Brumrat (pica, pite, byrek, fli etj ...)

Qershija · #1 03-05-2003, 20:36

MANTI KOSOVE

Per 4-5 persona duhen: 1 kg miell, 2 gota uje te vaket, 2 luge vaj pak kripe per brumin dhe 600 gr mish I grire, 3 qepe, kripe, vaj, piper i zi

Ne tavoline ose ne tepsi hidhet miell, uje i vaket, vaj, kripe dhe perzihen dhe nga brumi i formuar behen 30 kuleqe te vegjel. Secili kulac zmadhohet me okllai sa shuplaka e dores. Lyhen kuleqt me gjalpe dhe bashkohen ne dhjeteshe. Secila dhjeteshe tehollohet ne nje pete te madhe dhe te tre petet bashkohen ne nje pete te vetme. Peta ndahet ne katrore shahu. Per mbushjet e katroreve nevojiten mish i grire, qepe te grira holle, kripe piper i zi . Masa e pergatitur skuqet ne vaj dhe ne fund te skuqjes i hidhet pak piper i kuq per ngjyre. Masa duhet te lihet te ftohet dhe me pas mbushen me te katroret e pergatitur me pare. Cdo katrore mbeshtillet diagonalisht nga te kater anet (si zarf) dhe vihen ne tepsi per tu pjekur. Mantia piqet nje gjysem ore. Pasi eshte pjekur mbulohet me nje picete per 10 minuta dhe serviret me kos.

_B[A]D_B[O]Y_ · #2 04-05-2003, 18:07

Byrek me spinaq
---------------------

Në tavolinë ose tepsi hidhet miell, në mes hapet gropë ku hidhet ujë me pak kripë. Për 1 kg miell merret 550-600 gram ujë, megjthëse kjo varet nga lagështia e miellit. Duke e përzier nga mesi, zihet një brumë i fortë i cili punohet për 10 minuta, ndahet në kuleçë, mbulohet me picetë të lagur dhe lihen për 20-30 minuta që të fitojë elasticitet. Nga çdo kulaç bëhen petë të vogla, secila prej tyre spërkatet me niseshte dhe vendosen 3-4 copë mbi njëra tjetrën, pastaj hapen petët e zakonshme. Spinaqi për mbushje pastrohet, lahet dhe përvëlohet për 2-3 minuta në ujë të vluar e kripë, kullohet duke e shtrydhur, pritet dhe përzihet me djathë të thërmuar e vezë, shtohet kripë, piper dhe shtrohet në petë. Në tepsi të lyer me yndyrë shtrohet gjysma tjetër e petëve, duke i spërkatur secilën me yndyrë, mbi to shtohet mbushja e përgatitur dhe mbulohet me pjesën tjetër të petëve të spërkatura me yndyrë. Anët mbështillen nga brenda. Byreku spërkatet me yndyrë dhe piqet.

_B[A]D_B[O]Y_ · #3 04-05-2003, 18:09

Mielli i misrit hidhet në një tenxhere me ujë të vluar me pak kripë dhe përzihet derisa të bëhet një llapë e trashë. Hiqet nga zjarri dhe shtrohet në tavë të lyer me yndyrë. Mbi këtë shtrohet mbushja e përgatitur si për byrek me spinaq, sipër hidhet nje shtresë e hollë miell misri.
Spërkatet me ujë e yndyrë dhe piqet.

_B[A]D_B[O]Y_ · #4 04-05-2003, 18:14

Specat pastrohen nga bishti dhe farat, lahen dhe skuqen. Në yndyrën e mbetur hidhet domatet e qëruara nga cipa dhe të grira hollë, kaurdisen derisa masa të trashet, hiqet nga zjarri i hidhen vezë, spec djegës, majdanoz i grirë hollë, gjizë ose djathë.
Masa vendoset në pjatë dhe sipër vendosen specat e fërguar.

Qershija · #5 27-05-2003, 19:20

Fli Kosove

Për 4-5 persona nevojiten:
Per brumin duhet: 1 kg miell,
3-4 gota ujë, kripë,
Per masën duhet: 200 gr gjalpë,
2 filxhana caji ajkë, 3 lugë vaj.
Në një enë hidhet miell, kripë, ujë i ftohtë dhe përzihen në një brumë të hollë si për petulla. Në një enë tjetër shkrihet gjalpë, ajkë, vaj dhe qumësht, përzihet masa e krijuar derisa të gjithë përmbajtësit të jenë skrirë në një masë të vetme, Lyhet tepsia me yndyrë dhe me një lugë merret brumi i hollë dhe hidhet nga cepi i tepsisë deri afër mesit dhe krijohen rradhë të cilat mbulojnë gjithë tepsinë. Mesi i cili është bosh mbushet me rradhë paralele .(shih skicën) Gjithë sipërfaqja lyhet me masën e përgatitur dhe futet në furrën e ngrohur. Kjo piqet për 3-5 minuta. Nxirret nga furra për të vazhduar me rendin tjetër. Brumi i hollë tashmë hidhet në të njëjtën mënyrë por midis dy rradhëve derisa të jetë mbuluar e gjithë tepsia. Përsëri lyhet me masën dhe piqet për 3-5 minuta. Kjo procedurë vazhdon derisa të mbushet tepsia. Flia lihet të ftohet për 10 minuta dhe serviret me kos, djathë ose mjaltë.

JU BËFT MIRË !

antigona · #6 31-07-2003, 17:53

desha me te tregu se kjo asht edhe flija e shqipetareve
edhe ne keshtu e bejme............................................

Qershija · #7 30-06-2004, 23:55

ok antigona por a ke ndonje reqet te akulloreve si i bene ato
me respekt Qershija

lostparadise · #8 07-08-2004, 02:07

Pallacinka

Me kete emer njihen kryesisht ne zonen e Korces.

Per pregatitjen e petes duhen:

2 veze
1 gote kos
sode buke
kripe
miell

I rrahim vezet , shtojme kosin, soden e bukes, kripen dhe miellin derisa te behet nje mase e holle brumi.

Ne nje tigan me diameter mesatar ,te ngrohur me pare dhe te lyer me pak vaj hedhim nje sasi brumi, aq sa te krijohet nje pete e holle me trashesi 1 mm.

E leme te piqet pak, dhe me kujdes me ndihmen e nje luge druri e kthejme te piqet edhe nga ana tjeter. Perfundojme ne kete menyre te gjithe sasine e brumit.

Me pas mbi pete mund te vendosim lloje te ndryshme rrecelerash, arra apo lajthi te grira, mjalte, etj. i mbeshtjellim ne forme roleje dhe i vendosim bukur ne pjate. Siper e sperkasim me pak mjalte dhe me sheqer pluhur e kanelle sipas deshires.

Palacinkat mund te mbushen edhe me asortimente te tjera te kripura , si psh: djath kackavall i grire, proshute, spinaq i zier etj

Qershija · #9 28-08-2004, 06:31

--------------------------------

Ervini79 · #10 09-10-2004, 11:33

Citim:

Origjinali i Postuar nga _B[A]D_B[O]Y_

Byrek me spinaq
---------------------

Në tavolinë ose tepsi hidhet miell, në mes hapet gropë ku hidhet ujë me pak kripë. Për 1 kg miell merret 550-600 gram ujë, megjthëse kjo varet nga lagështia e miellit. Duke e përzier nga mesi, zihet një brumë i fortë i cili punohet për 10 minuta, ndahet në kuleçë, mbulohet me picetë të lagur dhe lihen për 20-30 minuta që të fitojë elasticitet. Nga çdo kulaç bëhen petë të vogla, secila prej tyre spërkatet me niseshte dhe vendosen 3-4 copë mbi njëra tjetrën, pastaj hapen petët e zakonshme. Spinaqi për mbushje pastrohet, lahet dhe përvëlohet për 2-3 minuta në ujë të vluar e kripë, kullohet duke e shtrydhur, pritet dhe përzihet me djathë të thërmuar e vezë, shtohet kripë, piper dhe shtrohet në petë. Në tepsi të lyer me yndyrë shtrohet gjysma tjetër e petëve, duke i spërkatur secilën me yndyrë, mbi to shtohet mbushja e përgatitur dhe mbulohet me pjesën tjetër të petëve të spërkatura me yndyrë. Anët mbështillen nga brenda. Byreku spërkatet me yndyrë dhe piqet.

byrek me spinaq dhe me mish (i perzier ) eshte shume i mire

Qershija · #11 18-02-2006, 17:42

Pite me djath

Nevojiten : 5 ve, djath i grimcuar, kajmak ose ajke ,kripe, yndyre bimore edhe 1 kg pete per pite

Pergjatitja: I tund vete me te gjitha keto edhe fillon me i hap pete ne tepsi , nje pete e hedhe e bene me yndyre bimore dhe mandej e hedhe peten tjeter edhe e lyen me vyndyre bimore dhe keshtu e bene deri ne peten e fundit .

Qershija · #12 16-04-2006, 22:20

Byrek me presh e qumësht

Ky lloj byreku përgatitet njëlloj si me spinaq,por për mbushje merren presh. Ato pastrohen,lahen,grihen hollë dhe skuqen me yndurë mbuluarme kapak.
Që të zbuten pak shtohet qumësht,lihet të ziejë dhe 10 minuta të tjera e pasi, avullon lëngu i tepërt,hiqen nga zjarri,përzihet me vezë,piper të zi e kripë.

Përberja

Për 4-5 persona duhen:

Miell 3 gota uji (500Gr),
ujë 300 Gr( 6 filxhanë kafeje)
Kripë.

Për mbushje duhen:

Presh 1 kg,
vezë 1 kokerr
qumësht 1/2 filxhanë çaji
kripë,
piper të zi,
vaj gjysmë filxhanë çaji.

Qershija · #13 16-04-2006, 22:21

Shkopinj të njelmët

Nevojiten: ½ kg miell, 200gr gjalpë, 1 gotë qaji qumshtë, 2 të kuq të veve, 1 bakin

Më mirë e më lehtë është merrni brumin e gatshëm, i cili shitet i paketuar i ngrirë në shitoret tona dhe nuk kushton shtrenjtë. Shkopinjtë nga ky brumë dalin më të shkriftë.

Gjalpi shkrihet ngadalë e pastaj i qitet mielli, qumështi dhe bakini. Brumi i fituar shtrihet në petë, me trashëshi 1-2 cm (peta më e hollë qet më shumë shkopinj dhe ata janë më të shijshëm), lyhet me të kuq të vesë dhe sperkatët me kim. Pastaj, me thikë të nxehtë prehen shkopinjtë, të cilët radhiten në tepsi dhe piqen së pari në temperaturë të lartë e pastaj më të ngadalshme.