mish pule
-200 gr speca
-kungull
-100 gr qepe
-1 luge hudher te bluar trash
-krip,biber,bazilik,qepujke,majdanoz
-4 luge vaj(me mire vaj ulliri)
-djath te bluar parmezan

Orizin e ziejme sipas udhezimeve ne ambalazh.Ne vaj i skuqim qepet e perziera me hudher,mish pule te prere ne kube ,spec dhe kungull.Tere kete e skuqim perafersishte 10 min .I shtojme pakez leng e kriposim i hedhim melmesat,orizin e zier dhe i perziejme mire .Lengun (ujin) shtese ia hedhim sipas nevojes.Ne fund i shtojme djathin permazan te bluar dhe e sherbejme.

Qershija · #7 27-08-2004, 22:03

Speca te mbushur

Per 6 persona:

15 speca te kuqe ose jeshil
1 kg mish i bluar
2 qepe mesatare (te bluara me makine)
1 gote oriz
vaj
2 karrota (te bluara me makine mishi)
1 thelb hudhre (i bluar)
krip,vegete,piper te zi edhe piper me fara bene edhe te kuqe

Qepet ne vaj fergohen mire, i hedhim mishin ,orizin, karrotat ,hudhren ,piper te kuq , piper te zi dhe vegete ,te gjitha keto i perzijme mire ,marrim 15 cope speca i pastrojm u heqim farat dhe i mbushim ,i rendisim ne nje tepsi, hedhim siper pake vaj ,dhe pak uje i fusim ne furre ,mbas nja 15 minutave i nxjerrim jashte, dhe i kthejme ne anen tjeter, keshtu lehen edhe 15 ,apo 20 deri sa te jene gati.
Servohen me jogurt dhe sallate.

ju befte mire.

Qershija · #8 27-08-2004, 23:22

Sarma

Nevojiten:

Laker turshi
1 kg mish te bluar
6 qepe
vaj
krip
2 domate
majdanoz
oriz
piper te zi

Ne nje tenxhere hidhim vaj dhe hidhim qepe te bluar deri sa te skuqen shtojme pak kripe, shtojme mishin e bluar ne momentin e skuqjes, me pas shtojme domatet (domateve ua hekim lekuren me pare).Me pas shtojme dy tufa majdanoz dhe i grijme imet dhe ia shtojme mases, nderkohe marrim dhe oriz dhe e shtojme ne masen qe po skuqet ne zjarr.E perziejme masen shtojme pak piper te zi dhe ndalojme kavurdisjen.

Nderkohe marrim nje tepsi te gjere, Hidhni pak vaj ne fund te saj dhe mbi te vini nje shtrese me fletet e lakres turshi te shtrira mbi njera tjetren
Marrim nje flete lakre dhe mu ne mes te saj me luge hedhim nje mase nga e brendshmja e pregatitur .E palosim gjethen nga ana e bishtit nje here nja dy gisht me pas palosim anesoret dhe ne fund pjesen e majes se fletes .Mbeshtjellja mund te behet ne menyre katrore, kubi dmth, ose ne forme te rrumbullaket si cilinder, qe eshte dhe me e kendshme.Kujdes te perdorni te njejten mase per te gjitha qe te dalin e njejta forme e te jene edhe te kendshme per me i shiku.

Sarmat servohen me jogurt dhe salade

JU BEFTE MIRE!

Qershija · #9 17-09-2004, 13:50

Tave Kosi (Elbasani)

Tava pergatitet me mish qengji ,pule ose dashi. Po te jete me mish qingji ajo piqet direkt, ndersa me mish tjeter duhet te zihet me pare. Mishi qingjit pritet ne thela dhe vihet ne tepsi. I hidhet gjalpe dhe futet ne furre e hiqet. Here pas here hidhet uje nga pak qe te mos thahet. Pasi hiqet nga furra, ne nje tenxhere me gjalpe kaurdiset pak miell deri sa te zverdhet. Shtohet lengu i mishit te pjekur, perzihet dhe vlojne deri sa te trashet si salce. Largohet nga zjarri dhe pasi ftohet i shtohet kos, veze, kripe dhe perzihen mire. Ne tave hidhet pak oriz gjysem i zier, rradhiten thelat e mishit, hidhet masa e pregatiur me pak gjalpe siper e piqet ne furre derisa ne faqe te krijohet nje cipe e kuqe.

lostparadise · #10 17-09-2004, 15:55

urime Qershia per dijet e tua ne fushen e kuzhines

per taven e Elbasanit do doja te shtoja se behet me e shijshme nese gatuhet ne tave balte

Pershendetje nga Lostparadise

Qershija · #11 18-09-2004, 10:29

Flm Lostparadise per plotsimin dhe komplimentin tend ... Me nevojitet edhe ndihma juaj qe ta bejem kuzhinen dhe te gjitha sektoret ne forum si eshte me se miri....

me respekt,
Qershija

Qershija · #12 18-09-2004, 10:42

Mish viçi me perime

500 gr mish tul
Vaj ulliri 3-4 lugë gjelle,
karrota,
selino,
qepë ,
perime të ndryshme 1 kg,
majonezë 1/2 filxhan çaji.

Rostoja e viçit, pasi të jetë ftohur pritet në feta të holla, në drejtim të kundërt të
fijeve, vihet në pjatë në formë shkalle dhe zbukurohet me ullinj, kastraveca turshi, me domate të prera në feta, me rrepan të kuqe, qepë të njoma ose me ndonjë sallatë tjetër. Mund të shoqërohet me salcë majoneze ose mustardë (salcë e përgatitur me sinap).

Qershija · #13 18-09-2004, 11:19

Gjyveq Podujeve

Duhen:

1 kg mish ose 1 pule
5 patate,
2 gota uji oriz,
3 speca,
2 patlligjana te zi,
2 karrota,
2 domate,
2 luge bizele,
vaj ,vegete,piper i kuq.

Ky lloj gjyveqi mund te behet me cdo lloj mishi.Por preferohet me mish pule dhe viçi.
Se pari pastrohet mishi mire me uje te vaket disa here edhe prehet ne copa,e fusim ne nje ene te cilen e vendosim mbi zjarre per 1 ore ose edhe me teper varet deri sa te zihet mishi mire.Pastaj ne tepsi i vendosim vajin,patatet,orizin (te cilin me pare e kemi qeruar dhe lare disa here ne une te nxehte),specat,domatet,patlligjanat e zi,karrotat,bizelen,etj (mund te shtoni perime simbas shijes) ku te gjitha keto me heret i kemi lare mire dhe i kemi prere ne forma te deshirueshme,i fusim ne furre per pak minuta sa te fergohen pak pastaj i nxerrim nga furra ju shtojme vegete(melmesa te ndryshme) dhe i perziejme mire.Pastaj e shtojme edhe piperin e kuq edhe ne fund e marim enen te cilen kemi vendosur mishin me pare dhe ne mesin e tepsis vendosim mishin pasataj hedhim mbi ta lengun e mishit qe ka mbetur ne ene.
E marim tepsin e fusim ne furre dhe e lem derisa te shohim qe jan rritur kokrrat e orizit dhe qe eshte zier gjyveqi ne pergjithesi.E sherbejme me sallate te cfardoshme dhe kos..

Ju befte mire!

Ervini79 · #14 09-10-2004, 11:27

Citim:

Origjinali i Postuar nga Qershija

Gjyveq Podujeve

Duhen:

1 kg mish ose 1 pule
5 patate,
2 gota uji oriz,
3 speca,
2 patlligjana te zi,
2 karrota,
2 domate,
2 luge bizele,
vaj ,vegete,piper i kuq.

Ky lloj gjyveqi mund te behet me cdo lloj mishi.Por preferohet me mish pule dhe viçi.
Se pari pastrohet mishi mire me uje te vaket disa here edhe prehet ne copa,e fusim ne nje ene te cilen e vendosim mbi zjarre per 1 ore ose edhe me teper varet deri sa te zihet mishi mire.Pastaj ne tepsi i vendosim vajin,patatet,orizin (te cilin me pare e kemi qeruar dhe lare disa here ne une te nxehte),specat,domatet,patlligjanat e zi,karrotat,bizelen,etj (mund te shtoni perime simbas shijes) ku te gjitha keto me heret i kemi lare mire dhe i kemi prere ne forma te deshirueshme,i fusim ne furre per pak minuta sa te fergohen pak pastaj i nxerrim nga furra ju shtojme vegete(melmesa te ndryshme) dhe i perziejme mire.Pastaj e shtojme edhe piperin e kuq edhe ne fund e marim enen te cilen kemi vendosur mishin me pare dhe ne mesin e tepsis vendosim mishin pasataj hedhim mbi ta lengun e mishit qe ka mbetur ne ene.
E marim tepsin e fusim ne furre dhe e lem derisa te shohim qe jan rritur kokrrat e orizit dhe qe eshte zier gjyveqi ne pergjithesi.E sherbejme me sallate te cfardoshme dhe kos..

Ju befte mire!

e moj qershi te lumshin duarte eshte shume e mire kjo

Qershija · #15 25-01-2005, 16:15

Buke me mish

1 kg mish(i bluar)
1 qepe te vogel
3 vaj-krem
5 ve

Mishin e qepen(e bluar) e fergone me vaj dhe melmesa.Ne nje ene tjeter vendosim vete dhe ajken dhe i tundim se bashku , ne fund i bejme bashke i vendosim ne nje tepsi dhe i futim ne sobe(furre).

ju befte mire!